•කාල සංචාරය-හතරවෙනි සංචාරය

“අම්මා…… කවුරු හරි දොරට තට්ටු කරනවා.”

“චූටි දෝණි, මම වැඩක් පුතේ… ගිහින් බලන්න කවුද කියලා.”

“හොඳයි අම්මා. මං බලන්නම්.”

පාඩම් කරමින් සිටි පොත පැත්තකින් තැබූ සුලක්ෂිකා නැගිට ගොස් නිවසේ ඉද්දි දොර විවෘත කළාය. දොර අසල සිටි තැනැත්තා දුටු ඇය පුදුමයට පත් වී කෑ ගැසුවාය.

“අම්මේ….. අම්මෙ ඉක්මනට එන්නකෝ….. අයියා ඇවිත්…..”

“අනෙ මගෙ පුතා….. කොහෙද පුතේ හිටියෙ? අපි කොච්චර බය වෙලාද හිටියෙ?”

“ට්‍රිප් එක ගිය වෙලාවෙ අතරමං වුණානෙ අම්මා. ගොඩක් අමාරුවෙන් ඒ කැළෑවෙන් එළියට ආවෙ. දැන් මං ආවනෙ. ඒ නිසා බය වෙන්නෙ නැතුව ඉන්නකෝ.”

“අනෙ පුතේ….. යාලුවොත් එක්කම හිටියා නම් අතරමං වෙන්නෙ නෑනෙ. ආපහු ට්‍රිප් යනවා නම් කැළෑ අස්සෙ රිංගන්න එපා මගෙ පුතේ.”

“හරි අම්මා….. මං ආපහු මගෙ අම්මව බය කරන්නෙ නෑ.”

“අයියේ….. අම්මව විතරද බය කරන්නෙ නැත්තෙ? මං කොච්චර බය වුණාද අයියගෙ යාලුවන්ට අයියව හොයා ගන්න බෑ කියද්දි?”

“මං දන්නවා නංගියා ඔයාලා හැමෝම ගොඩක් බය වුණා කියලා. මං ආපහු ඔයාලා කාවවත් බය කරන්නෙ නෑ. මං පොරොන්දු වෙනවා.”
#############################

“අම්මේ…… අම්මේ……”

“අනෙ මගෙ දූ…… කොහෙද හිටියෙ දුවේ මෙච්චර කල්? අපි කොච්චර බය වුණාද දුවේ?”

“අනෙ අඬන්න එපා අම්මේ. මං අර බුක් ෂොප් එක ළඟ තියෙන කැළේට ගියානෙ. ආපහු කැළෙන් එළියට එන්න පාර හොයා ගන්න බැරි වුණා මට. පාර හොයන්න කියලා ඇවිදිද්දි තවත් අතරමං වුණා අම්මා.”

“මම කියලා තියෙනවා දූට….. ඔය ගඩා ගෙඩි කඩන්න කැළෑ අස්සෙ රිංගන්න එපා කියලා. කොච්චර කිව්වත් අහන්නෙ නෑනෙ මේ ළමයා. අපි ඉතින් ගිනි පත්තු වෙවී ඉන්න ඕනා.”

“හරි,හරි අම්මා…. මට කරදරයක් වුණේ නෑනෙ. මං කොහොම හරි පාර හොයා ගෙන ආවනෙ අම්මා. ආපහු මං කැළෑ අස්සෙ රිංගන්නෙ නෑ…… මං මගෙ අම්මට පොරොන්දු වෙනවා.”

“ආපහු මේ අම්මව බය කරන්න එපා දුවේ.”

“මං පොරොන්දු වුණානෙ අම්මා. මං ආපහු කවදාවත් මගෙ අම්මව බය කරන්නෙ නෑ. දැන් ඔය අඬන එක නවත්තන්නකො.”

“යමු දුවේ ගෙට.”

“හා අම්මා.”
##############################

සෑම TT සාමාජිකයෙක්ම තම නිවෙස් කරා ගියෝය. බොහෝ දෙනෙක් තම ගම රට බලා ගියේ අවුරුදු ගණනාවකට පසුවයි. සමහරුන් නිවෙස්වලට ගියත් නෑදෑයන් හමු නොවූයේය. එකම රටේ සිටි එවැන්නන් එකට ජීවත් වූහ. පොලිසියෙන් කරන ලද ප්‍රශ්න කිරීම්වලට ද නැවත නිවෙස් බලා ගිය TT නිලධාරින්ට මුහුණ දීමට සිදු විය. නමුත් ඔවුන් කුමක් හෝ බොරුවක් පවසා TT ආයතනයේ රහස්‍යභාවය ආරක්ෂා කළෝය.

මේ යුද්ධය නිසා TT නිලධාරින් බොහෝ පාඩම් ඉගෙන ගත්තෝය. එපමණක් නොව ඒවා තම ජීවිතයට එක්කර ගත්තෝය. කුමන දේ අහිමි වූවත් TT නිලධාරින් සතුටින් ජීවත් වූයේ ඔවුන් එකිනෙකා අතර ඇති වී තිබූ සහෝදරත්වය නිසායි.

යුද්ධයෙන් පසු අවුරුදු දෙකක් ගත වන තුරු නිහඬව සිටි TT නිලධාරින් නැවත TT මෙහෙයුම් සඳහා එක් වූවෝය. යුද්ධය නිසා එකමුතු වූ ඔවුන් එකම පවුලක් ලෙස සතුටින් තම ජීවිත ඉදිරියට ගෙන ගියෝය.

????නිමි??????

ජීවිතේ අපිට හුඟක් බාධක එනවා. ඒ හැම දේකින්ම අපේ ජීවිතයට අලුතින් පාඩමක් උගන්නනවා. මේ කතාවෙන් ඔයාලට ආදර්ශයක් දෙන්නයි මට ඕන වුණේ. එකමුතුකමේ ශක්තිය තමයි මං මේ කතාවේ ඔයාලට පෙන්නන්න උත්සහ කෙරුවේ. ඊට අමතරව සහෝදරත්වය, කැපවීම, ධෛර්යය, නොපසුබට උත්සහය, අන් මත ඉවසීම, නිහතමානී බව,නායකත්වය, භේද නොසැලකීම, සෑම දෙනාටම උපකාර කිරීම, පරාර්ථකාමීත්වය, බුද්ධිමත් බව, ඉක්මනින් ඉගෙන ගැනීම වගේ ගුණාංග ගොඩක් මං මේ කතාවට එකතු කළා. මේ ගුණාංග වලින් කීයක් ඔයාලට මේ කතාව ඇතුලෙන් තේරුම් ගියාද කියන්න මං දන්නෙ නෑ. මේක නිකන්ම නිකන් කතාවක් විදියට කියවලා අමතක කරන්න එපා. මේ ගුණාංග ඔයාලගෙ ජීවිතේට එකතු කර ගන්න. මට දෙන්න ඕන වුණු ආදර්ශය ඔයාලට ලැබුණා නම් ඒක තමයි මගෙ සතුට.

TT ආයතනය වගේ රහසිගත සංවිධාන ගොඩක් මේ ලෝකෙ පුරාම ඇති. ඒ රහසිගත සංවිධානවල කවිනි වගේ අය ගොඩක් ඇති. ඒ සංවිධාන ඇතුලේ විතරක් ප්‍රසිද්ධ වෙලා මුළු ලෝකෙන්ම හැංගිලා ඉන්න අය ගොඩක් මේ ලෝකෙ ඉන්නවා ඇති. අපි දෙයක් කරන්න ඕන ලෝකෙට පේන්න නෙමේයි. අපි කරන දේ අපේ හෘද සාක්ෂියට එකඟව කරන්නයි ඕනා. සමහරවිට අපි ඒ කරපු දේ ගැන කවුරුත් දන්නෙ නැතුව යන්න පුළුවන්. ඒත් අපි ඒ කරපු දේ නිසා එක් කෙනෙක් හරි සතුටින් ඉන්නවා නම් අපිටත් සතුටු වෙන්න පුළුවන් වෙන්න ඕනා. හැම වෙලාවකම නිහතමානී වෙන්න. මොකද ඔයා දෙයක් කරලා ප්‍රසිද්ධ වුණත් තව කෙනෙක් ඔයාට වඩා ලොකු කැප කිරීමක් ඒ වෙනුවෙන් කරලා තියෙන්න පුළුවන්.

කවුරු හරි දෙයක් කරන්න මහන්සි වෙන කොට ඒ දේ එයාට කරන්න බෑ කියලා හිනා වෙලා එයාව මානසිකව වට්ටන්න එපා යාලුවනේ. ඒ කරන්නෙ හරි දෙයක් නම් ඒක කරන්න උදව් කරන්න. කිසිම භේදයක් සලකන්නේ නැතුව හරි දේට උදව් කරන්න. ඒ කරන්නෙ වැරැද්දක් නෙමේ කියලා දන්නවා නම් උදව් කරන්න දෙපාරක් හිතන්න එපා. හෙෂාන් ළඟින් ඉඳලා කවිනිට ශක්තියක් වුණේ නැත්නම් කාල සංචාරකයොන්ගෙ යුද්ධය නතර නොවෙන්න තිබුණා. ඉතින් ඔයාලත් කෙනෙක්ව වට්ටන්න කලින් සිය පාරක්වත් හිතන්න. ඒත් කෙනෙක්ට උදව් කරද්දි ඔයාට ඒකෙන් ලැබෙන්නෙ මොනවද කියලා එක පාරක්වත් හිතන්න එපා.

කොටස් හතරක් කාල සංචාරය එක්ක හිටිය හැමෝටම ගොඩක් ස්තූතියි. මේ කතාව ගැන ඔයාලගේ අදහස්, යෝජනා, චෝදනා වගේම මගෙ අඩුපාඩු කියලා කමෙන්ට් එකක් දාන්න. මේ කතාවෙන් ඔයාලගෙ ජීවිතේට යමක් එකතු කර ගන්න. තවත් අලුත් කතාවකින් අපි ආයෙත් හමු වෙමු.

දිවි ගමනේ ශක්තියයි
අප සැමගේ එකමුතුකමයි
දිරි දෙන්නෙ දිනන්නටයි
නිතරම හිනැහෙන්නටයි

උපකාර කර සැම විට
ශක්තියක් වන්න මිතුරනට
හතුරෙකු වුවත් නිවැරදි නම්
උපකාරයට පසුබට වනු එපා

කියවනා ලෙස කතාවන්
ගන්න එහි ආදර්ශයන්
දිනන්න ඔබෙ දිවි හොඳින්
බලා සිටිමි මම තුටින්