? ඔහුත් නපුරෙක්?

…………..දහහත්වන කොටස………..

“තමීරා…..තමීරා……නැගිටපන් යකෝ….පුපත් උඩ දාන නිදාගෙන ඉන්න ලස්සන….අද මම උඹව කනවා….නැගිටපන් ඉතින්….. ”

රෑ වෙනකන් සෙවලයා එක්ක කතා කරපුවා සිහි කර කර හිටිය මං නිදා ගද්දි රෑ එකත් පහුවෙලා.  දවල් වෙනකන් නිදා ගන්නම් කියලා හිතාගෙන හිටියත් හෙනහුරා පාත් උනා වගේ විනූගෙ කට හඬ ඇහෙද්දිනම් මට හිතුනෙම අද දවසනම් ඉවරෙටම ඉවරයි කියලා..

“ඇයි ඇයි සුදූ බෙරිහන් දෙන්නෙ….මේ නැගිටිනවා…”

ඇසුත් කහ කහම ඈනුමක් අරින ගමන් එහෙම කියාගෙනම මං ඇඳෙන් ඉඳගත්තෙ…

“සුදූ….සුදූ තමා….තමන්ගෙ හොඳම යාලුවා වෙච්ච මටවත් නොකියම එන්ගේජ් උනා..අනික ඊයෙ දවසම කෝල් එකක් වත් ගත්තද උඹ..ආහ්..කියපන්…මාත්  මගෙ බෙස්ටි ගගා වැලලෙනවා… තොට ගානක්වත් නෑ…”

නහ කුනු ගගා ලඟ තිබ්බ කොට්ටයක් අරන් විනූ මට ගහන්න ගත්තෙ දුකෙන් වගේම තරහෙන් කියලා කෙල්ලගෙ මූනෙන් මට හොඳට තේරුනා..

“ගහපන්…ගහපන්….උඹේ දුක යනකන් මට ගහපන්….එන්ගේජ් උනාට මමවත් දන්නෙ නෑ  එහෙම දෙයක් වෙනවා කියලවත්..එහෙව් එකේ උඹට කියන්නෙ කොහොමද.උඹට තියා අපෙ නෑයෙක් වත් නෑ…යසිත්ගෙ ගෙදර අය විතරයි හිටියෙත්….”

විනූ කෑ ගහපු එකටත් වඩා සද්දෙන් මාත් කෑ ගැහුවෙ ඇත්තටම දුකෙන්…ගෙදර අය ඇරෙන්න මං ගොඩාක් ලඟින් ආශ්‍රය කරේ විනූව…මගෙ හැමදේම දන්නෙ විනූව…ඒත් මගෙ එන්ගේජ් එක සිද්ද වෙන වෙලාවෙ විනූ මං ලඟ හිටියෙ නෑ..ඒ වගේම අපෙ පවුලෙ අනිත් අය..විනූට තරහා යන එක නම් සාධාරණයි..ඒත් ඒක මං හිතලා කරේ නෑ නේ….

“මොනවද තමී උඹ මේ කියන්නෙ…ඒ කියන්නෙ උඹ දන්නෙ නැද්ද එන්ගේජ් වෙන එක ගැන ආහ්…”

මගෙ කෑ ගැහිල්ලත් එක්ක විනූ මගෙ අත් දෙක අල්ලගෙන එහෙම ඇහුවෙ පුදුම වෙලා…

” නෑ විනූ නෑ…මම හැමදේම කියන්නම්.  ඒත් ඊට කලින් මම වොශ් එකක් දාගෙන එන්නම්…” 

එහෙම කියලා ඇඳෙන් නැගිට්ට මං ටවල් එකත් අරගෙන වොශ් රෑම් එකට ගියෙ විනූ ඔහේ බලාගෙන ඉද්දි.

…………………………..

” ඒ කියන්නෙ එදා උඹ දන්නෙ නෑ එන්ගේජ් වෙන එක ගැනවත් අහස්ගෙ බර්ත් ඩේ එක ගැනවත්…”

වොශ් එකකුත් දාගෙන අම්මිට කියලා රස ටී දෙකකුත් හදාගෙන බැල්කනියට වෙලා සිද්ද වෙච්ච හැමදේම මං විනූට කිව්වෙ එයාගෙ හිතෙ මං ගැන තිබ්බ වැරදි අදහස අයින් කරන්න ඕන නිසා…

“නෑ නෑ මැට්ටියෙ..දන්නවනම් මම එදා ඒකට යන්නෙ නෑ…අනික මම දැනගෙන මේ දේවල් වලට යනවනම් මම උඹට නොකියා යනවද….මැරෙන්න හරි මම උඹව අරන් තමා යන්නෙ….” මම එහෙම කිව්වෙ විනූගෙ පිටට එකක් ගහන අතරෙ…

“අපෝ ඔව්…උඹ මොක නැතත් මැරෙන වෙලාවෙනම් මාවත් ඇදන් යයි තමා… එච්චරට උඹ මට ආදරෙයිනෙ….”

“නැතුව නැතුව….උඹ මගෙ පනනෙ සප්තලන්…..” 

“අනේ පල පල යන්න…උඹ දැන් පන ගංගා වැලලුනාට තව ටික දවසකින් අර අහස්ව ඔලුවෙ තියන් ඉඳී පන ගගා…” 

” අනේ මේ…මට ඔය එක එක සෙවලයන් ඔලුවෙ තියන් ඉන්න ඕන නෑ…මම මේ දේවල් කරන්නෙ අම්මගෙයි තාත්තිගෙයි සතුට ගැන හිතලා… මං විතරක්ම නෙවෙයි අහසුත් එහෙමයි…ඒ නිසා උඹ ඔය වගේ කතා කියලා මට කියලා ඔය ලස්සන කට තලාගන්න එපා හරිද…

මං එහෙම කියන ගමන් විනූට රවලා අහක බලාගත්තෙ ඒකි සිරික්කිය දාද්දී..

“ආහ්…මේ….එන්ගේජ් එක ගැන නම් හරි කියපන්කො….එතකොට උඹට බැරි උනාද අඩුම මට කෝල් එකක් අරන් කියන්න ඊයෙ… මං ඒත් කෝල් නොකර බලන් හිටියෙ උඹම කතා කරයි කියලා හිතාගෙන..ඒත් උඹ මට එක කෝල් එකක් ගත්තද…ආහ්…”

දැන් දීපන්කො උත්තර…මේකිටත් ඕන නැති සෙද්දක් නෑනෙ…හැම එකම හොයනවා…හොයලා පත්තරේට ලියන්නද මන්දා…එක්කො ඔන්න ඔහෙ කියලා දානවා ඉතුරු ටිකත්… 

“කියන්න තරම් සිහියක් තිබ්බේ නෑ බං..මම ඊයෙ හවස් වෙනකන්ම බීච් එකට වෙලා හිටියේ…”

“වට්… බීච් එකේ  ….තනියමද….” විනූ ඇහුවෙ ඇස් දෙකත් ලොකු කරගෙන..

“ඔව් ඔව්…තනියම තමා…මට ඕන උනේ පොඩ්ඩක් රිලෑක්ස් වෙන්න…ඒත් උඹ දන්නවද ඊයෙ මට බීච් එකේදී ආකාශ්ව මීට් උනානෙ..”   ආකාශ්ව මීට් උන තැන ඉඳන්ම මං හැමදේම විනූට කිව්වෙ ඒකිත් පුදුම වෙලා සිද්දිය අහන් ඉද්දි…

“මොක උනත් පුතේ උඹෙ මැරේජ් එක වෙනකන් ආකාශ්ව නම් මග ඇරපන්…ඌ ඔය එන්නෙ හොඳකට නෙවෙයි…ඔන්න මං නොකිවූවයි කියන්න එපා හරිද… ” විනු එහෙම කියද්දි මං ඔලුව වැනුවෙ ඒක අනුමත කරන්න වගේ…

“මේ දැන් වෙඩින් එකට තව සති දෙකක් වගේ නේද තියනවා කියන්නෙ.. උඹ දැන් බ්‍රයිඩ් මේඩ්ස්ලා හොයා ගත්තද…” විනූ ඒක මතක් කරද්දියි මටත් ඒක සිහියට ආවේ…

“ඔව්මයි යකෝ…..ඒක අමතක උනානෙ…අනිත් වැඩනම් අම්මලයි අහස්ලගෙ අයයි බලාගයි…මේ වැඩේවත් මම කරන්න එපැයි…නැද්ද…”

“හරි හරි….ඒ වැඩේ මට බාර දියන්…අද රෑ වෙද්දි මම කට්ටිය හොයා  ගන්නම්…මායි උඹලගෙ නංගියි ඉන්නවනෙ…තව දෙන්නෙක් හිටියනම් ඇතිනෙ… ෆ්ලවර් ගර්ස්ලා ටිකක් තමා ආයෙ ඕනෙ….” 

“ආහ් ඔව්නෙ…උඹලා දෙන්නත් ඉන්නවනෙ…ඒ හන්දා අවුලක් නෑ…අද රෑම කියපන්…එතකොට මට සෙවලයට කෝල් එකක් දෙන්න පුලුවන්…” මං එහෙම කියද්දි විනූගෙ කට ඇදවෙලා ගියෙ මට හිනා යද්දි…

“හෑපෝ..ච්ක්… අච්චර ලස්සන කොල්ලට නේද උඹ මේ සෙවලයා ගාන්නෙ…අනික උඹෙ හස්බන්ඩ් නේද තව ටික දවසකින්..යකෝ හරියට කතා කරන්න ඉගෙනගනින්කෝ….” “

අනේ මේ….උට ගැලපෙනම නම තමයි ඒ…ඒ හන්දා මම නම වෙනස් කරන්නෙ නෑ නෑමයි…”

එහෙම කියලා මං දිවත් ඇද කරලා විනූට ගස්සලා පහලට යන්න ගියේ විනූත් මට විරිත්තද්දි…

❤️❤️❤️❤️❤️❤️❤️❤️❤️❤️❤️❤️❤️

අදනම් කතාව චුට්ටයි අප්පා…කතාව බෝරින් වගේද දන්නෙ නෑ…???