? ඔහුත් නපුරෙක් ?

……………..විසි වන කොටස…………………

හොටෙල් එකෙන් පිටත් වෙලා අපි කෙලින්ම ආවෙ නුවරඑළියෙ …හනිමූන් එකට කියල ආවට මොකද මේ මනුස්සයා එක්ක මොන හනිමූන්ද…මදැයි කවදා හරි ආදරේ කරන කෙනා එක්ක මෙහෙම එන්න හීන දැක්කා…අන්තිමට මට උනේ සෙවලයෙක්ව බැඳගන්න…අනේ මන්දා අපෙ තාත්තිලටත් වෙන කොල්ලෙක් හිටියෙම නැද්ද මන්දා මූටම මාව දුන්නෙ…එහෙම හිතන ගමන් මං වාහනෙන් බැස්සෙ හොටෙල් එකට ආව නිසා….

“හම්මේ සීතල……”

කොළඹ අවුවම වැදිලා වැදිලා එකපාරටම මෙහෙම ආව නිසාද මන්දා මට දැනුනෙ පුදුම සීතලක්…ඇරත් ඉතින් නුවරඑලිය කියන්නෙ සීතල පැත්තක්නෙ…මෙහෙ මිනිස්සු කොහොම ඉන්නවද මන්දා දෙයියනේ…..අත් දෙකම පිරි මදින අතරෙ මම බැලුවෙ වටපිටාව…දැන් රෑ අටටත් කිට්ටුයි….හොඳට නාලා රස්සෙන් මොනවා හරි කෑවනම් තමා මරු…

“මේ දැන්වත් වටපිට බලලා ඉවරනම් එනවා යන්න…වැස්සත් ලඟයි…අනික මේ සීතලෙ තමුසෙ තවත් ඔහොම ඉඳලා අසනීප උනාම මට තමයි වදේ…”

එහෙම කියලා අහස් මාවත් ඇදගෙන හොටෙල් එක ඇතුලට ගියේ අපේ බෑග්ස් ටික ඩ්‍රයිවර්ට ගේන්න කියලා කියන ගමන්….

රිසිප්ශන් එකට ගිය අපි රූම් එකේ කී එකත් ඉල්ලගෙන පඩිපෙළ නැග්ගෙ මගදි හම්බවෙන අයට හිනා වෙන අතරෙ…අද හොටෙල් එකේ කපල්ස්ලා වැඩී වගේ…..හරිනෙ ඉතින්….නැකැත් මාසෙනෙ..

” වාව්……..”

රූම් එක ඇරපු ගමන්ම ඇතුලෙ ලස්සන දැකපු මට එහෙම කියවුණේ ඉබේටම වගේ..

“හාපෝ…..මොකද ඕයි…මීට කලින් දැකලා නැද්ද ආ……”

එහෙම කියන ගමන් අහස් මට ඉස්සර වෙලා රූම් එක ඇතුලට ගියේ ඩ්‍රයිවරුත් ඇවිත් බෑග්ස් දෙක තියලා යද්දි…

” ඇයි තමුසෙ හිතුවද මම මීට කලින් හනිමූන් ඇවිත් තියනවා කියලා ආ….”

එහෙම කියන ගමන් මම අහස්ට රවව්වෙ පොර මූනත් දෙක කරන් මං දිහා බලාගෙන ඉද්දි…

“හරි හරි….මමත් මේ ෆස්ට් ටයිම් තමා ආවේ…ඇයි තමුසෙ හිතුවද මීට කලින් මමත් හනිමූන් ඇවිත් තියනවා කියලා..”

” කියන්න බෑනෙ…බිස්නස් බිස්නස් ගගා එහෙට වෙලා මොනා කරාද කියලා…”

හෙමීට එහෙම කියන ගමන් මම ඩ්‍රෙසින් ටේබල් එකෙන් ඉඳගත්තෙ කොන්ඩෙට ගහලා තියන දේවල් අයින් කරන්න…

“මොනවද තමුසෙ මුමුනන්නෙ…කියන දෙයක් ඇහෙන්න කියනවා…”

රකුස් පෙනුමක් මවාගෙන ඉනට අතත් තියාගෙන අහස් එහෙම ඇහුවෙ තරහෙන්.

“ආ…නෑ නෑ…මම මේ කිව්වෙ ඔයා වොශ් දාන්න යන්න කලින් මට පොඩි හෙල්ප් එකක් දෙන්න කියන්න…බලනවකෝ කොන්ඩෙ තියන කටු ගොඩ…”

එහෙම කියන ගමන් මං මිරර් එකෙන්ම බැලුවෙ අහස් දිහාව..

“අනේ මේ මට බෑ ඔය මල විකාර කරන්න…ඕන්නම් මම රිසිප්ශන් එකට කෝල් එකක් දීලා කාව හරි ගෙන්නලා දෙන්නම්…මට මහන්සි…”

එහෙම කියන ගමන් ටවල් එක අතට ගත්තෙ බාත්රූම් එකට යන්න…ඒවා කොහෙද මාත් එක්ක…මූටම කියල තමයි මං මේ ටික ගලවගන්නෙ…

“ඉහි….. ඉහි……..ඉහි…..”

බොරුවට අත් දෙකෙන් මූනත් වහගෙන මං අඬන්න ගත්තෙ හිත අස්සෙන් හිනා වෙන ගමන්..ගෑනු මායම් ඉතින් මේ වෙලාවට තමා වටින්නේ…මගෙ වැඩේනම් සාර්ථකයි වගේ….

“ඇ…ඇයි දැන් ඔයා අඬන්නෙ…ආ….”

මං ලඟට දුවගෙන වගේ ආව අහස් කලබලෙන්ම එහෙම ඇහුවෙ මගෙ උරහිසට අතත් තියන ගමන්….

“නෑ අහස්…මට අපෙ අම්මා මතක් උනා…එයා හිටියනම් මට උදව් කරනවනෙ…මම තනිවෙලා අහස්.. ඉහි…ඉහි….” 

තාත්තවික රංගනයක යෙදෙන මට සම්මානයක් නම් ලැබෙන්නම වටිනවා හැබෑට…

‘හරි…හරි… දැන් අඬන්න එපා…මම හෙල්ප් කරන්නම්….”

එහෙම කියලා අහස් මගෙ කොන්ඩෙ තියන මල් ,කොන්ඩ කටු අයින් කරන්න ගත්තෙ හිත අස්සෙන් හීනියට මට පොර ගැන දුකක් හිතෙද්දි..එක්කො කමක් නෑ….මම දැන් එයාගෙ වයිෆ් නෙ…පිට කවුරුත් යැ.

“හම්මේ….ඇතියන්තම් හරි….මම යනවා වොශ් දාන්න…”

එහෙම කියලා ඇඳුම ගලවන්න ලේසි වෙන්න මගෙ ගවුමෙ ශිපර් එකත් ටිකක් පහලට කරලා  සෙවලයා යන්න හැදුවෙ වොශ් එකක් දාගන්න..

“හෝව්….හෝව්..හෝව්…..”

යන්න ගියපු මිනිහව ආයෙ නතර කරගත්ත නිසාද මන්දා මේ මනුස්සයගෙ තිබ්බෙ මහ නොරිස්සුම් බැල්මක්…

“ඒ පාර මොකද…”

“ඔය ඔයාගෙ අරක ගලවන්නෙ නැද්ද…”

“මොකද්ද ආ….දැන් මගෙ වයිෆ්ට මොනාද මං ගලවලා පෙන්නන්න ඕනේ…”

මනමාල බැල්මක් දාගෙන මගෙ ලඟට එන අතරෙ අහස් එහෙම කියද්දි තමා මටත් සීන් එක තේරුනෙ…චික් විතරක් මේ මිනිහගෙ කැත හිත…

“මං කිව්වෙ තමුසෙගෙ ඔය බොරු රැවුල…දැන් උදේ ඉඳන් ඕක අලවන් ඉන්නවනෙ ඒකයි.  කෝ එනවා මම ඕක ගලවන්න….” එහෙම කියන ගමන් මම  අහස්ගෙ රැවුල ඇද්දෙ.

“ඌහ්…ගෑනියෙ….අත ඇරපන්…ඔය ඇත්ත රැවුල යකෝ….”

එහෙම කියන ගමන් අහස් මාව එහාට කරේ අනිත් අතින් රැවුල අත ගාන ගමන්…

“ආහ්….මම හිතුව බොරු එකක් කියලා…මේ සති දෙකට ඔච්චර වැවුනද.. …ඔයා එහෙනම් රැවුල අත ගගා ඉන්නකෝ…මම වොශ් එකක් දාගෙන එන්නම්….”

එහෙම කියලා අහස් හිතන්නත් කලින් මං මම එයාගෙ අතේ තිබුන ටවල් එකත් අරගෙන බාත්රූම් එකට රිංගගත්තා….

“තමීරා….මගෙ යකා අවුස්සන්න එපා  හරිද….එලියට එනවකෝ ඕයි….මට හදිස්සියි. ”

දොරට තඩි බාන අතරෙ අහස් එහෙම කිව්වම මට හිනා ගියෙ පොරට මූත්‍රා බරක්ද කොහෙද හැදිල නිසා…

“අනේ හස්බන්ඩ්… ඔච්චර අමාරුනම් බැල්කනියට ගිහින් පහලට දාන්න….වැස්සත් එන හින්දා කවුරුවත් හිතන එකක් නෑ ඒ ඔයාගෙ මූත්‍රා කියලා….ආ…තව එකක්….අපි දෙන්නට හොඳ මිල්ක් කොෆී දෙකක් ඕඩර් කරන්න…කෑම පස්සෙ කමු…”

එහෙම කියලා හයියෙන් කෑ ගහපු මම හොට් වෝටර් වලින් නාගන්න ගත්තෙ ඇඟට සනීපයක් දැනෙද්දි…

” අර්ර්ර්…..මේකිනම් මාවම කන්න ආපු එකියක්…කට නම් වක්කඩේ වගේ…ඕන එකයි එපා එකයි සේරම කියවනවා…ඉඳලා ඉඳලා මාත් කරගැහුවෙ මාර කුන්ඩවාලෙකට තමා…”

එහෙම කිය කියම අහස් සෝෆා එකෙන් වාඩි හිනාවකුත් මූනෙ තියාගෙන…

❤️❤️❤️❤️❤️❤️❤️❤️❤️❤️❤️❤️❤️❤️

පව් නේද ලමයි අහස්..???