? RUN OF KILLERS ?
ජාවාරම ?️
දාහතරවන කොටස

එදින මධ්‍යම රාත්‍රීයේම ⁣ ස්ථානාධිපතිවරයා සහ පො.පරීක්ෂකවරයා විසින් චන්ද්‍රෂේකර් නැමති පුද්ගලයාව ප්‍රශ්න කිරීමක⁣ට ලක් කලේය.

” දැන් කට වහගෙන හිටියා කියලා වැඩක් වෙන්නෙ නෑ ෂේකර් , අහන දේට ඇත්ත කියපන් මොකද උඹ තමයි මෙතන මහ මොළකාරයා.”
” සර් , මේ වගේ දෙයක් කරන්න මට කවදාවත් කිසිම අදහසක් තිබුනෙ නෑ , මම මුලින්ම කරේ ගොවිපලක් පටන් අරගෙන ඒ ලැබෙන ආදායමෙන් ජීවත් වෙන එක පස්සෙ රවී තමයි මෙහෙම අදහසක් ගෙනාවෙ”

චන්ද්‍රෂේකර් ස්ථානාධිපතිවරයා ඇසූ ප්‍රශ්නයට පිළිතුරු දිය.
” පී.සී අරන් එනවා රවී කියන එකාව”
පොලිස් පරීක්ෂකවරයාගේ නියෝගයට කොස්තාපල්වරයෙකු රවී නැමති පුද්ගලයාව රැගෙන ආවේය.
” කියපන් , ඇයි මේ වගේ දෙයක් කරන්න හිතුනෙ?”
පො.පරීක්ෂක කෝසල රිවෝල්වරය පිරිමදිමින් අසන අයුරු රවී වෙව්ලමින් බලා සිටියේය.
” මං කියපු දේ ඇහුනද ?”
” ඔව් සර්”
” එහෙනම් කටවහගෙන ඉන්නෙ ?”
” ස…සර් ෆාම් එකෙන් ලැබෙන ආදායම මදි නිසා තමයි මේ වගේ දෙයක් කරන්න හිතුනෙ ”
” ආදායම මදි ඒ නිසා අහිංසක ළමයින්ව බිල්ලට දුන්නා, තොපිව මරලත් මදි ඇත්තටම , කොහොමද ප්ලෑන් කරේ?”
පො.පරීක්ෂකවරයා දිගින් දිගටම ප්‍රශ්න කලේය .
” සර් මම නෙවෙයි සර් ප්ලෑන් කරේ රංග ”
” ඈ ඕයි බලාගෙන යනකොට මේක කරපු එකෙක් නෑනෙ , අර මිනිහා කියනවා තමුසෙ කරාලු තමුසෙ කියනවා තව එකෙක්ගෙ අදහස්ලු, මට ඇත්ත කියපන් නැත්නම් මම දන්නවා ඇත්ත එළියට ගන්න හැටි”
” ඇත්ත සර් මම නෙවෙයි රංග තමයි”
” කවුද රංග කියන්නෙ?”
පොලිස් පරීක්ෂකවරයා රවී නැමැති පුද්ගලයාගෙන් ප්‍රශ්න කරද්දි රංග නැමති තරුණයා බියෙන් වෙව්ලමින් සිටි අතර කොස්තාපල්වරයෙකු ඔහුව රැගෙන ආවේය.
” සර් , මට පොඩ්ඩක් මේ දෙන්නා එක්ක කතා කරන්න ඕන ”
” ඕකේ කෝසල , මම අනිත් අයව එළියට ගන්නම්”
” තැනක් යූ සර් ”
ස්ථානාධිපතිවරයා සෙසු පිරිස කාමරයෙන් ඉවත් කලේ එක් නිළධාරියෙකු පමණක් ඉතුරු කරමිනි.
” උඹලා දෙන්නා දැන් නැළවෙන්න හදන්නෙ නැතුව මම අහන දේට උත්තර දෙන්න ඕන. කොහොමද මෙහෙම දෙයක් ප්ලෑන් කරේ? ”

” සර් අපිට මාසෙට ලොකු ගානක් හම්බුනෙ නෑ , මම දවසක් ෆේස්බුක් එකේ ඉන්නකොට ලස්සන කෙල්ලො තුන් හතර දෙනෙක්ගෙ ෆොටෝස් දැක්කා. එයාලගෙ ප්‍රොෆයිල් වලට ගිහින් බැලුවා. මම හොඳට දැකපු දෙයක් තමයි කෙල්ලොන්ගෙ ෆොටෝස් වලට පිරිමි එක එක විදිහෙ කමෙන්ට් දානවා.මට ඒ වෙලාවෙ තමයි මේ අදහම හිතට ආවේ, මම ඒ කෙල්ලොන්ගෙ ප්‍රොෆයිල් හොඳට චෙක් කරා ,⁣⁣ සාමාන්‍යයෙන් ගෑනු ළමයි යන එන තැන් සෙල්ෆි ගහලා දාන පුරුද්දක් තියෙනවා. මම අනිත් කට්ටියට මේක කිව්වා එයාලත් වැඩේට කැමති වුනා , ෆේස්බුක් එකේ දාලා තියෙන ඇඩ්‍රස් එක හොයාගෙන ඒ අයට නොදැනෙන්න එයාලව ෆලෝ කරා , පස්සෙ කාටවත් සැක හිතෙන්නෙ නැති විදිහට කොහේ හරි යන අතරමගදි කිඩ්නැප් කරා, ඊට පස්සෙ එයාලගෙම ෆෝන් එකෙන් ෆේස්බුක් එකේ එයාලට කමෙන්ට් කරපු සල්ලිකාරයොන්ට මැසෙජ් කරා , කාලයක් යද්දි මිනිස්සු අපිව හොයාගෙන එන්න ගත්තා. අපි මුදලාලිව වැඩේට සම්බන්ධ කර ගත්තා. අපි කඩේ එඩ්‍රස් එක යැවුවේ කාටවත් සැක හිතෙන්නෙ නැති විදිහට, ඒ එන සමහරු කසාඳ බැදලා ලමයි ඉන්න මිනිස්සු . මාසෙට හතර පස් දෙනා එනවා , ඒ මිනිස්සුන්ට කැමති කාලයක් ගෑනු ළමයින්ව හිර කරගෙන තමන්ගෙ ප්‍රයෝජන ටික ගන්නවා , අපි කිඩ්නැප් කලේ දුර පළාත් වල අය නිසා පැනලා යන්න අමාරුයි. අපි දිගටම මේ විදිහට වැඩේ කරගෙන ආවා ”

” මේ ෆොටෝ එකේ ඉන්න කෙල්ල කවුද ? ”
” සුරංගි ”
” තමුසෙලා උස්සපු කෙල්ලෙක්ද?”
” ඔව් සර්”
” කවුද වික්‍රම කියන්නෙ ”
පො.පරීක්ෂකවරයා ඇසූ දෙයින් දෙදෙනාම අන්ද මන්ද විය
” ස..ර් එහෙම කෙනෙක් අපි දන්නෙ නෑ සර්”
කෝසල පිටුපස සිටි කොස්තාපල්වරයාට යමක් ඉඟියෙන් පැවසූ අතර ඔහු පැමිණ රංග නැමති තරුණයාට බෙල්ට් පටියකින් පහර පිට පහර දෙන්නට විය ඒ දෙස බලා සිටි රවී ⁣ඉබේම මුව විවර කලේය.
” සර් කියන්නම් සර්”
” කියපන් ”
” සර් වික්‍රම කියන මිනිහා දවසක් ⁣අපි ළඟට කෙල්ලෙක්ව හොයාගෙන ආවා , මිනිහා ආවෙත් ෆේස්බුක් එකේ මැසේජ් කරලා , මිනිහට වැඩිය සල්ලි තිබුනෙ නෑ ඒත් ගයනි කියන කෙල්ලට මිනිහා ගොඩක් ලව් එකෙන් හිටියෙ. අපි මිනිහට කෙල්ලව ලක්ෂ දහයකට දුන්නා හැබැයි පොරොන්දුවක් පිට අපිට තව කෙල්ලෙක් හොයලා ඕන කියන.නැත්නම් අපි ඌව හොයාගෙන එනවා කිව්වා, ඊට සති දෙකකට පස්සෙ වික්‍රම අපිට කිව්වා ගෑනු ළමයෙක් ඉන්නවා කියලා. මිනිහම දවසක් කෙල්ලට බොරු කියලා කෙල්ල එක්කගෙන ඇවිල්ලා තිබුනා. ඒ තමයි සුරංගි අපි සුරංගිව උස්සලා වික්‍රමව මරලා දැම්මා , අපිට සැක හිතුනා මිනිහා කාටම හරි අපි ගැන කියයි කියලා, අපි දැනගත්තා ගයනි ඉන්න තැන.ඊට පස්සෙ දවසෙ රෑ අපි බාලි අපාර්ට්මන්ට් එකේ දන්න කියන කෙනෙක්ගෙ ගෙදරක නැවතිලා ඉඳලා ගයනිව උස්සන්න හැදුවෙ , අපි කලින් දවසෙ ගියේ සැක හිතෙන්නෙ නැති විදිහට . පහු වෙනිදා කෙල්ලව උස්සන්න යද්දි කෙල්ල අපිව දැකලා උඩම තට්ටුවට දිව්වා , අපි ළඟට යනකොටම කෙල්ල අපාර්ට්මන්ට් කෙල්ල එකෙන් බිමට පැන්නා. පස්සෙ අපි ඉක්මනට එතනින් පැනගත්තා”

” ඇයි රෝයිව මැරුවෙ? ”

” අපි සුරංගිව ඩීල් කරේ රෝයිට ඒත් මිනිහා සති දෙකකට පස්සෙ අපිට කිව්වා සුරංගි අරගෙන යන්න කියලා ඒ විතරක් නෙවෙයි අපිට දීපු සල්ලි වලින් බාගෙකුත් ඉල්ලගත්තා. අපි මිනිහා එක්ක කෙන්තියෙන් හිටියෙ , වෙලාව එනකන් ඉඳලා අපි මෑන්ට වෙඩි තියලා ඉවරයක් කරා”

………………………………..?

පසුදා උදෑසන වන විට නීති විරෝධී ලෙස ගැහැණු ළමුන් ළඟ තබා ගත් සියල්ල අත්අඩංගුවට ගත් අතර
අපරාධකරුවන් උසාවියට ඉදිරිපත් කලේය. සාක්ෂි සහිත අපරාධ රැසක් ඔවුන් විසින් සිදු කර තිබූ බැවින් මහෙස්ත්‍රාත් නියෝගය අනුව චන්ද්‍රෂේකර් ඇතුලු සියල්ලට වසර දහයක සිර දඬුවම් නියම විය. එදින සවස ඔවුන් සියල්ල බන්ධනාගාරය කරා රැගෙන යමින් සිටියේය.

………………………………?

” මෙන්න දැන් ලැබුණු විශේෂ පුවතක් , අද සවස හතරට පමණ බන්ධනාගාර චූදිතයින් පිරිසක් රැගත් බස්රථයකට කිසිම සංවිධානාත්මක කල්ලියක් මඟින් පහර දී තිබෙනවා , B20 මාර්ගයේ කැළෑබඳ ප්‍රදේශයක් අසලදී සිදුකල මෙම වෙඩි ප්‍රාහර වලින් බස් රථය තුල සිටි චූදිතයන් දොලොස් දෙනෙකු එම ස්ථානයේම ජීවීතක්ෂයට පත්ව ඇති අතර පොලිස් නිළධාරීන් කිහිප දෙනෙකුටම සුළු තුවාල සිදු වී තිබෙනවා. මෙම ප්‍රාහරයට සම්බන්ධ පිරිස සොයා පොලිස් කණ්ඩායම් කිහිපයක් යොදා තිබෙනවා”

” කෝසලට ඇයි මේ විදිහෙ එන්කවුන්ටර් එකක් කරේ?”
කාර්යාලය තුල සිටි ස්ථානාධිපතිවරයා පො.පරීක්ෂකවරයා දෙස බලා ඇසුවේය. එය රහසිගතව සිදු කරන සාකච්ඡාවක් බැවින් ඔවුන් දෙදෙනා හැර එම ස්ථානයේ සිටියේ උප පොලිස් පරීක්ෂකවරයා පමණි.
” සර්, මුන් ටික අද ඇතුලට යයි . අවුරුදු දහයක් ඇතුලෙ ඉඳලා ආයෙ එළියට එයි ඒ එන්නෙ නිකන් නෙවෙයි තවත් මේ වගේ ටීම් එකක් හොයාගෙන, සර් හිතනවද චන්ද්‍රෂේකර්ලා වගේ එවුන් එළියට ඇවිල්ලා යහපත් ජීවීතයක් ගත කරයි කියලා, කවදාවත් නෑ සර්, උන් ඇතුලෙදි තව කට්ටිය හොයාගෙන එළියට ඇවිත් වැඩේ තවත් ලස්සනට කරගෙන යනවා, අපරාධකාරයෙක් කියන්නෙත් මනුස්සයෙක් තමයි. මනුස්සයෙක් කරන වැඩද මුන් ටික කරේ, සර්ම හිතන්න මේ කාළකණ්නි නිසා අහිංසක ගෑනු ළමයි කී දෙනෙක්ගෙ ජීවිත විනාස වුනාද , ඒ ළමයින්ගෙ දෙමව්පියො කොච්චර දුක් වෙනවා ඇතිද? , ඇත්තටම සර් අපේ රටේ නීතියක් කියලා එකක් නෑ , මේක බුදුන් වැඩිය රටක් කියලා කියන්නවත් පුළුවන්ද සර්, හැබැයි අපේ එවුන් පොඩි දේටත් අරාබි නීතියට බයිනවා , නෑ සර් ඒක තමයි හරි , මේ වගේ වැරදි වලට දෙන්න ඕන හොඳම දඩුවම මරණය තමයි, ඒකයි ඒ රටවල මිනිස්සු වැරදි කරන්න බය. මේ වගේ එවුන් මැරුණට රටට පාඩුවක් නෑ සර්, මේ වගේ එවුන් ජීවත් වෙනවා කියන්නෙ ඉස්සරහට උපදින පොඩි දරුවටත් බාධාවක් කියන එක”

” ඔයා හරි කෝසල , මේ වගේ මිනිස්සු නිසා අපේ දරුවොන්ටත් පාරේ බැහැලා යන්න බැරි වෙනවා. එහෙනම් දෙන්නටම පොඩි නිවාඩුවක් ගන්න පුළුවන්.”
” තැන්ක් යූ සර් , මම අද ගෙදර යනවා ”
පොලිස් පරීක්ෂකවරයා ස්ථානාධිපතිවරයාට අචාර කල අතර තම ⁣සහෝදර නිළධාරී උප පොලිස් පරීක්ෂකවරයාටද සමු දී පිටත් විය.

……………………?

” අන්න අප්පච්චි එනවා”
මෝටර් රථය මිදුලට පැමිණෙත්ම ගෙතුල සිටි කුඩා දියණිය දිව ආ අතර ඇය පසුපසින් ටීෂා පැමිණියේය.
මිදුල අතුගාමින් සිටි කාන්තිද එය පසෙක තබා කෝසල අසලට පැමිණි අතර ඔහු කුඩා දියණියව වඩා ගත්තේය.
” දරුවා මග බලාගෙන හිටියෙ පුතා එනකන්, මම ගිහින් ඉක්මනට කන්න ලෑස්ති කරන්නම්”
කාන්ති ඔවුනට ඉඩ දී නිවසතුලට ගියේය.
“මම දන්නවා වෙච්ච දේවල් වලට ඔයාට දුක ඇති”
කෝසල ටීෂාට ලං වෙමින් ඇසුවේය.
” නෑ අයියෙ, වෙන්න තියෙන දේවල් අපිට නවත්තන්න බෑ එයා ඕනකමින් ජීවිතේ නැති කර ගත්තෙ. මම ඒ දේවල් අමතක කරලා ගොඩක් කල්. අපිටම කියලා ජීවීතයක් අලුතින් පටන් ගමු”

……………………………………?………………………………………………..

? කොටස් 14 ඇති කියලා හිතුනා, කතාව අන්තිමට මට වැදගත් දෙයක් කියන්න තියෙනවා සමාජ ජාල නැත්නම් සෝෂල් මීඩියා හරහා ශ්‍රී ලංකාව තුල 2019 දෙසැම්බර් 2020 ජුලි කියන කාලය අතර විවිධ අපරාධ 8000 ඉක්මවා ගිහින් තියෙනවා, මම කියන දෙයක් නෙවෙයි සයිබ අපරාධ වාර්තාවල සටහන් වෙන දෙයක්. දැනුවත්ව හෝ නොදැනුවත්වම ඕන කෙනෙක් ඒ දේවල් වලට ග්‍රහණය වෙන්න පුළුවන් . විශේෂයෙන්ම ෆේස්බුක් එ⁣ක පාවිච්චි කරද්දි දෙපාරක් හිතන්න , එපා කියනවා නෙවෙයි. විවිධාකාර මිනිස්සු මේ ෆේස්බුක් එක ඇතුලෙ ඉන්නවා, REQUEST එකක් වුනත් CONFIRM කරද්දි හොයලා බලන්න ,
* ආදරේටවත් සල්ලි වලටවත් ⁣රැවටෙන්න එපා ,හොයලා බැලුවොත් 2000න් පහල අපේ සහෝදරියො ටික තමයි ගොඩක් වෙලාවට මේ දේවල් වලින් අමාරුවෙ වැටෙන්නෙ. මොකද එයාලා හැඟීම් වලට දෙන ඉඩ ප්‍රමාණය වැඩී.දැන් ඇප් එකේ ඉන්න නංගිලා ටික මාත් එක්ක තරහා වෙන්න එපා , ඔයාලා හැමෝටම තියෙන ආදරේට කියන්නෙ

? හොඳට මතක තියාගන්න ජීවත් වෙනවා කියන්නෙ සතුටින් ඉන්න එකම නෙවෙයි. හිතේ සැනසීමෙන් ඉන්න එක…
?️ ARJUN