ඒ ආශා ය.ඈ කෞෂාල්ගෙ සොයුරාට කතා කලාය .

“ලොකු අයියේ ..සොරී දෙන්නට බාධා කලාට.එයා තව ටිකකින් ආපහු ගනියි හොදද …..තෙරුවන් සරණයි අයියට ”

ඈ කෞෂාල් වෙත හැරුණා ය.

“මොකද අයියේ මේ…මොනාද ඒ කරන්න ගියේ ”

“ආශා,මං වෙන මොනවාද කරන්නේ ,මට ඔයා එයාලා ළඟට යනවා බලන්න බෑ …”

“ඒත් අයියේ ….ඇයි ඒ ? .අයියා අකැමැති නම් මං අයියා ගේ පවුලේ අය එක්ක ඉන්නවට මං යන්නම් වෙන කොහෙ හරි .ඒත් මට අයියා ළඟ තවත්නම් ඉන්න බෑ ..”

“ඉන්න බැරි ඇයි ආශා…මාව දාලා යන්න හදන්නේ ඇයි ..මට ඔයාව මගේ ළඟම තියාගන්න ඕනි …මොකද දෝණි මං ඔයාට ….”

ඔහු තම සිත තුළ තිබූ දේ පැවසීමට තැත් කල ද ඈ ඔහුගේ මුව වසා ඔහුව නවතාලිය .

“එපා අයියේ ..මුකුත් කියන්න එපා.මං ගැන ඒ විදියට හිතන්න එපා අයියේ …අනිත් එක ඒ දේ කීවොත් අපි දෙන්නම විඳවයි…”

“ඒත් ඇයි ආශා ..ඔයා හිතනවද මං ඔයාට ළංවෙලා ඔයාව අතාරියි කියලා ”

“මං දන්නවා අයියේ ඔයා එහෙම නෑ …ඒත් මං නිසා ඔයා දුක් විදිනවා බලන්න බෑ …ඔයාට ගොඩක් හොද කෙල්ලෙක් මුණගැහෙයි අයියේ.මගේ ජීවිතේ වෙන මිනිහෙක් අතින් විනාශවෙලා ඉවරයි..මං කොහොමද අයියේ මගේ පව් අයියගේ පිටින් යන්න දෙන්නේ. .”

“අහන්න ආශා .. මං ඒක දන්නවානේ.. ඒක ඔයා කැමැත්තෙන් කරගත්ත දෙයක් නෙවෙයි නංගි.. අපි ඒදේ අමතක කරලා සතුටින් ඉමු ආශා.. ”

“සතුට කියන්නේ මට උරුම දෙයක් නෙවෙයි අයියේ.. දෛවය මට වේදනාව විතරයි විඳින්න දෙන්නේ..තවත් හේතුවක් තියනවා මට අයියේ ඔයාට ළං වෙන්න බැරි.. පොඩ්ඩක් ඉන්න ඔහොම. මේ රහස මට තවත් අයියගෙන් හංගන්න බෑ”

යහන මත හිඳගත් ඈ හැද සිටි ගවුම මදක් මෑත් කර දෙදණ දක්වා සිය දෙපා නිරාවරණය කලාය.ඉදිමී ගිය දෙපා මත කුඩා බිබිලි හටගෙන තිබූ අතර එනිසාම වළලුකර දක්වා ම දෙපා අවපැහැයට හැරී තිබිණ .

“අ..ආශා ….ම්..මොකද මේ …..ඔයා මට මේ ගැන කියලා නෑනේ ..ඇයි මේක මගෙන් හැංගුවේ…”

“මට සමාවෙන්න අයියේ …මං මේක කලින් කීවා නම් ඔයාගේ හිතේ එහෙම දෙයක් ඇති වෙන්නේ නෑ නේද …ඒත් මං දැන් හරි මේක නොකිව්වනම් තවත් ලොකු වේදනාවක් වෙයි අයියාට…”

ඔහු ඈගේ දෙපා අසල දණ තබා හිඳ ගෙන ඇගේ දෑත් සිය දෑතින් අල්වා ගත්තේ ය.

“මෝඩී….මොනාද කියන්නේ …මං ඒ ගැන නෙවෙයි හිතුවෙ …කොහොමද මට මේ දේ මඟ ඇරුනේ.අනේ කවදද මෙහෙම උනේ…ගොඩක් අමාරුද ඔයාට …”

“මේ වේදනාව මට හුරුයි අයියේ ….අවුරුදු පහළවේ ඉඳලා මං මේ වේදනාව විඳිනවා.බෙහෙත් කරන්න අත්තා මාව අරන් කී තැනකට ගියාද…ඔයා මට විහිළු කලේ තාරාවෙක් වගේ ඇවිදිනවා කියලා .ඒ මේ අසනීපෙ නිසා අයියේ … අයියා එහෙම කියද්දී මගේ හිත පොඩ්ඩක්වත් රිදුනේ නෑ .මොකද මට ඒ කාලේ ඉඳලාම හැමෝම කතා කරන්නේ ඔහොම තමයි ….”

“අනේ මගේ දෝණි …ඒත් …මට සමාවෙන්න …මං දැනගෙන හිටියේ නෑ මගේ මැණික මේ තරම් වේදනාවක් විඳිනවා ඇති කියලා .. .ඔයාට මුකුත් වෙන්න මං ඉඩ තියන්නේ නෑ… අපි කොහොමහරි සනීප වෙමු හොදද …?”

“ඒත් මට තව ඔයා ළඟ ඉඳලා ඔයාව රිද්දන්න බෑ අයියේ..මං යන්නම් ඔයාගෙන් ඈතට.මට යන්න දෙන්න අයියේ …මං ඔයාට වඳින්නම්.”

“අනේ ආශා …යන්න හදන්නේ ඇයි ඔයා ..මං ඔයාව බලා ගන්නම්කෝ..ඇයි මං ළඟ ඉන්න බැරි …මං ඔයාට අඩුවක් කරන්නේ නෑ කවදාවත් ….”

“ඒක කරන්න බෑ අයියේ ..මට මෙහෙ ඉන්න බෑ .ඒක තමයි මගේ අන්තිම තීරණේ …මට බල කරන්න එපා ..”

ඔහුගෙන් තම දෑත් මුදාගත් ඈ අපහසුවෙන් වුවද හැකි ඉක්මනින් කෞෂාල්ගෙ කුටියෙන් ඉවත් ව ගියාය. එහෙත් ඔහු හුන් අයුරින් ම හිඳ බොහෝ වේලාවක් ගතවන තුරුම තමා මොහොතකට පෙර අත්විඳි සිදුවීම පිලිබද කල්පනා කලේ ය.

************************************************

“කෞෂාල්….නැගිටපන් බන්….මොකද යකෝ උඹට වෙලා තියෙන්නේ …ෆෝන් ආන්ස්වර් කරන්නෙත් නෑ ..ඇඳ තියෙද්දි මොකද බන් උඹ මේ බිමට වෙලා කරන්නේ …”

ඒ අෂාන් ය.ආශා කුටියෙන් පිටව ගිය පසු කල්පනාවෙහි යෙදී සිටි කෞෂාල් එහිම නින්දට වැටී සිටි අතර මිතුරා ඔහුව අවදි කලේය .

“අනේ මන්දා බන් …මං දන්නෙත් නෑ නින්ද ගිහින් …උඹ ගොඩක් වෙලා ද ඇවිල්ලා …”

“ටිකක් වෙලා බන් ..නංගි පේන්නත් නැති නිසා මං මේ ඇවිත් බැලුවේ උඹ කෝ කියලා …”

“හ්ම්ම්…… ආශා එයාගේ රූම් එකේ ඇති…ඕනිනම් උඹ කතා කරලා වරෙන්…”

“අඩෝ මොකද වෙලා තියෙන්නේ …මොකද උඹ අප්සෙට් එකේ.අර කෙල්ල එක්ක වලියක් වත් දාගත්තද..”

“එහෙම දෙයක් නෑ බන් …ඔහොම ඉන්නවාකෝ..මං මූණ හෝදගෙන එන්නම් …”

“කෞෂාල්…..පොඩ්ඩක් ඉන්නවා ඔහොම .කෝ මේ පැත්ත බලනවා…යකෝ උඹේ ඇස් දෙක…මචන් ඇත්ත කියපන් …මොකද වුනේ….”

“මුකුත් නෑ අෂාන්…මං මේ ඉන්නේ හොඳට …”

“මේ මට කොලේ වහන්න බෑ මචන් උඹට . අපි දෙන්නා පොඩි කාලේ ඉඳන් එකට හිටියේ .උඹේ මගේ කියලා රහස් තිබුණේ නෑ බන්…ඇයි එහෙනම් මට හංගන්නේ ..උඹ හැරෙද්දි මට කියන්න පුළුවන් මොකක් හරි වෙලා කියලා …උඹ මගේ සහෝදරයා නේද …කියපන් දැන් හොද එකා වගෙ….”

මදක් සිතුවිල්ලෙහි යෙදී සිටි කෞෂාල් අෂාන්ගේ බලකිරීම මත සිදුවූ සියල්ල හෙලිකලේය.

“මං දෙවැනි වතාවටත් කෙනෙක්ට ආදරේ කලා බන්….ඒ වගේ ම දෙවැනි වතාවටත් ඒ ආදරේ නැති වුනා බන්…මං එච්චර පව්කාරයෙක් ද අෂාන් …මට ම මේ දේවල් වෙන්නේ ..”

“මට තේරෙන්නේ නෑ බන් මොනවා කියන්නද කියලා ..දිල්කි ගැන නම් මං කොහොමත් මුකුත් කියන්නේ නෑ …ඒකි උඹ ගැන හිතුවෙ නෑනේ ටිකක්වත් ..ඒත් බන් ආශා හිතන්නේ උඹ ගැන ..ඕනි නම් ඒ කෙල්ලට තිබුණා මුකුත් නොකියා උඹෙ කරේ එල්ලෙන්න…”

“මට තේරෙනවා බන් …ඉතින් මට එයාගේ අතීතේ ප්‍රශ්නයක් නෙවෙයි… උඹයි මායි ශානුයි ඇරෙන්න වෙන කවුරුවත් දන්නෙත් නෑනේ මේ ගැන .. ඒ දේ හැමදාම අපි අතරේ තියෙයි …ඒත් ඇයි බන් මං ළඟ ඉන්න බැරි එයාට .”

“එකි ගොඩක් ගරු කරනවා බන් උඹට . ඒක නිසා වෙන්න ඇති උඹට වේදනාවක් දෙන්න ඒ කෙල්ල ඒ තරම් බය.. . අනික කොච්චර කීවත් ඒකි කොහොමද බන් එහෙම කිව්ව ගමන් ඒ වෙච්චි දේවල් අමතක කරන්නේ …..”

“මං ඒක දන්නවා අෂාන් …ඒත් මං ආශාට ආදරෙයි බන්…ගොඩක් ආදරෙයි..මොන දේ වුනත් මට එයාව අමතක කරන්න බෑ…මට ඒ කෙල්ල ඇරෙන්න වෙන කෙනෙක් එපා මචන් ….”

ඔහු එසේ පවසද්දී ම අෂාන් ඔහුගේ ගෙල වටා අතක් දැමුවේ ඔහු අසලින් හිඳ ගනිමිනි .

“කෞෂාල් …….උඹ සන්සුන් වෙයන්කෝ.මට තේරෙනවා උඹව.දිල්කි ගැන උඹ ඔය දේ ඒ විදියට ම කියද්දි මතක ඇති මං උඹේ කම්මුල රත් කලා.මොකද ඒ වෙලාවේ උඹ ගැන තරහක් ආවේ මට .ඒත් මං දන්නවා ආශා මොනවගේ කෙල්ලෙක් ද කියලා .ඒ කෙල්ල ජීවිතේට ළං කරගත්තා කියලා කවදාවත් වරදක් වෙන්නේ නෑ …”

“අනේ මචන් …මට මේ දේ අම්මලාට කියන්න බෑ කොහොමත් ..මොකද ඒක දැනගත්තොත් අම්මලා මොනවගේ තීරණයක් ගනීද කියන්න බෑ..මට උඹ විතරයි ඉන්නේ මේවා කියන්න …උඹ ෆෝන් එක ගත්තේ නැති නිසා මං මලීෂ්ට එහෙමත් ගත්තා ..උන් මට බැන්නා කොහෙවත් යන ගොඩේ එකියක් කරේ ගහගන්න එපා කියලා ..”

“මට තේරෙන්නේ නෑ දෙයියා මං මොකක්ද කරන්න ඕනි කියලා ..හැමදේටම මං උඹ ළඟ ඉන්නවා කොහොමත් .එවුන් මොනවා කිව්වත් නංගි ගැන අපි දන්නවනෙ ..ඇත්තටම මචන් මට එදා අර ගමට ගියපු වෙලාවේම තේරුනා ඕක …කියපන්කෝ..මං නංගිට කතා කරන්නද..”

“ඒක හරියයි ද කියන්න බෑ බන් ..අනික එයා මේ වෙලාවේ කතා කරන්න පුළුවන් මූඩ් එකක නැතිවැති…මං දන්නවා ආයේ කෙල්ල මගේ මූණවත් බලන්නේ නෑ කියලා ..ප්ලීස් අෂාන් ..උඹට පුළුවන් නම් මෙහෙ නැවතියන්…මොකද ආශා ගැන හොයලා බලන්න විදියක් නෑ මට ..මට ඒ උදව්ව විතරක් කරහන්…”

“ම්ම්ම්…..උඹ කියනවා නම් මං ඉන්නම්..දැන් හරි ..හොද එකා වගේ ගිහින් මූණ ටිකක් හෝදගෙන වරෙන් මයෙ අම්මා…කෙල්ලෙක් වගේ හොටු පෙරාන.මටත් ලැජ්ජයි යකෝ….”

“තෑන්ක්ස් බන්…උඹ නොහිටින්න මං මොනා කරගනී ද දන්නේ නෑ ..”

කෞෂාල් සිය මිතුරාව වැළඳ ගත්තේ සෙනෙහසිනි .

***********************************************