? RUN OF KILLERS ?
ජාවාරම ?️
දහතුන්වන කොටස

⁣
දින කිහිපයක් ගත වූ බැවින් රත්නපාල ගොවිපලේ සිටි අනෙක් පිරිස සමඟ කුළුපග විය . ඒ අතර දිනක් රාත්‍රියේ රත්නපාල ගොවිපලට පිටුපසින් තිබූ කැළෑවට වැදී නැවත මතුවූයේ කුඩා නිවසක් අසලිනි . නිවස ඇතුලත විදුලිය දල්වා තිබුනද පිට පැවතියේ මළානික අඳුරකි. රත්නපාල අඩියෙන් අඩිය ගොස් වටපිටාව විපරම් කරමින් නිවස පිටුපස දෙසට සේන්දු විය. කාන්තාවක් විසින් එම නිවසට අයත් කුඩා කොටසේ යමක් කරමින් සිටින බව රත්නපාල දුටුවේය. ඔහු ඒ අසලටම ලං වෙමින් සිටියේය. කාන්තාව පිටුපස හැරෙත්ම රත්නපාල පැන ඇයගේ ගෙලට පිහියක් තබා දෑත් අල්ලා ගත්තේය.
” රත්නපාල තමුසෙ සෙල්ලම් කරනවද?”
” කටවහගෙන හිටපන් රාණි , කෑ ගැහුවොත් බෙල්ල බිම තියෙයි.”
රත්නපාල ඉන තිබූ ලණුව ගෙන රාණිගේ දෑත් ශක්තිමත් ලෙස ගැටගැසූ අතර අසල වූ රෙදි කඩකින් මුව ගැටගැසුවේ මහත් පරිශ්‍රමයක් දරමිනි.
පසුව නිවස තුලට ගෙන ගොස් එහි තිබූ කුඩා කාමරයේ මුල්ලකට දමා ඇගේ දෙපාද ගැටගැසුවේ සෙලවීමටවත් නොහැකි වන සේය.
හැකි ඉක්මනින් ඔහු එම කාමරයේ අත්පා ගැටගසා බලහත්කාරයෙන් තබාගෙන සිටි ගැහැණු ළමුන් තිදෙනා⁣ව නිදහස් කලේය.
” ඔය දරුවො බය වෙන්න එපා මම පොලිසියෙන්, අපි ඉක්මනට මෙතනින් පැන ගමු , එන්න ”
රත්නපාල ගැහැණු ළමුන් තිදෙනාව රැගෙන වෙනත් මාර්ගයකින් පලා යන්නට යන්නට විය
………………………………………?

ගොවිපලට යාර කිහිපයක් තිබියදී කෝසල තම නිළධාරීන් ස්ථානගත කරේය. ඒ අනුව ඔවුන් පස් දෙනා ගොවිපල වට කර තිබුනි. ඔවුන් රහසේ පැමිණියද රවීට යම් සැකයක් මතු වූයේ පැහැරගැනීම් වලට යොදා තිබූ තරුණයින් පස් දෙනාගේ ජංගම දුරකථන අක්‍රීය වූ නිසාය.
” ෂේකර් අයියෙ මුන් එකෙක්ගෙවත් ෆෝන් වැඩ කරන්නෙ නෑ ”
” උන් මේ වෙනකොටත් වැඩේට බැහැලා ඇති , උඹ මුදලාලිට කෝල් එකක් දාලා බලපන් ,උන් එතනින් ගියා නම් මුදලාලියා දකිනවා ”
චන්ද්‍රෂේකර්ගේ අණට රවී මුදලාලි හට දුරකථන ඇමතුමක් ගත්තද එයද ක්‍රියා විරහිත වී තිබුනි.
” මම කිව්වෙ අයියෙ මිනිහගෙ ෆෝන් එකත් වැඩ නෑ , මොකක් හරි අවුලක් තියෙනවා ”
” රවී උඹ ඉක්මනට පොට් එකට ගිහින් හිටපන් කවුරු හරි ඒ පැත්තට ආවොත් කෙල්ලො ටික හංගපන්, අනිත් එවුන්ට කියන්නෙ කවුරු ආවත් කිසිම සැකයක් හිතෙන්නෙ නැති විදිහට හිටපන් ”
………………………………?

එතෙක් ස්ථානගතව සි⁣ටි කෝසල ජංගම දුරකථනය අතට ගත්තේය පැමිණි කෙටි පණිවිඩය හේතුවෙනි.
” ඕ.කේ ගායිස් , ගෑනු ළමයි ටික සේෆ් . අපි ස්පොට් එකට යමු . චන්ද්‍රෂේකර් නොසිතූ ලෙස පොලිස් පරීක්ෂකවරයා ඇතුලු නිළධාරීන් ගොවිපලට ඇතුලු වුනේය. එහෙත් චන්ද්‍රෂේකර් තම ගෝලයින් සමඟ කාඩ් ක්‍රීඩාවේ නිරත වී සිටියේය.

ගැහැණු ළමුන් සඟවාගෙන සිටි නිවස වෙත ගමන් කල රවීව එම නිවස අසලදීම පොලිස් නිළධාරීන් තිදෙනෙකු විසින් අත්අඩංගුවට ගත්තේය.
” ඇයි සර් ?”
” ඇයි , ඇයි කියලා පොලිසියට ගිහින් බලාගමු , පී.සී ගිහින් අර ඇතුලෙ ඉන්න ගෑනිව අරගෙන එනවා”

පො.පරීක්ෂකවරයා ඇතුලු නිළධාරීන් නිවසට ඇතුලු වූ අතර එහි සිටි චන්ද්‍රෂේකර් ඇතුලු පස් දෙනෙකු අත්අඩංගුවට ගත්තේය.
” සර්ට වැරදිලා , අපි පාඩුවේ ජීවත් වෙන මිනිස්සු ඇයි අපිට මෙහෙම කරන්නෙ ?”
” උඹ කොහොම ජීවත් වෙන එකෙක්ද කියලා අපි දන්නවා, චෙක් කරන්න හැම තැනම ”
පොලිස් පරීක්ෂකවරයාගේ නියෝගයට අනුව විශේෂ කාර්ය බලකායේ නිළධාරීන් නිවස පරීක්ෂා කල අතර එහි තිබී ඔවුනට වටිනා පොතක් හමු විය.
” මේ තියෙන්නෙ, පාඩුවේ ජීවත් වෙච්ච මිනිස්සුන්ගෙ වැඩ, ඔක්කොම දා ගන්න ජීප් එකට ”
…………………………………………?

රාත්‍රී දහයට පමණ B10 පොලිස් මූලස්ථානය ඉදිරිපිට නැවතූ ජීප් රථයෙන් ගොවිපලේ සිටි අපරාධකරුවන් සියල්ල රැගෙන ආ අතර ඔවුන්ගේ අනෙක් කණ්ඩායම පැය කිහිපයකට පෙර අත්අඩංගුවට ගෙන තිබුනි.
” ධනංජය මේ පොතේ තියෙන්නෙ මුන් ගෑනු ළමයින්ව ඩීල් කරපු එවුන් ගැන විස්තර, අපේ ඒරියා එකේ හැම පොලිස් ස්ටේෂන් එකකටම ඉන්ෆෝම් කරන්න මේ හැමෝම ඇරස්ට් කරන්න කියලා, ඒ ළමයින්ව හෙටම දෙමව්පියො ගෙනල්ලා බාර දෙන්න ඕන”
” යස් සර්”
……………………………………..?………………………………………………………

? අපරාධයක් වසන් කල හැකිද?