පින්වන්ති මා

14 කොටස

පන්සල් ගියාට වඩා සතුටින් තමයි මම එනකොට ආවේ .මොකද අයියා මාත් එක්කම හිටපු නිසා .ඒ නිසාම රෝෂි ටිකක් විතර සයිලන්ට් වෙලයි හිටියේ .

” අභී ….අද රෑට කොත්තු කමුද….”

පන්සල් ගිහින් එන ගමන් තරූ අක්කා ඇහුවේ මගෙන්.උත්තරයක් නොදීම මම බැලුවේ අයියා දිහා .

” අභී …කැමතිද ….”

මම ඔව් කියලා අයියා දිහාට හැරිලා ඔළුව වැනුවා .

” සුදු අයියේ …එහෙනම් රෑට කොත්තු අරන් යමුකෝ ….”

කෙල්ලෝ තුන් දෙනාම අයියට දඩ ගහලා ඕන ඕන දේවල් ඉල්ල ගත්තා .

” මේ කෙල්ලො නම් ඔක්කොම එකයි.අද මාව විකුණගෙන කෑවා ….”

අයියා එහෙම කිව්වත් අද එයා හිටියේ ගොඩක් සතුටින් .

ඇඟට මහන්සි දැනුණත් ,කකුල් රිදෙන්න ගත්තත් මම ඒ හැම දෙයක්ම ඉවසගෙන ගෙදරට වෙනකම් ආවේ තවත් අයියට කරදර කරන්න බැරි නිසාම .

” සුදු ….මාධව එනවද රෑට ….”

” ආ…ඔව් අයියේ …එයා දැන් මග එන ගමන්…”

මාධව කියන්නේ තරූ අක්කගේ මහත්තයා . එයා ආවම නම් රෝෂි ඉඳීවි සද්දයක් නොකරම .

” සුදු නංගා එහෙනම් මාධවත් ආවම කමු නේද කට්ටියත් එක්කම….”

” ඔව් අයියේ …එයත් අභී බලන්න ඕන නිසාමයි අද එන්නේ….”

” හැමෝම එන්නේ අභී බලන්න විතරද සුදු … දැන් මාව අමතකද කට්ටියට….”

” අනේ මගේ හොඳ සුදු අයියනේ…..ඔයාව එහෙම අමතක වෙනවද….”

තරූ අක්කා අයියගේ බෙල්ල බදාගන්න ගමන්ම එහෙම කිව්වා .ඒ අයියගෙයි නංගිගෙයි බැඳීම හරි ආදරණීයයි .

අයියා මට සැලකුවෙත් ඒ විදියටම .ඒත් මට බෑ අයියව සහෝදරයෙක් විදියට පිළිගන්න .

මට ඕන හැමදාටම එයාගේ වෙලා ළඟින් ඉන්න .ඒ තරමටම මම අයියට ආදරය කරනවා.

” අභී ….වොශ් එකක් දාගෙන එන්න … සුදු ඔයාලත් වොශ් එකක් දා ගන්න …මාධව එනකම් කට්ටියම කයියක් දාගෙන ඉමු…”

” සුදු අයියේ ….ලැප්ටොප් එක දෙන්න මට ෆිල්ම් එකක් බලන්න ….”

රෝෂි අයියගෙන් ලැප්ටොප් එක ඉල්ලුව්වාම මට පුදුම තරහක් ආවේ .ඒත් ඉතින් නොදී බෑනේ .

” අභී ගේ කාමරේ ඇති.ගන්න නංගි ….”

අයියා එහෙම කිව්වම රෝෂි නැගිටලා ගියේ මගේ කාමරේට .මාත් ගිහින් වොශ් එකක් දා ගත්තේ එයාව ගනන් වත් නොගෙන .

බාත්රූම් එකේදී තමයි දැක්කේ මගේ කකුල් ඉදිමිලා තියෙනවා .ඒ මම ගොඩක් දුර පයින් ගියපු නිසා වෙන්න ඇති.

මම ඇඳුමකුත් දාගෙන සාලෙට ආවේ රෝෂි ට ඕන දෙයක් කරගන්න දීලා .තරූ අක්කත් ඒ වෙනකොට වොශ් එකක් දාගෙන ඇවිත් හිටියේ .

මම වටපිට බැලුවේ අයියව පේන්න නැති නිසා .

” අභී ….මොනවද වස්තුවේ ඇස් කරකව කරකව හොයන්නේ ….”

තරූ අක්කා එහෙම ඇහුවම මට ලැජ්ජ හිතුණා .එයාට තේරෙන්න ඇති මම හොයන්නේ අයියව කියලා .

” අයියා වොශ් එකක් දානවා බබා….”

මම තරූ අක්කත් එක්කම ටීවී එක ළඟින් වාඩි වුණා .ඒත් එක්කම වගේ තමයි ගෙදර බෙල් එක වැදුණේ.

” ඕන් මාධව ඇවිත් වගේ…. අභී එන්න මාත් එක්ක යන්න ගේට් එක ළඟට . . ..”

තරූ අක්කා එහෙම කියලා මාවත් එක්කගෙන ගේට් එක ළඟට ආවා .කාර් එකත් ඇතුලටම අරගෙන මාධව අයියා අපි ළඟට ආවේ හිනා වීගෙනම.

” සුදු නෝනා….මාව අඳුන්වලා දෙන්නේ නැද්ද අභී ට…..”

මාධව අයියා ඇහුවේ තරූ අක්කගේ කරට අතක් දාගෙනම.

” ඔයාව එන්න කලින්ම මම අඳුන්වලා දීලා ඉවරයි නේද අභී ….”

අක්කා එහෙම කිව්වම මම අයියා දිහා බලලා හිනාවුණා .

” අභී …කොහොමද නංගී ….”

” හොඳයි අයියේ ….”

” සුදු නෝනා කියපු තරම් නම් දඟ මල්ලක් නෙමෙයි වගෙයි නේද …”

” ඒකම තමයි මහත්තයෝ මමත් අයියට කිව්වේ .බලන්නකෝ මෙයා හරි අහිංසකයි නේ…”

” මෙහේ හොඳ යිද අභී ….”

මාධව අයියා ඇහුවේ මගේ ඔළුව අතගාලා.

” හොඳයි අයියේ ….”

” ටික ටික සාමාන්‍ය ජීවිතේකට හුරු වෙන්න අභී ….ඔයා අපි හිතුවටත් වැඩිය ඉක්මනට ගොඩක් වෙනස් වෙලා…..

ගොඩක් සතුටුයි ඔයා ගැන…..”

ඒ කියන්නේ මෙයාලා හැමෝම දන්නවා මම ගැන .රෝෂි ඇරෙන්න අනිත් හැමෝම මට එයාලගෙම නංගි කෙනෙක් තරමටම ආදරෙන් සැලකුවා .

රෝෂි මොන තරම් නපුරු කම් කරත් මම හිටියේ ගොඩක් සතුටින් .අපි ඇතුලට එනකොට අයියත් වොශ් එකක් දාගෙන ඇවිත් හිටියේ .

” අයියේ ….”

මාධව අයියා අයියව වැළඳ ගත්තේ ගොඩක් ආදරෙන් .අම්මලා තාත්තලා කවුරුත්ම නැති වුණත් සතුටින් ඉන්න පුංචි පවුලක් ඒක.

” මල්ලි …වොශ් එකක් දාගෙන එන්න කොල්ලො …..මහන්සි ඇතිනේ ඔයාට ….”

” ඔව් අයියේ ….ටිකක් මහන්සි …..අභී බලන්න ඕන නිසාමයි මම ආවේ ඔන්න ….”

” අපොයි …මේ කොල්ලත් ඇවිත් තියෙන්නේ අභී බලන්න විතරද…..”

අයියා ඇහුවේ මූණත් ඇද කරගෙන.

” මහත්තයෝ …අද අයියා දුකෙන් ඉන්නේ හොඳේ ….”

” ඇයි සුදු නෝනා ….”

” හැමෝම ඇවිත් තියෙන්නේ අභී බලන්න විතරනේ…..”

” ඇති ඇති දැන්…සුදු නංගී ..මේ කොල්ලව එක්කන් යන්න වොශ් එකක් දාන්න …”

” අමතක වුණානේ අයියේ . …”

” අද ඔයාලා දෙන්න මගේ රූම් එකේ ඉන්න …”

” අයියේ ….එතකොට රෝෂි ….”

” එයාට අභී එක්ක ඉන්න කියමු ඒ රූම් එකේ…”

තරූ අක්කා මාධව අයියත් එක්කම අයියගේ රූම් එකට ගියාම සාලෙ තනි වුණේ මමයි අයියයි විතරයි .

අයියා ටීවී එකත් දාගෙන සැටියෙන් වාඩි වුණාම මමත් ගිහින් අයියා ළඟින් වාඩි වුණේ එයාගේ ඇඟේ ගෑවෙන තරමටම ළන් වෙලා .

” අභී …..”

” ම්ම්ම්ම්…..”

” මහන්සිද අද ඇවිදලා….”

” මහන්සි ටිකයි අයියේ ….”

කකුල් දෙකම ඉදිමිලා වේදනාවෙන් රිදුම් දුන්නත් අයියට කියන්න ගියේ නෑ මම.හැම වෙලාවෙම එයාට කරදර කරන්නත් බෑනේ .

” අයියේ ….”

” ම්ම්ම්ම්ම් ඇයි අභී …..”

මම මුකුත්ම නොකියා අයියගේ උරහිසින් ඔළුව තියාගත්තා .

” අනේ…අනේ…..මගේ කෙල්ල ඇරියස් අල්ලනවා වගේ….”

අයියා හිතලා කිව්වේ නැති වුණත් අයියට ඒක කියවුණා .’ මගේ කෙල්ල ‘මම නැවත නැවත ඒ වචනය හිතින් කීප වතාවක්ම උච්චාරණය කරා.

අයියට මම ගැන පොඩි හරි හැඟීමක් තියෙනවා කියලා මට දැනෙනවා.ඒත් එයාට ඕන වුණේ ඒ බවක් මට නොපෙන්වා ඉන්නමයි.

මගේ නලල ලාවට සිපගෙන අයියා ටීවී බැලුවා .අයියට මේ විදියට තුරුල් වෙලා ඉන්න හැම මොහොතකම මට ලොකු සැනසීමක් දැනුනේ .

” අභී…..සුදු නංගා එනවා …..”

අයියා එහෙම කිව්වා විතරයි මම බයවෙලා අයියා ළඟින් ඉවත් වුණා .

” හූ….හූ….බය වුණානේ…..”

අයියා බොරුවක් කියලා මාව බය කරලා.මම අයියා ළඟට ගිහින් අයියගේ කනක් රිදෙන්නම මිරිකුවා.

” ආ..වු…අභී…..නපුරු කෙල්ලේ… රිදෙනවා බං..”

අයියා මට බැන බැනම මාව ඇදලා අරන් ආයෙම ළඟින් වාඩි කරවගෙන ටීවී බැලුවා . කෝකටත් කියලා මම ටිකක් අයියගෙන් ඈත් වෙලයි වාඩි වුණේ .

” ඇති ඔහොම බය තිබුණොත් සුදු නංගිට …. කියන්න ඕන තව සතියක් වත් එයාට මෙහේ ඉන්න කියලා …..

බලන්න බැරිය එතකොට කෙල්ල හුරතල් වෙන්නේ කෝමද කියලා …..”

අයියා මගේ දිහා බල බලම මට විහිළු කරා. සැටියේ තිබුණු කුෂන් කොට්ටයක් අරගෙන මම අයියට ඒකෙන් දමලා ගහනකොටම එතනට ආවෙ තරූ අක්කයි මාධව අයියයි.

ආයෙත් එන්නම්