උදෙන්ම ඇහැරුනාට ආධ්‍යාට ගතින් දැණුනේ දරා ගන්න බැරි තරම් වේදනාවක්..මුලු රැයක්ම අරුෂ් එක්ක ඔට්ටු වෙලා කෙල්ල හිටියේ හෙම්බත් වෙලා..ඇගට දැනෙන අමාරු ගතිය නිසාම ආධ්‍යා හිටිය විදියටම ඇදට වෙලා ඇස් පියා ගත්තා..

“ආධ්‍යා..තාම නිදිද..නැගිටින්න..දවල් වෙලා..”

“මට පාඩුවේ ඉන්න දෙනවා අරුෂ්..”

“මොකද ආධ්‍යා මේ..අපි දෙන්නා මැරි කරලා ඉන්නේ..ඔයා පිලිගන්න අකමැති වුණත් ඒක තමයි ඇත්ත..කවද වෙනකම් අපි දෙපැත්තට වෙලා ඉන්නද..”

“හැමදේම ඔයා කැමති විදියට වුණාම හරිද අරුෂ්..කෙල්ලෙක් විදියට මගේ ජීවිතේ මං ආස කරපු දේවල් තිබුණා..ඔයා..ඔයා ඒ හැමදේම නැති කලා..”

ඇස් වල කදුලු පුරවන් කියවන ආධ්‍යා දිහා අරුෂ් බලන් හිටියේ අනුකම්පාව වගේම ආදරෙත් හිතේ තියාගෙන..

“ඕනම කෙල්ලෙක්ට හීන තියනවා ආධ්‍යා..මං දන්නව ඒක..හැබැයි මං දන්න එක දෙයක් තියනවා..ඔයාට කවදාවත් කොල්ලෙක් හිටියේ නෑ..ඒ නිසාවත් මට බැරිද ඔයාට ලං වෙන්න..ආදරේ කරන්න..”

“කිසිම කොල්ලෙක් ඉස්සරහ මං මෙහෙම වෙලා නෑ..ඒත්..තමුසේ මාව එහෙම් පිටින්ම වෙනස් කරනවා අරුෂ්..මට..මට තරහක් විතරයි තියෙන්නේ තමුසේ ගැන..”

අරුෂ් මුකුත්ම නොකියා නැගිටලා ගියේ මේ කතාව දිගට යන එකෙන් කොල්ලගෙත් හිත රිදෙන නිසා..ආධ්‍යාත් ඉක්මනින් ඇදෙන් නැගිටලා වොශ් එකක් දාගෙන එලියට ආවේ අම්මා තනියම කෑම ලෑස්ති කරනවා කියල හිතුන නිසා..

“අපෝ..උදේ පාන්දරම දැක්කනේ..ශික් දවසම ඉවරයි..”

“තමුසෙව දැක්කම තමයි වින්ඩි දවසම ඉවර..”

“අනේ මේ ආධ්‍යා..තමුසේ හරි කෑල්ල කියලද හිතන් ඉන්නේ..අරුෂ් අයියටත් පිස්සුද මන්දා..පිස්සු හෝන්තුවක් කර ගහ ගත්තේ.”

“ඉතින් ගිහින් කියනවකෝ මහලොකු අයියට මං වගේ කෙල්ලෙක් නැතුව හොද කෙල්ලෙක් හොයා ගන්න කියලා..”

ආධ්‍යා කෑගහන සද්දෙට අරුෂ් එලියට ආවේ ශුවර් එකටම වින්ඩි වලියක් වෙන්න ඇති කියලා හිතන ගමන්..මොකද මේ ගෙදර ආධ්‍යාට රණ්ඩු වෙන්න තරම් වෙන කෙනෙක් නැහැ..

“බලන්නකෝ අරුෂ් අයියා..මේ ගෑනි කතා කරන විදිය..”

“මේ අරුෂ්..මෙන්න මේ දර හැව අරගෙන යනවද..හිතන් ඉන්නේ කොටට කොටේ ගවුම් කෑල්ලක් ඇන්දම හරි පොශ් කියලා..”

“අනේ…අයියා..බලන්නකෝ..”

වින්ඩි අරුෂ්ගේ අතකින් අල්ල ගන්න ගමන් අරුෂ්ට තුරුලු වුණේ ආධ්‍යාත් බලන් ඉද්දී..හිතට ආපු කේන්තියටම ආධ්‍යා වින්ඩිව එහාට තල්ලු කලා.

“මේ වින්ඩි..තමුන් අරුෂ්ගේ නෑදෑයෝ වෙන්නෙ පුලුවන්..හැබැයි මතක තියා ගන්නවා ඒ මගේ හස්බන්ඩ්..ඕනෙවට වඩා එයාට ලං වෙලා මාව නරක ගෑනි කර ගන්න හදන්න එපා..මේ මං මෙහෙම කියන පළවෙනි වගේම අවසාන වතාව..ආයේ මං මෙහෙම කියන්නේ නෑ..”

වින්ඩි ආධ්‍යාට ගස්සගෙනම කාමරේට ගියේ ඇති වෙච්ච ලැජ්ජාවටත් එක්ක..අරුෂ්ගේ මූණ නං හිනාවෙන් පිරිලා තිබුණේ..කෙල්ල මුකුත්ම දැක්කේ නැති ගානට හෙමිහිට කුස්සියට ගියා..

“මං හිතුවා ආධ්‍යා..ඔය හිතේ මං වෙනුවෙන් පුංචිම හරි ඉඩක් ඇති කියලා..ඔයා ඒක හංගන්න හැදුවට හැමදාම එහෙම කරන්න බෑ මැණිකේ..වැඩි දවසක් යන්න කලින් මමම ඔය ආදරේ හැමෝටම පෙන්නන්නම්..මං ගත්ත තීරණේ වැරදි නෑ කියලා මට දැන් තේරෙනව..ජීවිතේ මෙච්චර සතුටු වුණ දවසක් නම් මට මතක ඇති කාලෙක නෑ..දෙවියන්ට ස්තූතියි මගේ ආදරේ ලබා දුන්නට..”

ආධ්‍යා යන දිහා බලාගෙන අරුෂ් එහෙම හිතුවේ කෙල්ල අරුෂ්ට ආදරෙයි කියලා දැන් ඇස් ඉස්සරහම ඔප්පු වුණ නිසා..ඒත් ආධ්‍යා ඒක නොකියා ඉන්නේ එයාගේ හිතුවක්කාරකමට කියන්න අරුෂ් දන්නවා..ඒ නිසාමයි කොල්ලා කල්පනා කලේ ඉක්මනින්ම ආධ්‍යාගේ ආදරේ එයාගේ කටින්ම කියවන ගන්න ප්ලෑන් එකක්..

❤️❤️❤️❤️❤️❤️❤️❤️❤️❤️❤️❤️❤️

දින කීපයක් ගෙවිලා ගියේ ආධ්‍යා වගේම අරුෂ් නිහඩවම දෙපැත්තට වෙලා ඉද්දී..ආධ්‍යාට ඕනේ වුණත් අරුෂ්ට යන්න එපා කියන්න කෙල්ලගේ හිත ඒකට ඉඩක් දුන්නේ නැහැ..උදෙන්ම ඔෆිස් එකට ගිය අරුෂ් වැඩි වෙලාවක් යන්න කලින්ම ආයේ ගෙදර ආවා..

“ආධ්‍යා..පොඩ්ඩක් එන්න..මට කතා කරන්න ඕනේ..”

කාමරේට වෙලා හිටිය ආධ්‍යා ඉක්මනටම පල්ලෙහාට ආවා..

“මෙන්න ඔයාට ඕනේ වුණ දේ..ඕව පුලුවන් වෙලාවක සයින් කරලා මට දෙන්න..”

“මොනවද මේ..”

“ඩිවෝස් පේපර්ස්..”

යන්තමට ඇස් වලට කදුලු මතු වෙද්දී අරුෂ් ඉක්මනට එතනින් යන්න ගියේ ආධ්‍යාගෙන් මූණත් සගවගෙන..

ආධ්‍යාට මේ හැමදේම කාටම හරි කියලා හිත නිදහස් කර ගන්න ඕනේ වුණත් කියන්න තරම් කෙනෙක් මේ ගෙදරවත් හිටියේ නැහැ..ගෙදරටම වෙලා ඉන්න එක හිතට වදයක් නිසා කෙල්ල කැෆේ එකට යන්න ලෑස්ති වුණා..

“මොකද ආධ්‍යා..මේ..ලෙඩ වෙලාද..මූණත් එක්කම මැලවිලා..”

“එහෙම දෙයක් නෑ විනූ..කෝ හර්ෂි නැද්ද..”

“හර්ෂි මැඩම් ගෙදරට ගිහින් එන්න ගියා..කෝල් එකක් දුන්න නම් එයි..”

“ඕනේ නෑ විනුවෝ..මං ඉන්නං එයා එනකම්..”

කැෆේ එකෙන් එලියට බැහැලා බීච් එක පැත්තට යන ගමන් ආධ්‍යා කල්පනා කලේ මේ වෙලාවේ ගන්න හොදම තීරණය මොකක්ද කියල..

“එයාට මගෙන් අයින් වෙන්න ඕනේ නං ගියපු දෙන්..මං බලෙන් අල්ල ගත්තේ නෑනේ..එයාමයි ආවේ එයාමයි යන්නේ..මං හිටිය තැනමයි..ඉස්සරහට මීට වඩා ප්‍රශ්න එයි..අම්මලා වුණත් මං වැරදිකාරයෙක් විදියට දකී..අරුෂ් හැමදාම කලේ මගේ සතුට මගෙන් උදුර ගන්න එක විතරයි..කමක් නෑ..මටම කියලා ජීවිතයක් කොහේ හරි ඇති..”

ලොකු කල්පනාවක හිටිය නිසා හර්ෂි ලගට එනකම්ම ආධ්‍යා දැක්කේ නැහැ..

“කෙල්ල බර කල්පනාවක වගේ..”

“දැන්ද ආවේ බං..කල්පනාවක් නෙවෙයි..කාලෙකින්නේ බීච් එකට ආවේ..ආස හිතුනා..”

“උඹට බෑ ආධ්‍යා මගෙන් කිසිම දෙයක් හංගන්න..මං පොඩි කාලේ ඉදන්ම උඹේ යාලුවා..”

ආධ්‍යා සද්ද නැතුව ඔලුව බිමට බර කර ගත්තේ හර්ෂිට බොරු කියලා තේරුමක් නැති නිසා..

“මෙච්චරයි කෙල්ලේ මං උඹට කියන්නේ..උඹ හිතුවක්කාරයි..කිසි කෙනෙකුගේ දෙයක් පිලිගන්න කැමති නැහැ..කාටවත් යටත් වෙන්න කැමතිත් නැහැ..හැබැයි අමතක කරන්න එපා උඹ දැන් මැරි කරලා ඉන්නේ කියලා..අනිත් මිනිස්සුන්ට දාන පාට් ඒ කොල්ලට දාන්න යන්න එපා..එහෙම කරද්දී ඕනම කොල්ලෙක්ට එපා වෙනවා..”

“මං කාටවත් යටත් වෙලා ඉන්නේ ඇයි හර්ෂි..”

“ජීවිතේ සමහර තැන් වලදී එහෙම කරන්න වෙනවා..අනික කසාදයක් කියන්නේ තනියම අරන් යන්න පුලුවන් දෙයක් නෙවෙයි ආධ්‍යා..ඒකට දෙන්නගේම උදව් ඕනේ..”

“අපි ඩිවෝස් වෙනවා බං..මට තේරෙන්නේ නැහැ මේ මගුල්..එපා වෙලා ඔක්කොම මට..”

“මේ අහපන් ආධ්‍යා..ඩිවෝස් වෙන එක ලේසියි..එක අත්සනකින් ඔක්කොම ඉවර කරන්න පුලුවන්..හැබැයි බැදීමක් කඩන එක ලේසී නෑ..ඌ උඹව ආදරයක් නැතුව කසාද බැන්දා නෙවෙයිනේ..මොකක්ම හරි හැගීමක් තියන නිසා තමයි අරුෂ් උඹව බැන්දේ..අනික උඹගේ හිතේ වුණත් කොල්ලා ගැන පොඩි හරි හැගීමක් නෑ කියන්න බෑනේ..නේද..”

“මං දන්නේ නෑ..මට තනියම ඉන්න පුලුවන්..ඉස්සර හිටියා වගේ..”

“ඉස්සර හිටිය කෙනා නෙවෙයි ආධ්‍යා දැන් ඉන්නේ..කසාදයක් කඩා ගන්නවා කියන්නේ හොද දෙයක් කියලා හිතන්න එපා..දේවිකා ආන්ටිලා වුණත් මේ දේවල් නිසා අසරණ වෙයි..”

මුකුත්ම නොකියා ආධ්‍යා හර්ෂි කියන දේවල් අහන් හිටියේ ඒ කතාවෙත් ඇත්තක් තියන නිසා..

“අනිත් එක ඕනේම මනුස්සයෙක්ගේ වැරදි තියනවා..උඹ වුනත් සර්වසම්පූර්ණ නැහැනේ..නේද..අවස්ථාවක් දීලා බලන්න ඕනේ මිනිස්සුන්ට හැදෙන්න..මං කියන්නේ තව එක අවස්ථාවක් අරුෂ්ට දෙන්න කියලා…සමහර විට කොල්ලා උඹ හිතනවා වගේ නොවෙන්නෙත් පුලුවන්..ඌ උඹට ආදරේ ඇති..ඒක පෙන්නන්න උඹ ඉඩක් දෙන්නේ නැතුව ඇති..ප්‍රශ්න එනවා..දෙන්නා දෙපැත්තට නොවී ඒවා විසද ගන්න බලන්න..”

ආධ්‍යාගේ ඔලුවත් අතගාලා හර්ෂි ආයේ කැෆේ එකට ගියේ කෙල්ලට ටිකක් තනියම ඉන්න දෙන්න ඕනේ නිසා..පැය ගාණක්ම මුහුද දිහා බලන් ඉදලා ආධ්‍යා එතනින් ආවේ හිතේ බර ටිකක් සැහැල්ලු කරගෙන..රෑටත් කැෆේ එකෙන්ම බන් එකක් කාලා කෙල්ල ගෙදර ආවේ අරුෂ් නැතත් අම්මා බය වෙලා කෙල්ලව හොයන නිසා..
—————————————————————————-

ගොඩක් රෑ වෙනකම්ම අරුෂ් ආවේ නැති නිසා ආධ්‍යා නිදා ගන්න ආවත් කෙල්ලට නිදා ගන්න බැරි වුණේ දරාගන්න බැරි තරමේ ඔලුවේ කැක්කුමක් තිබුණ නිසා..පොඩි කාලේ ඉදලම තියන ඔලුවේ කැක්කුම කාලයක් තිස්සේ නැති වෙලා තිබුනත් අද ආයෙම ඉස්මතු වෙලා..ඇදේ එහාට මෙහාට පෙරලි පෙරලි හිටියත් නින්ද නම් අහලකටවත් ආවේ නැහැ..එක එක තෙල් වර්ග බාම් වර්ග කෙල්ල ඔලුවේ ගෑවත් වැඩි වෙනවා මිසක් පොඩි අඩු වීමක්වත් වුණේ නැහැ..