? RUN OF KILLERS ?
ජාවාරම ?️
එකොළොස්වන කොටස

” මෙන්න දැන් ලැබුණු පුවතක් මීට සුළු මොහොතකට පෙර B12 හයිලෙවල් මාර්ගයේදී සිදු වූ වෙඩි තැබීමකින් රෝයි ඩී සිල්වා නැමති මෙම ඡායාරූපයේ දැක්වෙන පුද්ගලයා එම ස්ථානයේම ජීවීතක්ෂයට පත්ව තිබෙනවා. යතුරුපැදියකින් පැමිණි නාඳුනන පිරිසක් විසින් මෙය සිදු කර තිබෙන අතර සිද්ධිය පිළිබඳව B10 පොලිස් මූලස්ථානය විසින් පරීක්ෂණ පවත්වනු ලැබේ”

රූපවාහිනියේ පල වූ විශේෂ පුවතක් හරහා ටීෂා ඒ මොහොතේම කෝසලගෙන් ඇසූ අතර ඔහුද රෝයි මියගිය ස්ථානයේ පරීක්ෂණ කටයුතු වල නියැලෙමින් සිටියේය.

” මට හොඳටම ෂුවර් සර් වික්‍රමව මැරුව එවුන් තමයි මේ වැඩෙත් කරේ”
උප පොලිස් පරීක්ෂක ධනංජය තමා අසල වූ පො.පරීක්ෂක කෝසලට පැවසුවේය පරීක්ෂණ කටයුතු අතරතුරදීය.
” ධනංජය මුන් දැනගත්තද අපි රෝයිව ඉස්සුවා කියලා”
ස්ථානාධිපතිවරයා පො.පරීක්ෂකවරයාගෙන් ඇසුවේය.
” අපි ප්ලෑන් කරලා කරපු විදිහට නම් , දැනගන්න විදිහක් නෑ. කොහොමත් සර් අපිට අද හෙටම අපේ ඊළඟ මිෂන් එක ඇක්ටිවේට් කරන්න වෙනවා.”
” කෝසල අපි කල්පනා කරලා වැඩ කරන්න ඕන , රෝයි කාරයා කියපු විදිහට උන් ලේසි පහසු එවුන් නෙවෙයි.”
…………………………………………

ඒ C2 ප්‍රදේශයට වූ එකම තේ කඩයයි. හුදෙකලා පරිසරයක පිහිටි බැවින් මාර්ගයේ ගමන් කරන රථ වාහනවලින් පැමිණෙන පුද්ගලයින් කිහිපදෙනෙකු ඇතැම් වෙලාවන්හි කඩය තුල සිටියේය.
උදෑසන දහයට පමණ කඩයට පැමිණි මැදි වියේ පුද්ගලයෙකු තේ කෝප්පයක් පානය කිරීමෙන් පසු මුදල් ගෙවීමට අයිතිකරු සිටි ස්ථානයට ගියේය.

” මුදලාලි මහත්තයා , නැත්ද මේ පැත්තෙ පොඩි රස්සාවක් එහෙම හොයාගන්න තැනක්”
ඔහු කඩ හිමිකරුගෙන් ඇසුවේය.
” මම මීට කලින් මේ උන්නැහේව දැකලා නෑ ”
” මම B2 වල මුදලාලි මහත්තයා , මම මේ මාසයක් තිස්සෙ රස්සාවක් හොයනවා”
” උන්නැහේ මෙච්චර දවසක් මොනවද කරේ?”
” මම කලින් කරේ ⁣සල්ලිකාර මහත්තයෙක්ගෙ පොල් වත්තක් බලාගත්තු එක , ගිය මාසෙ ඒ මහත්තයා ඉඩම් ටික විකුණලා දාලා රට ගියා , එදා ඉදලා හරි හමන් රස්සාවක් නෑ”
” කසාඳ බැදලද ඔහේ?”
” ඔව් මුදලාලි , ළමයි දෙ⁣න්නෙකුත් ඉන්නවා”
” තමුසෙට මොන වගේ වැඩද පුළුවන් ?”
” ඕන වැඩන් පුළුවන් මුදලාලි , පොඩි කාලේ ඉඳලා කැත්ත උදැල්ල එක්ක තමයි ජීවත් වුනෙ”
” හරි ඔහොම වාඩි වෙලා ඉන්නවකො පොඩ්ඩක් ”
අයිතිකරු පුද්ගලයාට එසේ පවසා දුරකථනය අතට ගත්තේය.
……………………………?

” ඔහේගේ නම මොකක්ද කිව්වෙ?”
“රත්නපාල ”
චන්ද්‍රෂේකර් තමා ඉදිරියේ සි⁣ටි පුද්ගලයාගෙන් ඇසූ ප්‍රශ්නයට පිළිතුරු දිය.
” තමුසෙට කරන්න මහ ලොකු දෙයක් නෑ උදේට හවසට ෆාම් එකේ ඉන්න සත්තුන්ට කෑම ටික දෙන්නයි උන්ව බලාගන්නයි ඔය පොඩි වැඩ ටිකක් තියෙන්නෙ , මාසෙට රුපියල් විසිපන්දාහක් දෙන්නම්”
” හරි සර් , මට මාසෙ අන්තිමට ගෙදර යන්න පුළුවන්ද?”
” ප්‍රශ්නයක් නෑ , මට දෙනවා තමුසෙගෙ අයඩෙන්ටි කාඩ් එක ”
චන්ද්‍රෂේකර් විසින් රත්නපාල නැමති පුද්ගලයාගේ හැදුනුම්පත පරීක්ෂා කල අතර රවී ඔහු රැගෙන එන ලද ඇඳුම් බෑගය පරීක්ෂා කල අතර එහි තිබී කුඩා ජංගම දුරකථනයක් හමු විය.
” මොකටද ෆෝන් එකක් ?”
” මහත්තයො මම හැමදාම රෑට ගෙදරට කෝල් එකක් ගන්නවා දරුවො එක්ක කතා කරන්න ”
රවී දුරකථනය ⁣තමා අසල සිටි තරුණයාට දුන්නේ පරීක්ෂා කිරීමටයි.
” මේකේ නම්බර් එකක්වත් සේව් කරලා නෑනෙ”
” මම ඉතිං ඕව දන්නෙ නෑ මහත්තයො , මේ කොල කෑල්ලක නම්බර් එක ලියාගෙන ඉන්නවා”
රත්නපාල බෑගයේ තිබූ කඩදාසියක් අතට ගත්තේය.
” හරි, උක්කුවා උඹ ගිහින් මේ මනුස්සයට අර ෆාම් එකේ මුර මඩුව පෙන්නපන්, මෙයත් එක්ක යනවා”

” රවී ටිකක් සෙවිල්ලෙන් හිටපන් , කොහේ ඉඳන් ආපු එකෙක්ද දන්නෙ නෑ”
රත්නපාල පිටත්ව ගියපසු චන්ද්‍රෂේකර් රවී අමතා කීවේය.
……………………………………………….?……………………………………………

? පොලීසිය චන්ද්‍රෂේකර්ව නවත්තන්න පුළුවන් වෙයිද?