? RUN OF KILLERS ?
ජාවාරම ?️
දෙවන කොටස

පසුදින B10 පොලිස් මූලස්ථානයේ සැරයන්වරයා විසින් පෙරදින සියදිවි හානිකරගත් කාන්තාව පිළිබඳව සො⁣යාගන්නා ලද තොරතුරක් මත තවත් නිළධාරීන් දෙදෙනෙකු විසින් විජය නගර් හි පිහිටි බාලි මහල් නිවාස සංකීර්ණය වෙත ගියේය. එහිදී ඇය මෙහෙකාර සේවය කල නිවස වෙත යන පොලිස් නිළධාරීන් එහි සිටි කාන්තාවගෙන් ප්‍රශ්න කලේය.

” ⁣අපිට මේ ගෑනු කෙනා ගැන විස්තර ටිකක් ඕන , කරුණාකරලා අපිට ඔයා දන්න හැම විස්තරයක්ම කියන්න . මොකද අපිට මේ සුයිසයිඩ් එක ගැන ඉන්වෙස්ටිගේෂන් කරන්න ඒක ගොඩක් වැදගත් ”

සැරයන් ජයමාන්න තමා ඉදිරියේ සිටි සියදිවි නසාගත් කාන්තාව මෙහෙකාර සේවයේ යෙදුනු නිවෙස් හිමිකාරියට පවසා සිටියේය.

” සර්, මේ ළමයගෙ නම ගයනි. දැන් මාස දෙකකට කලින් මෙයයි මෙයාගෙ මහත්තයයි අපි පත්තරේ දාපු දැන්වීමක් දැකලා තමයි ආවේ. මේ ළමයට වයස විසි හතරක් වගේ , අපිත් මේ ළමයට ගොඩක් හොඳින් සැලකුවා හරිම හොඳයි ඒ වගේම අවංකයි. අපේ දරුවටත් හරි ආදරෙයි. හස්බන්ඩ් ⁣ සමහර දවස්වලට ගෙදර නැති නිසා මේ ළමයයි මමයි තමයි ගෙදර ඉන්නෙ, ඇත්තම කිව්වොත් සර් මගේ සහෝදරයෙක් නැති වුනා වගේ”
” මෙයාගෙ මහත්තයා මෙයාව බලන්න මෙහෙ එනවද?”
” ඔව් සර් ”
” අන්තිමට ආවේ කවදද?”
” සර් මට මතක විදිහට ගිය සතියෙ”
” මේ ළමයා හිටිය කාමරේ අපිට චෙක් කරන්න වෙනවා”
සැරයන්වරයා සහ අනෙක් නිළධාරීන් දෙදෙනා ඇය නවාතැන්ගෙන සිටි කාමරය පරීක්ෂා කල අතර එහිදී ඇයගේ ඇඳුම් බෑගයෙ තිබී ඡායාරූපයක් හමු විය.
” මේ ෆොටෝ එකේ ඉන්නෙ මෙයාගෙ මහත්තයද?”
” ඔව් සර්, මේ එයා තමයි”
………………………………….?

ස්ථානාධිපතිවරයා සහ උප පොලිස් පරීක්ෂක ධනංජය විසින් සැරයන් ජයමාන්න සොයාගන්නා ලද තොරතුර පිළිබඳව තව දුරටත් විමසීම් කරන්නට විය.
” ධනංජය , අපිට ඉක්මනට හොයාගන්න වෙනවා මෙයාගෙ මහත්තයා ගැන , සමහරවිට මේ සුයිසයිඩ් එක පිටිපසේසෙ එක හේතුවක් විදිහට මේ මනුස්සයා ඉන්න පුළුවන් ”
” සර් මේ මනුස්සයව දැකලා තියෙනවා කියලා හිතන අපි දන්න දෙන්නයි ඉන්නෙ, එක්කෙනෙක් මෙයාගෙ නෝනා වැඩකරපු ගෙදර අයිතිකාරයෝ, ඒත් සාජන්ට් ජයමාන්න කියපු විදිහට ඒ මිනිස්සු මේ මිනිහා ගැන වැඩි විස්තරයක් දන්නෙ නෑ, එහෙම නම් තව එක්කෙනයි. ”
” ඒ කවද?”
ස්ථානාධිපතිවරයා තරමක් විමතියෙන් ඇසුවේය
” අපාර්ට්මන්ට් එකේ මුරකාරයා”
” තමුසෙ හරි ධනංජය , දැන්ම ගිහින් මිනිහව හම්බවෙනවා”
…………………………………….?

” දන්නවද මේ ෆොටෝ එකේ ඉන්නෙ කවුද කියලා?”
උප පොලිස් පරීක්ෂක ධනංජය මුරකරු හමුවී ඔහුගෙන් ප්‍රශ්න කලේය.
” සර් මේ වික්‍රම , මෙයා තමයි ඊයේ බිල්ඩින් එකෙන් පැනලා මැරුණ කෙල්ලගෙ මහත්තයා , මෙයා දැන් සතියකට කලින් වගේ ආවා , ඒත් මේ ළඟකදි නම් ආවේ නෑ”
මුරකරු පවසා සිටියේය.
” මෙයාගේ විස්තර මොනවද දන්නෙ?”
“මේ මනුස්සයා මාත් එක්ක දවස් ⁣දෙක තුනක් කතා කරලා තියෙනවා, මෙයාගෙ ගෙවල් B 12 වල තියෙන්නෙ , විජය නගර් ෆයිසාඩ් කම්පනි එකේ ත්‍රී වීල් හයර් කරන එක තමයි කරන්නෙ . ”
” හොඳටම ෂුවර්ද ?”
” මට මිනිහා කියලා තියෙන්නෙ නම් එහෙම තමයි සර්”
මුරකරුගේ පාපොච්චාරණයට අනු උප පොලිස් පරීක්ෂක ධනංජය සහ කොස්තාපල් විජිත වහාම විජය නගර් ෆයිසාඩ් කුලී ත්‍රීරෝද රථ ප්‍රවාහන ආයතනය වෙත ගියේය. පළමුව ඔවුන් එහි සේවය කරන ත්‍රී රෝද රථ රියදුරෙකු හමුවිය.
” අයියෙ වික්‍රම ඉන්නවද?”
උප පොලිස් පරීක්ෂකවරයා සහ කොස්තාපල්වරයා සිවිල් ඇඳුමින් සැරසී සිටි බැවින් කිසිවෙකුට සැක නොසිතන සේ හැසිරුනේය.
” මේ මල්ලිලා කවුද?”
” බලන්නකො අයියෙ මේ මනුස්සයා මගෙන් රුපියල් තිස් දාහක් ගත්තා තාම දුන්නෙ නෑනේ”
” ආ හරි එහෙනම් ඒක තමයි එදා ඕකා කාලක් අරන් ආවේ”
ත්‍රී රෝද රථ රියදුරු පැවසුවේය.
” මල්ලිට කියන්න මල්ලි ඕකා දැන් සතියක ඉඳන් මෙහේ නෑ අන්තිමට හම්බුනෙ ගිය සතියෙ , එදා මල්ලි වික්‍රමයා ⁣ජොලියෙ හිටියෙ හේතුව නම් කිව්වෙ නෑ , කවදාවත් නැතුව මූ එදා කාලකුත් අරන් ආවා”
” බලන්නකො අයියෙ . දැන් මාස තුනක් විතර වෙනවා, අනේ අයියෙ දන්නවනම් මට මිනිහගෙ ගේ තියෙන්නෙ කොහෙද කියනවද?”
” මල්ලි මෑන් ඉන්නෙ B12 වල හතරවෙනි පටුමගේ පස්වෙනි ගෙදර , හතරවෙනි පටුමගට ගිහින් ත්‍රී වීල් වික්‍රම කියලා අහන්නකො , හැමෝම දන්නවා”
“අනේ, බොහොම ස්තූතිය අයියෙ”
උප පොලිස් පරීක්ෂකවරයා ඔහුට ස්තූති කොට ත්‍රී රෝද රථ ආයතනයේ හිමිකරු හමුවට ගියේය.
” අපි B12 පොලිස් ස්ටේෂන් වලින්, මේ ෆොටෝ එකේ ඉන්න කෙනා දන්නවද?”
” ආ ඔව් සර්, මේ වික්‍රම , ඇයි සර්”
” මෙයා කොච්චර කාලයක් මේ රස්සාව කරනවද?”
” සර් අවුරුදු එකහමාරක් වගේ, හරිම හොඳ මනුස්සයා . හැබැයි සර් දැන් සතියකට කලින් මිනිහා කෙල්ලෙක් එක්ක ඇවිල්ලා මගෙන රුපියල් දහ දාහකුත් ඉල්ලගෙන ගියා. ඒ ගියා ගියාමයි තාම ආවේ නෑ”
” අපිට CCTV චෙක් කරන්න ඕන”
උප පොලිස් පරීක්ෂකවරයා ⁣බිත්තියේ කෙලවර සවි කර තිබූ ආරක්ෂක කැමරාව පෙන්වා පැවසුවේය.
ආයතන හිමිකරුද සතියකට ඉහතදී වික්‍රම නැමති පුද්ගලයා පැමිණ මුදල් රැගෙන යන වීඩියෝ ඇතුලත් දර්ශන පෙල පෙන්වූවේය. දර්ශනය දෙස අවධානයෙන් බලා සිටි උප පොලිස් පරීක්ෂකවරයා සහ කොස්තාපල් විජිත දුටු දෙයින් ඔවුනට අලුත් ප්‍රහේලිකාවක් රැගෙන ආවේය.

” මේ වීඩියෝ එකේ කොපියක් අපිට මේ දැන්ම ඕන”

……………………………………..?

? වික්‍රම අතුරුදහන් වූයේ ඇයි?
? CCTV දර්ශනයන පෙල නැරඹූ නිළධාරීන් පුදුමයට පත් වූයේ කුමක් නිසාද?

DETECTIVE ARJUN ☄️