84 කොටස

” සර් ඩිනර් ගෙනාවා ……… ”

දොර ළගින් ඇහුනෙ කොල්ලෙක්ගෙ කටහඩක්. ශික් මේ යකත් මේ වෙලාවෙම ආවනේ. මං එහෙම හිතලා ෂානිගෙ ඇග උඩින් අයින් උනේ ඒ ඇස් දිහාම බලාගෙන. කෙල්ල නම් ජම්බු ගෙඩියක් වගේ රතු වෙලා.

මං හෙමීට දොර අරිද්දි ෂානි ඇදෙන් නැගිටලා බැල්කනි එක පැත්තට තිබ්බ දොර ඇරගෙන එළියට ගියා.

හොටෙල් යුනිෆෝම් එකෙන් හිටිය කොල්ලෙක් ට්‍රොලියක් තල්ලු කරගෙන ඇවිත් කාමරේ තිබ්බ ටේබල් එක උඩින් කෑම දීසි ටික තියන්න පටන් ගත්තා .

” මොනවද මිස් ඕඩර් කලේ …… ”

මං ඇහුවෙ ෂානි මොනවා ඕඩර් කලාද කියලා මං දන්නෙ නැති නිසා.

” ස්පැගටියි , වෙජිටබල් සුප් එකකුයි සර්…”

” අහ්හ් .. ඕකේ .. තැන්ක්‍යූ .. ”

මං එහෙම කියලා කොල්ලා එක්ක හිනා උනා. ටේබල් එක ඇරේන්ජ් කරලා කොල්ලා එළියට ගියේ ඕනෙකමක් උනොත් කෝල් කරන්න කියලත් මතක් කරගෙනමයි.

මම ගියේ ෂානිව හොයාගෙන . බැල්කනියට යද්දිම ඇහේ හිරිගඩු මතු කරගෙන හමාගෙන ආවෙ සීතල හුළගක්.

” සීතල නැද්ද කෙල්ලේ … මොකද මෙතනට ආවේ …. ”

මං බැල්කනි එකට ගියේ එහෙම කියාගෙන.

” මෙහෙම ඇදගෙන පිට කෙනෙක් ඉස්සරහා ඉන්න බෑනෙ ”

ෂානි කියද්දි මම කෙල්ලගෙ ඔලුවෙ ඉදන් පල්ලෙහාටම බැලුවා. කොට ෂෝටයි ස්කිනි එකයි කෙල්ලට නියමෙට ගැලපුනත් ඒ රෝස පාට කකුල් අත් වෙන එකෙක් දකිනවට මම පොඩ්ඩක්වත් ආස උනේ නෑ.

” අම්මෝ ඔව් ඔව් … උඹ මගේ විතරයි .. ”

මං පහත් වෙලා එයාගෙ තොල් වලට කිස් එකක් දුන්නෙ හිනාවෙලා.
ඊට පස්සෙ අපි දෙන්නම රූම් එක ඇතුලට ආවෙ කෑම කන්න හිතාගෙන.

ෂානි නම් ගොඩක් කෑවෙ නෑ. කාපු ටිකත් මම පෙරැත්ත කරලා කවාගත්තේ. හරියට පොඩි එකෙක් වගේ කන්න ගිහින් දගලන්නේ . හැබැයි මං ආස කලෙත් ඒ හුරතලේටම තමයි .

කෑම කාලා ඉවර වෙලා මම රූම් සර්විස් එකට කතා කලේ කෑම පිඟන් අරන් යන්න කියලා .

ඒ කොල්ලත් පිඟන් භාජන ඔක්කොම අරන් ගියාට පස්සෙ මම තුවාය පිටින්ම ඇදේ හාන්සි උනා.

ෂානිත් මගෙ පපුවට ඔලුව තියාගෙන ඇදේ දිගාවුනේ කිසිම සද්දයක් නැතුව.

” මැණික …….. ”

” ම්ම්ම් …… ”

” අන්තිමට අපේ හීනෙ හැබෑ උනා නේද සුදු නෝනා ”

මං එහෙම කිව්වම ෂානි අනිත් අතට පෙරලිලා මගෙ මූණට එබුනා. ඒ දිස්නෙ දෙන ඇස් දෙකයි රෝස පාට තොල් දෙකයි දකිද්දි නම් මට බවුන් වඩාගෙන ඉන්න පුලුවන් කමක් තිබ්බෙ නෑ.

” හ්ම්ම් … .මං හුගක් බයෙන් හිටියෙ මට ඔයාව නැති වෙයි කියලා ”

” පිස්සි …. ඔයාව වෙන කෙනෙක්ට අයිති වෙනකන් බලන් ඉන්නවද මේ මං ”

එහෙම කියලා මම ෂානිව පෙරලගෙන මගේ ඇගට යට කරගත්තා. පුංචි හා පැටියෙක් වගේ මගෙ දිහා බලාගෙන ඉන්න මගෙ කෙල්ලව දැක්කම මට පුදුම ලෝභ කමක් දැනුනේ.

ඇද ළගම තිබ්බ ස්විච් එකෙන් මම කාමරේ ලයිට් ඕෆ් කරලා එතනම ටේබල් එකේ තිබ්බ ටේබල් ලෑම්ප් එක ඔන් කලා.

ලා කහ පාට එළියෙන් මම මගෙ පුංචි කෙල්ලගෙ මූණ දැක්කා. හෙමීට ඒ තොල් මගේ කරගත්ත මම ඒවා විදගත්තෙ පිස්සුවෙන් වගේ.

ෂානිගෙ උණුසුම් හුස්ම මගෙ මූණට වැදෙද්දි මම තව ටිකක් තදට එයාව බදාගත්තා.

හෙමීට අත් දෙක පල්ලෙහාට අරන් එයාගෙ ස්කිනි එක ඇගෙන් අයින් කරද්දි කෙල්ල මගෙ දිහා බලාගෙන හිටියෙ ලැජ්ජාවෙන් වගේ.

ඒත් ඒ ආදරණීය ඇස් මාව අරගෙන ගියේ වෙනම ලෝකෙකට. ඒ නොයිදුල් පුංචි පපුවෙ මට විදගන්න හුගක් ආදරේ එකතු වෙලා තිබුණා.

ඇත්තටම මම පුදුම ලෝභකමකින් ඒ සියුමැලි ඇග පුරාවටම තොල් අරගෙන ගියේ.

තප්පරය දෙක ගෙවිලා විනාඩි පහ දහය ගෙවිලා පැය එක දෙක ගෙවිලා මැදියමත් පහු වෙනකන්ම මම හිටියෙ මගෙ පුංචි කෙල්ලගෙ උණුසුම් පහසින් මත්වෙලා.

ඉදහිට කනට ඇහුන හීන් කෙදිරියත් මට දැනුනේ රෝමාන්තික සංගීතයක් වගේ.

තාලෙට හුස්ම අරන් පැද්දෙන පපුවට ඔලුව තියාගෙන මම හුගක් වෙලා ඉන්න ඇති. ඉදලා හිටලා හීන් කෙදිරිලි සද්දෙ ඩිංගක් වැඩි වෙලා එයාගෙ හීන් නිය මගේ පිට පුරාවටම දුවද්දි මට දැනුනෙ සියුම් වේදනාවක්. ඒත් ඒක ආදරෙන් විදගන්න පුලුවන් විදගන්න ආස හිතෙන වේදනාවක් .

උස් පහත් වෙන පපුව , මගෙ ඇගිලි තුඩු පුරාවටම දග කරපු ඒ කෙහෙරැලි ඇත්තටම ඒ රෑ හුගක් ලස්සන කලා . ආදරේ අන්තයටම ගිහිල්ලා විදගන්න එදා මටයි මගේ පුංචි කෙල්ලටයි පුලුවන් උනා. ආදරෙත් එක්ක එකතු වෙන රාගය ඇත්තටම හුගක් ලස්සනයි . ප්‍රේමාන්විතයි . හරි ඉවසිලිවන්තයි.

වෙහෙසකර ඒත් ප්‍රේමණීය හෝරා කීපයකට පස්සේ හීන් දහඩිය බිංදු ගොඩක් ෂානිගෙ මූණ පුරාවටම ඇන්දෙ ලස්සන රටාවක්. හරියට පුංචි ලිලී මලකට පිණි වැටිලා වගේ.

මම හෙමීට ඒ නළල ඉම්බා.ඊට පස්සෙ ආයෙමත් ඒ පපුවෙ මූණ හංගගත්තේ ඇස් දෙකත් තද කරලා පියාගෙන.

___________________________________

බීප් …..බීප් ………. බීප් …….. බීප් …..

එලාම් එකේ සද්දෙට මම ගැස්සිලා ඇහැරුනා. ඇත්තටම කලින් දවසෙ රෑ කීයට නින්ද ගියාද කියලා මට නිනව්වක් තිබ්බෙ නෑ.

මම තාමත් හිටියෙ ෂානිගෙ උණුසුම් පපුවෙ මූණ තියාගෙන .
මම හෙමීට ඔලුව උස්සලා අරගෙන තාලෙට උස් පහත් වෙන ඒ පපුවෙ සුන්දරත්වය ඩිංගකට වින්දා. රාගික බවක් නොවුන පපුවෙ මම දැක්කෙ ආදරේ විතරමයි.

විසිරිලා ගිය කොණ්ඩ ගස් අතරින් මම දැක්කෙ ඒ රෝස පාට තොල්. හෙමීට දබරගිල්ලෙන් එයාගෙ යටිතොල මම අතගෑවා.

අවුල් වෙලා ගිහින් තිබ්බ ඇද රෙද්ද ඇදලා එහාට කරද්දියි මම දැක්කෙ මගෙ පුංචි කෙල්ල එයාට මං වෙනුවෙන් දෙන්න පුලුවන් එයාගෙ වටිනාම පවිත්‍රත්වයේ සලකුන සුදු පාට බෙඩ් ශීට් එකේ තියෙනවා.

ඇත්තටම ඒක දැක්කම මගෙ ඇස් වලට කදුලුත් ආවා. පරණ මත වල එල්ලිලා මිනිස්සු කෙල්ලෙක්ගෙ පිරිසිදු කම ගැන ලොකුවට හෙව්වත් ඇත්තටම මට ඒ ගැන තිබ්බෙ මධ්‍යස්ථ අදහසක්. ඒත් මං ඒක මගෙ ඇස් දෙකෙන්ම දැක්කම මං ම ඒ පැය කීපය එයා එක්ක වින්දම හිතට දැනුනෙ අමුතුම හැඟීමක්. දැන් ඉතිං එයා මගෙ නේද … මං වෙනුවෙන්ම මගේ කෙල්ල මග බලාගෙන හිටියා නේද … මම නේද එයාගෙ හැබෑම අයිතිකාරයා කියන සිතුවිලි ගොන්න මගෙ හිතට ආවා.

මම ෂානි දිහා බලාගෙන හිටියෙ හිනාවේගෙන.

මම ෂානිගෙ නළල ඉඹින්න පහත් වෙද්දිම වගේ එයා හෙමීට ඇස් ඇරියා.

” සුදු මහත්තයෝ …… ”

හීන් කටහඩින් ෂානි කතා කලේ හිනාවෙලා. මම හෙමීට එයාගෙ නළල ඉම්බා.

” මගෙ මැණික …… ”

මම ෂානිව බදාගත්තේ හදවත පුරාවටම උඩුදුවලා තිබ්බ ආදරෙන්. ෂානිත් මුකුත් නොකියම මට තුරුල් උනා.

මම එයාව ඩිංගකට එහාට කලාම ඒ ඇස් නතර උනෙත් එයාගෙ පිරිසිදුකමේ සලකුන ළග. මං බලාගෙන ඉද්දිම ඒ ඇස් වලට කදුලු පිරුනා.

” මොකද කෙල්ලෙ මේ ….. ”

” ම්…ම්..මේ.. සතුටු කදුලු ……… ”

ෂානි කියද්දි ආයෙමත් වතාවක් මං එයාව තුරුලට ගත්තා.

මේ තමයි ඉතිං දැන් මගෙ ලෝකෙම. අඩන්නත් හිනාවෙන්නත් මට උඹ ඇරෙන්න වෙන කවුද මගෙ මැණිකෙ ඉන්නේ. ඉතිං මං උඹව දැන් රකින්නෙ මගේ පන දෙවනි කරගෙන.

” සුදු නෝනේ … මැරෙනකන්ම මං උඹව රකිනවා … ආදරේ කරනවා … මරණින් මත්තෙත් සංසාරෙ පුරාවටම මම උඹවම හොයනවා …. උඹවම පතනවා …. ”

මං ෂානිගෙ කන්පෙති අතරට කරලා හෙමීට මුමුණලා කිව්වා.

දුටුවාම ඔය නිල් දෑස
සත්තයි ගැස්සෙනවා
මගෙ පපුව තාම
රෑ පුරා සිල් බින්ද
මල් සුවද බෝම
රගදෙනවා ඔය තුරුලෙ
දැනෙනවා තාම ,,,

මටම හිමි පිංසාර
මගෙ කුමරි ගාව
සැනසෙන්න වරම් මට
දුන්නෙ හැමදාම
ස්වේත මුදු යහන මත
රටාවට දාව
මට දුන්නෙ නුඹෙ අමිල
පතිවතයි නේද ,,,

නෙත් දෙකේ තියන්
නුඹ රකිමි පන සේම
දිවිතුරා අත්වැලක් වෙන්න
මා ගාව
සංසාරෙ ඔය රුවම
පතමි හැමදාම
දෙව්ලියේ නුඹ නොමැති
ලොවක් නෑ මහද ,,,,

…………………………………….

වසර පහකට පසු

ට්‍රීං …. ටීං ……. ට්‍රීං …. ට්‍රීං …….

” මහත්තයෝ කවුද බලන්නකෝ ”

ෂානිගෙ කටහඩ කුස්සියෙන් ඇහෙද්දිම වගේ මම කෝල් එකට ආන්ස්වර් කලා.

” හරි හරි බං … අපි එන්නම් නියම වෙලාවට …. ”

මං එහෙම කියලා රිසීවර් එක තිබ්බෙ හිනාවෙවී.

” තාත්තී ………… ”

” අකේෂ් ….. දග කොල්ලා මගේ ….. ”

මම එහෙම කියලා මගේ සරමේ එල්ලිලා හිටිය මගෙ පුංචි දග කොල්ලව අත් දෙකෙන්ම උස්සලා වඩාගත්තා.

තාත්තා වගේ කොල්ලෙක් ඕනයි කියලා අම්මා නහයෙන් අඩ අඩ හිටියට මේ කොල්ලට තියෙන්නෙත් අම්මගෙ හීන් දිගැටි ඇස් දෙකමයි.

මගේ අත් දෙකට වෙලා හුරතල් වෙන අකේෂ් දිහා බලාගෙන මම හිතුවා.

එතකොටයි මම දැක්කෙ තේ කෝප්පයක් අතින් අරන් කුස්සියෙ ඉදන් හෙමීට හෙමීට එන ෂානිව.

” අයියෝ කෙල්ලේ …කිව්වනම් මං කුස්සියට එනවනේ ….. ”

ෂානිගෙ මාස පහක් තරම් වෙන බංඩිය දිහා බලාගෙන මම කිව්වෙ හිනාවෙලා. කෙල්ල නම් දැන් හිටියට වඩා තවත් ලස්සන වෙලා , බෝල වෙලා.

දැන් ඉතිං පුංචි කෙල්ල දග කොල්ලෙක්ගෙ අම්මා කෙනෙක්නේ. ඒ විතරක් නෙවෙයි තව නංගි බබෙක්ටත් අම්මා වෙන්න තමයි එයා ලෑස්ති වෙලා හිටියේ.

” මොකද හිනාවෙන්නේ …… ”

ෂානි ඇහුවෙ මගෙ අතක් කොනිති ගහලා.

” පාත්තයෙක් වගේ ඇවිදිද්දී ”

මං කිව්වෙ හිනාවෙවී. කෙල්ල නම් ඇස් පුංචි කරලා ඔරවලා මගෙ දිහා බැලුවේ.

” කාටද දන්නෑ බබ්බු ගොඩක් හදන්න ඕනි උනේ …… ”

කෙල්ල කියද්දි මම ළගට අරන් කර වටේට අතක් දාගත්තා.

” පිස්සි …. ”

” කවුද කෝල් කලේ ……. ”

ෂානි ඇහුවෙ අකේෂ්ව උස්සලා බිමින් තියන ගමන්.

” මල්ලි ……. ”

” ඇයි … ”

” චතුරගෙ වෙඩින් එකට එන්නෙ කීයටද අහනවා හෙට ……. ”

මං එහෙම කිව්වම කෙල්ලගෙ ඇස් උඩ ගියා.

” හනේ ….. අයියෝ මට අදින්න එකක් හොයන්නත් අමතක උනා …. ”

ෂානි එහෙම කියාගෙන අඩියට දෙකට කාමරේට ගියේ එයාටම තනියම මුමුණ ගන්න ගමන්.

අම්මපා මේ කෙල්ලන්ට නම් ඇදුම් වලින් තොර ලෝකයක් නැද්ද මන්දා .
තව ටිකකින් කෑගහලා කියයි ” සුදු මහත්තයෝ … මට අදින්න ඇදුමක් නෑ ” කියලා.

මං තනියම එහෙම හිත හිත පුටුවක් උඩින් වාඩි උනා.

අකේෂ් සෙල්ලම් කාර් එකක් අරන් බිම දිගේ ඇදන් යන දිහා මම බලාගෙන හිටියෙ හිනාවෙවී.

ඇත්තටම කාලය ගියේ පුදුම තරන් ඉක්මනට . බැදලා අවුරුද්දක් යද්දිම අපිට අකේෂ්ව හම්බ උනා. හැමෝම කිව්වෙ එයාට හනිමූන් බේබි කියලා. අකේෂ්ට අවුරුදු හතරක් කිට්‍ටුවෙද්දි තමයි ෂානි ආයෙමත් ප්‍රෙග්නන්ට් උනේ.

ඇත්තටම මට කෙල්ල ගැන තිබුණෙ පුදුමාකාර ආදරයක්. මොකද කිව්වොත් පුංචි වයසෙදිම එයා වගකීම් දරණ අම්මා කෙනෙක් උනා. ඇත්තටම එයා එයාගෙ මුලු ජීවිතේම මං වෙනුවෙන් කැපකලා. ඒ හින්දම මම ෂානිට කිසිම අඩුවක් නොකර ආදරේ කලා. මොකද එයා තමයි මගෙ පන.

අපේ වෙඩින් එකට පස්සෙ රට ගිය චතුරට මංගල සීනු වැදුනෙ දැනට අවුරුද්දකට විතර කලින්. ඒ ස්ටඩී කරන්න කියලා රට ගියපු ලංකාවෙම බදුල්ල පැත්තෙ ගර්ල් කෙනෙක් නිසා.

ඉතිං එයාලා මාස තුනකට කලින් ලංකාවට ආවෙ වෙඩින් එක ගන්න.
හෙට තමයි උන් දෙන්නගෙ වෙඩින් එක.

” සුදු මහත්තයෝ ……… ”

කාමරේ දිහාවෙන් මට ඇහුනෙ ෂානිගෙ කටහඩ.

මං කිව්වෙ , අනිවාර්යයෙන්ම එයාට හෙට ඇදගෙන යන්න ඇදුමක් නැතුව ඇති.

” මේ එනවා මගෙ නෝනේ …. ”

මං අඩියට දෙකට කාමරේට ගියේ ආයෙමත් එයා කෑගහන්න කලින්.

ඊළග කොටසින් හමුවෙමු
????????????????????
ඔන්න මගේ දග සෙට් එක ඔයාලා හරි ආසාවෙන් කියවපු ඒ වගේම මමත් හරි ආසාවෙන් ලියපු කතාවක අවසානයට තමයි මේ ඇවිල්ලා තියෙන්නේ. ??? පුංචි දුකකුත් තියෙනවා. මොකද හෙට තමයි කතාවෙ අවසන් කොටස. ??? කොච්චර දුක් උනත් කතාවක් පටන් ගත්තනම් ඉවර කරන්නත් වෙනවනේ. ඉතිං අනිත් කොටස් කියෙව්වා වගේම අවසාන කොටස එක්කත් ආදරෙන් එකතු වෙන්න කියලා ඔයාලට මම ආරාධනා කරනවා.

අන්තිම කොටස මිස් කරගන්න එපා හොදේ ???❤❤❤???

මහන්සි වෙලා ඔයාලා වෙනුවෙන් ලියන කතාවට කොමෙන්ට් එකක් නොදා නං ඉන්න එපා හොදේ…ආදරෙයි ඔයාලට පැලෙන්න. තෙරුවන් සරණයි ❤️❤️❤️❤️❤️ click කරන්න

මම ඩී.සුමිත්