23

” ඔයාගෙ ෆියුච එකට මගෙන් සුභ පැතුම් සර් ……හැමදේම හොදින් සිද්ද වෙන්න කියලා එක හිතින් ප්‍රාර්තනා කරනවා….”

දේදුනු පැවසූවට නුරාග් ගොලුවන්නට විය…තවත් රැදෙනු නොහැකි බව දැනුන තප්පරයේ නුරාග් ආපසු හැරී යන්නට විය.
………………………….

දේදුනු තම කුලී නිවසට පැමිනියේ ඇවිදින මල කදක් ගානටය…

නිවසතුලට ඇතුලු වූ දේදුනු නිවසෙ දොර අඩවල් කරන්නට විය..ඉදිරියට තැබුවේ අඩි කිහිපයක් පමනි.

දේදුනු අත රැදි මානයේ තිබු මල් බදුන ඔසවා පොලව මතට ගැසුවේ මැටි මල් බදුන බිදී එහි කෑලී සී සීකඩ විසිරී යද්දී.

” ඇයි මටම ඇයි මටම මෙච්චර දුකක්…ඇයි මටම….මම විදෙව්වා මදිද හා…මම තව විදවන්න ඕනද…ඔයා කාලෙන් කාලෙට එක එක්කෙනාව මට ලන් කර කර මොකක්ද මේ කරන සෙල්ලම … ඔයාටත් විනෝද වෙන්න මගෙ ජීවිතේද හම්බුනේ ආ…කියන්න ..මට උත්තර දෙන්න…”

දේදුනු අත එහෙ මෙහෙ කරමින් දෙවියන්ට බනින්නට විය..

.අවසානයේ හති වැටී ඈ බිත්තිය දිගේ රූටා ඇවිත් ටයිල් පොලව මත වකුටු වන්නට විය .

” ඇයි මට මෙච්චර දුකක්….ඇයි…එයා ගියාදෙන් …එයා ගියාදෙන් ……”

ඈ ඉකි ගසමින් තව තවත් වකුටු වන්නට විය.

” දෙවියනේ දේදූ ඇයි මේ…”

සාදය අවසානයේ නුරාග් පිටව ගිය පසු දේදුනුගේ අමුතු හැසිරීම නිසා ඈ ගැන මදක් අවදානයෙන් උන් සමාදී වරුනගෙන් අවසර ගෙන දේදුනු පසු පසම ආවේ ඈ ගැන හිතට බයක් දැනෙද්දී .

ඈ සිතුවා නිවැරදිය දේදුනු උමතුවී ඇත…

දේදුනු අසලට කිට්ටුවූ ඈ දේදුනුව වැලද ගන්නට විය.

” මැනික ඇයි මේ…….”

” ඇයි අක්කී මට මෙහෙම උනේ ඇයි….මම ආදරේ කරන කිසිදෙයක් මට ලැබෙන්නේ නැත්තේ ඇයි අක්කී…මම ඒ තරම් පව් කාරද……”

” පැටියෝ මේ ඔයා තොර ගත්ත පාත් එකනේ රත්තරනේ ඉතින් ඇයි මේ……”

” නෑ අක්කී නෑ මේ මට ඕන දේ නෙමේ ..මට එදාමයි ඕන උනේ ඒ පපුවට තුරුල් වෙලා මගෙ දුක කියලා නිදහස් වෙන්න….කවුරුත් මගෙ පැත්තට නැතුව මාව හන්වඩු ගහද්දී එයා… එයා විතරයි අක්කී මාව තේරුම් ගත්තේ …හැම මොහොතකම මට නොදැනෙන්න මගෙ ලගම එයා ඉදලා අක්කී….ඒත් ඒත් මන් මොනාද කලේ ..මන් හැම වෙලේම එයාට රිද්දුවා ..හැමෝම වෙනුවෙන් එයාව අත හැරියා…දැන් මම අඩනවා අක්කී එයාට යන්න දීලා මම අඩනවා…”

” ඔයා නුරාග්ට ආදරෙයිද පැටියෝ…….”

” හැමෝම මාව කොන් කරද්දී එයා විතරයි අක්කී මට ආදරේ කලේ ඒකත් මගෙන් කිසිම දෙයක් බලා පොරොත්තු නොවීම.. දෙයියනේ එහෙම හිතකට ආදරේ නොකර ඉන්න මම යකඩ වලින් හැදිලා නෑ අක්කී..

.මටත් හැගීම් දැනීම් දැනෙනවා…ඒත් මන් අසරණයි අක්කී මන් අසරනයි…එච්චර ලස්සන හදවතක් දෙයියෝ මගෙ ලගට ගෙනත් දීලත් ඒ හදවත එක හිතින් අරගන්න මට අයිතියක් නෑ..මම එච්චරටම පව් කාරයි අක්කී…….”

” නුරාග් මේ ගැන දන්නවනම් හුගක් සතුටු වෙයි නංගෝ…අපි කියමු එයාට..”

” එපා අක්කී ..එපා..එයාගෙ අම්මා මේකට කැමති නෑ.එයා එයාගෙ ජීවිතේ හදාගත්තාවේ කවුරු නැතත් එයාට රත්තරන් වගේ වටින අම්මෙක් තාත්තෙක් ඉන්නවා එයාලා නුරාග් ගැන බලාවී….අනික මම මෙච්චර දවසක් එයාව එපා කියලා දැන් කැමති කිව්වොත් එයත් හිතවි මන් සල්ලී පස්සේ එන ගෑනියක් කියලා ..එපා අක්කී..මට තවත් ඔය වගේ දෙයක් දරාගන්න බෑ…..මම හුගක් හෙම්බත්වෙලා ඉන්නේ….අයිතියක් නෑ කියලා දැන දැන මම මගෙ ආදරේ වෙන කෙනෙක් වෙනුවෙන් දුන්න කෙනෙක් අක්කී මම…ඒත් දැන් මටම හම්බුන ඒ ආදරේ අරගන්න බැරිව දුක් විදිනවා මම….එයා ගියපුදෙන්…මම හැමදේම දරාගන්නම් …මේ කාලේ ඇතුලත එයාට මාව අමතක වෙයි……”

” ඔයාට එයාව අමතක කරන්න පුලුවන්ද දේදූ……….”

සමාධි ඇසුවේ ඇගෙ උරහිසේ හිස තබා හඩා වැලපෙන දේදුනුගෙ මුහුන දෑතට ගනිමිනි.

” කියන්න දේදු ඔයාට නුරාග්ව අමතක කරලා වෙනකෙනෙක් ලගට යන්න පුලුවන් වෙයිද…..”

” නෑ අක්කී නෑ කවදාවත් නෑ ..ඒත් එයාගෙ සතුට ඒකනම් ඒ සතුට වෙනුවෙන් මන් ඕන දෙයක් කරනවා අක්කී ..ඕනම දෙයක්…”

” ඕනම දෙයක් කරනවා කියලා කිව්වට වැඩක් නෑ අයිසේ ඒක කරන්නේ නැත්තම්…මගෙ සතුට තමුසෙ කියලා දැන දැන මගෙන් දුරකට දුවන්නේ තමුසේ මොනවා හිතාගෙනද…ආදරේ පරිත්‍යාග කරලා මහා ශුද්ද වන්තිය වෙන්නද තමුසෙගෙ අදහස ආ…”

ඒ හඩත් සමගම දේදුනු මෙන්ම සමාධිද ගැස්සී නිවසේ ප්‍රදාන දොරටුව වෙතට නෙත් හෙලන්නට විය .

“නුරාග් සර්…..”

” නුරාග් ඔයා…”
සමාධි මෙන්ම දේදුනුද මිමුනුවෙ කලබලෙනි.

” ඔව් මම තමයි….දේදු තමුසෙ තාම හැදුනේ නැද්ද…අවුරුදු ගානක් තමන්ගෙ වුන් කිය කියා කරන්න පුලුවන් හැමදේම කරලා අන්තිමට උන්ට හොද කරන්න ගිහින් නරක නාමයක් ගාගෙන පැත්තකට උනා..

.දැනුත් තමුසෙ කරන්නේ ඒක නෙමෙයිද ආ…

තමුසෙ ඩොක්ට කෙනෙක් උනේ හොරෙන්ද…ඔය ඔලුවෙ මොලයක් කියලා එකක් නැද්ද මැටිද තියෙන්නේ…..ඔයාගෙ ෆියුච එකට ගුඩ් ලක් කියලා මට කියලා,අන්තිමට ගෙදර ඇවිත් බඩුත් පොලේ ගහලා අඩනවා…ආදරෙයි කිය කිය…තමුසෙට ඇත්තටම පිස්සුද…..”

” නුරාග් සර් මං මං…..”

දේදුනු ගොත ගසන්නට වූයේ ඉකිය පාලනේ කරගැනීමට වෙරදරමිනි.

” කට ..කට වහනවා තමුසෙ කියෙව්වා හොදටම ඇති…ඔය වචන ටික මීට අවුරුදු තුනකට කලින් කිව්වනම් මේ වෙනකොට හැමදේම විසදිලා පැංචි..

ඒත් තමුසෙ ඒ හැමදේම විනාස කලා..

.පිරිමි පාර්ක් ගානේ හෝල්ට් ගානේ ෆිල්ම් හෝල් ගානේ බඩගාන්න පොශ්කෑලී හෙව්වට බදින්න හොයන්නේ අවංක හදවතක් තියන සංවර ගෑනියක්ව දේදු..

ඒ ජීවත්වෙන බහුතර පිරිමි කියන කොට්ටාශයෙ හැටියක්….
පවුල් ජීවිතයක් ගෙවන්න නම් සතුටින් …පොලවෙ පයගහපු ගෑනියක් එක්ක ජීවත්වෙන්න ඕන….

මොකද බදින්න කලින් උන්න විදිහට බැන්දයින් පස්සේ ජීවත් වෙන්න බෑ…පවුල් ජීවිතයක් ඇතුලේ පිරිමියෙක් හොයන්නේ තමන්ව දරාගන්න… හිත හයියා ගෑනියක්ව…වැටෙන වැටෙන පාර නැගිටින්න අපි එකට ගමන යමු කියන ශක්තිමත් ගෑනියක්ව..විශ්වාසේ රැකගන්න පුලුවන් ගෑනියක්ව…ආදරෙන් පිරිලා ඉතිරිලා ගිය ගෑනියක්ව. ඉතින් එහෙම පවුල් ජීවිතයක් සතුටින් ගෙවන්න මට ඕන අවංක හිතක් විතරයි දේදු…මට ඕන තරම් සම්බන්ද කන් තිබුනා ඒත් ඒ එකියක් ගාවවත් නොතිබුන හරි ලස්සන හදවතක් මන් උඹෙන් දැක්කා රත්තරන්..

.මට මොනවයින්වත් අඩුවක් නෑ ඒත් මාව තේරුම් ගන්න පුලුවන් මාව විශ්වාස කරන මන් වෙනුවෙන් හැමදේම කැපකරන ආදරයක් මට ඕන උනා දේදු…

මං ඒ වගෙ පරාර්තකාමි හිතක් දැක්කේ උබෙන් විතරයි…උබට සල්ලී ඕනනම් N.C චැනල් එකෙන් රික්වෙස්ට් එකක් ආව දවසෙමයි ඒකට එන්නේ ..මොකද ඒ ගැන තමුන් හොදාකාරවම දැනගෙන උන්න බව මන් දන්නවා..

.ඒත් කවුරුත් නොකරපු විදිහට තමුන් ඒක රිජෙක්ට් කරද්දි මට පුදුම හිතුනා එදා ඉදන් මම තමුන් ගැන හෙව්වා.

..පස්සෙ දවසක කිසිම ලේ බැදීමක් නැති කෙනෙක් වෙනුවෙන් තමන් ගැනවත් නොහිත අර කෙල්ලගෙ ජීවිතේ බේරපු උබව අහම්බෙන් හොස්පිටල් එකේ ඇදක් උඩ ඉන්නවා දැකලා මේ හිතම ගැස්සුනා දේදූ…

සල්ලී වලට හැමදේම කරන්න පුලුවන් කියලා හිතාගෙන උන්න මගෙ මුලු ජීවිතේම කනපිට හැරුනා…එදා ඉදන් මම උබ පස්සෙම වැටිලා හිටියා …හරියට ඩ්‍රග් එකකට ඇඩිට් වෙලා වගෙ…. සතියකට එක වතාවක් වත් ඔය මූන දැක්කේ නැත්තම් මට නින්ද ගියේ නෑ ඒ තරමට උබේ වැඩවලට පිස්සු වැටුනා මම.
එක වෙලාවකට මම මටම හිනාවුනා උඹගෙ මොන මගුලකට මම කැමති වුනාද කියලා දේදු…ඒත් ඒ හැම දේකටම උත්තරේ උබම මට හොයලා දුන්නා…

තමන් අවුරුදු ගානක් තනියම ආදරේ කරපු ඒ හිතේ අයිති කාරයා වෙන කෙනෙක් බදිද්දී උබ ඒ හැමදේම තනියම දරන් හිටියා…ඊටත් පස්සේ අච්චර වෙනස් කම් කරපු පහන්‍යගෙයි තෙනුවරගෙයි දරුවා ඇහැක් වගෙ බලාගන්න උඹගෙ හිත කොච්චර ආදරනීය වෙන්න ඕනද රත්තරන් ….අච්චර දුශ්ට කන් කරපු අක්කයි අක්කගෙ දරුවයි වෙනුවෙන් ජීවිතේ දෙන්න තරම් උඹ කොහොමද රත්තරන් ඔච්චර ටම අහිංසක උනේ….

ඒ වගෙ හිතක් නැතිකරගෙන ජීවිත කාලෙන විදවන්න මට බෑ රත්තරන්

ඇති ..

මේ හැමදේම ඇති ..

.මන් මහ ගොඩක් උබට ආදරෙයි…මේ හිත පිරෙන්න මට ආදරේ කරපන් මගෙ පැංචියේ ආයේ කිසි දවසක ඔය හිතට දුකක් නොදැනෙන්න මේ අත් අස්සේ තියාගෙන මන් උඹව මෙ ලෝකෙන්ම පරිස්සම් කරනවා මැනික ..මාව විශ්වාස කරන්න… මගෙ ලගට එන්න…”

එසේ කියූ නුරාග් දෑත් දෙදුනු වෙතට දික්කරන්නට විය..

ඒ ශනයෙන් නුරාග්ගේ තුරුලට පැනගත් දේදුනු ඔහුගෙ පපුවට වාරුවී හඩා වැටෙන්නට විය …නුරාග් ඇයව අතොරක් නැතිව සිපගන්නට වූයේ මුලු ලෝකයක් ලැබුව පරිද්දෙනි.
ගතවී ගියේ නිමේශයකි.

” නුරාග්….”

සුසීලාගේ හඩ නිවස පුරා දෝන්කාර දෙන්නට විය

…………නැවත හමුවෙමු…….