ඔහුත් නපුරෙක්……

…………දහවෙනි කොටස…………..

❤️ සතියකට පසු.❤️

සතියක විතර කාලයක් ගෙවිලා ගියේ හරි ඉක්මනට.ඒ කාලෙදි අම්මියි  චූටීයි ඇරෙන්න තාත්ති මා එක්ක කතා බහක් නොකර තරම්..කොයි තරම් ට්‍රයි කරත් කතා කරන්න තාත්ති මාව පුදුම විදියට මග ඇරියේ..

හිත රිදුනෙ නෑ කිව්වොත් නම් ඒක බොරුවක්.. කවදාවත් තාත්ති මේ විදියට මට කතා නොකර ඉඳලා නෑ..මේ හැමදේම අහස් නිසා..ඒ සෙවල පෙඳෙයියා ගැන මට තිබ්බ තරහා තවත් වැඩි උනා මිසක් ඒක අඩු උනේ නම් නෑ..

සතියක් තිස්සේ මූඩ් අප්සෙට් නිසා ගෙදරින් එළියටවත් බැස්සෙ නැතිව ගෙදරට වෙලා හිටිය මට විනූ කතා කරලා හෙට ශොපින් යං කිව්වමනම් මං එක පයින් කැමති උනේ ඒක මගෙ ෆේවරිට්ම වැඩක් නිසා…මොනා උනත් මේ දවස් ටික ඇතුලෙනම් අහස් කියන නම නම් ගේ ඇතුලෙ කියවුනේම නෑ…

“අක්කි මේ…. මේක තමුසෙට “

රූම් එකට වෙලා  කාර්ටූන් එකක් බල බල හිටිය මට කතා කරේ චූටි..ටීවි එකත් ඕෆ් කරලා මං බැලුවෙ චූටි දිහාවෙ..

” කෝ….දෙනවා බලන්න ඕක “

ලස්සන සිල්වර් කලර් බොක්ස් එකක් චූටි අතේ තියනවා දැක්ක මං ඒක උදුරලා ගත්තෙ හරි ආසාවෙන්… බොක්ස් එක මෙහෙම ලස්සන නම් ඇතුලෙ තියන එක කොහොම ලස්සන ඇතිද… එහෙම හිත හිත මං ඒක ඕපන් කරද්දිම චූටිත් ඇවිත් මං ලඟ වාඩි උනා..

” වාව්……. වොච් එකක් ..ඒකෙ ලස්සන යකෝ..කොහෙන්ද ඕයි මේක තමුසෙට…අනික මේක රට එකක්.. ඒත් බං මේක බෝයිස්ලා යූස් කරන එක්කනෙ  “

වොච් එක අතට අරන් ඒකෙ ලස්සන බලන අතරෙ චූටි ගෙන් මං එහෙම ඇහුවෙ පුදුම වෙලා..

” යසිත්ගෙ බර්ත් ඩේ එකද ? ”

චූටි කට අරින්න හදනකොට මං ආයෙත් එහෙම ඇහුවෙ බෝයිස්ලා යූස් කරන වොච් එකක් නිසා…අපෙ ගෙදරට ඉන්න කොලු පරානෙ ඉතින් යසිත්නෙ..

“අයියෝ නෑ අනේ..යසී බබාගේ බර්ත් ඩේ එකට තව කල් තියෙනවා..මේක තාත්ති ඔයාට දෙන්න කිව්වෙ..”

මගෙ කියවිල්ල නිසාමද කොහෙද චූටි එහෙම කිව්වේ මල පැනලා වගේ.

” වට්… තාත්ති දුන්නා…මට…. ඒකත් මේ බෝයිස්ලා යූස් කරන එකක්..”

“අනේ මන්දා… දැන් ආවම ඕක මට දීලා කිව්වා ලොකූට දෙන්න කියලා…තමුසෙට දෙන්න කලින් මාත් බලන්න එපැයිි.ඒ නිසා කලින්ම මම ඕක බලලා ගෙනාවේ…ඕක ලස්සන බෑග් එහෙක තිබ්බෙ.. ඉන්නව මං අරන් එන්නම්..”

චූටි එහෙම කියලා එයාගේ රූම් එකට ගියා..

යසිත්ටත් නැතුව මේක තාත්ති මටම දෙන්න කිව්වෙ ඇයි දන්නෙ නෑ..ඒත් ඉතිං බෝයිස්ලා යූස් කරන එකක්..එක්කො තාත්තිට වැරදිලා ග(ර්)ල්ස්ලා යූස් කරන එකක් වෙනුවට මේක ගෙනත් ඇත්තෙ..මොක උනත් සෑහෙන්න වටිනවා..අනේ මගෙ තාත්ති..මේ දවස්වල කතා කරෙත් නෑනෙ මට..දුක හිතිලද කොහෙද…

මං වොච් එකත් අතේ එකත් අතේ තියන් මනෝ ගහන අතරෙ ආයෙම චූටි ආවෙ ආවෙ ලස්සන බෑග් එකක් අරන්..යකෝ ඒකෙ ලස්සන…මං බෑග් එකත් උදුරන් ඉක්මනට වොච් එකත්  බොක්ස් එකට දාලා ඒක බෑග් එකට දාලා අල්මාරියට දැම්මෙ වැඩි පරිස්සමට.. නැත්තන් මගෙ පිලිවෙලත් එක්ක ආයෙ ඕක හොයනවා බොරු…මොනා උනත් ඒක තාත්ති දීපු එක…පස්සෙ තාත්තිට කියලා මේක මාරුවක් කරගන්න බැරියැ…

“අක්කි….එනවා යන්න කෑම කන්න…”

චූටි කියද්දී මාත් කෙල්ලගෙ කරට වටින් අත දාගෙන පහලට බැස්සෙ පොඩ්ඩක් මේකිව අවුස්සන්නත් හිතාගෙන…මූනෙ හැටියට නම් ටිකක් අප්සෙට් එකේ වගේ කෙල්ල..පව් ඉතින්…තාත්ති මට වොච් එකක් දීපු හින්දා තමයි ශුවර් එකටම.. පොඩ්ඩක් අවුස්සලා ගන්න ඕන..

” චූටි මේ….එක අතකට මට තමුසෙ පව් කියලා හිතෙනවා ඕයි …”

මං සීරියස් මූඩ් එකකින් එහෙම කියන ගමන්  බැලුවෙ චූටිගෙ මූන…

” ඇයි ඒ…”

නළලත් රැලි කරන් චූටි එහෙම අහන ගමන් මං දිහා බැලුවා…

“නෑ ඉතින්…බලන්නකෝ…තාත්ති මේ දවස්වල මා එක්ක කතා නොකරට ඒවට හරියන්නත් එක්ක අද ගෙනාව ගිෆ්ට් එක.. සෑහෙන්න වටිනවා මං හිතන්නෙ ලක්ෂ තුන හතරක් විතර….මං ඉතින් එයාගෙ ප්‍රින්සස්නේ….”

මං එහෙම කියන ගමන් කොන්ඩ කෑල්ලක් අරන් කරකව කරකව ලාවට බැලුවෙ චූටි දිහාවෙ..පුපුරන සයිස් එක කෙල්ලගෙ මූන..

“ඉතින් මට මොකද? ”

චූටි එහෙම ඇහුවෙ තරහෙන්… නට්ටෙට තද වෙලා මේකිට… ඒත් ඉතිං මං සැලෙනවද… යසිත් එක්ක එකතු වෙලා අනිත් වෙලාවට මාව පච කරන එකට රිටර්න් එකක් දෙන්න එපැයි…

“නෑ…මේකයි…මම තමුසෙට ඒ කාලෙ ඉඳන්ම කියනවනෙ තමුසෙව හදාගන්න ගත්ත ළමයෙක් කියලා.. නැත්තන් බලනවා, අද මට  වොච් එකක් ගෙනාවා.. ඒත් තමුසෙට ගෙනාවද ?නෑනෙ..ඒකෙන්ම හිතාගන්න බැරි ද? අනික තමුසෙ දැන් ඔය මගෙ පාටට හිටියට ඉස්සර කට්ට කලුයි…අම්මියි මායි තාත්තියි තමුසෙව අපෙ පාටට ගන්න පුදුම කට්ටක් කෑවෙ.. නැත්තන් වෙනස පේනවනෙ පිට අයට..අනික…”

ඉතුරු ටික කියන්න යද්දිම චූටි මගෙ අතත් අයින් කරලා ගස්සන් මාව දාලා යන්න ගියේ මං හයියෙන් හිනා වෙද්දි…හනෙ අම්මේ මෙහෙමත් එකියක්..විහිලුවක්වත් තේරෙන්නෙ නැති හැටි...

මං එහෙම හිත හිත ම ගිහින් කෑම මේසෙ වාඩි උනේ අනිත් තුන් දෙනා ඒ වෙද්දී වාඩි වෙලා ඉද්දි..

” ලොකූ……”

කෑම බෙදාගන්න අතරෙ තාත්ති මට කතා කරේ ..අදනම් පට්ට හැපී මට..සතියකට පස්සේ තාත්ති කතා කරේ..

“කියන්න තාත්ති…”

හිතේ තිබ්බ සතුටත් එක්කම මම හිනා වෙලා තාත්තිගෙන් එහෙම ඇහුවෙ..” 

“හෙට ගමනක් යන්න තියනවා.. ලෑස්ති වෙන්න..”

“ඒ කොහෙද තාත්ති”

  තාත්ති එහෙම කියද්දි මං අහන්නත් කලින් චූටි එහෙම ඇහුවා..

” බර්ත් ඩේ පා(ර්)ටි එකක් චූටි.. තුන්දෙනාම හෙට හවස් වෙද්දි ලෑස්ති වෙලා ඉන්න ඕකේ..”

තාත්ති එහෙම කියලා අම්මිගෙයි චූටිගෙයි මගෙයි දිහා පිලිවෙලට බැල්මක් දාගෙන ගියා..

“ඒත් කාගෙද තාත්ති බර්ත් ඩේ එක..”

මං එහෙම ඇහුවෙ යන්න කලින් කාගෙ බර්ත් ඩේ එකද කියලා දැනගන්න..අනික යන්න ඕනම කෙනෙක් ගෙද නැද්ද කියලා දැනගන්නත් එපැයි…

“කාගෙ බර්ත් ඩේ එකද කියලා ගිහාම බලාගන්න ලොකූ..ප්‍රශ්න අහන්න එපා..අනික මම චූටි අතේ එවපු ගිෆ්ට් එක තියනවා නේද..ඒක ලස්සනට රැපින් කරලා ලෑස්ති කරන්න හෙට අරන් යන්න..ඕකේ…”

තාත්ති එහෙම කියද්දිම මගෙ මූන රත් වෙන්න වැඩි වෙලාවක් ගියේ නෑ..එතකොටම මට ඇහුනෙ චූටිගේ හිනාව…ශැක් යකෝ…වලක් කපන් වැලලිලා ගියත් මදි මේ වෙච්චි නව නිංගිරාවට…යකෝ මං එද්දි චූටිට කියපු කතා ටික..

“චූටි….. කනකොටවත් සංවරව කනවා ළමයෝ…හැදෙනවා අන්තිමයි දැන්…”

අම්මි චූටිට සැර කරද්දි තමා මං ඒ දිහා බැලුවෙ… චූටි මං දිහා බැලුවෙ චාටර් හිනාවක් දැම්මෙ…යකෝ රෙදි නැතුව ඉන්නවා සැපයි දැන්නම්…ඔක්කොමත් හරි මේකි යසිත් ට කිව්වොත් තමා වැඩේ..මං ලාවට හිනාවක් දාලා ආයෙම කෑම කන්න පටන් ගත්තා..

❤️❤️❤️❤️❤️❤️❤️❤️❤️❤️❤️❤️❤️❤️ ?? පව් නේද ලමයි තමීරා… අදහසක් කියාගෙන යන්න කට්ටිය…?

 

 

 

 

 

 

 

 

 

 

 

 ්්්්්්්්්්්්්්්්්්්්්්්්්්්්්්්්්්්්්්්්්්්්්්්්්්්්