85 කොටස ( අවසන් කොටස )

” ඇදන් යන්න ඇදුමක් නැද්ද ”

මං ඇහුවෙ කාමරේට එබෙන ගමන්. ඒ එක්කම මං දැක්කා කෙල්ලගෙ අදුරු වෙච්ච මූණ.

” මං මහත් වෙලානේ .. ඒ නිසා මේවා දැන් හිරයි වගේ …… ”

ෂානි කිව්වෙ ඇද උඩ දාලා තිබ්බ ගවුම් ගොඩක් පෙන්නලා.

” ඇස් දෙක පියාගෙන ඉන්නකෝ ඔහොම ටිකක්.. මං මැජික් එකක් කරන්න ”

මං ෂානිට කිව්වම කෙල්ලගෙ ඇස් උඩගියා. එයා ඇස් පියාගත්තෙ පොඩි එකෙක් වගේ හිනාවෙලා. මං කාමරේ කෙලවර තිබ්බ පොඩි කබඩ් එක ඇරලා බෑග් එකක් එලියට ගත්තා. ඒකෙන් මං ගත්තෙ වෙඩින් එකට යන්න ෂානිටයි පුතාටයි ගත්ත ඇදුම් .

” ඇස් අරින්නකෝ …….. ”

මං කියද්දි ඇස් ඇරිය ෂානිගෙ කටත් ඇරුනා පුදුමෙට.

” අනේ මගෙ මහත්තයෝ …..”

කෙල්ල මාව බදාගත්තේ හරි ආදරෙන්.කාමරේ දොරකඩට වෙලා මේ සේරම බලාගෙන හිටියෙ අකේෂුත් දුවගෙන ඇවිල්ලා මාව බදාගත්තා.දැන් ඉතිං මගෙ පුංචි කෙල්ලවයි පුතාවයි සන්තෝසෙන් තියෙනවට වඩා සතුටක් මටත් තිබ්බෙ නෑ. ඒ හින්දා හැමවෙලාවෙම මම එයාලගෙ සතුට ගැන හිතලා වැඩ කලා .
………………………………………

” ඔක්කොම ඇවිල්ලා ඉන්නේ මේ ”

එහෙම කියාගෙන අපි ළගින්ම ඇවිල්ලා ඉදගත්තේ පවනි.

” කෝ ශාන් …. ”

මං ඇහුවෙ පවනිගෙන්.

” එයා ටූනමන්ට් එකකට ගියා එයාගෙ ඩාන්සින් ක්ලාස් එකේ ළමයි ටිකත් එක්ක.ඒක ඉවරවෙලා හොටෙල් එකටම එනවා කිව්වා අයියේ ”

” එහෙනම් අවුලක් නෑ ….. ”

මං කිව්වෙ හිනා වෙලා.

” හනේ .. දූ පැටියත් අපි කියන ඒවා අහන් ඇති නේද ….. ”

පවනි කිව්වෙ ෂානිගෙ බංඩිය උඩින් අතක් තියලා. ෂානි පවනිගෙ අත් දෙකෙන්ම අල්ලලා හිනාවුනා.

අපි වෙඩින් හෝල් එකට ගිහින් ටික වෙලාවකට පස්සෙ ආවෙ අපේ මල්ලියි ෂානිගෙ නංගියි. ඒ දෙන්නත් ගිය අවුරුද්දෙ බැන්දා.

” කෝ බාප්පා ළගට එන්නකො අකී ”

මල්ලි ආව ගමන්ම බදාගත්තේ අපේ පුතාව. අකේෂ්ටත් බාප්පා කිව්වම ඉතිං අපිව ඕනෙත් නෑ. ඒතරම්ම ඒ දෙන්නා එකතුයි.

” කෝ නයෝමදූලා … ”

ෂානි ඇහුවේ හෝල් එක පුරාවටම බලලා.

” උන් එනගමන්ලු නංගි … ”

අපේ මල්ලි කිව්වෙ ෂානිට. නයෝමදුයි කවීෂුයි බැන්දේ අපේ මල්ලිලා බැන්දට පස්සෙ මාසෙ. කොහොමින් කොහොම හරි අපේ සෙට් එකම දැන් පවුල් පන්සල් වෙච්ච අය.චතුර තමා අන්තිමටම බදින්න ඉතුරු උනේ . දැන් ඉතිං ඌත් අද බදිනවා.

පෝරුවේ චාරිත්‍ර පටන් අරන් ටික වෙලාවකට පස්සෙ තමයි කවීෂුයි නයෝමදුයි හෝල් එකට ආවේ.ඊටත් ටිකකට පස්සෙ තමයි ශාන් වෙඩින් එකට ආවෙ .

කාලෙකින් කට්ටියම සෙට් උන නිසා කියවන්න දේවල් ගොඩයි. අකේෂ්ටත් පුදුම සන්තෝසයක් තිබ්බේ නැන්දලා මාමලා ගොඩක් වට කරන් ඉද්දි.

” එහෙනම් උඹටත් ජයසිරි මංගලම් ”

අපි ළගට ආව අලුත බැන්ද මනමාලයා චතුරටයි එයාගෙ මනමාලි නීශාටයි මම කිව්වෙ හිනාවෙවී.

” තැන්ක්‍යූ සහෝදරයා ”

චතුර කිව්වෙ මාව බදාගෙන. ඇත්තටම දැන් තමයි ජීවිතේ හොදම කාලෙ ලබලා තියෙන්නේ කියලා මට හිතුනා.

චතුරයි නීශායි එයාලගේ නෑදෑයන්ව හම්බ වෙන්න යද්දි පවනි හිනාඋනේ අපි හැමෝගෙම දිහා බලලා.

” මොකද කෙල්ල හිනාවෙන්නේ ”

අපේ මල්ලි ඇහුවෙ පවනිගෙන්.

” මට දෙයක් කියන්න තියෙනවා …..”

පවනි කිව්වම මමත් එයා දිහා ටිකක් උනන්දුවෙන් බැලුවා.

” මොනවද බබා …. ”

ශාන් ඇහුවෙ පවනිට තව ටිකක් ළං වෙලා .

” ඔයා .. තාත්තා කෙනෙක් වෙන්න යන්නෙ ”

පවනි හෙමීට කිව්වා.

” වාව් …………. ”

අපේ මල්ලි කෑගලා කියද්දි අපි හැමෝටම සතුටට කෑගැස්සුනා . ශාන් නම් හිටියෙ සතුටටත් වඩා පුදුමෙන්.

” ඔයා මට කිව්වෙවත් නෑනෙ … ”

ශාන් ඇහුවේ පුදුමෙන් ඇසුත් ලොකු කරන්.

” මාත් දැනගත්තෙ පෙරේදා …. ඉතිං … ෆෝන් එකෙන් කියන්න හිතුනෙ නෑ .. අද අනික හැමෝමත් එනවනෙ …ඒ නිසා අදම කියනවා කියලා හිතුවා ”

පවනි එහෙම කිව්වම ශාන් එයාව ළගට තුරුල් කරන් නළල ඉම්බේ හරි ආදරෙන්.

” සුභ පැතුම් අක්කේ … ඔන්න ඔයාට දුවෙක් හම්බ උනොත් අපේ අකීට බන්දලා දෙමු ”

ෂානි කිව්වෙ පොඩි එකෙක් වගේ හිනාවෙවී.

” අනේ අම්මපා මගෙ කොල්ලා තාම මොන්ටිසෝරි … අම්මා මගුල් කතා කරලත් ඉවරයි ………”

මම ෂානිව තුරුල් කරගන්න ගමන් කිව්වා.

” මම නිකමට ඒක කිව්වේ …. ඒත් ඉතිං අනාගතේ එහෙම උනත් මොකද ”

ෂානි කියද්දි හැමෝම හිනාවුනා.

තාමත් මේ කෙල්ලගෙ හුරතලේ නම් අඩුවක් වෙලා නෑ. …. මම එහෙම හිතුවෙ ෂානිගෙ දගකාර ඇස් දෙක දිහාව බලලා.

මං පැතුව මම ප්‍රාර්ථනා කල ලෝකෙම මට අවසානෙට ලැබුනා. ඉතිං තවත් මට මොනවද ඕනි. මට ඕනි මේ සතුට හැමදාටම තියාගන්න. කිසිම අඩුවක් නැතුව.

” තාත්තී ………….. ”

එහෙම කියාගෙන මගෙ දග මල්ල අකේෂ් මගෙ ඔඩොක්කුවට පැන්නේ හිනාවේගෙන.

මම අකේෂ්වත් තුරුල් කරගෙන ෂානිගෙත් කරවටේට අතක් දාලා ළංකරගත්තා.

” මගේ නිවන ඉතිං මගේ සුදු නෝනෙයි … මගෙ දග කොල්ලයි .. .එතකොට මගෙ සුදු නෝනගෙ බණ්ඩියෙ ඉන්න පුංචි දෝනියි තමයි ඉතිං ………. ”

මං එහෙම හිතලා හෙමීට ෂානිගෙ නළල ඉම්බෙ හදවත පුරාවටම පිරිලා ඉතිරිලා ගිහින් තිබ්බ ආදරෙත් එක්කමයි.

මට මගේ ජීවිතේ ගැන දැන් නම් ඇත්තටම තියෙන්නෙ ලොකු සතුටක්. මේ ලෝකෙ ඉන්න වාසනාවන්තම මනුස්සයා මං කියලා හිතෙනවා මට.

මං එහෙම හිතුවට වරදක් නෑ නේද …මොකද මිනිහෙක්ට ලබන්න පුලුවන් වටිනාම දේවල් තමයි හැබෑ ආදරයක්… ලස්සන පවුලක් …. හුරුබුහුටි දරුවෝ..හොද සහෝදර සහෝදරියෝ .. හොද යාලුවෝ .. මං ඒ හැමදේම ලැබුවා… ඉතිං ..ඇත්තටම මම වාසනාවන්ත මනුස්සයෙක් .

මම හැමෝම දිහාබලලා හිනාවුනේ හදවතේ තිබ්බ සතුට හැමෝමත් එක්ක බෙදාගන්න.

නිමි.
_________________________

පසුවදන ……

ඉතිං මගේ දග සෙට් එක ඔයාලා හරි ආසාවෙන් කියවපු කතාවක් අද මේ විදිහට අවසන් වෙනවා . ඔයාලා ආසාවෙන් කියෙව්ව කතාවක් වගේම මම මේක හරි ආසාවෙන් ලිව්ව කතාවක්. ඒත් ඉතිං හැම කතාවකම ආරම්භය වගේම අවසානයකුත් තියෙනවා. එහෙම හිතාගෙන තමයි මම මේ කතාවෙ අවසාන කොටස ,පසුවදන ලියන්නේ.

පුරා කොටස් අසූ පහක් පුරාවට ෂානි රවීන් ආදර කතාව ඔයාලා හරි ආදරෙන් රසවින්දා.ඉතිං ඒකට මම මුලින්ම ස්තූති කරනවා මුල ඉදන් අවසානය වෙනකන්ම කතාවත් එක්ක සම්බන්ද වෙලා හිටියට.

කෙටියෙන් සාරාංශව ගත්තොත් පුංචි කෙල්ලෙක් වටාවට ගෙතෙන මේ ආදර කතාව ඔයාලගෙ හදවතටම දැනුනා කියලා මම දන්නවා. මොකද ෂානිට දැනුන හැඟීම් ඒ විදිහටම ඔයාලටත් දැනුනා. ඒ දුක , වේදනාව , සතුට ඔයාලටත් දැනුනා. ඒ වගේම ඔයාලත් ඒක වින්දා .

ඉතිං හරිම විනෝදකාමීව ගෙවුන ෂානිගෙ ජීවිතේට රවීන්ව හම්බ වෙනවා. ඒත් රවීන් හිටියෙ විදේශගත වෙලා නිසා ෂානිට සයුරෙන් එතෙර ආදර කතාවක් තමයි ගොතන්න සිද්ද උනේ. ඒ කොහොම උනත් එයාලට ආදරේ සුන්දර තැන් විදගන්න කලින්ම ලොකු කරදරේකට මූණ පාන්න උනේ චතුර නිසා.

ඇත්තටම මම මේ චතුර කියන චරිතය මේ කතාවට ගත්තේ ඒ හරහා ඔයාලට ලොකු පණිවිඩයක් දෙන්න. චතුර කියන්නෙ කතාවෙ මුලදි නම් බැලූ බැල්මටම හොද කෙනෙක්. ඒ වගේම ෂානිට ගොඩක් උදව් කරන්න ළං වෙච්ච කෙනෙක්.නමුත් අවසානෙදි ෂානිගෙ ජීවිතේ වගේම රවීන්ගෙ ජීවිතෙත් අනතුරේ දැම්මෙ චතුර .

ඉතිං මේ චතුර වගේ අය අපි අතරෙත් ඉන්නවා. සමහරක්විට එයාලගෙ හිතේ ඇත්තටම අපි ගැන ආදරයක් තියෙන්න පුලුවන් . නමුත් එයා කැමති නෑ අපිට වෙන අය ළං වෙනවට. ඒ හින්දම එයා කරන්නෙ අනිත් අයට අපි ගැන වැරදි කියනවා. අපිව එපා කරවනවා. එහෙම කරලා එයාව පාව දෙන්න එපා කියලා අනිත් අයගෙන් පොරොන්දු ගන්නවා.

ඉතිං චතුරත් ඒ වගේ. ඒක ඇත්තටම හුගක් නරක පුරුද්දක්. හරියටම කිව්වොත් අපිට ඇස් පනාපිට පේන්න ඉන්න හතුරට වඩා මිතුරු වේශයෙන් අපිත් එක්ක ඉන්න හතුරා භයානක වෙන්න පුලුවන් වගේ කතාවක් තමයි මේක.

මොකද කතාවෙ හතුරෙක් වගේ හිටියෙ ශාන් . ඒත් අවසානෙදි එයා තමයි රවීන්ගෙ ජීවිතේ පවා බේරගත්තේ. ඒ චතුර හිටියෙ හොද මූණ පෙන්නගෙන. නමුත් අවසානෙදි එයා තමයි හතුරා වෙන්නේ.

ඉතිං මම ඔයාලට මේ කතාවෙන් ජීවිතේට ඕනෙ කරන ගොඩක් දේවල් කියලා දෙන්න උත්සාහා කලා.
ඒ වගේම චතුර මොන වැරැද්ද කලත් අවසානෙදි රවීන් , ෂානි එයාට සමාව දුන්නා. මොකද ඒ දෙන්නගෙම හිත් ගොඩක් හොද නිසා.

රවීන් ගැන කතා කලොත් මං මුලදි ම කිව්වා එයා ප්‍රශ්න වලට කැමති කොල්ලෙක් නෙවෙයි කියලා. ඒත් ඉතිං අවාසනාවට ඇත්ත කතාවක් වගේ එයාගෙ ආදර කතාවම එයාට ප්‍රශ්න පත්තරයක් උනා. ඒත් රවීන් කියන්නෙ හුගක් උත්සාහාවන්ත ගොඩක් ඉවසන ඒ වගේම ඕනෙම කැපකිරීමක් කරන්න පුලුවන් කොල්ලෙක්. ඒක ඔයාලට කතාව කියෙව්වම පේනවා ඇති. මොකද අවසානය වෙනකන්ම රවීන් හැම දෙයක්ම දරාගෙන ඉන්නවා. හැමෝටම ඒ හැකියාව නෑ.

ඒ වගේම තමයි ෂානි. එයානම් ටිකක් නොසැලකිලිමත් දගකාර කෙල්ලෙක්. ඒත් එයාගෙ හදවතත් හුගක් ආදරණීයයි.කරුණාවන්තයි. මොකද ඒකනෙ චතුරට සමාව දුන්නේ.

කොහොම හරි කතාව අවසානෙට ෂානි රවීන් ආදරය බාදක මැද උනත් ජය ගන්නවා. චතුර එයා කල වැරැද්ද පිළිගන්නවා. වැරද්ද පිළිගන්න එකත් ගොඩක් හොද දෙයක්.නමුත් වැරැද්දක් වෙන්න නොදී අවබෝදෙයෙන් වැඩ කරන්න පුලුවන් නම් ඒක ඊටත් වඩා හොද දෙයක්.
ඒ විතරක්ම නෙවෙයි මේ ආදරේට හොද හයියක් වෙනවා රවීන්ගෙ මල්ලි , ෂානිගෙ නංගි , ශාන් , නයෝමදූ ඒ වගේම කවීෂ්. අවසානෙදි පවනිත් එකතු වෙනවා.

තව දෙයක් තමයි අපි කවුරුත් බෝදිසත්වයෝ නෙවෙයි. සර්ව සම්පූර්ණ මිනිස්සුත් නෙවෙයි. ඒක නිසා අපි හැමෝගෙම අතින් වැරදි වෙන්න පුලුවන් .ඒත් අපි උත්සාහා ගන්න ඕනෙ පොඩි හරි වැරැද්දක් අපේ අතින් සිද්ද වෙන්න නොදී ජීවත් වෙන්න. ඒ වගේම තමයි අපිට මොනවා හරි දෙයක් අයිති නැත්තන් ඒක බලෙන් ලබාගන්න යන එක තේරුමක් නැති දෙයක්. මම අන්න ඒ ගැන කියන්න තමයි පවනි වගේ චරිතයක් මේ කතාවට ගත්තේ. එයා රවීන්ව අයිති කරගන්න ගොඩක් ට්‍රයි කරනවා. බොරු කරනවා. බොරු කියනවා. රගපානවා. ඒත් ඒ හැමදේම ටික කාලයයි. ඇත්ත එලි උනාම එයා කරපු හැම බොරුවක්ම එලි වෙනවා. ඉතිං ඒකෙන් ඔයාලට තේරුන්ගන්න පුලුවන් බොරුවට වැඩි ආයුෂ නෑ කියලා.

ඉතිං පවනි තව පොඩ්ඩෙන් නැති කරගන්නෙ හොද සහෝදරයෙක්. ඉතිං ගොඩක් අය අනවශ්‍ය බැදීම් වලට ගිහින් හොද සහෝදර බැදීම් නැති කරගන්නවා. ඉතිං එහෙම වෙන්න එපා. එහෙම දේවල් කරන්න එපා. බොරුවෙන් වංචාවෙන් කිසිම දෙයක් අයිති කරගන්න උත්සාහා කරන්න එපා. එහෙම උනොත් අපහසුතාවයට පත් වෙන්නෙත් තමන්මයි . ඉතිං බොරුකරලා වටිනා සහෝදර බැදීමක් නැති කරගන්නවට වඩා ඒ සහෝදර බැදීමත් එක්ක සතුටින් ඉන්න එක වඩා වැදගත් කියලා මම හිතනවා.

ඒ කොහොම උනත් ජීවිතේට ලබන්න පුලුවන් හරිම විරල දේවල් තමයි නොවෙනස් වෙන ආදරයක් හොද සහෝදරයෙක් සහෝදරියක් ,, ඒ වගේම හොද යාලුවෝ.

ඉතිං ෂානි රවීන් ආදරේට දිනන්න හයියක් උනෙත් මේ සහෝදර සහෝදරියෝ , ඒ වගේම යාලුවෝ.

ඒ විතරක් නෙවෙයි මේ වෙලාවෙ රවීන්ගෙ අම්මා නංගි ගැනත් කියන්නම ඕනා. රවීන්ගෙ අම්මා ඇත්තටම පුතාට හුගක් ආදරේ කරන අම්මා කෙනෙක්. ඉතිං රවීන්ගෙ හොදටමයි එයා පවනිව රවීන්ට බන්දන්න හදන්නේ. ඒත් අවසානෙට අම්මා රවීන්ගෙ හදවත තේරුන්ගත්තා. එයාගෙ කැමැත්තට ඉඩ දුන්නා. එහෙම තමයි අම්මලා කොහොමත් . එයාලා හැමවෙලාවකම හිතන්නෙ තමන්ගෙ දරුවන්ගෙ සතුට ගැන. මොකද එයාලා මේ ලෝකෙ දකින්න ආසම තමන්ගෙ දරුවො හිනාවෙලා ඉන්නවා. ඉතිං ෂානිගෙ අම්මා තාත්තා උනත් එහෙමයි. හැමවෙලාවකම හිතුවෙ තමන්ගෙ දරුවා ගැන. ඉතිං මේ කතාවෙන් දෙමව්පියන්ගෙ ආදරේ කොයි වගේද කියන්නත් මට ඕනෙ උනා.

ඔයාලගෙ ජීවිත වලට අවවාද උපදෙස් ගොඩක් දෙන්න හිතාගෙන තමයි මම මේ කතාව ලිව්වේ. ඉතිං මම ආයෙමත් කියනවා ඔයාලා කවදාවත් චතුර වගේ චරිතයක් වෙන්න එපා. තව කෙනෙක්ගෙ නැති වැරදි අනිත් අය අතර කියලා , තමන්ව පාව දෙන්න එපා කියලා පොරොන්දු ගන්න එපා. ඒක හුගක් නරක වැඩක්. ඒ වගේම ඒ වගේ අය අපි අතරෙත් ඉන්න පුලුවන් . ඒ හින්දා ඒ අයගෙන් පරිස්සම් වෙන්න. කාව හරි ආශ්‍රය කරනකොට හොදට හොයලා බලලා කල්පනාවෙන් ඇසුරු කරන්න.

තව දෙයක් තමයි , අවංක හදවතින් අපි මොනවම හරි දෙයක් කලොත් ඒක කවදම හරි හැබෑ වෙනවා. ආදරයක් උනත් අවංක හදවතින් කලොත් දවසක ඒ ආදරේ ලැබෙනවා.

ඉතිං මගේ දග සෙට් එක මගේ කලින් කෙටි කතා , නවකතා වගේම මේ කතාවෙත් කොටස් 85ක් පුරාවටම මගෙත් එක්ක හිටියට මට හයියක් උනාට ඔයාලට ගොඩක් ස්තූතියි . ඔයාලගෙ ලස්සන දිග කමෙන්ට්, නිසදැස් , කවි මගේ කතාව ලස්සන කලා. ඇත්තටම ඒක මගේ කතාව නෙවෙයි අපේ කතාව. මොකද මටත් වඩා ඔයාලා ඒ කතාව වින්දා.

ඉතිං ඇත්තටම සතුටුයි … මොකද මම මේ කතාවෙ හැම කොටසක් පුරාවටම දැක්කෙ ඔයාලගෙ ආදරේ , ලෙංගතුකම. ඉතිං මට දුකයි අදින් මේ කතාව ඉවර වෙන නිසා.

ඒ වගේම මගෙ දග සෙට් එක මම ඔයාලගෙන් සමාව ඉල්ලනවා , මොකද කතාව කීප අවස්තාවකම අතරමග නතර උනා. ඒත් ඔයාලා දිගටම මේ කතාව වෙනුවෙන් බලාගෙන හිටියා. ඒ වගේම මට සමහර දවස් වලට කමෙන්ට් වලට රිප්ලයි කරන්න බැරි උනා. සමහරවිට කමෙන්ට් වලට රිප්ලයි දාද්දි මගහැරීම් , වැරදීම් , සිත් රිදීම් වෙන්න ඇති. ඒවට මම හැමෝගෙන්ම සමාව ඉල්ලනවා.

ඒ වගේම මම කතා කාරයෙක් නෙවෙයි. ලොකු රචකයෙක් නෙවෙයි. ඉතිං කතාවෙත් ලියාගෙන යද්දි අඩුපාඩු තියෙන්න ඇති. අපැහැදිලි තැන් තියෙන්න ඇති. ඉතිං ඒවටත් මම ඔයාලගෙන් සමාව ඉල්ලනවා.

තව ටික දවසක් යනකන් මට කතාවක් ලියන්නත් බැරි වෙයි මගේ දග සෙට් එක. ඒත් ඉක්මනටම ඔයාලා වෙනුවෙන් කතාවක් අරගෙන එන්න මම බලාපොරොත්තු වෙනවා.

ඉතිං අවසාන වශයෙන් කියන්න තියෙන්නේ , මේ ෂානි රවීන් කියන්නෙ ඇත්තම චරිත දෙකක්. ඉතිං එයාලගෙ කතාව මීට වඩා ඩිංගක් වෙනස් උනත් මේක තමයි ඇත්තටම එයාලගෙ ආදර කතාව. අදටත් ෂානි රවීන් ළගින් ඉදගෙන ජීවිතේ ලස්සනට ගෙවන්න උදව් කරනවා. ඉතිං මින් ඉදිරියටත් ඒ දෙන්නගෙ ආදරේ ඒ විදිහටම ලස්සනට ගලාගෙන යාවි. එහෙම වෙන්නයි කියලත් අපි ප්‍රාර්ථනා කරමු.

මගේ දග සෙට් එක … ඔයාලට ආයෙමත් වතාවක් ගොඩක් ස්තූතියි මට හයියක් වෙලා ඉන්නවට. ඒ වගේම චන්දිම සර්. සර්ටත් ගොඩක් ස්තූතියි , ගොඩක් පිං. මම හදවතින්ම සර්ට ගරු කරනවා. මොකද සර් නිසා තමයි මේ වගේ ලස්සන කතා අපි ලියන්නෙ. ඒ වගේම අපේ දග පවුල හැදුනෙත් මේ ඇප් එක නිසා.

ඉතිං හැමදාම හැමෝම සතුටින් පරිස්සමින් ඉන්න. මේ ලෙංගතුකම කවදාවත් අමතක කරන්න එපා.හැමදාම අයියා අපේ මේ දග පවුලට ආදරෙයි . එහෙනම් ආයෙමත් කතාවකින් හමුවෙමු. එතකන් හැමෝටම බුදුසරණයි . දෙවි පිහිටයි. පරිස්සමින් ඉන්න. හැමෝටම ගොඩක් ආදරෙයි.

මම ඔයාලගෙ සුමී අයියා. ( උක්කූං පුතා )

ඒ වගේම පලවෙනි කොටසේ ඉඳලා අවසාන කොටස වෙනකන් කතාව බැලුව ඔයාලා ඔක්කොගෙන්ම පුංචි හරි කොමෙන්ට් එකක් මං බලාපොරොත්තු වෙනවා..මගේ දඟ සෙට් එක අනිවාර්යෙන්ම කොමෙන්ට් කරනවා කියලා දන්නවා ඒත් කතාව බලලා ඔයාට මාරුවෙන කට්ටියගෙන් ඉල්ලන්නේ ??❤️❤️