අද හවස උන දේවල් මතක් වෙනවා.නින්ද යන්නෙම නෑ.කොච්චර සල්ලි තිබුනත් මොකද .සල්ලිත් වෙලාවකට ජිවිතේට කරදරයක්.අද සල්ලි නිසා මෙනාරා ගේ ජීවිතේ විනාශ වෙන්නත් තිබුනා .ඒ අතින් දුප්පත් උනත් අපි කොච්චර නිදහස් ජීවිතයක්ද ගත කරන්නේ.ජීවිතේ ට සල්ලි වැඩි වුනාමත් ප්‍රශ්න අඩු වුනාමත් ප්‍රශ්න .පුදුමාකාර ජීවිතයක් මේක.
??????????????????

අද වුන දේවල් මතකෙට එනවා හිතට සැනසීමක් දැනෙන්නෙම නෑ.මම කොච්චර මෝඩද මීට වැඩිය හිතල හොයල බලලා වැඩ කරන්න තිබණා.බොරැ ආදරයක් මවාගෙන සල්ලි වලට මට ලන් වෙන්න හැදුවේ .අර කොල්ලා නැති වෙන්න ඌ අද මාව කිඩ්නැප් කරන්නත් තිබුණා.

මම කොච්චර නරක විදිහට කතා කරාද සන්රැක්ෂට .එයා කොච්චර හොද කෙනෙක් ද.එයා නැති වෙන්න මට මොනා වෙයිද අද .සල්ලි නිසා ඔලුව උදුම්මගෙන හිටියට සල්ලි නිසා මගේ ජීවිතත් නැති වෙන්න තිබුණා.සන්රැක්ෂ ගේ අම්මා එයාට කොච්චර ආදරෙයි ද.මම ඩැඩී මම ඉල්ලන මොන දේ දුන්නත් මං ගැන හොයන්න මට ආදරේ කරන්න වෙලාවක් නෑ එයාලට.අනේ ඒ ආන්ටි දුවේ කියලා ආදරෙන් කතා කරපු විදිහ මෙච්චර කාලෙකට ඒ වගේ ආදරණීය විදිහට කවදාවත් මගේ මමී ඩැඩී කතා කරල නෑ.මගේ උද්දච්ච කමට මම කොච්චර දේවල් කිව්වද ඒ කොල්ලට.මම එයාගෙන් සමාව ගන්න ඕනි .

උදේම නැගිටලා ලෑස්ති වෙලා උදේම ආවා අද සන්රැක්ෂගෙන් සමාව ගන්න ඕනි.කෝ තාම නෑනේ මෙයා.වෙනදට ඇවිත් නේ මේ වෙද්දි .ස්කෝලෙ පටන් ගන්නත් ලගයි අද එන්නේ නෑ වත්ද අයියෝ.ක්ෂිතිජ දන්නව ඇති අහල බලමු ක්ෂිතිජගෙන්.

” ක්ෂිතිජ ගුඩ් මෝනින් .අද සන්රැක්ෂ එ⁣න්නේ නැද්ද ස්කෝලෙ ”

මෙයා මොකද මේ සන්රැක්ෂ ගැන අහන්නේ කවදාවත් නැතුව .

“දන්නෑ මෙනාරා ඒක තමයි මාත් මේ බලන් ඉන්නේ එනවා නම් දැන් ඇවිත්.ඒත් කවදාවත් නැතුව මොකද අද එයා එනකන් බලන් ඉන්නේ.ඇයි ඌ ආයි මොකක් හරි කරාද”

“නෑ නෑ බන්.මට එයාගෙන් සමාව ගන්න ඕනි ”

“ඒ මොකද බන්”

මම සන්රැක්ෂට ඊයේ වෙච්ච හැමදේම කිව්වා.

“ඒක හොදයි ඔයා හැමදේම තේරුම් ගත්ත එක.ඌ අහිංසක කොල්ලා බන්.උබ ඌට කතා කරපු විදිහ වැරදියි මෙනාරා .”

“අා කට්ටිය ගුඩ් මෝනින් .මොකද මෙනාරා සතර කම්මන්ත්‍රනයක්ද මෙතන මම ආවට කමක් නැද්ද දන්නෑ.කෝ සන්රැක්ෂ පේන්න නෑනේ අද එන්නේ නැද්ද එයා. ”

මේ නවෝද්‍යා නම් මහ ඇණයක් වෙලාවකට.ඕන්නැති එකක් නෑ.සන්රැක්ෂගේ නම ඇහුනත් ඇති.මේකිට ඇත්තමයි ලස්සන කොල්ලෙක් පේන්න බෑ.උගේ ඇගේ එල්ලෙන්නමයි හදන්නේ.ඒ වුනාට කොල්ලෙකුත් ඉන්නව මේකිට.

“මම අහන්නමයි හිටියෙ බන් මොකද නවෝද්‍යාඋබ ඔච්චර සනුව ගැන හොයන්නේ.”

“අනේ එහෙම දෙයක් නෑ ක්ෂිතිජ .යාළුකමට හොයල බලන්නේ”

“නෑ නෑ බන් ක්ෂිතිජ ඕකි ඔය සන්රැක්ෂට පිස්සු වැටිල ඉන්නේ.”

“අනේ පලයන් සහන් උබටත් ඉතින් මැදින් පනින්නෙ නැතුව හිටපන්කො .”

“අපෝ ඔව් සහන් මේකිට ලස්සන කොල්ලෙක් පේන්න බෑ.අනේ උබේ කොල්ලා තියාගෙන පාඩුවේ හිටපන්කො බන් දකින දකින එකාට ලයින් දාන්නේ නැතුව .”

“අනේ මෙනාරා මේ මට ඇති වැඩක් නෑ සන්රැක්ෂ ගෙන්.මම නිකන් අහලා බැලුවේ .මට ඉන්නවා නලුවෙක් වගේ කොල්ලෙක් මට ඕන්නෑ ඔය කොහෙවත් යන කොල්ලෝ.”

ඒ පාර නම් කේන්ති ගිහින් රවලා ඔරවලා ගස්සලා පද්දලා ගියා යන්න.

“ඒකිට ඒකට නම් හොදටම මල පැනලා බන්.උබත් එක්ක තරහ උනාද දන්නෑ බන්.”

“නෑ නෑ මම එකිව ෂේප් කර ගන්නන්.මේ බන් ඒක නෙවෙයි සන්රැක්ෂ නෑනේ අද.අය්යෝ මදැයි වරද පිලි අරන් සමාව ගන්න හිටියා .”

“එකනේ බන් ඇයිද දන්නෑ එන්නෑ කිව්වෙත් නෑ මට.හවසට යන ගමන් උනගේ ගෙවල් පැත්තේ ගිහින් බලා ගෙන යනවා.”

“හ්ම් එ්ක හොදයි .බෙල් එක ගැහුවනේ යමු යමු අද එසෙම්බ්ලි එකනේ.”

මම හෙමීට නවෝව ෂේප් කරගෙන ඒකිත් එක්කන් එසෙම්බ්ලි එකට ගියා.

??????????????????

හදිස්සියෙම අම්ම අසනීප වුණ නිසා ස්කෝලෙ යන්නත් බැරි උනා අද.ඔලුවේ කැක්කුම කිය කියා රෑ නිදා ගත්තෙත් උදේ මම නැගිටල බලනකොට අම්මා නැගිටලා නෑ වෙනදා උදේම නැගිටින නිසා මම ගිහින් බැලුවා.හොදටම උණ .අම්මා එහෙම ඉද්දි යන්න බැරි නිසා මම නැවතුනා.නලලේ තෙත රෙද්දක් තියලා පැන්ඩෝල් දෙකකුත් දීලා මට පුලුවන් විදිහට උයලා කන්නත් දුන්නා ඒත් තාම කිසිම අඩුවක් නෑ ⁣වගේ අනේ දෙවියනේ මම මොකද කරන්නේ තනියම කොහොමද අම්මව බෙහෙත් ගන්න අරන් යන්නේ .තව බලන් ඉන්නත් බෑ කොහොම හරී එක්කන් යනවා. අම්මට ලෑස්ති වෙන්න කියන්න මම කාමරේට ගියා.දේවියනේ අම්මා ……

❤️?❤️?❤️?❤️?❤️?❤️?❤️?❤️?❤️?

මොකද අම්මට වෙලා තියෙන්නේ…

හෙටත් එන්නම් වස්තුලා පරිස්සමින් සතුටින් ඉන්න .
ඔයාලගේ කමෙන්ට් මට ගොඩක් වටිනවා මගේ අඩු පාඩු හදා ගන්න.කමෙන්ට් නොකර යන්න එපා කවුරුත් මට බැනලා හරි යන්න ?

ආදරෙයි දග පවුල ?❤️