81 කොටස

මගෙ පපුව වේගෙන් වේගෙන් ගැහෙන්න ගත්තා. දෙයියනේ තව ටික වෙලාවකින් අපේ කසාදෙ ස්තිර වෙනවා. එතකොට මම චතුර අයියගෙ නීත්‍යානුකූල බිරිද වෙනවා. මොන පාපයක්ද මේ.

” කෝ …. මනමාල මහත්තයා ලැජ්ජ නොවී කියන්න ….. ”

රෙජිස්ටාර් මිස් ආයෙමත් කියනවා මට ඇහුනා. ඒත් ඔලුව උස්සලා චතුර අයියා දිහා බලන්න නම් මට හිතුනෙ නෑ.

” හේරත් මුදියන්සේලාගේ රවීන් අභිමාන් වන මම ,

කන ළගින්ම මට එහෙම ඇහුනම මම කොච්චර ගැස්සිලා ගියාද කියනවනම් මං රෝද පුටුවෙන් අඩි බාගෙකටත් වඩා උඩට ඉස්සවුනා. නැගිටගන්නවත් බැරුව හිටිය මම අමාරුවෙන් රෝද පුටුවට වාරු දීලා ඉස්සිලා බැලුවා.

” සුදු මහත්තයා ……… ”

මට මගේ ඇස් විශ්වාස කරගන්න බැරුව ගියා.දෙයියනේ මං මේ දකින්නෙ හීනයක් ද …

මගේ ඉස්සරහා හිටගෙන හිටියෙ චතුර අයියා වෙනුවට මගෙ සුදු මහත්තයා . මගෙ ඔසරියෙ පාටට මැච් වෙන්න නැෂනල් එකක් එයත් ඇදන් හිටියා. එයාගෙ මූණෙ තිබ්බ හිනාව දැක්කම මගෙ ඇස් වලට කදුලු පිරුනා.ඒ සතුට වැඩිකමට.

ඊට එහා පැත්තෙන් හිටිය චතුර අයියා මගෙ දිහා බලලා හිනා උනේ ඇහැකුත් වහලා.

මගෙ හිතපුරාවටම පිරිලා ගිහිල්ලා තිබ්බ පුදුමාකාර සතුටත් එක්කම මම හිටි හැටියෙම රෝද පුටුවෙන් නැගිට්ටුනේ මටවත් ඒ ගැන හිතාගන්න ඉඩක් නොතියා.

ඒත් මගෙ සමබරතාවය නැතිවෙලා යන්න මට වැඩි වෙලාවක් ගියේ නෑ.

මම ආයෙමත් ඉන්දෙන්න යද්දි රවීන් අයියා එයාගෙ අත් දෙකෙන්ම මාව අල්ලගත්තෙ මූණ පුරාම හිනාවීගෙන.

” මාව අමතක කරලා වෙන කෙනෙක්ගෙ වෙන්න නේද හැදුවෙ ”

කන ළගට කරලා රවීන් අයියා අහද්දි මම එයාගෙ අත්දෙකට මැදිවෙලා හිටියෙ පුංචි හා පැටියෙක් වගේ.

” අම්මෝ මගෙ කෙල්ලගෙ ලස්සන. .. මෙතනම හනිමූන් එක යන්න හිතෙනවා ”

රවීන් අයියා ආයෙමත් කිව්වා.

ශික් .. .මේ කොල්ලා හිතන කැත . මං එහෙම අහනවා වගේ බැල්මකින් එයා දිහා බැලුවේ.

ඒ එක්කම අපිට ඇහුනෙ රෙජිස්ටාර් මිස් උගුර පාදන සද්දෙ. අපි මෙතන ෆ්‍රී රොමෑන්ටික් ෂෝ පෙන්නද්දි වටේ පිටේ හැමෝගෙම ඇස් තිබ්බෙ අපේ දිහාවට හැරිලා.

රෙජිස්ටාර් මිස් නම් අපි දෙන්නා දිහා බලාගෙන හිටියෙ බිත්තර ගිලින්න බලාගෙන ඉන්න නයෙක් ගානට.

” අපි දැන්වත් කසාදෙ ලියාපදිංචි කරමු නේද මනමාල මහත්තයෝ ”

රෙජිස්ටාර් නෝනා රවීන් අයියගෙන් අහද්දි රවීන් අයියා නම් හිනා උනේ නියම මනමාල පාටට. අම්මෝ ඒ හිනාව දැක්කම නම් මගෙ හදවත පිනුම් ගහන්න පටන් ගත්තා.

කවදාවත් චතුර අයියගෙ දිහා ඕනෙකමින් නොබලපු මං ඒ වෙලාවෙ නම් එයාගෙ දිහා බැලුවා. ලොකු පරිත්‍යාගයක් කල මනුස්සයෙක් වගේ බොහොම උපේක්ෂාවෙන් එයා මමයි රවීන් අයියයි විවාහ සහතිකේ අත්සන් කරනවා බලාගෙන හිටියා.

හේරත් මුදියන්සේලාගේ රවීන් අභිමාන් අන්තිමට ආරච්චිලාගේ සෂානි පැහැසරණිව එයාගෙ නීත්‍යානුකූල භාර්යාව කරගත්තා. කෙටියෙන්ම කිව්වොත් සුදු මහත්තයා එයාගෙ සුදු නෝනව නීත්‍යානුකූලව අයිති කරගත්තා.

රවීන් අයියගෙ වාසගම මම දැනගත්තෙත් අපේ කසාදෙ දවසෙදිම තමයි. මම හිතන්නෙ කසාදෙට කලින් අඩුම වාර ගානක් මුණ ගැහිලා තියෙන කපල් එකත් අපි දෙන්නද කොහෙද.

මගේ ජීවිතේ අවාසනාවන්තම දවස වෙන්න ගිය එදා මගේ ජීවිතේ ලස්සනම දවස උනා. ආයෙමත් මගෙ සුදු මහත්තයා මගේ ජීවිතේට ආවා. ඒ විතරක් නෙවෙයි.එතනින් එහාට මට රෝද පුටුව ඕනෙ උනෙත් නෑ.

පෝරුවෙ චාරිත්‍ර කරන්න මට පෝරුව උඩට මගෙ කකුල් දෙකෙන්ම නගින්න පුලුවන් උනා. ඇත්තටම ඒක නම් ආදරයේ ප්‍රාතිහාර්යයක්. ඔව් .. මගේ සුදු මහත්තයගෙ ආදරේ නාමෙන් වෙච්ච ප්‍රාතිහාර්යයක්. පෝරුව උඩ අපේ සුලැගිලි නූලකින් ගැටගහලා අත පැන් වත්කරද්දි මට කියාගන්න බැරි තරම් සතුටක් දැනුනේ.දැන් නම් ඉතිං අපි අපේම තමයි.

” ඒයි ….හොර කෙල්ල …. ”

හිතට දැනුනු අමුතුම ලැජ්ජාවක් එක්ක මම හිටියෙ සෙටියෙ කොනටම වෙලා ඉදගෙන. රවීන් අයියා මගෙ ඉනෙන් අල්ලගෙන ළගට අරන් කතා කලා.

” ම්ම්ම් …….. ”

” මට කම්මුල් පාරකුත් ගහලා දැන් ඉන්න හැටි දෙකට ගනින්න බෑ වගේ ”

” අනේ මහත්තයෝ ”

මං අඩන්න ඔන්න මෙන්න වගේ මූණ හදාගෙන හැරුනෙ රවීන් අයියා දිහාවට.

” හා හා ..දැන්ම අඩන්න ඕනෙ නෑ .. අද කරන්නම්කෝ හොද වැඩක්. … යමන්කෝ හනි මූන් ….. ”

” අම්මෝ …මේ කොල්ලගෙ තියෙන හදිස්සිය ….. .”

” හදිස්සිය ……”

එහෙම කියලා රවීන් අයියා එබුනෙ මගෙ මූනට. ඒ සුසුම් වල උණුහුම මගෙ කම්මුල් පුරාවටම වැදෙද්දි මම හිටියෙ දැහැනකට සම වැදිලා වගේ.

” හා .. හා …. ඕවා පස්සේ … රෑට රෑට …”

එහෙම කියලා මහ හයියෙන් හිනා උනේ චතුර අයියයි රවීන් අයියගෙ මල්ලියි. ඇත්තටම චතුර අයියගෙ මේ වෙනස් වීමෙන් මං පුදුම වෙලා හිටියේ.ඒත් ඇත්තටම ඒ වෙනස් වීම මගෙ ජීවිතේ ආයෙමත් මට ලැබෙන්න හේතුවක් උනා.

___________________________________

” ෂානි ……. එන්නකෝ ටිකක් සුදු මැණික ”

මම ෂානිගෙ අතින් ඇදගෙන ගියේ අපේ සෙට් එක වාඩිවෙලා හිටිය ටේබල් එක ළගට .
පව් කෙල්ලට නම් සෑහෙන්න මහන්සි පාටයි ඇවිල්ලා හිටිය නෑදෑයන්ට කතා කරලම.

අපේ මල්ලි , ෂානිගෙ නංගියි මල්ලියි, නයෝමදූ , ශාන් , චතුර ,කවීෂ් විතරක් නෙවෙයි පවනිත් එකම ටේබල් එකක ඉදගෙන හිටියා.

ඇත්තටම හැමෝම අන්තිම මොහොතෙ එක පවුලක් උන එක ගැන නම් මගෙ හිතේ තිබ්බෙ පුදුම සතුටක්.

” මේ කෙල්ලගෙ තියෙන ලැජ්ජාව බලන්නකෝ අප්පා ”

කතාව පටන් ගත්තේ නයෝමදූ.

” අක්කේ … ටිකක් හිනාවෙන්නකෝ ..ඔයාට ඕනෙ කෙනාව ලැබුණනේ ”

එහෙම කිව්වෙ ෂානිගෙ නංගි.

ෂානි හෙමීට ඔලුව උස්සලා හැමෝම දිහා බලලා ලස්සනට හිනා උනා. මට නම් ඒ හිනාව දැක්කම දැනුනෙ පුදුමාකාර ලෝබ කමක්. හදිස්සියෙවත් මට මේ හිනාව අයිති නොවුනානම්. දෙයියනේ එහෙනම් මට වෙන්නෙ ජීවිත කාලෙම විදවන්න.

” ඇත්තටම දෙයියන්ට ස්තූති වෙන්න ඕනා මේ හැමදේම මේ විදිහට සිද්ද උනාට ”

නයෝමදූ කිව්වෙ මූණ පුරාම හිනාවෙලා.

” දෙයියන්ට නෙවෙයි නංගි … ශාන්ට පිං සිද්ද වෙන්න තමයි මම ජීවත් වෙලා ඉන්නේ …….. ”

මං එහෙම කියලා බැලුවෙ ශාන්ගෙ දිහා . කොල්ලා මගෙත් එක්ක හිනාඋනා.

” ඒක ඉතිං මගේ යුතුකම නෙ අයියේ ”

ශාන් කිව්වා.

” මට මේ වෙච්ච දේවල් ප්‍රෙහෙලිකාවක් වගේ මහත්තයෝ …. ”

ෂානි මගේ දිහාවට හැරිලා කිව්වෙ මූණත් අදුරු කරගෙන. බැලූ බැල්මට නම් මේ වෙච්ච දේවල් හරියට චිත්‍ර පටියක් වගේ තමයි.
මෙතන හිටිය කවුරුත් වෙච්ච මුලු සිදුවීමම දන්නෙ නෑ . ඒ හින්දා හැමෝම හිටියෙ හිතේ ප්‍රශ්න ගොඩක් හිරකරගෙන.

” අයියේ … . මේ ත්‍රාසජනක ෆිල්ම් එක අපිට පොඩ්ඩක් පැහැදිලි කරලා දුන්නා නම් වටිනවා නේද ”

එහෙම කිව්වෙ කවීෂ් මල්ලි. හැමෝම වගේ ඒකට නම් එක පයින් කැමති උනා.

” ම්ම්ම් ………. හරි එහෙනම් … මම කියන්න පටන් ගන්නම්කො එදා මම රෑ චතුරව හම්බ වෙන්න ගිය තැන ඉදලම.

එදා මං අපෙ මල්ලිටවත් කිව්වෙ නෑ මම යන්නෙ චතුරව හම්බ වෙන්න කියලා. මොකද මට චතුර ගැන ඇත්තටම ෂුවර් එකක් තිබ්බෙ නෑ මොනවා කරයිද කියලා … හැබැයි මට ෂානිගෙ නංගිගෙ උදව්වෙන් ශාන් මල්ලිව ෆිට් කරගන්න පුලුවන් උනා. මං හිතුවෙනෑ කොයිවෙලෙත් රණ්ඩු කල අපි ඒ තරන් හොද යාලුවො වෙයි කියලා …………. ”

” යාලුවො නෙවෙයි අයියේ … සහෝදරයෝ ”

ශාන් එහෙම කිව්වෙ හිනාවෙලා.

” අනිවා මල්ලි …. එදා චතුර ලෑස්ති වෙලා ඇවිල්ලම තිබ්බෙ අපිට ගහන්න. වෙලාවට මමත් ශාන් මල්ලි එක්ක හොද සෙට් එකක් අරන් එතනට ගියේ .මං එතනට තනියම ගියා වගේ පෙන්නුවට ශාන් ඊට කලින් සෙට් එකත් එක්ක එතන වට කරලා හිටියෙ. කොහොම හරි පොඩි වචන හුවමාරුවකට පස්සෙ උන්ගෙ පැත්තෙ උන් අපිට ගහන්න ආවා . අපිත් නිකන් හිටියෙ නෑ.

ඒත් හිතුවෙ නැති විදිහට පිටි පස්සෙන් ආව එකෙක් මට පිහියෙන් ඇන්නා . ඒ අමාරුවෙන්ම මම බිමට වැටෙද්දි චතුර බය උනා. මොකද මගෙත් එක්ක තරහක් තිබ්බට මාව මරන්න තරන් උවමනාවක් ඌට තියෙන්න නැතුව ඇති. උන් ටික එතනින් විනාඩි ගානක් ඇතුලත පැනලා ගියා.

එදා ඇත්තටම මම හිතුවෙ මම මැරුණා තමයි කියලා . අපේ උන් මාව වෑන් එකට උස්සලා දාගන්නවත් මට මතකයි. මගෙ ළගම හිටියෙ ශාන් මල්ලි. කොල්ලා ෂර්ට් එක ගලවලා මගෙ පිහිය ඇනුන තැනට තියන් ඉන්නවත් මට මතකයි …. ඉන් පස්සෙ මට සිහිය නැති උනා …… ”

මං එහෙම කියලා කතාව ටිකකට නවත්තලා බැලුවෙ කට්ටියගෙ මූණු දිහා. මුන් ටික හොල්මන් ෆිල්ම් එකක් බලලා වගේ ඇස් නළලෙ තියාගෙන මගෙ දිහා බලාගෙන හිටියේ.

මගෙ පුංචි කෙල්ලත් ඇස් ලොකු කරන් මගෙ දිහා බලාගෙන හිටියා. හරියට හා පැටියෙක් කොටියෙක්ව දැකලා බය වෙලා ඉන්නවා වගේ.

” මං හොස්පිට්ල් එකේ දවසක් විතර හිටියා සිහිය නැතුව. ඒ ලේ ගොඩක් ගිහින් තිබ්බ නිසා. හැබැයි මගෙ තුවාල වේලෙන්න ගොඩක් කල් ගියේනම් නෑ. කොහොම හරි හොස්පිට්ල් ඉන්නකොට තමයි මට ශාන් ඇවිත් කිව්වෙ චතුර මගෙ කෙල්ලවත් අරන් උඩුදුම්බර යන්න හදනවා කියලා. ඊට පස්සෙ තමයි මම මල්ලිව එව්වෙ ෂානිගෙ ඩයරිය දීලා. මොකද මට හිතුනා ඒක කියෙව්වම මගෙ කෙල්ලට මොනවම හරි දෙයක් දැනේවි කියලා ”

මං එහෙම කියද්දි ෂානි මගෙ අත තද කරලා අල්ලගත්තා.

” හ්ම්ම් … ඔව් … ඒක කියෙව්වම ඇත්තටම මගෙ හිතට දැනුනෙ පසුතැවීමක්…. ”

කෙල්ල එහෙම කියලා මගෙ උරහිසට වාරු උනා.

” හොස්පිට්ල් එකෙන් මං බලෙන්ම වගේ ටිකට් කපාගත්තෙ. ඊට පස්සෙ මං මල්ලිත් එක්ක චතුරව ෆලෝ කරන්න පටන් ගත්තා. ඒක පටන් ගත්තෙ ඔයාලා උඩුදුම්බර එන්න ආපු දවසෙමයි…. ”

මං එහෙම කියලා එබුනෙ ෂානිගෙ ඇස් වලට.

” අර රෙස්ටූරන්ට් එකේදි ඔයා දැක්ක කෝට් කාරයා මං තමයි කෙල්ලේ … ඒ විතරක් නෙවෙයි … චතුරගෙ ගේට් එක ළගට ඇවිත් අර ලියුම දාල ගියෙත් මම …. ”

” අනේ මහත්තයෝ … ඒ ඔයා කියලා මං දැනන් හිටියෙ නෑ …… “,

ෂානි හා පැටියෙක් වගේ මට තුරුලු වෙලා කිව්වා. එයා ඒක කිව්ව විදිහට මට හිනාත් ගියා.

” මොකද මැට්ටෝ හිනාවෙන්නේ … දැන් මට කියන්න කොහොමද චතුර අයියව ඔයා වෙනස් කලේ කියලා ….. ”

මගේ කෙල්ල කට උල් කර කර කියද්දි අනිත් හැමෝම නොයිවසිල්ලෙන් මගෙ දිහා බලාගෙන හිටියා.

” හරි … ඒක නම් දිග කතාවක්… මං ඔයාලට කියන්නම්කෝ ……. ”

එහෙම කියලා මං උගුර පාදලා ලෑස්ති උනේ කතාව කියන්න.

……….. ……… ………… ……..

” ඒයි …….. උඹලා කවුද .. මාව කොහෙටද මේ අරගෙන ආවෙ … ”

චතුර කෑගැහුවෙ උගුරත් බැරැන්ඩි කරගෙන.

” බොරුවට කෑගහන්නෙ නැතුව හිටපන් යකෝ …. ”

මං එහෙම කියලා උගේ මූණ වැහෙන්න දාලා තිබ්බ කලු පාට රෙද්ද ගලවලා අයින් කලා.

” ර…ර .. රවීන් …… උඹ …. ”

ඉහින් කනින් දාඩිය වැක්කෙරෙද්දි චතුර මගෙ දිහා බලාගෙන හිටියෙ හොල්මනක් දැකලා වගේ.

” ඔව් .. මං රවීන් තමා … උඹ හිතුවද මං මැරුනා කියලා ”

මං එහෙම අහද්දි චතුර කෙදිරි ගාගෙන කාමරේ මුල්ලෙ බිම ඉදගත්තෙ අත් දෙකත් ඔලුවෙන් තියාගෙන.

” මං උඹව මරන්න හැදුවෙ නෑ බං …….”

චතුර එහෙම කියද්දි මම කට කොනකින් හිනා වෙලා ඌ දිහා බැලුවා .

” මගෙ කොල්ලො ටික නැත්තන් මට ජීවත් වෙන්න වාසනාවක් ලැබෙන්නෙත් නෑ ”

මං එහෙම කියද්දි කාමරේ ඇතුලට ආවෙ ශානුයි අපේ මල්ලියි.

චතුරලගෙ ගෙවල් කිටුවට වෙන්න අතෑරලා දාපු පරන තානායමක් අපේ වැඩවලට ගන්න අපිට අමාරු උනේ නෑ. දවස් ගානක් චතුර පස්සෙ ගිහින් අන්තිමටම චතුරව උස්සගෙන මෙතන්ට අරගෙන ආවෙත් ශානුයි අපේ මල්ලියි තව කොල්ලො දෙන්නෙකුයි.

චතුර එක්ක කතා කරන්න මට කොහොමත් ලොකු ඕනෙකමක් තිබ්බා.

” චතුර ,,, මං උඹව මෙතනට ගෙනාවෙ උඹට බල්ලෙක්ට වගේ ගහලා උඹෙ අතපය කඩලා දාන්න නෙවෙයි .. උඹට පැහැදිලි කරලා කියන්න … මගෙ අහිංසක කෙල්ලගෙ ජීවිතේ කාලකන්නි කරන්න එපා ”

මං කිව්වම චතුර ඔලුව උස්සලා මගෙ දිහා බැලුවා.

” ර..රවීන් …. මමත් .. මමත් ෂානිට ආදරෙයි … ඒකයි මං මේ හැමදේම කලේ ”

” ආදරෙයි ”

මං දත්මිටි කාගෙන චතුර දිහාවට හැරෙද්දි ඌ අහක බලාගත්තේ මට මූණ දෙන්න බැරිකමට.

” වැදගත්කමට හැදුන කෙල්ලෙක්ව බලහත්කාරෙන් උස්සලා ඒකෙල්ලගෙ ජීවිතේ අනතුරේ දාලා ඒ කෙල්ලගෙම ගෙදරට ඒ කෙල්ල මැරුනා කියලත් ඒත්තු ගන්නලා ,, අන්තිමට ඒ කෙල්ලට පන වගේ ආදරේ කල කොල්ලව ඒ කෙල්ල ඉස්සරහා වැරදි කාරයෙක් කරලා උඹ මොන විදිහෙ ප්‍රේමවන්තයෙක් වෙන්නද බං දැගලුවේ .. උඹ හිතුවෙ උඹ රෝමියෝ කියලද ”

මං කිව්වෙ හිතේ මෙච්චර කාලයක් කැකෑරි කැකෑරි තිබ්බ තරහව චතුරගෙ ඇස් ඉස්සරහා පුපුරලා යවලා.

” මට ඕනෙ උනේ එයාව මගේ වෙනවා දකින්න …. ”

චතුර කිව්වා.

” මිනී වලවල් දහයක් කපලා හරි උඹට උඹගෙ මගුල ගන්න තියෙනවා නම් උඹ ඒක කරනවා … එහෙමද … උඹ මේ රටේ නීතිය රකින්න ඉන්න මනුස්සයෙක් නේද .. මොනවද මේ කරන්නෙ …… ”

චතුරගෙ මූණටම එබිලා මම අහද්දි ඌට කියන්න දෙයක් නැතුව බිම බලාගත්තා .

” චතුර තේරුන්ගනින්….. ආදරයක් බලහත්කාරෙන් අයිති කරගන්න බෑ බං …මට මේක කියපන් … වෙන කෙනෙක් ගැන හිත හිත දුක් වෙන කෙල්ලෙක් එක්ක උඹට උඹේ කසාද ජීවිතේ සතුටින් ගෙවන්න පුලුවන්ද … මට නම් බෑ … මගේනම් මගේම විතරයි … මං කැමති නෑ මගෙ කෙල්ල වෙන එකෙක් ගැන හීනෙකින්වත් හිතනවට ….. උඹම පොඩ්ඩක් හිතලා බලපන් … උඹ මේ කරන්නෙ තේරුමක් ඇති වැඩක්ද කියලා ”

මං එහෙම කියලා වේගෙන් හුස්ම ගත්තෙ හිතට ආව කේන්තිය පාලනය කරගන්න.

” මට තේරෙනවා බං … මං කලේ ගොඩක් ලොකු වැරැද්දක් … ඒත් … මං දන්නෙ නෑ බං මං මගේම හැගීම් අස්සේ හිර වෙලා ”

චතුර කියද්දි මම කිසි හැගීමක් නැතුව එයා දිහා බලාගෙන හිටියා.

” තව හොදට කල්පනා කරලා බලපන් චතුර …මට තිබ්බා මරණවනම් උඹව මරන්න . උඹ ආදරේ ඉස්සරහට දාගෙන ඔච්චර දේවල් කරා නම් මටත් පුලුවන් ආදරේ නාමෙන් කියලා ඔයිට වඩා දේවල් කරන්න. ඒත් මං එහෙම කරන්නෙ නෑ. ඒ මං මනුස්සකන් දන්න එකෙක් නිසා . උඹේ අතේ තමයි තීරණේ තියෙන්නේ ”

මං අවසානෙට එහෙම කියලා ශාන් දිහා බලලා ඔලුව වැනුවෙ චතුරව එතනින් අරන් යන්න කියලා.

ශාන් චතුරගෙ අතකින් අල්ලන් එතනින් අරගෙන යද්දි චතුර ගියේ හිස් බැල්මෙන් බිම බලාගෙන.

” අම්මෝ කියවලා කියවලා කටත් රිදෙනවා ”

මං එහෙම කියලා හැරෙද්දි අනිත් හැමෝම ලොකු හුස්මක් ගත්තා. හරියට එච්චර වෙලාවක් උන් හුස්ම තද කරන් හිටියා වගේ.

” ඊට පස්සෙ මොකද උනේ …. ”

ෂානි ඇහුවෙ පුදුමෙන් ඇස් ලොකු කරන්.

මෙන්න යකෝ මේ කෙල්ල මට හුස්මක්වත් නොගෙන ඉතුරු ටිකත් කියන්න කියනවා.

මගෙ තුරුලට වෙලා මගෙ ඇස් දිහාම බලාගෙන ඉන්න ෂානි දිහා මම බැලුවෙ ආදරෙන් හිනාවෙලා.

” හ්ම්ම් …. හරි ඊට පස්සේ ……

මම ආයෙමත් කතාව නවත්තපු තැන ඉදන් කියන්න ගත්තා.

ඊළග කොටසින් හමුවෙමු
????????????????????
හූ… හූ …. කොහොමද කතාවෙ අන්තිමට වෙච්ච දේ … මට බැන්නට කමක් නෑ නේද ???????
ඔන්න ඔයාලා ආසාවෙන් කියෙව්ව කතාවක අවසානයට තමයි මේ ළගාවෙලා තියෙන්නේ. ඉතිං මේ අවසාන කොටස් කීපයත් ආසාවෙන් කියවන්න කියලා ඉල්ලනවා. අවසන් කොටස් දෙක මිස් කරගන්න එපා ?????

මහන්සි වෙලා ඔයාලා වෙනුවෙන් ලියන කතාවට කොමෙන්ට් එකක් නොදා නං ඉන්න එපා හොදේ…ආදරෙයි ඔයාලට පැලෙන්න. තෙරුවන් සරණයි ❤️❤️❤️❤️ click කරන්න

මම ඩී.සුමිත්