?  ඔහුත් නපුරෙක් ?

………….විසි එක්වන කොටස…………….

“තමීරා…..කෝ මගේ කොෆී එක…මම තමුසෙටයි මටයි දෙකක්ම ගේන්න කියලා ඕඩර් කරානෙ….”

එහෙම කියාගෙන අහස් ආවෙ බැල්කනියට වෙලා හිටිය මං ලඟට…

“ආහ්… හස්බන්ඩ්, සොරි අනේ…කොෆි දෙකක්ම ගෙනාවා..මාර රසයි…මම කලින්ම   මගෙ එක බිව්වා.. ඔයා ටිකක් වෙලා ගියානෙ වොශ් දාන්න…කොෆි එක නිවෙයි කියලා හිතලා මම මේ ඉතින් ඒකත් බොනවා…නිවුනනම් අපරාදෙනෙ නේද….හී…….”

එහෙම කියලා මං හිනා වෙද්දි ලාවට වගේ හිනාවක් අහස්ගෙ මූනෙ ඇඳුනත් පොර ඒ බවක් පෙන්නන්නෙ නැතුව රකුසු වර්ශන් එකට එන්ටර් උනා…

“තමුසෙගෙ බඩක්ද ඕයි තියෙන්නෙ ..ඇඟේ හැටියට නෙවෙයි කෑම බීම.  පෙරේත කම…”

එහෙම කියලා සෙවලයා යන්න ගියේ මට රවලා…ඒත් ඉතින් ඔය වචන වලට සැලෙනවද මේ තමීරා…කන්න ඕනි බොන්න ඕනි ආතල් එකේ ඉන්න ඕනි…

“ඔය එලියට වෙලා ඉන්නෙ නැතුව එනවා…පේන්නෙ නැද්ද වහිනවා කියලා…ඇවිත් වද දෙන්නෙ නැතුව නිදා ගන්නවා…” ආයෙම අහස් කෑ ගැහුවා..

“හරි හරි අනේ එනවා…”

හිස් මග් එකත් අරගෙන මම බැල්කනියෙ දොරත් වහගෙන ඇතුලට ආවා…හීටර් එක නිසා රූම් එකට නම් සීතල නෑ…ඒ හන්දා හොඳයි…. නැත්තන් මෙලහටත් මං ගල් ගැහිලා…

“මේ හස්බන්ඩ්…අපි කවද්ද ගෙදර යන්නෙ…”

කතා කරන්න කවුරුත් නැති එකේ   කටත් නලියන හන්දාම මම එහෙම ඇහුවෙ  ෆෝන් එක බල බල ඉන්න අහස්ගෙන්..

“තව දවස් දෙක තුනකින් යනවා…ඇයි…”

මං දිහා නොබලම අහස් එහෙම ඇහුවෙ…මුගේ ගෑස් තමා ගෑස්…හරියට මම නිකන් බලෙන් මෙයාව කසාද බැන්දා වගේනෙ..හහ්…

“නෑහ්… නිකං….”

එහෙම කියලා මාත් මගෙ ෆෝන් රාජයා අතට ගත්තෙ චූටිට වීඩියො කෝල් එකක් ගන්න..පව් කට්ටිය මොනා කරනවද දන්නෙ නෑ…

“ආහ්…..නෑනන්ඩි….මොකද කරන්නෙ ආ….වැඩ ඇල්ලුවෙ නැද්ද තාම…කෝ මස්සිනා…”

ගත්තෙ චූටිට උනාට ආන්සර් කරේ යසිත්….හැන්ඩ් ෆ්‍රී නොගහ හිටිය නිසා යසිත් කියපු කුප්ප කතාව අහස්ටත් ඇහුනා කියලා තේරුනෙ පොර කින්ඩි හිනාවක් දාගෙන මගෙ ලඟට එද්දි..

“ආහ් මචං….මොකද කරන්නේ කට්ටිය…”

එහෙම අහන ගමන් අහස්  පිටි පස්සෙන් ඇවිත් මගෙ බඳ වටේ අත දාලා  උරහිස උඩින් නිකට තියාගත්තම මට දැනුනෙ ඇඟට කරන්ට් එකක් වැදුනා වගේ…යසිත්ලා බලාගෙන ඉන්න නිසා තමයි මුගෙ ඔක්කොම රඟපෑම්…කියලා කරානම් එකක්….එකපාරට ඔහොම කරද්දි මං කන්ෆියුස් වෙනවා නේද කියලා මුට හිතෙන් නැති හැටි….

“අවුලක් නෑ බ්‍රෝ..කට්ටිය එක්ක සාකච්චාවක් දාගෙන ඉන්නවා…ඉන්නකො කට්ටියම පෙන්නන්න..”

එහෙම කියලා යසිත් හැමෝවම අපිට පෙන්නුවා…විනූ,චූටි,අම්මි,තාත්ති, ලොකු ආච්චි, පුංචිලා මේ සේරම එක්කලා කතා කරලා ඉවර වෙද්දි පැයක් විතර ගිහින්..ඒ වෙනකම්ම මේ ගස් නරියා හිටිය විදිහමයි…මුගෙ අලි ඔලුව උස්සන් ඉඳලා මගෙ උරිස්සත් රිදෙනවා…එහෙමම අහස්ගෙ ගෙදර අයටත් කෝල් කරලා මම අහස්ගෙ අත් දෙකත් අයින් කරලා ගිහින් දොර ඇරියෙ කවුරු හරි බෙල් කරපු නිසා…

“මැඩම් මෙන්න ඔයාලගෙ ඕඩර් එක….”

එහෙම කියලා ආපු සර්වන්ට් යන්න ගියේ මට හිනාවකින් සංග්‍රහ කරලා…

“අහස්….ඩිනර් රෙඩි….එනවද කන්න…” ගෙනාව රයිස් එකෙන් ප්ලේට් එහෙකට බෙදා ගන්න අතරෙ මං එහෙම ඇහුවෙ අහස් දිහා නොබලමයි…

“මේකි යකෝ…..හරිනම් මුලින්ම හස්බන්ඩ්ට නේද බෙදන්න ඕනෙ…ඔක්කොටොම කලින් තමුසෙ බෙදා ගත්තා නේද….පෙරේති….”

එහෙම කියන ගමන් අහසුත් බෙදන්න ගත්තෙ මට රව රව…මොකුත් නෑහුන ගානට මං කන්න ගත්තෙ කන කොට කතා කරන්න හොඳත් නැති නිසා…හි…හී….

………………………………

කාලා බීලා එහෙට මෙහෙට වෙවී ඉන්න අතරෙ කම්මැලිකම යන්නත් එක්ක මං එෆ්බී එක පැත්තෙ සර්ච් පාරක් දැම්මෙ ඒ පැත්තෙ තත්වෙ බලන්න…ලොග් උනා විතරයි තිබ්බෙ අහස්ගෙයි මගෙයි  ෆොටෝ එකක්…. ෆොටෝ එක දාලා තියෙන්නෙ විනූ….මේකිනම් ගම කාලා…මදැයි…තව කාලයක් තනිකඩව මේකෙ ඉන්නවා කියලා හිතුවා..

හැමෝගෙන්ම සුබ පැතුම් ඇවිත්….සමහර කෙල්ලොනම් අහස් ගැන වර්ණනා තරලා තිබ්බෙ හරියට ලංකාවෙ එකම කොල්ලා මූ ගානට දාලා… ලස්සනයි නම් තමා…ඒ කියලා මෙහෙම කමෙන්ට් දානවද….පුහ්…අර මෝඩයා දැක්කොත් එහෙම තව අඩි දෙක තුනක් උඩින් යන්නෙ…

“දැන්වත් ඔය හුචක්කුව පැත්තක තියලා නිදා ගන්නවා තමීරා…ලයිට් එලියට මට නින්ද යන්නෙ නෑ..” සෙවලයා බෙරිහන් දෙන නිසා මාත් ෆෝන් එක පැත්තකින් තියලා ආවෙ ඇඳට….

“ඒයී..තමුසෙ මොකද ඇඳට ආවෙ…යනවා සෝෆා එකට…. “

මං ඇඳට නගිනවත් එක්කම අහස් එහෙම කිව්වෙ…අනෙ අම්මපා මේ මිනිහා හිතක් පපුවක් නැති ගානට ඒක කියපු ලස්සන…වෙන කපල්ස්ලා නම් මෙලහට කොච්චර රොමෑන්ටික් ඇද්ද…ඒකට මගෙ මිනිහා….හනිමූන් නම් මූ එක්ක ඕන නෑ…ඒත් නිදා ගන්න ආවම එලවන ලස්සන….හිටපන්කො කරන්න හොද වැඩක්…

එහෙම හිතලා මම බැස්සෙ ඇදෙන්…ෆෝන් එකත් අරගෙන නම්බර් එකක් ඩයල් කරපු විදිහට ඇක්ට් කරලා බොරුවට ෆෝන් එක කනේ තියාගත්තෙ අහස් පුදුමෙන් මං දිහා බලාගෙන ඉද්දි..

“ආ…හෙලෝ තාත්ති…..මම මේ ගත්තෙ පොඩි දෙයක් දැන ගන්න…”

“ඔව් ඔව් තාත්ති… මේ මේකයි.. මේ හොටෙල්ස් වලට තාත්ති සල්……..'”

කියලා කියනවත් එක්කම අහස් මගෙ කට වහලා ෆෝන් එක ගන්න හදනකොටම මං එයාගෙන් බේරිලා එහාට උනේ පොර අතින් ෆෝන් එක කට් කරන්න කියලා මට කියද්දි…බොරුවට මාත් කෝල් එක කට් කරා වගෙ රඟපාලා ෆෝන් එක පැත්තකින් තිබ්බෙ සෙවලයි සැනසුම් සුසුම් හෙලද්දි…පුහ්…මුගෙ ඇඟ විතරයි…ඔහොම බය උනොත් මදැයි…

“මොකද්ද තමීරා කරන්නෙ…විහිලුවටනෙ මම ඇඳෙන් බහින්න කිව්වෙ…ඒ ටිකට තාත්තිට කෝල් ගත්තෙ..බැන්ද දවසෙම තියන ප්‍රශ්න ඒ අයට කියද්දි එයාලා මං ගැන මොනව නොහිතයිද …”

“අහ්…ඇත්තද…එහෙනම් කියන්න කලින් දෙපාරක් හිතනවා….තමුසෙගෙ තාත්තා වගේ ම මගෙ තාත්තාත් මේවට වියදම් කරා…ඒ හන්දා මං මට ඕන තැනක නිදා ගන්නවා…තමුසෙට ඕනනම් බිම හරි ඉන්නවා….”

තුශ්නිම්බූත වෙලා වගේ මගෙ දිහා බලාගෙන ඉන්න අහස්ට රවලා මං ඇඳෙ එහා පැත්තට පැනලා ඔලුවෙ ඉඳන් ශීට් එක පොරවගත්තා…

…………………………………….

දවස් දෙකක්ම ගෙවිලා ගියේ කිසිම විශේෂයක් නොවී….හනිමූන් ආවට මොකද අපි දෙන්නා අතර කිසිම දෙයක් නම් උනේ නෑ.එක අතකට ඒකත් හොඳයි…හදවතින් බැඳෙන්නෙ නැතුව ගතින් බැඳිලා තියේද…මොනාද උනත් දෙමාපියන් වෙනුවෙන් වෙච්ච කසාදයක් හන්දා මම වගේම අහසුත් ඒ ගැන හිතන්න නැතුව ඇති…නැත්තන් ඉතින් මොන කොල්ලද කෙල්ලෙක් ලඟ තියාගෙන සිල් රකින්නෙ..හී….හී…..සෙවලයගෙ ගෙරවිලියි මගෙ මෝඩ වැඩයි එක්ක කාලෙත් ගෙවිලා ගියේ අපි කොළඹ යන දවසත් ලං වෙද්දි.

                     (    කෙටි විරාමයක්…….)

❤️❤️❤️❤️❤️❤️❤️❤️❤️❤️❤️❤️❤️❤️

මං හිතනවා මේ තාක් කතාව කට්ටිය රස විඳලා ඇති කියලා…අඩුපාඩු නම් බොහෝ ඇති.ඒකට මුලින්ම සමාව ඉල්ලනවා…

මේ කතාවත් තව දුර ලියන්න තියනවා…ඒත් මේ කොටසින් කතාව නතර කරන්න වෙලා තියනවා මට..ඒකට හේතුව මගෙ ඉගනීම් කටයුතු…කතාව නොදාම ඉන්නවා කියලා හිතලා ඒත් මෙච්චර ටයිප් කරපු එකේ අපරාදෙ කියලා හිතුනා…

කතාවෙ ඉතුරු කොටස් ටික දෙවන දිග හැරුමක් ලෙසින් ආයෙම ගේන්න මම අපෙ ඇඩ්මින් සර්ගෙනුත් අවසර ගත්තා…කතාව මගින් නතර කරපු එකට අනේ මට බනින්න එපෝ??…ඉක්මනට ඉක්මනට ටයිප් කරන්න පුලුවන්.  ඒත් එතකොට කතාව ලස්සන නැති වෙයි කියලා හිතනවා…අනික ප්‍රින්ටින් මිස්ටේක් හදන්න එපැයි….මං හිතනවා කට්ටිය මාව තේරුම් ගයි කියලා.. එහෙනම් හැමෝම පරිස්සමින් ඉන්න..” ඔහුත් නපුරෙක්” දෙවන කොටසින් ආයෙ හමුවෙමු…

හැමෝටම සුභම සුභ අලුත් අවුරුද්දක් වේවා කියලා හදවතින්ම ප්‍රාර්ථනා කරනවා…❤️

           මම නවෝද්‍යා දිසානායක?

 

 

 ෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙෙ