ටිකට් කපාගෙන අම්මව එක්කන් ආවා මේ ලඩේ ගැන අම්මට කිව්වෙ නෑ මම.ඒක ඇහුවම අම්මා මන් ගැන හිතලා ගොඩක් කලබල වෙන බව මම දන්නවා.ක්ෂිතිජගේ අම්මා කිව්වත් අම්මට හොද වෙනකන් එයාලගේ ගෙදර ඉන්න කියලා අම්මා ඒකට කැමති වුනේ නෑ.අම්මවත් එක්කන් අපේ ගෙදරටම ආවා.

“මම නිසා ඔයාලා හැමෝටම හරි කරදරයි නේද.මෙනාරා ඔයාටත් එහෙම නේද .ගොඩක් පින් මේ උදව් වලට”

“අනේ එහෙම නෑ සන්රැක්ෂ .ඔයාම නේද මට කියලා දුන්නේ මිනිස්සු වුනාම කරදරේකදී උදව් වෙන්න ඕනි කියලා .ඔයා කිව්ව හරි එදා මගේ මමී ඩැඩී මේවා කියලා දීලා නෑ මට.එයාලා සල්ලි පස්සෙම දුවනවා මන් ගැන හොයන්න වෙලාවක් නෑ.මාත් හිතන් හිටියෙ සල්ලි තමයි ජීවිතේ කියලා .ඒත් ඔයා නිසා මම ජීවිතේ ගැන තේරුම් ගත්තා .මම මගේ වැරදි හදා ගන්න උත්සාහ කරනවා.ඔයාට ගොඩක් තෑන්ක්ස් ඒකට ”

“එහෙනම් සන්රැක්ෂ අපි යනවා උදව්වක් ඕනි වුනෝත් කතා කරන්න .අම්මව පරිස්සමින් බලා ගන්න.හෙට ස්කූල් ආවම අපි කතා කරමු ”

” හරි බන් පරිස්සමින් පලයන් එහෙනම් .පරිස්සමින් ගිහින් එන්න මෙනාරා ”

පලවෙනි වතාවට මෙනාරා ලස්සනට හිනා වුනා මන් දිහා බලලා.මෙච්චර කාලයක් මම දැක්කේ නිතරම මට රවාගෙන ඉන්න නපුරු මූනම නේ.ඒ මුනේ ලස්සන දැක්කේ අද තමයි හරියට.අම්මාලාගේ වැරදි නිසා නිකන් නාස්ති වෙන්න ගිය ජීවිතයක් මම නිසා හොද මගට ඇවිත් .ලොකු සතුටක් දැනුනා මට.අනේ මගේ අම්මගේ ජීවිතේත් ⁣මට බේර ගන්න පුලුවන් නම්.⁣ලොකු සුසුමක් පිටවුණේ හිතට දැනුන වේදනාවත් එක්කම.අම්මට බෙහෙත් ටික දෙන්නත් ඕනි

“අම්මේ මීට පස්සේ අම්මා කොහෙවත් වැඩට යන්නෑ තේරැනාද අම්මේ.මම ස්කෝලෙ යන ගමන් කොහොම හරි සල්ලිත් හොයලා අම්මව බලා ගන්නවා.”

” එහෙම කරන්නේ කොහොමද පුතේ .මේ ලෙඩ හොද වුනාම මම වැඩට යන්නම් ආයේ.”

“නෑ අම්මේ අම්මා වැඩට යන්නෑ මීට පස්සේ.දැන් මේ බෙහෙත් ටික බීලා නිදා ගන්න ටිකක් .”

මම කොහොම හරි ස්කෝලෙ යන ගමන් කරන්න පුලුවන් ජොබ් එකක් හොයා ගන්න ඕනි.අම්මා නිදි අතරේ ඉක්මනට ගිහින් බලන්න ඕනි.මම ඉකමනට ඇදුමක් ඇදගෙන පාරට ආවා .මම එදා ටවුන් එකට ආව වෙලාවේ මට මතකයි කඩේක වැඩට කෙනෙක් ඕනි කියලා දැන්වීමක් තියෙනවා.මම ඉකමනට ඒ කඩේ හොයා ගෙන ගියා .මේ තියෙන්නේ ගිහින් බලනවා.

“ඔව් කියන්න ලමයෝ මොනවද ඕනි”

හරිම කරැණාවන්ත විදිහට ඒ මුදලාලි කතා කරේ.තරමක් ලොකු කඩයක් මුදලාලි විතරයි හිටියෙ .

“මේකයි මුදලාලි මම ජොබ් එකක් හොයනවා මම දැක්කා එලියෙ දැන්වීමක් තියෙනවා.එ්ක ගැන අහන්න ආවේ”

” මේ ලමයා ස්කෝලෙ ගිහින් ඉවරයිද”

“නෑ මුදලාලි ”

මම මුදලාලිට ඇත්තම විස්තරේ කිව්වා.

“එතකොට මේ ලමයට ස්කෝලෙ වෙලාවෙන් ප⁣ස්සේ නේද වැඩට එන්න වෙන්නේ .හරි කමක් නෑ.එහෙනම් හෙ⁣ට ඉදන් එන්නකෝ.”

“ගොඩක් පින් මුදලාලි මම හෙට ඉදන් එන්නම් ”

මට ලොකු සතුටක් දැනුනේ මට දැන් ස්කෝලෙ යන ගමන්ම අම්මව බලා ගන්න පුලුවන් .මම ගෙදර යනකොට අම්මා ඇහරලා

“කොහෙද පුතේ ගියේ”

“ඔන්න මට හෙට ඉදල සල්ලි හොයලා අම්මව බලා ගන්න පුලුවන් .බය වෙන්න එපා අම්මේ මම අම්මගේ හීනෙත් සැබෑ කරනවා.”

උදේම නැගිටල ඉව්වා.අම්මට දැන් ටිකක් හොද නිසා දාලා යන්න බයක් නෑ.උයලා කවලා බෙහෙත් ටිකත් දීලා .මූන සෝද ගන්නත් උදව් කරලා .ඕනි දේවල් ටිකත් ලගින් ගෙනත් තියලා අම්මව හාන්සි කරලා මම ඉක්මනට ලෑස්ති වුණා .

“අම්මේ මම ගිහින් එන්නම් .මම එනකන් ඇදේම ඉන්න අම්මා කොහෙවත් යන්න එපා.පරිස්සමින් ඉන්න මම ගිහින් එන්නම්”

“අනේ මන් නිසා කොච්චර දුක් විදින්න වෙලාද පුතේ .පරිස්සමින් ගිහින් එන්න”

❤️?❤️?❤️?❤️?❤️?❤️?❤️?❤️?❤️?

කතාව කම්මැලි වගේද ….ටිකක් ඉවසලා ඉන්නකෝ ආදර කතාවකුත් ඉකමනටම එයි ?

ආදරෙයි දග පවුල ❤️?