වොශ් එකක් දාලා ඉක්මනට මෙත් ගේ ගෙදර යන්න
ලෑස්ති වුණා .තව පරක්කු වුනොත් මෙත්ව මට නැති වෙයි කියලා ලොකු බයක් දැනෙනවා හිතට.කාර් එක පාරේ නවතලා ගිහින් බෙල් එක ගැහුවා .මෙත්ගේ මමී තමයි දොර ඇරියේ.

” කවුද මේ මොකටද ආවේ”

” මම ආන්ටිව හම්බ වෙන්න ආවේ .මට ටිකක් කතා කරන්න පුලුවන්ද ආන්ටි එක්ක ”

” පුලුවන් එන්න ඇතුලට ”

මෙත් පේන්න නෑ කාමරේ ඇත්තේ.

” ආන්ටී මම මෙත්ට ආදරේ කරන්නේ අවුරුදු 7ක ඉදන් .මම ආවේ ඒ ගැන කතා කරන්න ”

මම මගේ හැම විස්තරයක්ම හන්ගන්නේ නැතුව කිව්වා.

” මොකක් මේ කෙල්ල අපිට නිකමට වත් මේ ගැන කිව්වේ නෑනේ”

” මමයි කියන්න එපා කිව්වේ මොකද මට ආන්ටීලා⁣ එක්ක කතා කරන්න පුලුවන් කමක් තිබුනේ නෑ එතකොට.”

” අපි දුවට ප්‍රපෝසල් එකක් ගෙනත් තියෙන්නේ .අපි එයාලට වචනයක් දීලා ඉවරයි .මේක වෙන්නේ නෑ කොහොමත් .අපි දුවව දෙන්නේ කොහොමත් අපේ බිස්නස් වලට ගැලපෙන කෙනෙක්ට.මේ සම්බන්දේ මීට පස්සේ තියෙන්න බෑ තේරෙනවා මේක ඉවර වෙන්න ඕනි මෙතනින්.”

” මගේ තියෙන අඩුපාඩු මොනාද මට දැන් සල්ලි වලින් කිසිම ප්‍රශ්නයක් නෑ.මෙත් කියන්නේ මගේ පන මට බෑ එයාව අමතක කරන්න.මට එයාව දෙන්න ආන්ටී ප්ලීස්”

මම ආන්ටිට වැදලා කිව්වා.මම කොහොමද එයාව අමතක කරන්නේ.

” මමී මම කිව්වනේ මම මැරි කරන්නේ සනූ විතරමයි.මෙච්චර කාලයක් ආදරේ කරේ අතහරින්න නෙවෙයි .”

මෙත් හැම⁣දේම බලන් ඉදලා බැරිම තැන ඇවිත් කතා කරේ.අන්කලුත් ආවේ ඒ වෙලාවෙම.

“මොකක්ද මෙතන වෙන්නේ ”

මෙත්ගේ මමී හැම දෙයක්ම කිව්වා.

” මෙනූ තමුසේ මෙච්චර දෙයක් කරලා අපි දන්නේ වත් නෑ.ඒ කොහොම වුනත් කමක් නෑ මේක අදින් ඉවරයි .මෙනූ තමුසේ කැමති වෙන්න ඕනි මේ ප්‍රපෝස් එකට.දැන් තමුසෙත් යනවා.ජීවිතේට ආසාවක් තියෙනවා නම් අතහැරපන් මෙනාරව.”

” ඩැඩී මම මැරි කරන්නේ සනූ විතරයි .ඔයලා කවදාවත් මගේ සතුට ගැන හිතන්නේ නෑ.මම එයාව මැරි කරනවා එච්චරයි .මගේ ජීවිතේ ගැන තීරණ ගන්න මට පුලුවන් දැන්”

” වහනවා කට යනවා රෑම් එකට ගිහින් ලෑස්ති වෙනවා අද අර මිනිස්සු එනවා කිව්වා.මම කිව්වනේ තමුසේ වැඩ කරන්නේ අපිට ඕනි විදිහට.තමුසෙ බහිනවා එලියට ”

මෙත්ට ගැහුව පාරට කෙල්ල විසිවෙලා ගහින් සොෆාවේ වැදුනා මට කර ගන්න දෙයක් නෑ මාවත් ඇදලා එලියට දැම්මා.අනේ මගේ මෙත්.

??????????????????

ගැහුව පාරට කම්මුල තාම පුපුරු ගහනවා.කමරේ දොරත් ලොක් කරා.මම හොදටම ඇඩුවා .සනූව එලියට ඇදලා දැම්ම විදිහ මම කොහොම දරා ගන්නද.මමී ඇවිත් කතා කරාට මම දොර ඇරියෙම නෑ.සනූ කෝල් එකක් ගත්තා .

” සනූ මහත්තයෝ අපි මොකද කරන්නේ ”

” රිදෙනවද මැනික .ඔයා කැමතිද මන් ලගට එන්න.”

” මම කැමතියි සනූ මම කැමතියි .මට බෑ වෙන කෙනෙක් බදින්න”

” එහෙනම් මම එන්නම් රෑට මමීල නිදා ගත්තම ඔයා එන්න ”

“හරි සනූ මම එන්නම් ”

” මෙනූ මේ දොර අරිනවා”

ඩැඩී දොරට ගගහ කෑ ගහනවා.එක පාරටම දොර ඇරැනා.⁣ඩැඩී ලොක් එක කඩලා.

” ඉක්මනට ලෑස්ති වෙලා එන්න පහලට අර සුනිල් අනකල් එහෙම ඇවිත් .හිතුවක්කාර වෙන්න එපා”

හැමදේම රෑට ඉවරයි නේ කියලා හිත හදා ගෙන මමී ගෙනත් දුන්න ඇදුම ඇදගෙන පහලට ගියා.

බහුබූතයා වගේ අර හැලපයා මන් දිහා කන්න ⁣වගේ බලන් ඉන්නවා.මම නිකමට වත් වචනයක් වත් කතා කරේ වත් බැලුවේ වත් නෑ.මමීලා නම් බරටම කතාව .

” මොකද නංගි කතාවක් නැත්තේ .මට ටිකක් ඔයත් එක්ක කතා කරන්න ඕනි එලියට යමුද”

මොනා කතා කරන්නද තමුසේ එක්ක .තමුසේ නිසා තමයි මේ ඔක්කොම .හිතුවට මම කිව්වෙ නෑ.ඔලුව වනලා මම එලියට ආවා .

” අහන්න මට වැඩ තියෙනවා කාලේ නාස්ති කරන්න බෑ.අපි හෙටම රෙජිස්ට්‍රාර් වෙන්න ඕනි .මේ කසාදේ ඉකමනටම වෙන්න ඕනි .”

⁣මගේ අතනෙතුත් අල්ලගෙන මගේ කරටත් අත දා ගත්තා .මට දැනුනේ මහ පිලිකුලක්.අත ගසලා දාලා මම ඈත් වුණා .

” බදින්න මම තමුසෙව බදින්නේ නෑ.මේක වෙන්නේ නෑ මට පව් නොදී ඉන්නවා”

නොන්ඩියට වගේ වූ මට හිනා වුනා

” මගෙන් බේරෙන්න හිතන්න වත් එපා .මම ඉකමනට මගේ කර ගන්නවා බේබි ඔයාව”

මමීලා ඉස්සරහත් මූ ඒකම කිව්වා .එයාලත් ඒකට කැමති වුණා හෙටම අපේ රෙජිස්ට්‍රාර් එක කරලා.ලබන මාසේ වෙඩින් එකලු.මම මොකුත්ම නොකියා කාමරේට ගිහින් දොර ලොක් කරා.කොච්චර කතා කරත් මම දොර ඇරියේ නෑ.

❤️?❤️?❤️?❤️?❤️?❤️?❤️?❤️?❤️?

මෙත් පැනලා යයිද සනූ එක්ක ….

ආදරෙයි දග පවුල ❤️?