දෙවන බැම්ම

❤️❤️❤️❤️❤️❤️❤️❤️❤️❤️❤️❤️❤️❤️❤️

 

 

” මේ ඉන්නෙ මගෙ ලොකු දූ ”

 

” අනේ හරි අහිංසක පාටයිනෙ. ට්වින් කිව්වා නේද ?”

 

” ඔව් නංගි , ට්වින් උනාට මෙයා අහිංසකයි. නංගි නම් කොච්චි කරල. ”

 

” අහ් එහෙමද ? ට්වින් උනාට අහසයි පොළවයි වගේ පිහිටනවනෙ ඉඳලා හිටලා ”

 

” දූ යන්න ”

 

හෙප්පුව අතේ තියන් ඉඳලා එපා වෙලා උන්න මාව අම්මා ටිකක් ඉස්සරහට තල්ලු කරා. බිම බලාගෙනම ඉස්සරහට ගිය මං එයාගෙ මූණ බැලුවෙ හෙප්පුව දෙනවත් එක්ක.  ලස්සන හිනාවක් මූණෙ ඇඳුනා එයාගෙ නම්. හිනාවෙන් නම් කැමතිද මන්දා කියලා හිතෙද්දි මං ටුක් ගාලා ආයෙම අම්මා ගාවට ආවෙ තාම අර ලැජ්ජාව එක්ක තිබ්බ නුහුරු හැඟීම මගෙ හිත පුරාවට උඩු දුවනකොට.

 

” දූ තේ බොමු අපි ”

 

අම්මා එහෙම කිව්වෙ මාව යවන්න කියලා තේරුන නිසා මාත් එහෙමම කුස්සිය පැත්තට ගියෙ ආයෙ බලෙන් ඉන්න ඕන යෑ කියලා හිතෙද්දි.

 

” අක්කෙ ආ ”

 

” ඔයා තේ හැදුවද ? ”

 

” හ්ම්ම්ම් මනමාලයා හැන්ඩියා නෙහ් ”

 

නංගි හිනාවෙලා එහෙම කියද්දි නම් මට පුදුම හිතුනා ටිකක්. උදේ ඉඳලම බුම්මගෙන උන්න මනුස්සයාට එකපාර මොකද උනේ කියලා.

 

” අරන් යන්න අනේ මොනවද හිතන්නෙ ? ”

 

නංගි තේ ටික හදලා ලස්සනට ට්‍රේ එක උඩින් තියලා තිබ්බ නිසා මට කරන්න තිබ්බෙ අරන් යන එක විතරයි. ආව ගමන් අනිත් අතට ආයෙත් එතන්ට යන්න ඕනෙකමක් තිබ්බෙ නැති නිසා. ඒත් ඉතින් නංගිගෙ වදේ ඉන්නත් බෑනෙ. මං ආයෙත් තේ ටික අරන් එතන්ට ගියා.

 

” දූ තේ ටික අල්ලන්න පුතේ ”

 

අම්මගෙ ඒ අවවාදෙත් එක්කම මං තේ ටික අල්ලලා ආයෙම අම්මා ගාවට ආවා. කට්ටියගෙ මූණ එකපාරටම අවුල් ගියාද මන්දා. කොහෙද මාත් මෝඩයා වගේ රහක් බලන්නෙ නැතුව ගෙනාවනෙ. හොඳ වැඩේ මට. එහෙම හිතද්දිම…

 

” දූ මේ පුතත් එක්ක එළියට යන්නකො පොඩ්ඩක් අඳුරගන්නකො ”

 

අම්මා එහෙම කිව්වම මට දැනුනෙ මේ ඇස් වලින් ගැලවෙන්න දුන්න චාන්ස් එකක් වගේ. ටුක් ගාලා එළියට ආවෙ මං ඒ ලැබුන අවස්ථාවෙන් උපරිම ප්‍රයෝජන ගන්න හිතාගෙන.

 

” නංගි ”

 

” නංගී ”

 

” ම්ම් කියන්න අයියෙ ”

 

” ඔයාගෙ නම ? ”

 

” තිසුනි නිමීරා. ”

 

” ලස්සන නමක්. නංගි ජොබ් එකක් කරනවා කිව්වනේ ? ”

 

” ඔව් අයියෙ මං ප්‍රයිවට් ෆ(ර්)ම් එකක වැඩ කරනවා ”

 

”  අහ් එහෙමද ? දිගටම ජොබ් එක කරන්න ආසද ? ”

 

” ඔව් අයියෙ. ”

 

” ඒත් ඇයි ? ”

 

” ම්ම්ම් මට අම්මව බලාගන්න ඕනෙ අයියෙ. දැනටත් ඒක කරන්නෙ මම. ඉතින් ඒක දිගටම කරන් යන්න ඕන ”

 

” මට තේරෙනවා තිසූ ”

 

” අයියෙ ”

 

” ම්ම්ම් ”

 

” මං නම දන්නෑ නෙ ”

 

” අහ් අයියෝ ඕක අහන්නද මේ මාන බැලුවෙ ? මම රමිත සඳකැන්. එතකොට මං වැඩ කරන්නෙ…… ”

 

” අහ් ඒක මං දන්නවා ”

 

අයියා තව මොනවා හරි කියන්න කලින් මම පැන්නා.

 

” හොර කෙල්ල අහන් ඉඳලනේ ”

 

” එහෙම නෙමේ ඉතින් ”

 

” හරි හරි පැණි පෙරන්න එපා. ඔය පැණි තමයි අර කිරි එකටත් දාලා තිබ්බෙ දිව ඇලෙන්නම ”

 

දෙයියනේ දැන් නෙ තේරුනේ කට්ටියගෙ මූණු ඇඹුල් වෙන්න හේතුව. මේ චූටි නම්…

 

” ම්.. මේ අනේ සොරි අද මං රස බැලුවෙ නෑ ගේන්න කලින් ”

 

ඒ විදියට ශේප්මන්ට් එකක් දැම්මෙ වෙලාවෙ හැටියට මොනවම හරි කියන්න ඕනෙ නිසා.

 

” අදට ඔහොම කියලා බේරෙන්නකෝ ”

 

අයියා එහෙම කියද්දිම මං දැක්කා අපේ අම්මා එළියට එනවා..

 

” ලොකු දෝනී එන්න පුතේ කන්න ”

 

ඒ අවසරයෙන් මං හිමීට අයියත් එක්ක ගෙවල් පැත්තට ආවෙ චූටිගෙ නසරානි වැඩේ නිසා හිත ටිකක් විතර රිදිලා තිබ්බ නිසා.

 

” කෑම ටික නම් පංකාදු පහයි නෝනෙ ”

 

මිස්ට කපූ ඒ විදියට කිව්වෙ අපේ අම්මට. අම්මා හිනාවෙලා මං දිහා බැලුවෙ සියලු අයිතීන් මං සතුයි කියන්න වගේ. ආයෙ මොකටද කියලා මමත් සියලු අයිතිය භාර අරගෙන බිම බලාගත්තා. හෙහ් කමක් නෑ කවුරුත් පරිප්පුව රස නෑ කිව්වෙ නෑනෙ. මොනවා උනත් කෑම ටික චූටිගෙන් බේරගත්තෙ වෙලාවට කියලා මට හිතුනා කනාවට වගේ.

 

” ලොකු දෝනි ”

 

” ම්ම්ම් අම්මා ”

 

” අර දරුවගෙ නම් වරදක් නෑ නේද පුතේ ? ”

 

” මටත් හිතුණා අම්මෙ ඒත් අපි බලමුකො නේ ”

 

” මොනවද බලන්නෙ ? ”

 

” අම්මගෙ දූට එයාලා අකමැති උනොත් එහෙම ”

 

” මගෙ දූට එහෙම අකමැති වෙන්නෙ ඇයි ? ඔයයි නංගියි ඉන්නෙ මේ ලස්සනට. මොනවගෙන් අඩුවක්ද ? ”

 

” මගෙ සුදු අම්මට කොහෙද අපි දෙන්නගෙ වරදක් පේන්නෙ ”

 

මං එහෙම කිව්වෙ අම්මව බදාගෙන හාදුවක් දෙන ගමන්. ඒ ගමන්ම මං ආවෙ කාමරේට.

 

” චූටී ”

 

” මොනවද අනේ මාව අර මිනිස්සු ඉස්සරහා චා කරේ ? ”

 

” ඇයි මං මොකද කරේ ? ”

 

” සීනි වැඩිපුර දැම්මෙ ඇයි ? මාව ඒකට  රමිත අයියා බයිට් කරත් එක්ක ”

 

” හිනාවෙන් නම් පේන්නෙ මෙයා ඒ බයිට් එකට ආසයි වගේ ”

 

” ම්ම්ම් නෑ කියන්නත් බෑ ඉතින් ”

 

” මේ ඌට අකමැති වෙනවකො හලෝ ”

 

” ඔයා මාරයිනෙ. ඇයි මං අකමැති වෙන්නෙ ?”

 

” ඔයා අකමැති වෙන්නෙ මං එයාට කැමති නිසා ”

 

එහෙම කියපු නංගි කාමරෙන් එළියට ගියෙ නුරුස්සනා බැල්මකින් මං දිහා බලලා. මේක පුදුම වැඩක් නෙ. යකෝ එතකොට මං අකමැති වෙන්න ඕනෙද ? ඒත් බෑ වගේ. හහ් එයා බලන්න ආවෙ මාව මිසක් චූටිව නෙමේනෙ. ඔය වගේ මනක්කල්පිත මනෝවිකාර ගොඩාක් මගෙ ඔළුවට එද්දි මං ඇඳේ ටිකක් ඇල උනේ රමිත අයියා හිත පුරාම කරක් ගහද්දි.

 

 

………………………………………………………………………………..

 

තිසුනි තිසුරි රමිත… තුන් කොන් ආදර කතාවේ අවසානය මොකක් වෙයිද ? බලාගෙන ඉන්න.

 

අනිත් හැම කතාවම වගේ මේකෙනුත් ඔයාලට හිතන්න දෙයක් දෙයි මෙයාලා ටික එකතු වෙලා.

 

 

 

ඉතින් චූටි පැටව් ඊළඟ කොටස අරන් එනකම් පරිස්සමින් සතුටින් ඉන්න. බුදු සරණයි.

 

ආදරෙයි මේ හැමෝටම ගොඩාක්……..❤️