02 කොටස

” මොකද්ද සීයෙ ”

සියාතු සීයගෙන් මම ඇහුවා.

” මහත්තයලා දොළ පල්ලෙහාම තියෙන විසාල කලු ගලින් එපිටට යන්න එහෙම එපා ඕං …… එතනින් එහා බිලි ගන්නවා කියලා විස්වාසයක් තියෙනවා …. ”

සියාතු කිව්ව කතාව අහලා මදුකයව නම් ටිකක් හොල්මන් වෙනවා මම දැක්කා. ඒත් තේරෙන වයසෙ ඉදන් බහුබූත කතා විශ්වාස නොකල මම සියාතු කිව්ව දේ ලොකුවට ඔලුවට ගත්තෙ නෑ.

සියාතු පල්ලෙහාට ගියාට පස්සෙ මමයි මදුකයයි නාන්න ඕනෙ කලමනාත් අරන් ගෙයින් එළියට බැස්සෙ ඉස්සරහා දොරෙන්මයි.ගෙයි තිබ්බ විශාලත්වෙට පස්ස දොර කොහොම හොයාගන්නද කියලා අපි දෙන්නටම වැටහීමක් තිබ්බෙ නෑ.

උයන පිහන ඒවත් සියාතුගෙ ගෙදරම සිද්දවෙනවා කිව්ව නිසා කුස්සිය හොයාගෙන යෑමෙ තේරුමක් තිබ්බෙත්නෑ.

සරුවට වැවුන කෝපි , පින්න , කැන්ද ගස් අස්සෙන් අපි වත්ත පිටිපස්සට ඇදුනෙ දොළ හොයාගෙන.

ඒ වෙද්දිත් හැන්දෑ අදුරත් එක්කම ඉරත් අවරට හැරීගෙන තිබ්බෙ. ගෙදර හිටියනම් මේ වෙලාවට අම්මා නාන්න දෙන්නෙ නම් නෑ ලොවෙත්. ගෙදර ඉන්න දවසටවත් වේලාසනින් නාගන්න කියලා තමයි අම්මා නම් කියන්නෙ.

ගෙයි පිටිපස්සෙ ඉදන් මීටර් සීයක් විතර ගියාම වතුර ගලාගෙන යන සද්දයක් ඇහුනෙ දොළ පාර ළග ළගම කියලා කියන්න වගේ.

තවත් ටිකක් ඉස්සරහට යද්දි ලොකු කුඹුක් ගස් දෙකක් ඉස්සරහින් අපි දැක්කෙ නිල් කැටේට වතුර ගලාගෙන යන දොළ පාරක්.

” අම්මටසිරි …. මරු පොට් එක නේද බං ”

දොළ දැක්ක ගමන් මදුකයට කියවුනා.

” අඩියක් ගහලා සෙට් වෙන්න කියාපු තැන ”

මටත් එහෙම කියවුනේ ඉබේටමයි.

සබන් කෑල්ලයි තුවායයි කුඹුක් ගස් යටම තිබ්බ කලු ගල් තලාවෙන් තියලා මමයි මදුකයයි වතුරට බැස්සා. කකුල් දෙක දිගේ කොදු ඇට පෙලම හිරිවට්ටගෙන හිරිගඩු පිපෙන සීතලක් ඇග පුරාම දුවද්දි ඇගට දැනුනෙ අමුතුම සනීපයක්.

ගෙන්දගම් පොළවට රත් වෙච්ච ඇග , ගිනියම් වෙච්ච යකඩයක් සීතල වතුර එකක එබුවම වගේ හෙමීට හෙමීට සිසිල් වෙන්න පටන් ගත්තා.

එකම තාලෙන් එකම සද්දෙන් දොළේ වතුර පාර ගලාගෙන යද්දි මමයි මදුකයයි කරවටක් වෙනකන් වතුරෙ බැහැගෙන හිටියෙ ඇස් දෙකත් පියාගෙන.

” ජබොග් …….. ජබොග් ……… ”

පරිසරයෙ තිබ්බ ඒකාකාරී බව වෙනස් කරගෙන අපිට ටිකක් එහායින් ඇහුනෙ කවුරු හරි වතුර යට දියබුං ගහනකොට එනවා වගේ සද්දයක්. ඒ වෙද්දි හැන්දෑ ගොම්මන අපි වටේටම පැතිරෙන්න පටන් අරන් තිබ්බෙ.

” කවුද බං ඒ ……. ”

මං දියෙන් ගොඩට ඉස්සිලා ඇහුවා.

” කවුරු හරි නානවා ඇති බං …… ඉස්සි ඉස්සි බලන්නෙපා කෙල්ලො සෙට් එකක්ද දන්නෙ නෑනෙ ……. ”

මදුකයා කිව්වා.

මමත් වැඩිය ගානකට ගන්නැතුව ආයෙමත් ඇස් පියාගත්තා.
ඒත් විනාඩියක් ගියෙ නෑ ආයෙමත් කලින්ටත් වඩා සද්දෙට වතුර කැලතෙන හඩ ඇහුනා.
ඒ අස්සෙ ලාවට වගේ මගෙ කනට ඇහුනේ පාසලඹ සද්දයක්.

මං ඇස් ඇරලා බලද්දි මදුකයා කලින් වගේම ඇස් පියාගෙන ඉන්නවා.

තප්පර ගානක් කිසිම හැලහොල්මනක් නැතුව ගෙවිලා ගියා.

ඒත් ඊළග තප්පරේ ආයෙමත් මට ඇහුනෙ පාසලඹ සද්දයක්.

දැන් නම් මට ඉන්නම බෑ වගේ. හිත කිව්වෙම ගිහින් බලපන් කියලා . මමත් හෙමීට වතුරෙන් උඩට ඇවිත් ගල්තලාවට ගොඩ උනේ ටිකක් ඉස්සරහට ගිහින් බලන්න.

දෙතුන් පාරක් හැරිලා බැලුවෙ මදුකයා තාම ඇස් පියාගෙනද ඉන්නෙ කියලා.

අපි නාපු තැන පහු කරන් ටික දුරක් ගල් තලාවෙ පල්ලෙහාට ගියාම ඈතට වෙන්න මං දැක්කා වටකුරු ලොකු ගලක්. සියාතු සීයා කියන්න ඇත්තෙ ඔය ගල ගැන වෙන්න ඇති.

මේ වෙද්දි නම් මට වතුර කැලතෙන සද්දෙවත් පාසලඹ සද්දෙවත් ඇහුනෙ නෑ.

තක්කෙටම කිව්වොත් කෙල්ලෙක් නනා ඉදලා අපිව දැකලා විගයට යන්නැති මෙතනින්. මං එහෙම හිතලා ආපහු එන්න හැරෙද්දිම වගේ ආයෙමත් මට ළගපාතකින්ම පාසලඹ සද්දයක් ඇහුනා.

හිතත් එක පාරටම ගැස්සුන නිසා මම හැරිලා බැලුවෙ දෙගිඩියාවෙන්.

එහෙම හැරිලා බලද්දි දැක්ක දෙයින් නම් මං ෆුල් හොල්මන් වෙලා ගියා.

සිරාවටම මොකද්ද මම දැක්කෙ .මං දැක්කෙ කෙහෙල්මල් හොල්මනක් නම් නෙවෙයි. සදුන් ලීයක ඇඹුවා වගේ ලස්සන ගෑණු පරානයක්.

මට පිටුපාලා ගල් තලාව දිගේ හෙමීට යන කෙල්ල දිහා මං ටික වෙලාවක් බලන් හිටියා.

කැරලි ගැහුන කොණ්ඩෙ පිට මැද්දට කඩා දාලා තෙත බරියම් වෙලා ඇගටම ඇලුන දිය රෙද්ද පිටින්ම මට පිටු පාලා යන කෙල්ලගෙ රෝස පාට කකුල් දිහා මට බැලුනෙ ඉබේටම වගේ.
ඉන් එක කකුලක තිබ්බ පාසලඹ මගෙ ඇහැ ගටුනෙ ඒ වෙලාවෙදි.

කෙල්ල ඇවිදගෙන ගියේ අර විශාල ගල තියෙන පැත්තට. මට මතක් උනේ සියාතු සීයා කිව්ව කතාව. ඒකි දැනුවත්ව ඒ පැත්තට යනවද නොදැනුවත්ව යනවද කියන්න නම් මං දන්නෙ නෑ.

කෙල්ල විශාල ගල පැත්තට කිට්ටු කරද්දි තවත් කට පියන් ඉන්න නම් මට හිතුනෙ නෑ.

” නංගී ……. ඔහොම ඉන්න …… ”

මං කෑගහලා කිව්වට කෙල්ලට ඇහුන පාටක් තිබ්බෙත් නෑ.

මම ඇදන් හිටියෙ කොට ශෝටක් කියලත් අමතක කරලා ගල් තලාවෙන් පැනලා කෙල්ල පස්සෙන් දිව්වා.

” නංගි ….. ඔහොම ඉන්න …. ”

මං ඒ පාර නම් කලින්ටත් වඩා සද්දෙන් කෑගැහුව නිසා කෙල්ල ඒ පාර නම් ගැස්සිලා ගිහින් හැරිලා බැලුවා .

ඒ වෙලාවෙ තමයි මම ඒ කෙල්ලගෙ මූණ හරියට දැක්කේ. ලොකු දිගැටි ඇස් දෙකේ තිබ්බෙ අමුතුම පෙනුමක්. රෝස පාටට හුරු තොල් දෙකයි වතුරෙන් තෙත් උන කම්මුල් දෙකයි ඇත්තටම එයාගෙ මූණට එකතු කලේ සරාගී පාටක්. ඇස් වලත් තිබ්බෙත් සරාගී බැල්මක්.

ඒ මූණටම හරියන්න පිරුණ පපුවයි පළල් උකුලයි කෙල්ලගෙ ලස්සන තවත් වැඩිකලා.
මං කියන්න ආව කාරනාවත් අමතක කරලා කෙල්ල දිහා බලන් ඉද්දි එයාගෙ මූණෙ කෝල හිනාවකට වඩා ඇදුනෙ දගකාර හිනාවක්.

” ඇයි අයියා ………. ”

කෙල්ල හීන් කටහඩකින් අහද්දි මේකි නම් ගමේ එකියක් වෙන්න බෑ කියලා මට හිතුනා. ගමේ කෙල්ලෙක් නම් මේ වෙද්දි චීත්ත පොටත් තදට අල්ලගෙන දුවලා. ඒකට මේකි. අඩවන් වෙච්ච ඇස් වලින් මගෙ දිහාම බලාගෙන හිනාවෙනවා.

” නංගි … මේ … මේ … ඔය ගල දිහාවට යන්න එපා .. ”

තෙපර බබා මං කියන විදිහ දැක්කම කෙල්ලට තවත් හිනා.

” ඇයි මං ඔයා කියන දේ අහන්නේ … මං යනවමයි ඒ දිහාට …. ”

කෙල්ල දගකාර විදිහට කියලා ඉස්සරහට අඩි කීපයක් ගියා. මේකි නම් මහ යස්ස කෙල්ලෙක් නේ.

” නංගි ඔහොම ඉන්න …. ”

මමත් කෙල්ල පස්සෙන් ඇදුනෙ සීනි බෝතලේට ඇදෙන ඇඹලයා වගේ.

ඇත්තටම දවසෙ පැය නවයක් දහයක්ම විවිදාකාරයේ කෙල්ලො දකින මම කවදාවත් ම මෙහෙම එක්සයිට් වෙලා නෑ. ඒත් අද නම් දැනෙන්න ඕනෙ දරුණුම තැනට දැනිලා ඉන්නෙ මට. හිත කියන්නෙම ඒ කෙල්ල පස්සෙන් පලයන් කියලා.

කෙල්ල තව අඩියක් දෙකක් ඉස්සරහට යද්දි මං පැන්න ගමන් කෙල්ලගෙ අතින් අල්ලගත්තේ තව ටිකක් ගියානම් එයා අර මහ විසාල ගල පන්නන නිසා.

කෙල්ල නෝක්කාඩුවෙන් වගේ මගෙ දිහා බැලුවා .

” ඇයි මාව නැවැත්තුවෙ ……. ”

ඇස් අඩවන් කරගෙන කෙල්ල මගෙන් ඇහුවෙ ඇහෙන නෑහෙන කටහඩකින්. හැඟීම් අවුස්සන ඒ කෙදිරිලි කටහඩට ඇත්තටම මගෙ ඇග හිරිවැටිලා ගියා. කවදාවත් නැතුව එදා නම් මම හිටියෙ මාව පාලනය කරගන්න පුලුවන් තත්ත්වෙක නෙවෙයි .

” ඔයාගෙ න.. නම මොකද්ද …. ”

තැනට වෙලාවට අදාලම නැති ගොබ්බ ප්‍රශ්නයක් මගෙ කටින් පනිද්දි කෙල්ල හිනාඋනේ ඇස් පුංචි කරලා.

” මම ….. සේයා …… ”

එයා එහෙම කියලා මගෙ මූණට බර උනේ හිනාවේගෙන.ජීවිතේ කවදාවත් නැති තරමට මම ඒ ඇස් වලට වශී උනේ මොකක් නමුත් මායාකාරී බලයකට වගේ.

” අපි යන් නංගි … දැන් හොදටම හවස් වෙලා … ඔයා දැන් ගෙදර යන්න .. ”

මං එහෙම කියද්දි සේයා මගෙ අතින් අල්ලගෙන මගෙ ළගටම ආවා. ඇගේ ගෑවෙන නොගෑවෙන තරමටම එයා ළං උනා. මගෙ පපුව ටීක් ටීක් ගාලා ගැහෙන්න ගත්තෙ දියෙන් ගොඩ දාපු මාලුවෙක් වගේ.

” ම .. මට සීතලයි අයියේ ….. ”

සේයා වෙව්ලන තොල් වලින් මගෙ දිහා බලලා කියද්දි මම ගැස්සිලා ගියා.

යකෝ මේකි මාර කෙල්ලෙක් නේ … මගෙ යටි හිත එහෙම කිව්වත් උඩු හිත නම් ඒකිට දපනෙ වැටිලා ඉවරයි.

සේයා මගේ අවසරයක් නැතුවම මගෙ උරහිසට වාරු උනා. එයාගෙ තෙත බරියම් උන මූණ මගෙ පපුවෙ ගෑවෙද්දි මාවත් සීතල වෙලා ගියා.

” අඩෝ සිතිජයා …………… ”

එක පාරම මදුකගෙ කටහඩ ඇහුනම මම සේයව මගෙ පපුව උඩින් අයින් කලේ මදුකයා දැක්කොත් වස නිංගිරාව හින්දා.

මං පිටි පස්ස හැරිලා මදුක දිහා බැලුවෙ ලැජ්ජාවෙන් මූණ රතු කරන්.

…… ………………මතු සම්බන්දයි ?

???????????????? ඔයාලා හිතන්න ඇත්තෙ ඊළගට මොනවා වෙන්න ඇති කියලද ??? නිකමට හිතන්න බලන්න. හිතෙන දේ කමෙන්ට් කරන්නත් අමතක කරන්න එපා හොදේ ????? කතාවෙ තාම නම් බය වෙන්නෙ නෑ ? ඉස්සරහට තමා තොයිලෙ පටන් ගන්නෙ ???? එකතු වෙලා ඉන්නකෝ හැමෝම දිගටම ??

මම ඔයාලගෙ සුමී අයියා ?