දොරෙන් ඇතුලු වෙනකොටම ඇතුලේ ඉදන් දුවගෙන ආව කෙල්ලෙක් ඇගේ හැප්පුනා.මගේ ඔලුව ගිහින් වැදුනේ දොරේ .ඒ මදිවට ඒකිගේ ඔලුවත් මගේ ඔලුවේ වැදුනා.මාරම සනීපයක් දැනෙන්නේ .දලොව තරැ පෙනුනා වැදුන පාරට.දොර නැති වෙන්න තව පොඩ්ඩෙන් මෙතන ෆිල්ම් එකක වගේ ඒකි මාවත් පෙරලගෙන වැටෙනවා. මේ කෙල්ලොන්ට තියෙන්නෙ පුදුම විසයක් තමයි.කොල්ලොන්ට වත් නෑ⁣ මෙච්චර දැගලිල්ක්.කුලප්පු උන අශ්වයෙක් වගේ කොහෙ දුවනවද මන්ද .

“ආ ඉන්න වත් බෑ ඔලුව.කොහෙද යන්නේ .ඇස් පේන්නෙ නැද්ද”

මොකක් මම බැලුවේ කෙල්ල දිහා .යකෝ ඒකි උඩ බලාගෙන ඇවිත් මගේ ඇගේ හැප්පලා මට බනිනවා.දෙන්න හිතයි මූන සමතලා වෙන්න.

“මොකක් මමද දැන් හැප්පුනේ.ඔයා නේද සිහියක් නැතුව දුවගෙන ඇවිත් මගේ ඇගේ හැප්පිලා මගේ ඔලුවත් දොරේ වැද්දුවේ.”

“තමුසෙ අයින් වෙලා ආව නම් මම ඇගේ වැදෙන්නේ නෑනේ.මට මේ කොහෙවත් යන අයත් එක්ක කතා කර කර ඉන්න වෙලාවක් නෑ.”

“කෙල්ලෙක් නේද කතා කරන්න ඉගෙන ගන්න හරියට.වැරද්දක් උනා නම් ඒක අනිත් කෙනාට පටවන්නේ නැතුව සමාව ගන්න පුරැදු වෙන්න.”

“⁣කොහෙවත් ඉදන් ඇවිත් තමුසෙ කවුද මට උපදෙස් දෙන්න.මමී ඩැඩී වත් මට ඔහොම කතා කරලා නෑ.”

මේකි කතා කරන විදිහ.සල්ලිකාර පවුලක නැහැදිච්ච කෙල්ලෙක් ද කොහෙද.කොහොමත් සල්ලිකාරයන්ට තමන්ගේ ලමයි ගැන හොයන්න වෙලාවක් නෑනේ සල්ලි මත්තේ නැහෙනවා ඇරෙන්න.දුප්පත් උනත් මම කොච්චර වාසනාවන්තද හිතුනා.

“එක නම් මටත් පේනවා අම්මයි තාත්තයි හොද නරක කියලා දිලා නැති බව.නැත්තම් ඔහොම කතා කරන්නෙ නෑනේ.”

“මෙකක්ද කිව්වෙ තමුසෙ .තමුසෙ දන්නවද කාටද කතා කරන්නේ කියලා.මෙහෙ ඉන්න ලොකුම බිස්නස්මන් මගේ ඩැඩී .”

අපොයි මම හිතුව හරියට හරි සල්ලිකාර පවුලක කෙල්ලෙක් .සල්ලිකාරයන්ගේ ලමයි ⁣ඔහොමමයි.මම තව ටිකක් කියලා දෙන්න කට ඇරියා විතරයි

“අනේ මෙනු මට බඩගිනි බන් කැන්ටිමට යන්නනේ ආවේ යමු යමු .නවත්තන්න ඔය රන්ඩුව”

⁣කෙල්ලගේ යාලුවා ඇවිත් ඒකිව ඇදගෙන ගියා.මටත් ඔරවගෙන ඒකි ගියා.

“අඩෝ සනුවෝ මචන් අපි ආව විතරයි මේ ස්කෝලෙට වලි දා ගන්න එපා බන්.”

“නෑ බන් උබ දන්නවනේ මන් ගැන.බලපන් වැරැද්ද කරලා මටම බැන්න හැටි .මම ඒක කියලා දෙන්න නේ හැදුවේ.පුදුම පන්ඩිතකමක් කියන එක වත් අහන් ඉන්න බෑ.සල්ලිකාර පවුලක නැහැදිව්ව කෙල්ලෙක් ”

“හ්ම් හ්ම් ඒක නම් මටත් හිතුනා ඇය බන් ඒකිම කිව්වෙ ඒක.හරි හරි යමන් දැන් ඇතුලට.”

අපි දෙන්නා ඇතුලට ගිහින් ටිකක් මැදට වෙන්න තිබුන පේලියක වාඩි උනා.ටික වෙලාවකින් ලමයි හැමෝම ආවට පස්සේ අංශ භාර ගුරැවරැ ආවා.

“උසස් පෙල සදහා අපේ පාසලට පැමිණි ඔයාලව සාදරයෙන් පිලි ගන්නවා.ලමයි අපි ඔයාලාව වෙන වෙනම කරන විෂයන් අනුව වර්ග කරලා ඔයාලගේ අංශ භාර ගුරැවරැ එක්ක යවන්නම් ඔයාලගේ පන්ති කාමර වලට.”

ප්‍රින්සිපල් සර් එහෙම කිව්වම ආදල විෂයන් වල ගුරැවරැ නැගිටලා තම තමන්ගේ විෂයට ආදාල ළමයිගේ නම් කතා කරන්න පටන් ගත්තා .

“මම තමයි සයන්ස් සෙක්ෂන් එක භාරව ඉන්නේ නම් කතා කාරාම හැමෝම එහා පැත්තෙන් හිටගන්න”

ඊලගට ආවේ අපේ වාරේ.ටිකක් තරැණ ටීච කෙනෙක් තමයි අපිට හිටියෙ .

” ක්ෂිතිජ නිම්නාද”
ගැහැනු ලමයි තුන් දෙනෙක්ට පස්සේ ක්ෂිතිජගේ නම කියවුනා.

“සන්රැක්ෂ කවිෂාන්”

ඊලගට මගේ නම මාත් ගිහින් ක්ෂිතිජ ලගින්ම හිට ගත්තා .

” මෙත්මි මෙනාරා ”

ඊලගට කිව්වෙ කෙල්ලෙක්ගේ නමක් .ඒ නම කිව්වම නැගිටල ආවේ උදේ මාත් එක්ක රණ්ඩු උන කෙල්ල.මේ නැහැදිව්ව කෙල්ලත් අපේ පන්තෙයෙමද.

“උබේ වලිය දිගටම යයිද දන්නෑ අන්න උබේ රණ්ඩු කෙක්කත් අපේ පන්තියේම.”

ක්ෂිතිජ කිව්වෙ ඇස් කොනින් කෙල්ලව පෙන්නලා .මගේ රණ්ඩු කෙක්ක .මගේ වෙන්නේ කොහොමද .දෙන්න හිතයි මූටත් පයින් දෙකක්.කෙල්ල තාලෙට පැද්දි පැද්දි ඇවිත් අපි දෙන්නට රවල අපේ ඉස්සරහින් හිට ගත්තා.

ඊට පස්සේ අංශ භාර ටීච ඇවිත් අපිව අපේ පන්තිය⁣ පෙන්නන්න එක්කන් ගියා .පිට්ටනිය ලගට වෙන්න තමයි අපේ පන්තිය තිබුනේ.අපි දෙන්නා තුන්වෙනි පේලියේ වාඩි උනා.අපිට කෙලින්ම අනිත් පැත්තේ පේලියේ අර නැට්ටිච්චි ඉන්නවා මම ලාවට වගේ දැක්ක..

එදා දවස එහෙමම ගෙවිලා ගියේ කිසිම විශේෂ දෙයක් නොවී.හෙට ඉදන් උගන්නන්න පටන් ගනී.මට ලමයි කීප දෙනෙක්ම කියනවා ඇහුනා හෙට අයියලා අක්කලා අලුතින් ආව ලමයිව රැග් කරයි කියලා .අනේ මොනා කරන්න දෙයිද කියලා කල්පනා කර කර ආවා දන්නෙම නැතුව ගෙදරටම ඇවිත්…..

මම ගෙදර එද්දි අම්මා හිටියේ නෑ.කොහෙ හරි වැඩකට යන්න ඇති.අම්මා එද්දි කොහොමත් හවස් වෙයි.ලිදට ගිහින් රෙදි සෝදගෙන නාගෙන ඇවිත් කන්න දෙයක් තියෙනවද බැලුවා.උදේ උයපු බත් ටිකක් තිබුනා.බඩ ගින්න වැඩි නිසා ඒ ටික කෑවා ඒත් අම්ම මතක් වෙද්දි හිත පිච්චෙනවා කෑවද දන්නෑ දවල්ට…

” මයෙ පුතේ ”
” ආ අම්ම ආවද ”

අම්ම එනකන් ටිකක් හාන්සි වෙලා හිටිය මම නැගිට්ටේ අම්මගේ කතා සද්දෙට.

“හීල් බත් ටිකක් තිබුනා මයෙ පුතා කෑවද”

“ඔව් අම්මෙ මම කෑවා.”

“⁣එහෙනම් කමක් නෑ මම හිතේ ගින්දරෙන් දවල්ට කෑවෙ පුතා බඩ ගින්නෙද දන්නෑ කියලා”………………

❤️?❤️?❤️?❤️?❤️?❤️?❤️?❤️?❤️?

ම්ම්ම් සන්රැක්ෂට මොන වගේ රැග් එකක් ලැබෙයිද හෙට…

එහෙනම් හෙට හම්බ වෙමු ලස්සන කොටසකින් දග ළමයිී…..

❤️? ආදරෙයි දල පවුල.