එක්සෑම් එන්න එන්න ලං වෙද්දී ඔලුව පිස්සු වැටිලා වගේ යාලුවෝ දැගලුවේ..හැබැයි මට නං එහෙම උනේ නෑ..මොකද අහස් මුල්ම කාලේ කියල දුන්න හැමදේම මං අද වෙනකං ඒ විදියටම කලා..ඒ නිසා මගේ හොද සූදානමක් තිබුනා එක්සෑම් එකට..අහස් මාව අතෑරලා ගියාට හැමදාම දුර ඉදන් මං දිහා බලන් ඉන්නවා..මං දකිනවා..ඒත් මම කිසි හැගීමක් නැති කෙනෙක් වගේ ජීවත් වෙනවා..කොච්චර කොල්ලෝ පස්සෙන් ආවත් දවසයි දෙකයි..මගෙන් බැනුම් අහල යනවා..

ඔය අතරේ අක්කා විවාහ උනා..ලොකු වෙඩින් එකක් නොගත්තත් සාමාන්‍ය විදියට පාටි එකක් තිබ්බා..නෑදෑයෝ විතරක් ඇවිල්ලා හිටපු පාටි එකේ අක්කා සුරංගනාවියක් වගේ ලස්සනට හිටියා..හැම ගෙදරකම සහෝදයෝ අතරේ ලොකු බැදීමක් තිබ්බත් අපි තුන්දෙනා අතරේ ලොකු දුරස්ත බවක් තිබුනා..මොකද පොඩි කාලේ ඉදන්ම අපි හැදුනේ දුරස්ව…

එක්සෑම් එකට තව හරියටම මාසයයි…ක්ලාස් නිවාඩු දීලා තිබුනු නිසා ගෙදර ඉදන් පාඩම් කරන්න තමයි තිබුනේ..ඒ අතරේ හදිස්සියේ තාත්තා අසනීප උනා..හැම තැනකින්ම නිතරම වගේ බෙහෙත් ගත්තත් සුව වෙන බවක් නම් පේන්න නෑ..හැමදේටම දුවලා පැනලා වැඩ කරන්න රශාන් අයියා ඉන්න නිසා අපිට ඒක පහසුවක් උනා..

“පොඩි දූ..මෙහෙ එන්නකෝ පුතේ..” කාමරේ හිටපු මම තාත්තගේ හඩින් සාලෙට ආවේ..

“අනේ පුතේ..මට බඩගිනි..අම්මට කියන්නකෝ මොනවා හරි කන්න ගේන්න කියල..”
උදේ පාන්දරම කවදාවත් තාත්තට කන්න ඕනේ වෙන්නේ නෑ..ඒත් අද උදේ හය වෙද්දී බඩගිනි වෙලා..අම්මා තාම උයලා ඉවරත් නැතුව ඇති..

“බලන්නකෝ අම්මේ..තාත්තට කන්න ඉල්ලනවා..අම්මා තාම උයනවනේ..මොනවද කන්න දෙන්නේ..” ප්‍රශ්නාර්ථයක් මූනේ තියාගෙන අම්මා දිහා බැලුවේ පිලිතුරක් බලාපොරොත්තුවෙන්..

“බත උයලා තියෙන්නේ පුතේ..කිරි හොද්ද ලිපේ තාම..ලුණු මිරිස් විතරක් තියෙන්නේ..”

“කමක් නෑ නෝනා..ලුණු මිරිස් එක්ක බත් පොඩ්ඩක් ගේන්න”

වෙනදට වඩා තාත්තගේ වෙනසක් දැක්කත් ඒක හිතන්න තරම් දෙයක් නෑ කියලයි මං හිතුවේ..ඒ අතරේ දවල් වෙද්දී තාත්තට අමාරු ගතියක් පෙනුනා..අයියගෙත් උදව් ඇතුව හොස්පිටල් එකට තාත්තව එක්කන් එන්න අපිට පුලුවන් උනා..

අදට තාත්තා ඉස්පිරිතාලෙ නතර කරලා දවස් තුනක්..අම්මා එපා කියපු නිසාම තාත්තට ලොකු අමාරුවක් නැති නිසාම මම ගෙදරට වෙලා පාඩම් කලා..අද අම්මා එක්කම තාත්තා බලන්න යන්න ලෑස්ති උනේ..ඒත් එක්කම තමයි අපේ ලොකු අම්මගේ පුතා අපේ ගෙදර ආවේ..

“චූටි නැන්දා…කොහොමද ඉතින්..ඔන්න මං ආවා ඔයාලව බලල යන්න..

“මෙන්න අපේ කොල්ලට අපිව මතක් වෙලා..”

“අනේ අමතක උනේ නෑ නැන්දේ..එන්න උනේ නෑ ඉතින්..මං මාමව බලන්න ගියා හොස්පිටල් එකට.”

“අනේ..ඔව් පුතේ හෙට අනිද්දා ගෙදර එක්කං එන්න පුලුවන් වෙයි..දවල් වෙලා මමත් යනව පොඩි දූත් එක්ක..”

“අහ්හ්..කෝ නැන්දේ පොඩ්ඩි..ඉන්නවද..”

“ඔන්න කාමරේ හිටියා පුතේ..මං තේ එකක් හදන් එන්නංකෝ”

එහෙම කියාගෙන අම්මා කුස්සියට ගියේ අයියට තේ හදන්න..අයියා එනකම් මං සද්ද නැතුව හිටියේ පොඩ්ඩක් එයාව අවුස්සන්නත් එක්ක..මොකද ඔය අයියලව අවුස්සලා ගන්න ආතල් එක වෙනමම එකක්..

“තමුසෙට දැන් මතක නෑනේ අයියව..”

“ඔයා කවුද අප්පා??මං දන්නේ නෑනේ”

“අනේ පල යන්න..උඹලා තව ඉස්සරහට අහක බලාගෙනත් යයි..ඊරි”

“ඔච්චර කේන්ති ගන්න එපා හලෝ..තමුසේ තවත් වයසට යයි..දැනටත් හතලිහක් විතර පේනව..”

“හරි හරි..ඒකත් එහෙමනේ..මං එහෙනං නැන්දට කියන්නංකෝ අර කොල්ලෙක් එක්ක යාලු උන කතාව..ෆෝන් එකකුත් තිබුනනේ ලග.”

“ඒ..ඒ..පිස්සුද හලො…මේ මොනවද කන්න ආස තමුසේ..කියනවකෝ..ඕනේ දෙයක් හදල දෙන්නං”

“අපෝ..උඹේ ඔය ජරා කෑම එපා මට..මේ ගමනක් එක්කං යන්න හලෝ ආවේ..ලෑස්ති වෙලා එනවකෝ..”

“කොහේ යන්නද..තමුසේ කිව්ව පලියට එහෙම එන්න පුලුවන්ද”

“මේ ගොන් වැස්සියේ..අහගනින්..අහස් තමයි උඹව එක්කං එන්න කිව්වේ..නැත්තං මට කොහෙවත් අමාරුවක් නෑ උඹව ඇවිදින්න එක්කං යන්න..ඌට ඉක්මනට හම්බවෙන්න ඕනේ කිව්වා..මගේ ඔලුව කනවා බං ඌ..බැරිම තැන තමයි මං මේ ආවේ..”

අහස් මොකද මේ එකපාරටම..ක්ලාස් නිවාඩු දුන්නට පස්සේ දැක්කෙම නෑ මං..කොහේ දකින්නද ඉතින් මං ගෙදරින් එලියටවත් ගියේ නෑනේ..