? RUN OF KILLERS ?
ජාවාරම ?️
නවවන කොටස

පැයට කිලෝමීටර් හැට ඉක්මවා මොටර් රථය ධාවනය කල රෝයි පිටුපස සිට දෙස් තබමින් සහ විලාප නඟමින් සිටි ටීෂා සහ දියණිය දෙස බලා සමච්චලයට මෙන් සිනාසුනේය.
” තව ටික දුරයි ඊට පස්සෙ උඹටයි දරුවටයි දෙන්නටම වෙනම ලෝකෙකට යන්න පුළුවන් ”
” උඹ නම් මහ සතෙක් , උඹට පළිගන්න ඕන නම් මාව මරපන් , මේ අහිංසක දරුවා උඹට කරපු වැරැද්ද මොකක්ද ?”
” කට වහගෙන හිටපන් නැත්නම් තෝව මෙතනම මරනවා” රෝයි කැබින් එකෙන් ඉවතට පිස්තෝලයක් ගෙන පැවසුවේය

රෝයි සිහිනෙන්වත් නොසිතූ ලෙස ඔහුගේ ගමනට බාධාවක් වෙමින් ඔහුගේ මෝටර් රථය පසු කර ගිය කළු පැහැති වෑන් රථයක් මාර්ගය හරස් කල අතර රෝයි තිරිංග තද කලේ වෑන් රථයේ සිටි අයට අසභ්‍ය වචන සංග්‍රහයකිනි. නමුත් සියල්ල හමාර කරමින් වෑන් රථයෙන් බැස ආවේ ආයුධ සන්නද්ධ පුද්ගලයින් සිව් දෙනෙකි. ඔවුන් ඉදිරි අසුන වෙත පැමිණෙද්දී රෝයි තම පිස්තෝලය අතට ගෙන ඔවුන් දෙසට දිගු කලද ඵලක් නොවීය.
” උඹ ඕක පෙන්නුවෙ අපිව බය කරන්නද? නිකන් බල්ලෙක් වගේ පාර මැද්දෙ වෙඩි කන්නෙ නැතුව නැඟපන් ගිහින් වෑන් එකට”
එක් පුද්ගලයෙකු එසේ පවසමින් ඔහු අත වූ පිස්තෝලය උදුරා ගත්තේය.

” උඹලා කවුද ? උඹලා දන්නෙ නෑ මම කවුද කියලා , යකෝ මම ඩී.සී.එල් එකේ මැනේජින් ඩිරෙක්ටර් ”
රෝයි තමාව ඇඳගෙන යාමට සැරසෙන පුද්ගලයන් සිව්දෙනාට පැවසුවේය.
” වරෙන් යන්න උඹට තව මැනේජ්ර් පෝස්ට් එකක් දෙන්න, පර බල්ලා තොට ආයෙ කියන්නෙ නෑ, මූව ගිහින් දාපන් වෑන් එකට”
……………………………………………..?

ගැහෙන හදවතින් මෝටර් රථයෙන් බැසගත් ටීෂා තම දියණියද සමඟ මාර්ගයේ ගමන් කරමින් තිබූ කුලී ත්‍රී රෝද රථයක නැඟ නිවසට පැමිණි වහාම කෝසලට ඇමතුමක් ගත් අතර පැය බාගයක් තුල කෝසල නිවසට පැමිණියේය.
” ඔය දෙන්නට කරදරයක් නෑ නේද?”
කෝසල දියණිය වඩා ගනිමින් ටීෂාගෙන් ඇසුවේය .
” නෑ අයියෙ.. මට තාම හිතාගන්න බෑ මොකද වුනෙ කියලා”
” හරි ඔයා දරුවත් එක්ක රෙස්ට් කරන්න , මම බොන්න මොනවා හරි අරගෙන එන්නම්”
කෝසල නිවස ඉදිරිපස වූ කඩයට ගොස් ඇයට සහ දියණියට බීමට යමක් රැගෙන ආවේය.
” මට කියන්න මොකද වුනේ”
” අයියෙ මම………………………………..”
මුල සිට අග තෙක් ටීෂා සියල්ල කෝසලට පැවසුවේය.

” අනේ මන්දා මට හිතාගන්න බෑ අයියෙ කවුද ඒ ආපු මිනිස්සු කියලා , ”
” ඔයා දැන් ඕව හිතන්න එපා , දරුවත් එක්ක ලෑස්ති වෙන්න . ඔය දෙන්නා මෙහේ තනියම ඉන්න එපා ”
” අපි කොහෙද අයියෙ යන්නෙ?”
” අපේ නැන්දා ඉන්නෙ B20 වල. මම පොඩි කාලේ ඉඳන් අම්මා කිව්වෙ එයාට.මම ඔයාවයි දරුවයි එහේ නතර කරන්නම් ටික දවසකට , නැන්දා විතරයි එහේ ඉන්නෙ. මේ මාසෙ අන්තිම වෙනකොට ගෙදර වැඩ ටිකත් ඉවර වෙයි”

තවත් ප්‍රමාද නොවූ කෝසල ඔවුන් දෙදෙනාව රැගෙන තම නැන්දාගේ නිවසට පිටත් විය . කලින් පැවසූ නිසාදෝ ඔවුන් එනතුරු ඇය මඟ බලා සිටියේය.
මෝටර් රථයෙන් බැසගත් වහාම ඇය පැමිණ දියණිය වඩා ගත්තේය.

” අම්මගෙ මූණම තමයි, යමු පුතේ ඇතුලට මම කෑම ලෑස්ති කරලා තීන්නෙ”
” අනේ අම්මෙ මම ඉක්මනට යන්න ඕන , මේ දැන් හදිස්සි වැඩකට කෝල් එකක් ආවා ”
” ඉතින් කෑම ටිකක් කාලා යන්නකො දරුවො, දුවේ පුතාට කෑම ටිකක් බෙදලා දෙනවද? ”
” හරි අම්මෙ , අයියෙ ඔයා ඇවිල්ලා වාඩිවෙන්න මම කවන්නම් ”

පොලිස් මූලස්ථානයට යාමට තිබූ ප්‍රමාදය හේතුවෙන් ටීෂා බත් පිඟානක් බෙදා ගෙනවිත් කෝසලට කවනා සැටි ඔහුගේ නැන්දනිය විසින් බලා සිටියේය.

” අනේ අනේ, දැන් කවන්නත් ඕන නේද?හොඳයි මේ වගේම නෝනා කෙනෙක් හම්බුන නිසා”

” ටීෂා , මට ඇති ඔයා දරුවත් එක්ක කන්න. අර⁣ ගේ ඇතුලට වෙලා හිරවෙලා ඉන්නවා වගේ මෙහේ ඉන්න ඕන නෑ හරිද , මම ඉක්මනට එන්නම්, අම්මෙ මේ සල්ලි ටික තියාගන්න , මේ දෙන්නට ටික දවසකට මෙහේ ඉන්න වෙයි”
” ඔයාට පිස්සුද දරුවො මට සල්ලි ඕන නෑ, ටික දවසකට නෙවෙයි හැමදාම ඉන්න , කොහොමත් මේ ගෙවල් ඔයාට තමයි. ”
” ටීෂා ඔයා එහෙනම් මේක ගන්න ”
” ඇයි පුතේ මට මේ කෙල්ලටයි දරුවටයි කන්න දෙන්න බෑ කියලා හිතුවද ? ”
“අම්මා නැති වුනාට පස්සෙ ආච්චියි ඔයයි තමයි මාව අම්මා කෙ⁣නෙක් වගේ බලාගත්තෙ. ඒ නිසාම තමයි මම මේ දෙන්නව මෙහෙට අරන් ආවේ ”
” පුතේ ඔයා පරිස්සමෙන් ගිහින් එන්න . මේ ළමයා දැන් පිට කෙනෙක් නෙවෙයිනෙ මගේම දරුවෙක්”
කෝසල තම නැන්දනියට වැඳ පිටත්ව යාමට සැරසුනි.
” මම ගිහින් වැඩ ටික ඉවර කරලා ඉක්මනට එන්නම් .
දරුවත් බලාගෙන නැන්දත් එක්ක වැඩ ටික කරගෙන ඉන්න”
” ජේසු පිහිටයි , මගෙ අයිය⁣ට කිසිම කරදරයක් වෙන්නෙ නෑ ”
ටීෂා කෝසලගේ හිස මත හාදුවක් තබමින් පැවසූ අතර කෝසල දියණියගේ මුහුණ සිඹිමින් ඔවුන් තිදෙනාට සමු දී එම ස්ථානයෙන් පිටත් විය.
………………………………………………….?

පියවි සිහියට පැමිණි රෝයි දෑස් විවර කරමින් වටපිට බැලුවේය. අතපය ගැටගසා තිබුන නිසා ඔහුට සෙලවීමටවත් නොහැකි විය. තවද එය කළුවර කාමරයක් වූ නිසා කිසිවක් පෙනුනේ නැත.

” කොහෙද මම ඉන්නෙ , යකෝ මට යන්න දීපන් මොනවද උඹලට ඕන , ඇයි මට මෙහෙම කරන්නෙ”

ඔහුගේ කෑ ගැසීම කාමරය තුල දෝංකාර දුන්නද පිටතට ඇසුනේ නැත.

සුළු වෙලාවකට පසු එම කාමරයේ දොරක් විවර වන හඬ ඇසුනු අතර , ඊට විනාඩියකට පසු අඳුර තුරන් කරමින් විදුලි එළියත් සමඟ රෝයිගේ අසලට යමෙකු පැමිණියේය.

” රෝයි ඩී සිල්වා , හිතුවෙ නෑ නේද අද වගේ දවසක මෙහෙම වෙයි කියලා”

…………………………………….?…………………………………………………………

? රෝයිව අවසානයද මේ?
? ඔහුව පැහැර ගත්තේ කවුද?