? RUN OF KILLERS ?
ජාවාරම ?️
පළමුවන කොටස

? සැ:යු ÷ නම් ගම් මනඃකල්පිත වන අතර නිර්මාණාත්මකව කරන ලද නිර්මාණ

යකි.
*****************************************************

අතරින් පතර ගමන් කරනා වාහනයක් හැර අන් කිසිවෙකු මාර්ගයේ නොවීය. පාළුවට ගිය මාවතට යන්තමින් හෝ එළියක් රැගෙන ආවේ චන්ද්‍රයා පමණි.
රාත්‍රී එකොළහ පසුවී අඩ හෝරාවක් ගිය තැන ප්‍රධාන මාවතේ ධාවනය වූ එක් මෝටර් රථයක් පෙර කී පාළු මාවතට අවතීර්ණ විය . එහි මද දුරක් ධාවනය වන මෝටර් රථය කුඩා තේ කඩයක් අසල නතර වෙයි . රථයෙන් බැස ගත් පුද්ගලයා තේ කඩය තුලට ගමන් කරයි.
” ආනන්දබවන් එකට එකට වැදී තෝෂෙ ගිලිනව”
රාත්‍රී තේ කඩයක් වූ නිසාදෝ එහි කීප දෙනෙකු තේ පානය කරමින් කුසගින්නට යමක් බඩට දා ගනිමින් සිටි අතර ගුවන් විදුලි ගීතයක්ද පසුබිමෙන් ඇසුනි.
එහි එක් සේවකයෙකු සිටි අතට අයිතිකරු මුදල් සේප්පුව අසලට සිටියේය .
” චන්ද්‍රෂේකර්”
මෝටර් රථයෙන් පැමිණි පුද්ගලයා අයිතිකරු සමීපයට ගොස් පැවසූ අතර අයිතිකරු කඩයට පැමිණි අනෙක් මිනිසුන්ට සැක නොසිතෙන පරිදි යමක් සටහන් කරන ලද කඩදාසි කොලයක් ඔහු අත තැබුවේය .
පැමිණි පුද්ගලයාද නැවත එම කඩදාසිය රැගෙන මෝටර් රථය පණගන්වා තවත් අතුරු මාවතක් දිගේ ගමන් කල අතර ඒ මාවත දෙපස කිසිදු හැල හොල්මන් නොවීය . අවසානයේ තවත් එක් සත්ව ගොවිපලක් අසල මෝටර් රථය නතර විය. එවර මෝටර් රථයෙන් බැසගත් පුද්ගලයා . ගොවිපලට ඇතුලුවන ස්ථානයේ වූ නාම පුවරුව දෙස බැලුවේය.
” බී.සී චන්ද්‍රෂේකර්, NO 7680″
තේ කඩ හිමි කරු විසින් තමාට දුන් කඩදාසියේද එසේ සටහන්ව තිබුනි. ඔහු ගොවිපලට යාබදව වූ නිවස දෙසට ගමන් කලේය . මධ්‍යම රාත්‍රී දොළහද පසු වී තිබුනි. එකවරම නිවස තුලින් පැමිණි ආලෝකයත් සමඟ නිවසේ ඉදිරිපස දොර විවිෘත කරමින් පැමිණි පුද්ගලයින් දෙදෙනා විසින් පැමිණි පුද්ගලයාව පරීක්ෂා කොට නිවස තුලට කැඳවාගෙන ගියේය.
” චන්ද්‍රෂේකර්”
නිවස තුල කුඩා ඇඳක වැතීරි සිටි අවුරුදු හතලිහත් පනහත් අතර පුද්ගලයෙකි. ඔහු දෙස බලා පැමිණි පුද්ගලයා ඔහුව ආමන්ත්‍රණය කලේය.
“නම, වයස” චන්ද්‍රෂේකර් නැමති පුද්ගලයා ඔහුගෙන් පෙරලා ඇසුවේය
” රෝයී, වයස හතලිස් දෙකයි”
” හ්ම්. ⁣රවී ”
ඔහු අසල සිටි යමෙකු ඇමතූ අතර එම පුද්ගලයා මෝටර් රථයෙන් පැමිණි පුද්ගලයා ⁣අත තැබුවේ ඇල්බමයක් හා සමාන දෙයකි.
” ගානත් එක්කම තියෙනවා, කැමති එකක් තෝරගන්න”
මෝටර් රථයෙන් පැමිණි පුද්ගලයා එය අතට ගෙන මහත් වුවමනාවෙන් එය පරීක්ෂා කර අවසානයේ එක් ඡායාරූපයක් ඔහු අත තැබුවේය.
” ලක්ෂ දහ අටයි, නම සුරංගි, වයස විසි හතරයි , මොකද කියන්නෙ, හැබැයි තාම ජෙනුයින්?”
රවී නැමති පුද්ගලයා පැමිණි පුද්ගලයාගෙන් ඇසුවේය .
” මෙයා හොඳයි , මිස්ටර් චන්ද්‍රෂේකර් මට අකවුන්ට් නම්බර් එක දෙන්න”
” රවී , මුලින්ම කරන්න ඕන වැඩ ටික කරලා හිටපන්”
” හරි ෂේකර් අයියා”
පසුව පැමිණි පුද්ගලයාගේ සියලු විස්තර හා ඔහුගේ ගිණුමෙන් ලක්ෂ දහ අටක් ලබාගත් රවී තමා අසල සිටි
අනෙක් පුද්ගලයන් දෙදෙනාට ඉඟියක් ලබා දුනි.
පැය කාලකට පමණ පසු එම පුද්ගලයින් දෙදෙනා ඡායාරූපයේ සිටි අවුරුදු විසි පහක් ඉක්මවූ කාන්තාව රැගෙන ආ අතර ඇයගේ මුහුණේ යමකට බිය වූ හැඬුම්බර ලක්ෂණ පෙන්නුම් කරේය.
” තමුන්ට මේ දැන් ඉඳන් ඉන්න තියෙන්නෙ මේ මහත්තයා එක්ක. මේ මහත්තයා කියන විදිහට හිටියොත් ⁣ මැරෙකන් කාලා බීලා ඉන්න පුළුවන් , එහෙම නැතුව පැනලා යන්න හැඳුවොත් මැරුම් කන්න පුළුවන් , මොකද අපේ මිනිස්සු මේ පළාතේ අස්සක් මුල්ලක් නෑර ඉන්න නිසා තමුන්ගෙ හොඳට කිව්වෙ, දැන් එහෙනම් හිනාවෙලා මේ මහත්තයා එක්ක යන්න”

පසුව මෝටර් රථයෙන් පැමිණි පුද්ගලයා ඇයද කැටුව එම ස්ථානයෙන් පිටත්වන අයුරු බලා සිටි රවී අනෙක් පුද්ගලයන් දෙදෙනා වෙත හැරුනේ ජයග්‍රාහී මුහුණුවරකින්ය.
” තව පස්දෙනයි , මේ මාසෙට හතර දෙනෙක් ගියා. රසික්ට කියපන් හොඳ කෑලි තුන් හතරක් ටාගට් කරන්න කියලා”
………………………………………?

කාර්යබහුල දිනයක B10 පොලිස් මූලස්ථානයේ නිළධාරීන් තම රාජකාරීන් තුල ඇහි පිල්ලම් නොගහා යෙදී සිටියේය. උදෑසන දහයට පමණ ස්ථානාධිපතිවරයාගේ දුරකථනය නාද වුවද ඔහු විශේෂ හමුවකට සහභාගි වී ඇති හේතුවෙන් කොස්තාපල්වරයෙකු ඇමතුම ලබාගත්තේය.
” B10 පොලිස් ස්ටේෂන් ”
” සර් , විජය නගර් වල බාලි අපාර්ට්මන්ට් එකේ ගෑනු කෙනෙක් දැන් ටිකකට කලින් පහලට පැනලා මැරිලා ”
උදෑසනම අසන්නට ගැන කොස්තාපල්වරයාට ගෙන ආවේ ඉමහත් කෝපයකි.
” ෂික් ගිය මාසෙ ⁣එල්ලිලා මැරුණා අද අපාර්ට්මන්ට් එකෙන් පැනලා , මේ මෝඩ ගෑනු නම්”
කොස්තාපල්වරයා එසේ සිතමින් ගොස් උප පොලිස් පරීක්ෂකවරයා හට සියල්ල විස්තර කල අතර උප පොලිස් පරීක්ෂකවරයා ඒ මොහොතේම ක්‍රියාත්මක වියවිය

………………………………?

ජීප් රථය අදාළ ස්ථානයට පැමිණෙන විටත් මහල් නිවාස සංකීර්ණය අසල සෙනඟ රැස්ව සිටියේය.
” ඔය කට්ටිය පොඩ්ඩක් අයින් වෙන්න ”
රැස්ව සිටි පිරිස ඈත් වූ පසු උප පොලිස් පරීක්ෂකවරයාගේ ගතම හිරිගඩු ගැන්වූ දසුනක් ඔහුට දිස්වූ අතර පැමිණි අනෙක් නිළධාරීන් සිව් දෙනාද පිළිකුල් සහගත ලෙස මුහුණට මුහුණ බලා ගත්තේය.
ලේ විලක් මැද වැටී සිටි කාන්තාවකි ඇයගේ ගෙල මුළු ශරීරයෙන්ම රක්ත වර්ණ රුධිරය ගලා යමින් තිබුනි .
” පී,සී හොස්පිටල් එකට කොල් කරන්න ”
උප පොලිස් පරීක්ෂකවරයා මළ සිරුර අනෙක් පස හරවා එය ⁣නිරීක්ෂණය කොට කොස්තාපල්වරයෙකු ඇමතුවේය.
පසුව ඔහු ගොඩනැගිල්ල දෙස හිස ඔසවා බැලුවේය .
ඒ දුටු උප පොලිස් පරීක්ෂකවරයා පුදුමයට පත් වූයේ ඇයගේ ශරීරයේ කොටස් එලෙසම තිබූ නිසාය. මන්ද එය තට්⁣ටු පනහක් පමණ උස ගොඩනැගිල්ලකි.
පසුව ඔහු මහල් නිවාස සංකීර්ණයේ මුරකරුගෙන් කටඋත්තරයක් ගන්නට විය.
” තමුන් දන්නවද මෙයාව”
” ඇත්තටම ,සර් මම දන්නෙ මෙයගෙ ඇනෙක්ස් එක මොකක්ද කියන එක විතරයි. මගෙ ඩියුටි එක සර් මේකට යන එන අය ගැන බලන එකනෙ ”
මුරකරු විවිෘතව උප පොලිස් පරීක්ෂකවරයා සමඟ කතා කලේය.
” මෙයා දැන් කොච්චර කල් ඉඳන්ද මේ අපාර්ට්මන්ට් එකේ ඉන්නෙ”
” සර් මහ කාලයක් නෑ උපරිම මාස දෙකක් වගේ තමයි. මොකද මම මෙතන අවුරුදු තුනක් ඉදන්ම ඉන්න කෙනානේ සර්”
” හරි, මට මෙයාගෙ ඇනෙක්ස් එක පෙන්නන්න ”
පසුව උප පොලිස් පරීක්ෂකවරයා සහ තවත් නිළධාරීන් තිදෙනෙකු මුරකරු පෙන්වූ තිස් පස්වන මහලේ නිවස වෙත ගියද එහි දොර වසා තිබුනි . පැමිණි අනෙක් කොස්තාපල්වරයා දුටුවේ ඒ අසල කොරිඩෝව පහලේ වැටී තිබූ එළවළු බෑගය දුටුවේය.
” සර් එළවළු බෑග් එකක්…….”
උප පොලිස් පරීක්ෂකවරයා එදෙස බැලුවේය. බෑගයේ වූ එළවළු පිටතට වීසි වී තිබුනි.
” සර් , මේ කෙල්ල මේකෙන් පනින්න පැය බාගෙකට විතර කලින් එළවළු බෑග් එකකුත් අරන් උඩට එනවා මම දැක්කා”
මුරකරු පැවසුවේය.
” ඇයි තමුන් කලින් ඒක කිව්වෙ නැත්තෙ?”
” නෑ සර් . මම ඉතින් අහපු දේටනෙ උත්තර දුන්නෙ මට ඒක කියන්න අමතක වුනා”
” මේ අපාර්ට්මන්ට් එකේ ඉන්න අය ඇර වෙන අය මේකට එනවද?”
” කොහොමත් දවසකට දහ පහලොස් දෙනෙක් එනවා සර්”
” මෙයා එළවළු අරන් එන වෙලාවේ කවුරුත් මෙයාගෙ පස්සෙන් ආවද?”
” නෑ සර් , අද උදේ ඉදන් කිසිම කෙනෙක් ආවේ නෑ ”
” පී.සී කොරිඩෝව දිගේ උඩට යනකන්ම චෙක් කරන්න”
නියෝගය අනුව නිවාස සංකීර්ණයේ ඉහළ ස්ථානයටම ගමන් කල නිළධාරීන් හට කිසිදු සාක්ෂිය නොතිබුණද එහි ඉහළ විවිෘත කොටසේ තිබී එක් නිළධාරියෙකු හට වැටී තිබූ කුඩා ජංගම දුරකථනයක් හමු විය.
” සර්, ෆෝන් එකක් තියෙනවා, හැබැයි මේක බිම වැටිලා කැඩිලා තියෙනවා”
” මේක අරන් ගිහින් ⁣කෝල් රෙකෝඩ් එක ගන්න.මේකෙන් හොයාගන්න පුළුවන් වෙයි මේ ගෑනු කෙනා කවුද කියලා ”
උප පොලිස් පරීක්ෂකවරයා පනස් වන මහලේ ඉහල සිට පහල බලමින් පැවසුවේය.
………………………………………….?……………………………………….

? Building එකෙන් පැනපු කාන්තාව කවුද?
? එසේ සියදිවි හානි කරගැනීමට හේතුව කුමක්ද ?