? RUN OF KILLERS ?
ජාවාරම ?️
අටවන කොටස

B 13 ප්‍රදේශයේ ඇළ මාර්ගයක් අසල තිබී සොයා ගත් නාදුනන මළ සිරුර අතුරුදහන් වූ වික්‍රම නැමති පුද්ගලයාගේ බවට තහවුරු කර ගැනීමට පොලිසියට අපහසු නොවීය ඒ ඔහුගේ මුදල් පසුම්බියේ තිබී සොයා ගත් හැඳුනුම්පත හරහාය.
එවිට රාත්‍රී හත ආසන්නව තිබුනද සැළකිය යුතු පිරිසක්
මෘත දේහය අසල රොක් වී සිටියේ නාසයට අත තබාගෙනය. පො.පරීක්ෂක කෝසල එම ස්ථානයට පැමිණි අතර උප පොලිස් පරීක්ෂකවරයා රැස්ව සිටි පිරිස ඉවත් කලේය.
” සර් බොඩි එක හොඳටම නරක් වෙලා ”
උප පො.පරීක්ෂකවරයා පැවසුවේය මිනිය අසලට ගිය පො.පරීක්ෂකවරයා හටයි. සැබැවින්ම එසේ විය. එය හඳුනාගත නොහැකි තරම් කුණු වී ඕජස් ගලමින් තිබුුනු අතර මැස්සන්ගෙන් හා පණුවන්ගෙන් වටව තිබුනි. පො.පරීක්ෂකවරයා සහ උප පොලිස් පරීක්ෂකවරයා තවත් ඒ දෙස නොබලා ඉවතට විය.

” ⁣මේ අවට චෙක් කරාද ?”
” මම කට්ටිය දාලා සර් තියෙන්නෙ , සර් අපිට එදා මෑන්ගෙ ත්‍රී වීල් එක හම්බුනෙ මෙතන ඉඳලා කිලෝමීටර් පහක් විතර දුරකින් තියෙන කැලේකින්.
මට හි⁣තෙන්නෙ මේක ප්ලෑන් කරලා කරපු දෙයක් නෙවෙයි”
උප පොලිස් පරීක්ෂකවරයා මතයක් ගෙනාවේය.

” පෝස්ට්මොටර්ම් එකට යවලා හෙටම රිපෝට් ටික ගන්න , අපිට ඉක්මනට මේක විසඳන්න පුළුවන් . දැනටමත් අපි එක සාක්ෂිකාරයෙක් හොයාගෙන ඉවරයි. ”

කෝසල උප පොලිස් පරීක්ෂක ධනංජයට මුවඟින් සිනහවක් පාමින් පැවසුවේය.

………………………………………….?

ඒ C2 ප්‍රදේශයේ තරමක් හුදෙකලා ගම්මානයක පිහි⁣ටි සත්ත්ව ගොවිපලකි. එහි තිබූ පැරණි නිවස තුල පුද්ගලයින් පස් දෙනෙකු කතා බහක සිටි අතර ඔවුන් යමක් සැලසුම් කරමින් සිටියේය.

” ෂේකර් අයියා, අපිට කවදාවත් මෙහෙම දෙයක් වෙලා නෑ ,මූ අපිට කරපු බලු වැඩේට මූව නිකන් අත අරින්න හොඳ නෑ ”
එක් පුද්ගලයෙකු පැවසුවේය.
” රවී අයියා මට ඌ කියපු දේවල් වලට ඌව එතනම බාවන්න තිබුනා. ඌ අපෙන්ම කෙල්ලෙක් අරන් ගිහින් අපිටම පල් ටෝක් දුන්නා”
” උඹලා හැමෝටම කියන්නෙ , මීට පස්සෙ කෙල්ලෙක් ඩීල් කරද්දි අරන් යන්නෙ මොකා වුනත් ඌටත් වෝනින්ග් එක දීපන්, රාජු අර රෝයිද මොකාද කියන එකාව ඉවරයක් කරලා දාපන් ”
චන්ද්‍රෂේකර් නැමති පුද්ගලයා පැවසුවේය.

” ෂේකර් අයියා , ගොවිපලේ වැඩ වලට එකෙක් ගේන්න වෙයි අපි හය දෙනාට දැන් ඒ වැඩ කරන්න වෙලාවක් නෑ . අපේ කොල්ලො පස් දෙනත් ⁣කෙල්ලො උස්සන වැඩේට දැම්මා ”
” කඩේ මුදලාලියට කියපන් , මිනිහගෙ කඩේ වැඩ හොයාගෙන එන එකෙක්ව එවන්න කියපන්.
‘ රාණී’ ”
චන්ද්‍රෂේකර් තරමක් හඬින් පැවසූ අතර කාන්තාවක් පැමිණියේය.
” ඇයි මහත්තයා ?”
” කෙල්ලො ටික හොඳට බලාගනින්, උන්ට වෙලාවට කන්න දීපන් , ඒ පැත්තෙ කවුරු හරි කැරකෙනවා දැක්කොත් රවියට කියපන්”
…………………………………………?

දිනක් නිවසට අවශ්‍ය බඩු මුට්ටු කිහිපයක් රැගෙන ඒම සඳහා ටීෂා තම දියණියද සමඟ කෝසලගේ අනුදැනුම ඇතිව නගරයට පිටත් විය. කුලී ත්‍රී රෝද රථයකින් නගරයට පැමිණි ඔවුන් දෙදෙනා සුපිරි වෙළඳසලකින් අවශ්‍ය ද්‍රව්‍ය මිලදී ගෙන නැවත නිවසට යාමට ත්‍රී රෝද රථයක් පැමිණෙන තුරු බලා සිටියේය. නමුත් ඇය බලාපොරොත්තු නොවූ පරිදි වේගයෙන් පැමිණි මෝටර් රථයක් ඔවුන් අසලින් නතර වූ අතර එයින් බැසගත්තේ රෝයි හෙවත් ඇයගේ නීත්‍යානුකූල සැමියායි.
ඇය එම ස්ථානයෙන් යාමට පිටත් සැරසුනද රෝයි එය වැළැක්විය.
” කොහෙද මේ එළවළු මල්ලකුත් උස්සන් , හ්හ .. තමුසෙ ඒ ටිකට ගේකුත් හොයාගත්තද ? නැත්නම් කාගෙ හරි ඇගේ එල්ලුනාද?”
” කරුණාකරලා පැත්තකට වෙනවද , නැත්නම් තමුන්ට වෙන්නෙ මොකක්ද කියලා හිතාගන්න බැරි වෙයි?”
” ආ , ඇයි උඹ මට මොනවා කරන්නද?”
” මේ ⁣උඹ උඹ කියාගෙන එන්න ලෑස්ති වෙන්න එපා මොකද මම තමුසෙගෙන් කාලා බීලා හිටිය කාලේ ඉවරයි”
” එහෙමද , ඇයි දැන් උඹට කන්න අඳින්න දෙන්න එකෙක් ඉන්නවද , උඹේ කට වැඩී ටීෂා ”
” තමුසෙ මගෙ නමවත් කියනවට මම කැමති නෑ රෝයි කරුණාකරලා මටයි දරුවටයි පාඩුවේ ඉන්න දීලා යනවා , එපා හින්දනෙ එදා මාවයි දරුවවයි හිඟන්නො ගානට මහ පාරට ඇදලා දැම්මෙ”
” කොහොමත් මට උඹලව ඕන නෑ, හැබැයි උඹට මම යහතින් ඉන්න දෙන්නෙත් නෑ කටවහගෙන නැගපන් බැල්ලි , තෝව අද මම ඉවරයක් කරනවා”
රෝයි ඇයවත් දියණියවත් මෝටර් රථයට බලෙන් මෙන් ඇද දැම්මෙ දියණියගේ විලාපය මැද්දේය.
ඔවුන් දෙදෙනාව මෝටර් රථයට නංවාගත් රෝයි හනික එම ස්ථානයෙන් පිටත් විය.
ඒ අතර චන්ද්‍රෂේකර්ගේ පිරිසක් විසින් ⁣ රෝයි සොයමින් සිටියේය.
…………………………………………?………………………………………………….

? මොනවා වෙයිද?

? රෝයිගෙ අතින් ටීෂාගේ පරිච්ඡේදය අවසන් වෙයිද?
නැත්නම් ,
? චන්ද්‍රෂේකර්ගේ කණ්ඩායම විසින් රෝයි ,ටීෂා ,දියණිය යන තිදෙනාගේම අවසානය සිදු වෙයිද?