“අම්මේ අම්මේ.මොකද වුනේ නැගිටින්න අම්මේ.”

මම එනකොට අම්මා ඇදෙන් බිමට වැටිලා.

“පුතේ මම නැගිටලා එලියට යන්න හැදුවේ කලන්තයක් ඇවිත් එකපාරම වැටුණා.බය වෙන්න දෙයක් නෑ දැන් හරි ⁣වගේ”

එහෙම කිව්වට කොච්චර අමාරැවෙන්ද අම්මා ඉන්නේ කියලා මට දැනෙනවා.

“අම්මේ ඉක්මනට ලෑස්ති වෙලා අපි යමු අම්මේ බෙහෙත් ගන්න.”

“ඕන්නෑ පුතේ ඉක්මනට ඇරිලා යයි මේක බෙහෙත් ඕනි නෑ මගෙ පුතේ.”

“සනූ සනූ.”

අම්මව ඇදේ හාන්සි කරලා මම ගියා කවුද කතා කරන්නේ බලන්න.

“ආ එන්න ක්ෂිතිජ .ඇයි මේ පැත්තේ”

“උබ ස්කෝලෙ ආව නැති නිසා බලන්න ආවේ මට කිව්වෙත් නෑනේ.”

“ඔව් බන් එන්න තමයි හිටියෙ අම්මා ලෙඩ වෙලා බන්.හොදටම අමාරුයි මම මේ බෙහෙත් ගන්න එක්කන් යන්න හැදුවේ බන්.”

“ඇය නැන්දට මොකද යමන් බලන්න.නැන්දේ මොකද නැන්දේ ”

“ආ ක්ෂිතිජ පුතා .නෑ පුතේ ටිකක් උණ හැදිලා.අපේ පුතා මේ බය වෙලානේ.ඕක ඇරිලා යයි තව ටිකකින්.”

“මචන් සනූ මේ තවත් බල බල ඉන්න බෑ බන් අම්මට හොදටම උණ ඇගත් සුදු මැලි වෙලා.මම ඉක්මනට ගෙදර ගහින් කාර් එකත් අරන් එන්නම් අම්මා එක්කම.උබ ඉක්මනට ලෑස්ති වෙයන් අම්මවත් ලෑස්ති කරලා.”

“හා මම ඉක්මනට ලෑස්ති වෙන්නම්.”

ක්ෂිතිජ ඉක්මනට ගියා .මාත් අම්ම⁣ගේ මූණ ටිකක් සෝදලා ඇද ගන්න ඇදුමක් අරන් දීලා මාත් ගිහින් ඉක්මනට ලෑස්ති වුණා.
විනාඩි පහලවකින් විතර ක්ෂිතිජ ආවා.ක්ෂිතිජගේ අම්මත් ආවා.අම්මව වාහනේට එක්කන් යන්න ක්ෂිතිජගේ අම්මා උදව් වුණා.අපි ඉක්මනට හොස්පිට්ල් එකට ආවා.
අම්මට නැගිට ගන්නත් බෑ ඒ නිසා ට්‍රොලියක දාලා අම්මව අරන් ගියේ.මටත් නොදැනීම මගේ ඇස් වලින් කදුලු වැටෙනවා.

“සනූ අඩන්න එපා බන් අම්මට ඉක්මනට සනීප වෙයි දැන් හොස්පිට්ල් එකේනේ ඉන්නේ බය වෙන්න එපා.”

“උබ දන්නවනේ ක්ෂිතිජ මට ඉන්නේ අම්මා විතරයි බන් මගේ හැමදේම අම්මා බන්.අම්මා මෙහෙම ඉන්නවා මට බලන්න බෑ බන්”

“අඩලා හරි යන්නෑනේ බන් ඉතින් අම්මා ඉක්මනට හොද වෙනවා බය නොවී හිටපන්කො මම ඉන්නවනේ උබට.”

ක්ෂිතිජ කියන්නේ කොච්චර හොද යාලුවෙක්ද ඇත්තටම අම්මා හැරෙන්න මගේ දුකට සැපට ඉන්නේ ක්ෂිතිජ විතරයි .

“මේ දැන් ගෙනාව පේෂන්ට් ගේ භාර කාරයා කවුද”

ඇස් දෙකේ කදුලු පිහදාගෙන මම ගියා ඩොක්ට ලගට.

“අපිට ටෙස්ට් වගයක් කරන්න තියෙනවා.පේෂන්ට්ව ඇඩ්මිට් කරන්න වෙනවා.”

“හරි ඩොක්ට”

“එහෙනම් පේෂන්ට් වෝඩ් එකට දානවා එයාට ඕනි බඩු ගෙනත් දෙන්න .”

අම්මව වෝඩ් එකට දානකන් ඉදලා මම ගියා ක්ෂිතිජලා හිටිය තැනට.

” ක්ෂිතිජ අම්මව නතර කරා බන් .ගෙදර ගහින් එමුද බන් අම්මට ඇදුම් එහෙම ගෙනත් දෙන්නත් එපැයි.”

“පුතේ එහෙනම් පුතා ගෙදර ගිහින් අම්මට ඕනි දේවල් අරන් එන්න අපේ ගෙදර ලගට මම කෑම එක්ක ලෑස්ති කරලා දෙන්නම් අපේ පුතාට.”

“අනේ ටීචටත් කරදරයි නේද මම නිසා ”

“පිස්සුද දරැවෝ එහෙම නෑ.කරදරයක් වුණ වෙලාට උදව්වක් කරන්න බැරි නම් අපේ මනුස්සකමින් වැඩක් තියෙනවද.”

ක්ෂිතිජ ⁣වගේම ක්ෂිතිජගේ අම්මත් හරි හොදයි.එයා අපේ ගමේ ස්කෝලෙ ටීච කෙනෙක් ඉතින් මම කතා කරන්නේ ටීච කියලම තමයි මට ඒක පුරැදු වෙලා.

ක්ෂිතිජලාගේ ⁣ගේ ගෙදර ලගින් බැහැලා මම ඉක්මනට ගෙදර ආවා.අම්මගේ තිබුණ හොදම ඇදුම් ටිකයි තව ඕනි වෙයි කියලා හිතුන බඩු ටිකකුත් බෑග් එකකට දාගෙන ඉක්මනට මම ක්ෂිතිජලාගේ ගෙදරට ආවා.

” ක්ෂිතිජ ”
“ආ උබ මෙච්චර ඉකමනට ආවද චුට්ටක් හිටපන් බන් අම්මා කෑම එක හදනවා තාම.එන්නකො ගෙට එතකන්”

“ඕනි නෑ බන් මම එලියෙන් ඉන්නම් ඉක්මනට ⁣වරෙන්කො උබ”

ඒක ලොකු ගෙයක් ඇත්තටම මට ඇතුලට යන්න හිත දුන්නෑ එකපාරම .හිතට මොකක්ද වගේ.

“අනේ පුතා එලියෙම හිටියද ඇතුලට එන්න එපැයි පුතේ .”

“කමක් නෑ ටීච මෙහෙම හොදයි හිතුනා .”

“මෙන්න පුතේ කෑම එක දෙන්නම පරිස්සමින් ගිහින් එන්න එහෙනම් .සන්රැක්ෂ පුතේ මේක වියදමට තියා ගන්න පුතා අතේ සල්ලිත් නැතුව ඇතිනේ.”

“අනේ මම කොහොමද ටීචගෙන් සල්ලි ගන්නේ ඕක එපා ටීච .මම එකතු කරපු සල්ලි ටිකක් තියෙනවා.”

“අනේ මේක ගන්න ලමයෝ.අනිත් එක මට ටීච ටීච කියන්නත් එපා ස්කෝලෙටනේ ටීච මට නැන්ද කියලා කතා කරන්න පුතේ .එහෙනම් දැන් ගිහින් එන්න.පුතත් අද මෙහෙටම එන්න .අම්මා ගෙදර එනකන් මෙහෙ ඉමු .තනියම ඉන්න බෑනේ”

“හා ටීච අපි ගහින් එන්නම් ”

“අම්මේ අපි යනවා එහෙනම් ”

කොච්චර ගුණ යහපත් මිනිස්සුද සල්ලි තිබණා කියලා කිසිම ලොකු කමක් නෑ හරිම නිහතමානි.

❤️?❤️?❤️?❤️?❤️?❤️?❤️?❤️?❤️?

අද කොටස දිග වැඩි උනාද කොහෙද ටිකක් නේද වස්තුලා.

හෙටත් එන්නම් ලමයි .

වෙනදා වගේම ආදරෙයි දග පවුල?❤️