අටවෙනි කොටස

පොඩී ක්ලාස් එක ළඟ කාර් එක නතර කරපු ගමන් මං බෙල්ල බදාගෙන උම්මා එකක් දුන්නෙ එතකොට පොඩී මූණ අකුලගෙන ලැජ්ජ වෙන හැටි බලන්න මං ඉස්සර ඉඳන්ම ආස නිසා.

පොඩි කාලෙ ඉඳලා පොඩී ආස නෑ කවුරුවත් එයාව ඉඹිනවට. මං දන්න විදිහට එයා අකමැතිම දේ ඒක. ඉතිං මං කරන්නෙ එයාව අවුස්සන්න ඕනෙ වෙලාවට මූණ පොඩ්ඩක් ඉඹින එක. මගෙ අයියනෙ. මං ඉඹිනවා.

” අනේ මේ චූටී මං කියලා තියෙනවා නේද උදේ පාන්දර කෙල ගාන්න එපා බන්. කෙල්ලෙක්ව වත් සෙට් කරගන්න නෑ මේ උලමි ඉන්නක්ම් මට. උඹට ඔය තරම් උම්මා දෙන්න ඕනේ නම් දැන්වත් අපිට වද නොදී කොල්ලෙක් හොයාගනින් මගෙ මැණික ”

” ආ දැන් මං වදයක්ද? අනේ මේ ඔයා එක්ක යාලුවෙන කෙල්ලට ගහන්න ඕනේ කොස්සෙන්. කෙල්ල ඉඹිද්දිත් කියයි එපා බන් කෙල ගාන්න කියලා. ඒකි එදාම ඔයාව දාලා යනවා මෝඩයෝ.. පොඩ්ඩක් රොමෑන්ටික් වෙනවකෝ. ”

මං එහෙම කියලා කාර් එකෙන් බැස්සෙ පොඩීටත් ඔරෝගෙනම. මං එහෙම කිව්වට මගෙ පොඩීට ඉන්නවා හරි අහිංසක කෙල්ලෙක්. ලොකුයි මායි නම් දන්නවා. ඒකි කොහොම ඉන්නවද මංදා මේ පිස්සා එක්ක. පොඩීටත් බායි කියලා මං ආවෙ ක්ලාස් එකට යන්න. එතකොටම මං දැක්කෙ අපි දිහා බලන් හිටපු විහඟ කාරයව. හිත පොඩ්ඩක් ගැස්සුනේ නෑ කිව්වොත් නම් බොරුවක්. ඒත් මං බලන් හිටියෙ ඔරවන් වගේ බලන් ඉන්න ඒ ඇස් දිහා. ඒ මට පේන විදිහද? අනේ මංදා දැන් නම් මගේ හිතත් අවුට් ඔෆ් කන්ට්‍රෝල් ද කොහෙද මේ කුරුල්ලෙක් නිසා. ඩෝන්ට් බී කලබල මගෙ හිත.

මගෙ දිහා බලන් හිටපු විහඟ ඉක්මණට ක්ලාස් එක ඇතුලට ගියෙ මට ඔරෝගෙනම. ඈ.. ඒ මොකද්ද බොල උනෙ? මං දැනුවත්ව නම් එදායින් පස්සෙ වැරද්දක් කරේ නෑ. ඒත් රෙහාන් දත් තිස් දෙකම පෙන්නලා මට හිනාවුණේ සිග්නල් ඇඩ් එකේ වගේ. මූට මොකක් වෙලාද කියලා හිතන ගමන්මයි මං ක්ලාස් එක ඇතුලට ආවෙ ..

” ගුඩ් මෝර්නින්ග් නපුරු බටු ඇටේ..”

” ගුඩ් මෝර්නින්ග් හිපාටුවා”

” ඕකනේ බං බැරි මං බටු ඇටේ කිව්වෙ නම දන්නෙ නැති නිසානේ.. හිපාටුවා කියන්න ඕනේ නෑනේ බන් උදේම .. මං රෙහාන් . අරූ විහඟ. අපි අඳුනගමුකෝ බන්. ඔන්න මං නම් අපේ එකා නිසා මගෙ තරහා මරහා ඔක්කෝම අමතක කරා. සත්තයි අර අරූ පල්ලා.”

රෙහාන් එහෙම කිව්වෙ විහඟව පෙන්නලා. තරහින් පුපුර පුපුර ඇස් කොනින් අපි දිහා බලනවා. සුදු වැඩි නිසාද මංදා මූණ රතු වෙලා. මූට මොකක්ද යකූ උදේම උනේ.. ඒ මදිවට මේ රෙහාන් කාරයා මොකාටද එන්න හදන්නෙ? මොකද්ද අර කියපු අපේ එකා නිසා කියපු කතාව? අයියෝ.. ඔලුව කුරුවල් කරනවා මූ මගේ.

” හරි හරි මගේ නම් සිතුමි. සිතුමි දල්පතාදු .

” ආ.. සිතුමි.. නයිස් නේම්. තව? ”

“අර එදා ආවෙ මගෙ ලොකු අයියා සිතුම් දල්පතාදු . එතකොට..”

” හරි හරි මස්සිනා පොඩ්ඩ නම් එදා අපි එක්ක ෆිට් උනානේ..”

” කවුරු? මස්සිනා ?”

” මේ .. රෙහා මෙහෙ වරෙන් බන්..”

එතකොටම තමයි අර කුරුල්ලත් රෙහාන්ට කෑගැහුවෙ. මූකලන් බස්සා.
මං එහෙම හිත හිතම ගිහින් ඉඳගත්තෙ කවීෂලා තාම ඇවිත් හිටියෙ නැති නිසා..

***********************************

ක්ලාස් ඉවර වෙනකම් මං හිටියෙ මේ ලෝකේ සිහියකින් නෙමේ. මට තිබ්බ ලොකුම ප්‍රශ්නෙ තමයි එදා මරා ගත්ත රෙහානුයි අර බටු ඇටෙයි එච්චර වෙලා කතා කරේ මොනවද කියලා . ශික් මේ බූරුවා කියන්නෙවත් නෑ පොඩ්ඩක් වත්. මං මොනා හරි අහපු ගමන් මූ නෝන්ඩියට හිනාවෙනවා. මටම ගිහින් ඒකිගෙන් අහන්න හිතෙනවා නම හරි මුගෙ ලොකුකම බලනවට වඩා ඒකිගෙ ඝනකම බලන එක හොඳයි.

ක්ලාස් එක ඉවර උනු ගමන් මං බයික් එක ළඟට යන්න ආවෙ නපුරි දිහා හොරෙන් බලලා. මං බලද්දිත් ඒකි රෙහාන් එක්ක කතාව. මූත් ඇඹලයා වගේ ඒකි එක්කම කතාවට යනවා. ඒත් මං දිහා බලාගෙන. මුං දෙන්නා කතා කරන්නෙ මං ගැනද? අරූ ගම කනවද මං දන්නෙ නෑ.. අම්මට වගේ මේකිටත් මොනා කියයිද දන්නෙ නෑ.

” මේ රෙහා උඹ යනවා නම් නැගපන්”

මං එහෙම කිව්වෙ බයික් එක රේස් කර කර. ඒත් එක්කම රෙහා දුවන් ආවෙ ඒකිට සැලියුට් පාරකුත් දාගෙන. මුන් දෙන්නයි මුලින්ම රණ්ඩු උනේ. දැන් උන් දෙන්නා ෆිට් මට වඩා.

” ඇයි මචං ඊරිසියයිද?”

” අනේ මේ පලයන් යන්න . මට ඇති මඟුලෙ ඊරිසියාවක් නෑ.”

” ඔව් ඔව් මට පේනවා මූණෙන්”

ඌ එහෙම කිව්වෙ මගෙ හෙල්මට් එකට අතින් ගහලා.

කොහොම හරි ඉක්මණට මං ගෙදර ආවේ රෙහාන්වත් එක්කගෙන. ඒ ආවත් මගේ හිතට කිසි සැනසීමක් නෑ වගේ. මට දැන් දැනගන්නම ඕනේ මූත් එක්ක මෙච්චර වෙලා ඒ බටු ඇටේ කියෙව්වෙ මොනාද කියලා. ඒකිගෙත් ලොකු කමනේ. ඒත් මුගෙන් අහගන්නත් ඕනේනේ.

” රෙහා.. බටු ඇටේගේ නම මොකද්ද බන්?”

මං එහෙම ඇහුවා විතරයි රෙහාන් මගෙ දිහා බැලුවෙ අමුතු බැල්මක් දාල. ශික් මං මේ කෙල්ලෙක් නිසා මූට නෝන්ඩි වෙන තරමක්. ඒත් ඉතිං නම හරි දැනගන්න ඕනනේ. මූ කියන්නෙත් නෑ..

“රෙහා.. උඹෙන් බන් ඇහුවෙ. ඒකිගෙ නම මොකද්ද?”

” දැන් උඹට නම විතරද දැනගන්න ඕනේ?”

” ඔව්”

” උඹෙත් මහා කැටයම් බන් තියෙන්නෙ. ඇම්බැක්කෙවත් නැතුව ඇති ඔය තරම් කැටයම්. දැනගන්නත් ඕනේ…. ඒත් ලොකුකම උඹෙ මුලු ඇඟේම.”

” හරි හරි කියපන් බන්. උඹ දන්න ඔක්කොම”

“ඔක්කොම? මං මොකටද උඹට කියන්නෙ?”

” උඹ මං ගැන දැන දැනත් ඔහොම කියන්න එපා බන්”

මං ඌට එහෙම කිව්වෙ හරි අහිංසක බැල්මට් එකක් මගෙ මූණට ආරුඪ කරගන්න ගමන්. නැත්තං මුගෙන් අහගන්න වෙන්නෙ නෑ මේ කපේට.

” හරි හරි මං අහන දේට හරි උත්තරේ දුන්නොත් මං උඹට හැමදේම කියනවා.”

” මොකද්ද?”

” උඹ ඒකිට කැමතී නේද?”

රෙහාන් එහෙම ඇහුවම මට හිතාගන්න බැරි උනා මං කියන්න ඕනේ මොනාද කියලත්…

#################################

කොහොමද ලමයි ඉතිං ? හැමෝම හොඳින් නේද ? කතාව කොහොමද කියලා කියාගෙන යන්නකෝ.. ආදරෙයි ගොඩාක් හැමෝටම ???