? RUN OF KILLERS ?
ජාවාරම ?️
දහවන කොටස

රෝයි තවමත් අන්දමන්ද වී සිටියේ තමා ඉදිරියේ සිටින පුද්ගලයා කවුරුන්දැයි හඳුනාගැනීමට නොහැකි වූ නිසාය.
” කවුද තමුසෙ ? මාව මෙහෙම හිර කරගෙන ඉන්නෙ මොනවද තමුසෙට ඕන , උඹ දන්නෙ නෑ මම කවුද කියලා , මම උඹව ලේසියෙන් අත අරින්නෙ නෑ ”

” ඉවරද? මේ අහපන් නියපොත්තක සාක්ෂියක් නැතුව මට උඹව ඉවරයක් කරලා දාන්න පුළුවන් හරිද, ඊට කලින් මම කියන දේ හොඳට අහගනින් , මීට පස්සෙ ටීෂාට අතක් හරි තියලා තිබුනොත් එතනින් එහාට විනාඩියක්වත් මම උඹට ජීවත් වෙන්න ඉඩ තියන්නෙ නෑ”
” උඹ එහෙනම් ඒ ගෑනිව ඕන නිසාද මාව කිඩ්නැප් කරේ?තෝ කවුද යකෝ මගෙ ගෑනිට අත තියන්න එපා කියන්න .. ”
වදන් පෙල අවසානයේ රෝයිගේ කම්මුල හරහා වේගවත්ව පහරක් වැදුනු අතර ඔහු වේදනාවෙන් කෑ ගැසුවේය.
” බල්ලො , උඹේ ගෑනි නිසාද උඹ එදා තිරිසනෙක් වගේ ඒ කෙල්ලවයි , අර පොඩි දරුවවයි පාරට ඇදලා දැම්මෙ , මම නොහිටින්න එදා ඒ කෙල්ලගෙයි දරුවගෙයි ජීවත දෙකම විනාස වෙන්න තිබුනා, ආයේ පාරක් ටීෂායි දරුවයි උඹේ කියලා කිව්වොත් මම උඹේ දත් ටික ගලවනවා”

එවර රෝයි තරමක් බියට පත් වූයේ තමා ඉදිරියේ සිටින තරුණයාගේ මුහුණ කොටියෙකුගේ පෙනුමට සමාන වූ නිසාය.
” හරි , මම ආයෙත් ටීෂාගෙයි, දරුවගෙයි දිහාවත් බලන්නෙ නෑ , මම පොරොන්දු වෙන්නම්”
” හරි, මේ දැන් ඉඳලා මම අහන දේවල් වලට හරියට උත්තර දෙනවා , ඇත්ත කිව්වොත් තමුසෙට අදම මෙතනින් යන්න පුළුවන් ”
” මොනවද මගෙන් දැනගන්න තියෙන්නෙ, මම අපරාධකාරයෙක් නෙවෙයි”
” අයිසෙ සල්ලාලකම කියන්නෙත් එක්තරා අපරාධක් තමයි”
” මට තේරෙන්නේ නෑ මට කියනවා තමුසෙ කවුද කියලා” රෝයි කෑ ගැසුවේය.
තරුණයා තම සාක්කුවේ තිබූ යමක් ගෙන රෝයිගේ දෑස් වලට ලං කලේය.
” අයි.පී කෝසල රණවීර , ස්පෙශල් ක්‍රයිම් යුනිට් ”
ඒ මොහොතේ පටන් රෝයි ගොඩ දැමූ මාළුවෙකු මෙන් ගැහෙන්නට විය.
” ඇ ඇයි සර් මොකක්ද මං කරපු වැරැද්ද , මං සර්ට පොරොන්දු වෙනවා මගෙ අම්මපල්ලා ආයෙත් ටීෂා යන පාරකවත් යන්නෙ නෑ ”
” යන්න හිතන්නත් එපා, තමුසෙ කරපු වැරැද්ද නේද? කවුද මේ ෆොටෝ එකේ ඉන්න කෙල්ල ?”
කෝසල දුරකථනයේ තිබූ ඡායාරූපයක් ඔහුට පෙන්වූයේය.
” සර් මං ඇත්ත කියන්නම් , මේ සුරංගි මට ඕන වුනෙ ටීෂාව ඩිවෝස් කරලා සුරංගිත් එක්ක ජීවත් වෙන්න ඒත් ටීෂා කියන්නෙ මැණිකක් කියලා මට පස්සෙ තේරුනේ,”
” මං කලින්ම කිව්වනෙ තමුන්ට ආයෙත් ටීෂා ගැන කතා කරන්න තහනම්, මං අහන්නෙ කවුද මේ ෆොටෝ එකේ ඉන්න කෙල්ල ? තමුසෙ කොහොමද මෙයාව දන්නෙ ?”
” සර් මෙයා මගේ යාළුවෙක් , ගොඩක් කල් ඉඳන් අදුරනවා”
” එහෙමද එහෙනම් මෙයාව දන්නවද ?”
” සර් මම මෙයාව දන්නෙ නෑ සර් ? ”
” මට ඇත්ත කියනවා , නැත්නම් තමුසෙට කවදා වෙනකන් මේක ඇතුලෙ ඉන්න වෙයිද දන්නෙ නෑ ”
” මම ඇත්ත කියන්නෙ , මම මේ මනුස්සයව අදමයි දැක්කෙ?”
” එහෙමද , සුරංගි තමුසෙගෙ යාළුවෙක් නම් , තමුසෙත් එක්ක පවුල් කන්නත් ආවනම් , සුරංගි තමුසෙට මේ මිනිහා ගැන කියලා ඇතිනෙ? හරි තමුසෙ ඒක දන්නෑ කියලා කියමු, තමුසෙ සුරංගි එක්ක රණ්ඩු වුන අන්තිම දවසෙ අපිට කම්ප්ලේන් එකක් ඇවිත් අපි තමුසෙගෙ ගෙදර ආවා, ඒ එනකොට තමුසෙගෙ ගේ ඉස්සරහ වෑන් එකක් නතර කරලත් තිබුනා ,එදා ඒ හිටපු මිනිස්සු කවුද ?”
” සර් ඒ සු ..සුරංගිගෙ අයියයි එයාගෙ යාළුවො දෙන්නෙකුයි. මම බැන්නම එයාගෙ අයියා ඇවිල්ලා එයාව අරගෙන ගියා ”
” හරි, එහෙනම් අපිට සුරංගිගෙ ඇඩ්‍රස් එකක් එහෙම නැත්නම් ෆෝන් නම්බර් එක දෙනවා”
” සර් ම.. මම ඇත්තටම එයාගෙ ගෙවල් තියෙන තැන හරියටම දන්නෙ නෑ , අනිත් එක එයා ෆෝන් යූස් කරේ නෑ”
කෝසල විනාඩි කිහිපයක් බිම බලාගෙන සිටි අතර එකවරම රෝයිගේ ගෙලෙන් අල්ලා රිවෝල්වරය ගෙන හිසට තැබුවේය.
” මම මෙච්චර වෙලා ගොඩක් හොඳින් උඹට කතා කරේ, තේරුනාද ? ඇත්ත කියන්න බෑ කියන්නෙ උඹ මෙතනට වෙලා ඉන්න ආසයි කියන එකනෙ. හරි , උඹට වතුර උගුරක්වත් නැතුව මැරෙන්න වෙයි”

” හරි , මම ඇත්ත කියන්නම්, උන්ගෙ රස්සාව ඈත පළාත් වල ඉන්න කෙල්ලොන් කිඩ්නැප් කරලා මෙහේ ඉන්න සල්ලිකාරයොන්ට විකුණන එක, මටත් ඒ ගැන ආරන්චි වුනෙ මගෙ කම්පනි එකට ආපු කස්ටමර් කෙනෙක් හරහා , උන්ට ලොකු කණ්ඩායමක් ඉන්නවා,
එතන හිටිය කෙල්ලෙක් තමයි සුරංගි කියන්නෙ, ”

” ඔය මිනිහගෙ නම මොකක්ද ? ”
” චන්ද්‍රෂේකර් ”
” තමුසෙට සිද්ධ වෙනවා අපිට මිනිහගෙ ස්පොට් එක පෙන්නන්න , එහෙම කරොත් මම තමුසෙව මේ කේස් එකෙන් නිදහස් කරනවා”
” ඒක C2 වල තියෙන ෆාම් එකක්, පාළු තැනක තියෙන්නෙ ,තව පැත්තකින් අත ඇරලා දාපු ගමක්, ඇතුල් වෙන්න ඕන තේ කඩයක් ළඟින් , එහෙම කිසිම කෙනෙක්ට ඇතුල් වෙන්න බෑ ඒ කඩේ අයිතිකාරයගෙ අවසරේ නැතුව , ඒ මනුස්සයත් මේකට සම්බන්ධයි. ඒ ගමේ ඉන්නෙ මේ ජාවාරමට සම්බන්ධ මිනිස්සු විතරයි”

” තමුසෙට මම යන්න දෙනවා. හැබැයි අපිට හරිම ලොකේෂන් එක දෙන්න ඕන, ⁣ බොරු කරලා මෙතනින් පැනලා ගියා කියලා පසුතැවෙන්න වෙන්නෙ තමුසෙටම තමයි”
” අනේ නෑ සර්, මාව විශ්වාස කරන්න , මම හරියටම තියෙන තැන කියන්නම්”
………………………………………?

කෝසලගෙන් නිදහස් වූ රෝයි එතෙක් හටගෙන තිබූ ආතතියත් සමඟ නිවසට එමින් සිටියේය. දහවල තරමක් මාර්ග තදබදයද තිබුනි. ධාවනය වෙමින් තිබූ වාහන සියල්ල මාර්ග නීති වලට යටත් වෙමින් වේගය අඩාල කලේය. ඒ අතර රෝයිද සිටියේය.
නමුත් ඔහු නොදැන සිටි එකම කරුණ නම් ඒ මොහොතේ මාරයා ඔහු සොයා පැමිණෙන බවයි. මාර්ග තදබදය අතරේ වාහන අතරින් යතුරුපැදියක පැමිණි පුද්ගලයන් දෙදෙනෙකු විසින් රෝයිගේ මෝටර් රථයේ පැති කණ්නාඩි පුපුරා යන තෙක් එල්ල කල වෙඩි පහරවල් හමුවේ ඔහුට මෝටර් රථය තුලම අවසන් හුස්ම හෙලීමට සිදු විය………

ඔහු මිය ගිය බව ප්‍රත්‍යක්ෂ කර ගත් යතුරුපැදිය දෙදෙනා සුළඟේ වේගයට පලා ගිය අතර කැළෑ බඳ පෙදෙසෙක යතුරුපැදිය නතර කලේය.

” රවී අයියා, මෑන් ඉවරයි”

………………………………………………?……………………………………………….

? ෂේකර්ගේ අවසානය මොන වගේ වෙයිද?