“අම්මා මම ගිහින් එන්නම් එහෙනම්”
“බුදු සරනයි මයෙ පුතේ .පරිස්සමින් ගිහින් එන්න ”

අම්මටත් වැදල මම ස්කෝලෙ යන්න පිටත් උනා.අනේ අද දවස නම් කොහොම වෙයිද දන්නෑ.මොන වගේ රැග් එකක් දෙයිද දන්නෑ.
කල්පනා⁣⁣වෙන් කල්පනා⁣⁣වෙන් ස්කෝලෙ ලගටම ඇවිත්.

“ගුඩ් මොනින් මචන්.”

වෙලාවට ක්ෂිතිජ ඇවිත් උදේම .

“ගුඩ් මොනින් ගුඩ් මෝනින් ”
“ඒ බන් අදත් උගන්නන එකක් නෑ නේද.”

“නැති වෙයිනේ බන්.රැග් කරයිද දන්නෑ අපිව”

“ආයුබෝවන් ලමයි .”

ටීච ආව පන්තියට .

“වාඩි වෙන්නකෝ ලමයි ”

“අදත් අපිට උගන්නන්න වෙන්න නෑ ලමයි .තාම ඔයාලගේ කාල සටහන හදල නෑ.එලියට යන්නේ නැතුව පන්තියට වෙලා ඉන්න හැමෝම ”

නම් ලකුණු කරලා ටීච ගියා.මට ඉබේට වගේ බැලුනේ අපිට කෙලින්ම තිබුන පේලිය දිහා.අර කෙල්ල තව ලමයි ටිකක් වට කරගෙන කියවනවා.වට්ටි අම්ම වගේ මොනා කියවනවද මන්ද ඔච්චර.මටත් පිස්සු එයා මොනා කරත් මට මොකද .එහෙම හිතලා මම අනිත් පැත්ත හැරැනා විතරයි .

“හා ලමයි කෝ කෝ අලුතින් ආව ලමයි නැගින්න බලන්න”

මමයි ක්ෂිතිජයි බයේ බයේ නැගිට්ට තව පිරිමි ලමයි තුන් දෙනෙක් නැගිට්ට .ගෑනු ලමයි ⁣හතර දෙනෙකුත් හිටියා .අර කෙල්ලත් හිටිය.

“ඒ සනූව අර බලපන් අරකි සද්දෙ දැම්මට අපිට ඒකිත් අලුත් බන්”

“ඒක තම බන් මාත් මේ බැලුවේ ”

“දන්නවා ඇතිනේ මල්ලිලා අපි ආවේ මොකටද කියලා.බය වෙන්න එපා ඉතින් අපි කට්ටියව චුට්ටක් අදුර ගමු.”

එක එක්කෙනා ඉස්සරහට අරන් එක එක ඒවා දුන්නා.ක්ෂිතිජට දුන්නේ සිංදුවක් කියන්න.අන්තිමට ඉතිරි උනේ මම.

“හා ඔය මල්ලිත් එන්න බලන්න ඉස්සරහ⁣ට.”

මම නැගිටල ඉස්සරහට ගියා.

“හා නංගි ඔයත් එන්නකෝ .”

අර කෙල්ලටත් කතා කරා එන්න කියලා.

“හා මල්ලි දැන් දන ගහලා ඔය නංගිට I love you කියන්න .”

මොකක් කෙල්ලෙක් ලගින් යන්නත් බය මම කොහොමද කටක් ඇරල i love you කියන්නේ .ඒකත් ආව ගමන් වලියක් දා ගත්ත මේ උද්දච්ච කෙල්ලට.කෙල්ල නෝන්ඩ්යට වගේ හිනා වෙනවා මන් දිහා බලන්.

“හා හා ඉක්මන් කරන්න මල්ලි.”

කමක් නෑ දැනට විතරයිනේ.කියලා දානවා මේකෙන් බේරෙන්න.

“I love you ”

” ආ යු ක්‍රේසි.තමුසෙ කවුද හලෝ මට i love you කියන්න ”

එහෙම කියල එකි මට හිනා උනා.අර අයියලත් ඒකට හිනා උනා.දරා ගන්න බැරි අපහසුතාවක් මට දැනුනේ .ඇයි මිනිස්සු මෙච්චර නපුරු

” ඕවා ගනන් ගන්න එපා සනූවෝ.වරෙන් යන්න.”

ක්ෂිතිජයි මායි දෙන්න ගිහින් වාඩි උනා.හිතන් පපුවක් නැති මෙච්චර නැහැදිව්ව කෙල්ලෙක් .අම්ම තාත්තිගෙ බලය ඔලුවට අරන් පුදුම උද්දච්ච කමක්.

“මට නම් මාර කේන්තියක් ති⁣යෙන්නේ සනූ ඒකි ගැන.”

“අමතක කරපන් බන් නැහැදිව්ව කෙල්ලෙක්.”

එදා දවසත් ගෙවිලා ගියා.ක්ෂිතිජ ⁣වගේම තව හොද යාලුවො තුන් දෙනෙක් හම්බ උනා.පන්තියේ අනිත් කොල්ලොත් ඉක්මනට යාලුවො උනා.
මුලදී ස්කෝලෙ එපා උනත් දැන් නම් එහෙම නෑ ඒත් අර කෙල්ල දකිනකොට නම් වෙලාවකට කේන්තියකුත් එනවා මට.

හෙට ඉදන් අපිට උගන්නන්න පටන් ගන්නවා කියල ටීච කිව්ව .මම නොඉවසිල්ලෙන් ඉන්නේ උගන්නනකන් .මම මහන්සි වෙලා වැඩ කරලා අම්මගේ හීනෙ කොහොම හරී ඉෂ්ට කරනවා.

මම ගෙදර යනකොට අම්ම බලන් ඉන්නව.

” අම්මේ අම්ම අද වැඩට ගියේ නැද්ද”

“නෑ පුතේ මට ඔලුවෙ කැක්කුමක් හැදුනා එක පාරම උදේ.ආමාරැවෙන් අර ගිනි අව්වේ වැඩ කරන්න බෑනේ මයෙ පුතේ ගියේ නෑ ඒ නිසා ”

” බත් ඇති පුතේ බෙදාගෙන කන්න නාලා ඇවිත් .මම ටිකක් හාන්සි වෙනවා පුතේ.”

“ඇයි අම්මේ තාම අමාරුයිද ”

“නෑ නෑ පුතේ තව ටිකක් නිදාගත්තා නම් හරියයි.පුතා එන වෙලාව නිසා මම ඇහැරලා බලන් හිටියෙ .”

“එහෙනම් නිදා ගන්න අම්මේ.”

පවු අම්මා ගොඩක් මහන්සි වෙනවා මන් වෙනුවෙන්. එයාට දැන් ඉස්සර වගේ ගොඩක් මහන්සි වෙන්නත් බෑ ⁣වගේ.මම මොනා කරන්නද දෙවියනේ.ඉගෙන ගන්න එක පැත්තකට දාලා ජොබ් එකක් හොයා ගන්න හිතෙනවා .මට සල්ලි හොයල අම්මව බලා ගන්න තිබුනා නම්.ඒත් අම්මගේ හීනේ ….තව ටික කාලයයිනේ මම කොහොම හරි අම්මට ඒ සතුට ගෙනත් දෙනවා….

❤️?❤️?❤️?❤️?❤️?❤️?❤️?❤️?❤️?

සතුටින් නේද හැමෝම .හෙටත් එන්නම් .ඔයලා හැමෝගෙම අදහස් කමෙන්ට් කර ගෙන යන්න.

ආදරෙයි දග පවුල?❤️