පින්වන්ති මා

12 කොටස

” මම කාමරේට ගියාම ඔයා ඇඳ උඩින් වාඩි වෙලා ඔයාගේ වැඩක් කරගන්න ….මම කරදර කරන්නේ නෑ අයියේ …..

මම නිදාගන්නවා ….”

එහෙම කියලා මම ලැප්ටොප් එකත් අරගෙන කාමරේට ගියා .අයියත් මගේ පස්සෙන්ම ආවේ එයාට වෙන කරන්න දෙයක් නොතිබුණු නිසා .

මම ඇඳ උඩට ගිහින් අයියගේ ලැප්ටොප් එක ඇඳ උඩින් තියලා කොට්ටයක් අරන් ඇඳ විට්ටමට හේත්තු කරා.

” ආ..මෙතනින් වාඩි වෙන්න ඔයා…..”

අයියා එතනින් වාඩි වුණාට පස්සේ තමයි මම එයාට ලැප්ටොප් එක දුන්නේ .මම තව කොට්ටයක් අරගෙන එයා ළඟම තියලා ඇඳේ හාන්සි වුණා .

” අභී …..
ශීට් එක දා ගන්න ඇඟට….”

අයියා එහෙම කියන්න ඇත්තේ මගේ ගවුම කොට නිසා වෙන්න ඇති.මම අයියා කියපු දේට අවනත වෙලා ශීට් එක අරන් පොරව ගත්තා .

මේ තරම් මාව පරිස්සම් කරන මං ගැන හිතන අයියට මම කොහොමද ආදරේ නොකර ඉන්නේ .මීට කලින් කවදාවත් මට මේ විදියට කොල්ලෙක් ගැන හැඟීමක් ඇති වෙලා නෑ .

කොල්ලො ඕන තරම් ආශ්‍රය කරා ළඟින්ම .ඒත් ඒ හැමෝටම වඩා නුහුරු වෙනස් හැඟීමක් මට අයියා ගැන දැනෙනවා .

අයියා ළඟම දැවටි දැවටි ඉන්න මම ගොඩක් ආස කරා .අයියා ඒ ගැන මොන විදියට හිතුවද කියලා මම දන්නේ නෑ .ඒත් මට දැන් අයියව දාලා යන්න බැරි තරමට හිතින් මම එයාට ගොඩක් ළන් වෙලා ඉවරයි .

” අයියේ ….”

” ඇයි ළමයෝ….”

” මට නින්ද ගියාම දාලා යන්න එපා…..”

” පිස්සී ….මට මෙතන ඉන්නද කියන්නේ ආ..හ්..”

” ම්ම්…මෙතනින් නිදා ගන්න ඔයත්…..”

” අභී ….තේරුම් ගන්න බබා…ඒක හොඳ දෙයක් නෙමෙයි ….

ඔයා දැන් ලොකුයි නංගි …හිතෙන හිතෙන විදියට කෙල්ලෙක්ට බෑ කොල්ලෙක් ළඟ නිදාගන්න …..”

මම කොච්චර අයියට ළන් වෙන්න හැදුවත් එයා හදන්නෙම මගෙන් ඈත් වෙන්න .එයාව මගේ ළඟින් තියාගෙන මම බලාපොරොත්තු වුණේ කායික සතුටක් නෙමෙයි .මට ඕන වුණේ එයා ළඟම ඉන්න විතරයි .

හිතට දැනුණු වේදනාවටම ඇස් වලට උනපු කඳුළු මට නතර කරගන්න බැරි වුණා .අයියා ළඟම හිටපු මම කොට්ටේ අරගෙන ඇඳේ එහා කොනටම දාලා අයියගෙන් ඈත් වෙලා මම ඇඳේ කොනටම ගිහින් ඇස් දෙක පියාගත්තා .

තිබුණු තරහටම පොරවගෙන හිටපු ශීට් එක ඇදලා අරගෙන ඇඳෙන් බිමටම වීසි කරලා දැම්මා .

තවත් මගේ හිතේ රිදෙන්න දෙයක් ඉතුරු වෙලා තිබුණේ නෑ .මම කොට්ටෙට මූණ තද කරගෙන ඉකිගහන්න ගත්තේ අයියට ඇහෙයි කියලා බයට.

” අභී ….
ඇත්තට මූණ දෙන්න පුරුදු වෙන්න ….ඔය විදියට තරහ අරන් ප්‍රශ්න විසඳන්න බෑ …”

මට ඇති ප්‍රශ්නයක් නෑ ..අයියා මාව තේරුම් ගන්නේ නැති එක තමයි මට තියෙන ලොකුම ප්‍රශ්නේ .එයාට උත්තරයක් දෙන්න වත් මට ඕන උනේ නෑ .

අඬ අඬම මට නින්ද ගිහිල්ලා .ඇස් ඇරලා බලද්දී දැකපු දෙයින් පුදුම වුණ තරම කොයි තරම්ද කිව්වොත් ඉහළට ගත්තු හුස්ම මට පහළට දාන්නත් අමතක වුණා වගේ.

නිදාගන්න කලින් අච්චර දේවල් කියලා මාව අඬවපු අයියා එයාම මගේ ළඟට ඇවිත් මාව එයාගේ පපුව උඩට අරගෙන මාවත් තුරුල් කරගෙනම හොඳට නිදි.

මගේ හිස එයාගේ පපුව උඩටම අරගෙන එක අතකින් මාව තුරුල් කරගෙන .මම ඇඳෙන් බිමට වීසි කරපු ශීට් එක අරගෙන මගේ ඇඟ වැහෙන්න දාලා තිබුණා .

ඇස් වලට ආයෙත් කඳුළක් ඉනුවේ අයියා ගැන දුක හිතිලා .මම දන්නවා අයියට බෑ මම දුකෙන් ඉන්නවා බලන්න .

එහෙමම හැරිලා මම අයියගේ පපුව සිප ගත්තේ තව දුරටත් මගේ හැඟීම් හිත ඇතුලෙම හංඟගෙන ඉන්න බැරි නිසා .

ඒත් අයියට දැනුනේ නෑ .ඒ පපුව සිපගෙනම මගේ එක අතක් එයාගේ බඳ හරහා දාලා එයාට තව ටිකක් ළන් වෙලා මම ඇස් දෙක පියාගත්තේ ලොකු සැනසීමකින්.

පුදුමයි .මේ බැඳීමට තාමත් නමක් දෙන්න බෑ .එයා මාව තාත්තා කෙනෙක් වගේ ආරක්ෂා කරනවා.අම්මා කෙනෙක් වගේ ආදරය දෙනවා.ඒත් නමක් නැති මේ බැඳීමට මම ගොඩක් ආදරෙයි .

මට අයියව හැමදාටම මගේ ළඟින්ම තියා ගන්නයි ඕන .පොඩ්ඩක් හරි මම පින් කරලා ඇති .නැත්නම් අයියා වගේ කෙනෙක් කොහොමද අහම්බෙන් හරි මගේ ජීවිතේට මේ විදියට ළන් වුණේ .

මේ විදියට එකට නිදාගෙන ඉන්නකොට සමහර විට කෙනෙක්ට ඒක වැරදියට දැනෙන්න පුළුවන් .ඒත් මටත් වඩා හොඳට මම අයියා ගැන දන්නවා .

අයියා මේ විදියට මාව ළන් කරගෙන ඉන්නේ කිසිම වැරදි සිතිවිල්ලකින් නෙමෙයි .රාගයෙන් තොර වෙච්ච කාරුණික හැඟීම් විතරයි එයාට තිබුණේ .

වැරදි දේකට අවස්ථා ඕන තරම් තිබිලත් අයියා මාව පරිස්සම් කරේ මලක් තරම්ම පිවිතුරු විදියට .

=====================================

අයියගේ දුරකථනය නාද වුණේ ඒ වෙලාවෙමයි.ඒත් කාමරේට ආවේ ෆෝන් එක අරගෙන නෙමෙයි නේ.මම නිදි වෙලාවේ එයා අරගෙන එන්න ඇති.

මම ඇස් අරිනවත් එක්කම අයියටත් ඇහැරුණා.ඇස් ඇරියත් මම අයියගෙන් ඈත් වුණේ නෑ .එයාට තුරුල් වෙලාම හිටියා .

” කපටි ආච්චි….නැගිට්ටද……”

එහෙම කියලා අයියා මගේ නළලත් සිපගෙන ෆෝන් එක අතට ගත්තේ මම එයාගේ තුරුලේ ඉද්දීමයි.

” සුදු මැණික ….කියන්න …..”

කතා කරේ අයියගෙ නංගි .ඒ කියන්නේ තරු අක්කා .එයාල දැන් මග එනවා ඇති.අනේ එයාලා තව පරක්කු වුණා නම් හොඳයි කියලා මම හිතුවේ අයියගේ උණුහුමෙන් මට ඈත් වෙන්න වෙන නිසා.

” හා…හරි බබා….මම එන්නද හන්දියට ඔයාලව ගන්න …..

ම්ම්ම්…එහෙනම් පරිස්සමින් එන්න ….”

එහෙම කියලා අයියා ෆෝන් එක තිව්වා .

” මැට්ටී …..
අඬලා ඉවරද දැන්…..”

අයියා ඇහුවේ මගේ කම්මුලක් ලාවට මිරිකලා .මම මුකුත්ම නොකියා තව ටිකක් අයියට තුරුල් වෙලා එයාගේ පපුවේ මූණ හංඟගෙන හිටියා .

” ඇති …ඇති …දැන් හුරතල් වුණා …..අඬලා අඬලා මාවත් බය කරලා…….

දැන් හරි නේද ආසාව…..”

” හරි මදී…..මට තව මේම ඉන්න ඕන …..”

” ආ…තව කෝමද ඉන්න ඕන ….”

” මේම විතරයි අනේ…..මෙතනට වෙලා…..”

මම අයියගේ පපුවට අත තියලා එහෙම කිව්වා .

” දැන් ඇති මේම හිටියා ….හුරතලේ…..”

” අයියා පන……..”

” ආ….හ්…. ඒ පාර මොකද වුණේ ……”

” එයාලා ළඟම එනවද……”

” ඔව්..අභී ….
හන්දියේ ඉඳලා වීල එකක් අරගෙන එන ගමන්….

නැගිටලා මූණ ටිකක් හෝදගන්න බබා….. ඇසුත් රතු වෙලා අඬලා……”

මම අයියගේ පපුවෙන් මෑත් වුණේ ලෝබ කමින්.එයාගේ නංගි ඉද්දි මට මේ විදියට අයියට ළන් වෙලා ඉන්න බැරි වෙයි.

තව හොල්මනක් එනවා කිව්වනේ.එයාව මතක් වෙනකොට නම් මට දැනුනේ බයක්.

හරියට මගේ අයියව මගෙන් කවුරු හරි උදුරාගෙන යන්න හදනවා වගේ හැඟීමක් මට ඇති වුණේ .බලමුකෝ එයා ආවට පස්සෙම වෙන්නේ මොකද කියලා .

මම මූණත් හෝදගෙනම සාලෙට ආවා .අයියා සරමෙන් කොට කලිසමකට බැහැලා .එහෙම ඇන්දම අයියට ලස්සනයි .

ගේට් එකේ බෙල් එක වැදුණු නිසා අයියා එළියට යන්න හැදුවේ ගේට් එක අරින්න .

” අභී …. එන්න යන්න ඔයත්…..”

අයියා කතා කරපු නිසා මාත් අයියත් එක්කම එලියට ආවා .ගේට් එකෙන් ඇතුල් වුණු මුල්ම රුව මට අඳුන ගන්න අමාරු වුණේ නෑ .එයාට තිබුණේ අයියගෙම මුහුණුවර.

ඒත් අනිත් රුව දැක්කම නම් මගේ හිත පොඩ්ඩක් ගැස්සිලා ගියා .දැක්ක ගමන් කියන්න පුළුවන් ඒ විසේකාර කෙල්ලෙක් කියලා .

මම තරමටම ඒ රුවත් ලස්සනට තිබුණා .ඒත් ඇඳගෙන හිටපු ඇඳුමෙන් නම් මට එයා ගැන පැහැදීමක් ඇති වුණේ නෑ .

ඉස්සර මාත් ඇන්දේ මේ විදියට ම තමයි .ඒත් අයියා ළඟට ආවට පස්සේ ඒ හැම දෙයක්ම වෙනස් වෙලා මම වෙනස්ම චරිතයක් වුණා .

ඒ නිසාමද කොහෙද අද මට ඒ ඇඳුම් දැක්කම ලැජ්ජාවක් දැනුනේ .

” මනු අයියා …….”

ආයෙත් එන්නම්