හදවතක් නැති නුඹ ලග…
කෙසේ නවතින්නද මම..
සියුමැලි මලක් නුඹ…
තලා රොන් ගත්ත බඹරෙකු ලෙසින් නුඹ…
දැනෙන්නේ මට….

“ශික්…මොන කරුමයක්ද මන්දා මේ..මේකා ඒ පාර මොනවා කරන්න හදනවද මන්දා..එක පාරක් මගේ ජීවිතේම කෑවා..දැන් ආයේ ඇවිල්ලා..මේ කසාද මගුල කර ගන්නවට වඩා හොදයි වලක් කපන් ඒකේම වැලලෙනවා..”

ආධ්‍යා කැෆේ එකට වෙලා කල්පනා කලේ අරුෂ්ගෙන් බේරෙන්න විදියක්..වෙනදා වගේ කිසිම අදහසක් ඔලුවට එන්නේ නැති වෙනකොට කෙල්ලට පිස්සු වගේ..

“මොනවද බං මේ වෙන්නේ..උඹට කොල්ලෙක් ඉන්නවා කියලා උඹේ හොදම යාලුවා වෙච්ච මටවත් කිව්වේ නෑනේ..”

“මොනවද හර්ෂි කියවන්නේ..මං ඌව දන්නේ නෑ..”

හර්ෂිට වුණත් ඒ ඉන්නේ අරුෂ් කියලා කියන්න ආධ්‍යා බය වුණා..

“පලයන් යන්න බොරු නොකියා..වෙඩින් එකත් ප්ලෑන් කරලා ඉවර වුණාම තමයි අපි දන්නේ..”

“මේ හර්ෂි..වැඩක් බලා ගනින්කෝ..මගේ යකා අවිස්සන්නේ නැතුව..”

හර්ෂි කටවහගෙන කැෆේ එක ඇතුලට ගියේ දැන්නම් ආධ්‍යාට හොදටම මල පැනලා කියලා දැනුන නිසා..

———————————————————————————
“දරුවෝ..ඔය නිදා ගත්තා ඇති..අර ළමයා මග එනවත් ඇති දැන්..”

“අම්මා..හර්ෂිට කියන්න මට අද එන්න බෑ කියලා..තව නිදිමතයි..”

“පිස්සුද දරුවෝ..අරුෂ් පුතා එනවා කිව්වනේ අද වෙඩින් ඩ්‍රස් එක බලන්න යන්න..කෝ..කෝ..ලෑස්ති වෙන්න ඉක්මනට..”

“දැන් එයා එක්ක මං යන්න ඕනේද අම්මා..”

ආධ්‍යා මූණත් ඇද කරන් දේවිකාගෙන් එහෙම ඇහුවේ මේ දේවල් වලට කිසිම කැමැත්තක් කෙල්ලගේ හිතේ තිබ්බේ නැති නිසා..

“අර..ඒ දරුවා ආවද කොහෙද..යන්න දරුවෝ..ඉක්මනට ලෑස්ති වෙන්න..”

අරුෂ්ට හිතින් බැන බැන ආධ්‍යා කලුපාට එක්ක සුදු මිශ්‍ර වෙලා තිබ්බ දිග ගවුමක් ඇදන් ඉක්මනට පහළට ආවේ පරක්කු උනාම තවත් කතා අහ ගන්න වෙන නිසා..

———————————————————————————

“ආධ්‍යා..තමුසේ මේකට කැමති නෑ කියලා මං දන්නවා..හැබැයි මේකත් මතක තියා ගන්නවා..දැන් තමුසේ ඉන්නේ වෙන කොල්ලෙක් එක්ක යන්න පුලුවන් තත්වෙක නෙවෙයි..”

“මෙහෙම දෙයක් වුණ ලෝකේ ඉන්න පළවෙනි කෙල්ල මම නෙවෙයිනේ..නේද..”

“වෙන්න පුලුවන්..හැබැයි තමුසෙට වෙන එකෙක් ලගට යන්න දෙන්නේ නෑ මං..”

“මගෙන් පලි ගත්තා මදිද අරුෂ්..මාව කසාද බැදගෙන තවත් මොනවද කරන්න හදන්නේ..”

“වෙච්ච වැරැද්ද හදන්නයි හදන්නේ මං..”

“අපි දෙන්නා බදින එකේ තේරුමක් නෑ..මෙහෙම කසාදයක් වැඩකුත් නෑ..”

“තමුසෙට වැඩක් නැති වුණාට මට වැඩක් තියනවා..කට වහන් ඉන්නවා ඒ නිසා..”

“මේකාට මේවා කියනවට වඩා හොදයි ගලක් පිටේ බැදන් මුහුදට පනිනවා..අම්මපා..”

“මේ ආධ්‍යා මං තමුසෙට කියලා තියනවා මුමුණන්නේ නැතුව කියන දෙයක් කෙලින් කියන්න කියලා..මගුල..”

“නෑ…නෑ…මුකුත් නෑ…”

දෙන්නා එක්ක දවස පුරාම ඇවිදලා ඇදුම්,සැලෝන් වගේම තව ඕනේ කරන ගොඩක් දේවල් කර ගත්තා..ආධ්‍යාගේ උනන්දුවක් නැති වුණත් අරුෂ් හැමදේම හොදට හොයලා බලලා කළා..

“ආධ්‍යා..හොදට මතක තියා ගන්නවා..තමුසේ කරන කිසිම දෙයක් නිසා කාගෙවත් හිත රිදෙන්න බෑ..මේ කසාදේ නතර කරන්න මොනවම හරි කරන්න හැදුවොත් මං ඒකත් බලා ගන්නම්..”

අරුෂ් එහෙම කිව්වේ ආධ්‍යා මොකක්ම හරි දෙයක් කරයි කියලා කොල්ලට හිතුන නිසා..ඒ නිසාම කලින් දැනුම් දීමක් කරලා තියන එක හොදයි කියලයි අරුෂ්ට හිතුනේ..
️️️️️️️️️️️️️️️️

❤️❤️❤️❤️❤️❤️❤️❤️❤️❤️❤️❤️❤️

ලැගුම් ගන්නට මගේ හිතේ…
ඔය හිතට නම් බැහැ අනේ…
දරුණු හිතක් ඇති නුඹ වගේ…
ආදරයක් පතන්නේ කෙසේ…
කියා දෙනවද නුඹ අනේ…
සුදු සේල දවටා සැරසුනත්…
මනාලියන් මෙන්…
කදුලු පමණයි සිතුනා මට
හැම දිනේ…..

විවාහයට දින ලංවෙත්ම ආධ්‍යා සිටියේ හරිම කලබලයෙන්..හෙට සිට ඇයගේ ජීවිතයට කුමක් වෙයිද කියා ඇයවත් නොදන්නා ලෙසට හැමදේම සිදුවෙමින් පැවතුනා..

එහෙත් අරුෂ්ට තිබුනේ ඊට වඩා වෙනස් හැගීමක්..කැෆේ එකේ වෙච්ච දේට කෙල්ලට දුන්න දඩුවම වැඩී කියල නිතරම ඔහුගේ හිත කිව්වා..ඒ නිසාමයි අරුෂ්ට ඕනේ වුණේ ආධ්‍යාට සාධාරණයක් කරන්න..ආදරයක් නොතිබුණත් එදා වෙච්ච දෙයින් පස්සේ අරුෂ්ට කෙල්ලව නිතරම මතක් වෙන්න ගත්තා..

——————————————————————————–

අද තමයි ආධ්‍යාගෙයි අරුෂ්ගෙයි වෙඩින් එක..රට ඉදලා ආපු ආධ්‍යාගේ තාත්තා නං කෙල්ලට ආපු යෝජනාව ගැන බොහොම සතුටින් හිටියේ..

උඩරට මනාලියක් විදියට සැරසිලා ඉන්න ආධ්‍යා දිහා බලන ඕනෙම කෙනෙක්ට හිත ඇදිලා යන තරම් ලස්සනක් අද ආධ්‍යාගෙන් පේනවා..තාත්තගේ අතින් අල්ලන් ලැජ්ජාවෙන් හෝල් එකට ආපු ආධ්‍යා හොරෙන් බැලුවේ අරුෂ් දිහා..කෙල්ලෙක්ගේ හිත එක බැල්මකින් හොරකම් කර ගන්න තරම් කඩවසම් බවක් ඔහුගේ තිබුනා..

අරුෂ් ආධ්‍යා දිහා බලන් හිටියේ හරි ආඩම්බරයක් හිතේ පුරවන්..මොනවා වුණත් තමන්ගේ තේරීම නම් සීයට සීයක්ම හරි කියල තමයි ඔහුට හිතුනේ..යාලුවෝ ටික නම් බලන් හිටියේ උන් හිටි තැන් අමතක වෙලා වගේ..මොකද එදා වුණ සීන් එක හැමෝටම හොදට මතකයි..

මුලු දවසක්ම ඔසරියක් පටලගෙන මිනිස්සු අතරේ හිනාවෙවී හිටියට ආධ්‍යාට නම් මේක ලොකු හිසරදයක් වෙලා තිබුණේ..ඒ නිසාම තමයි හොටෙල් එකට ආව ගමන්ම බාත් රූම් එකට රිංගගෙන හිතේ හැටියට නා ගත්තේ..

“මේ..තමුසේ ඕක ඇතුලෙම ඉන්නද කල්පනාව..මටත් වොශ් එකක් දා ගන්න ඕනේ..එනවකෝ එලියට..මල වදේ..”

“පොඩ්ඩක් ඉන්නවා අඩා වැටෙන්නේ නැතුව..තමුසේ වගේ විනාඩියට දෙකට නාලා පුරුදු නෑ මට..”

“හප්පෝ…අපි නොදන්න කෙල්ලන්ගේ නෑම..”

දෙන්නට දෙන්නා පරදින්න නම් කැමති නෑ..හැබැයි ආධ්‍යාගේ මේ කටකාරකමට අරුෂ් කැමති වුණා..

නාගෙන එළියට එනකොට ආපු කෑම සුවද නිසා ආධ්‍යාට කොහෙද ඉන්නේ කියන එකත් අමතක වුණා..ඉක්මනින් කෑම බෙදාගෙන කෙල්ල කන්න ගත්තේ දවසෙම හරියට කෑමක් කන්න බැරි වුණ නිසා..

“වාසනාවන් මෙහෙමත් බිරින්දෑවරු..”

“ඈහ්හ්හ්හ්…මේ උණහපුලුවට මොනව වෙලාද ඒ පාර…”

“මේ ආධ්‍යා..තමුසෙට මතකද අපි දෙන්නා අද කසාද බැන්දා කියලා..”

“හ්ම්ම්ම්..”

“එතකොට මං හස්බන්ඩ් කියල දන්නවද..”

“හ්ම්ම්ම්ම්..”

“කොයි රටේද යකෝ මිනිහට නොදී ගෑනී බැදපු දවසෙම තනියම කන්නේ..”

“මේ කන්නේ ඉතින් මං..තමුසෙටත් ඕනේ නං තව පොඩ්ඩක් ඇති ඒක කනවා..මට මේ ඇති..”

අරුෂ් ඇස් ලොකු කරන් බලන් හිටියේ දවස් ගානක් බඩගින්නේ හිටියා වගේ කෙල්ල කන කෑම දිහා..ඒ දගකාරකම් වලට හිත යටින් ආස කලත් කෙල්ල ඉස්සරහ ඒක පෙන්නන්න ඔහු කැමති වුණේ නැහැ..

“මේ ඉක්මන්ට කාලා ලයිට් නිවනවකෝ හස්බන්ඩ්…මට පට්ට නිදිමතයි..”

“මොන මගුලක්ද ඕයී මේ…තමුසේ පස්සේ නිදා ගන්නවා..ඊට කලින් වැඩ තියනවා..”

“ආහ්හ්..ඒව කසාදෙටත් කලින්ම කරානේ ඔයා..ඒ නිසා අද සැනසීමේ නිදා ගන්න..”

ආධ්‍යා එහෙම කිව්වේ අරුෂ් දිහා බලලා නෝන්ඩියට වගේ..

හරි නිදා ගන්නවකෝ..නිදි කරවන්නං මං අද කුමාරිහාමිව..තාම දන්නේ නෑ මේ අරුෂ් කවුද කියල..

කොල්ලා එහෙම හිත හිත කෑම කෑවේ නිදාගන්න සැරසෙන කෙල්ල දිහා බලාගෙන..

“ඒ..මේ…ආධ්‍යා..තමුසේ දන්නවද අවුරුදු ගානකට කලින් මේ හොටෙල් එකේ වෙච්ච සීන් එකක්..”

“හෙට උදේට කියනව හලෝ ඕක…මට දැන් නිදිමතයි..”

“අහලම නිදා ගන්නවකෝ මේක..කපල් එකක් හනිමූන් එකට මේකට ඇවිල්ලා..කොල්ලා ටිකක් නපුරුයිලු..බලෙන් වගේ තමයි කෙල්ලව බැදලා තියෙන්නේ..”?

ආධ්‍යා අරුෂ් ඉන්න පැත්තට හැරුනේ කතාව රසවත් වගේ හිතුණ නිසා..

“ඉතින්..”

“කෙල්ල ටිකක් හිතුවක්කාරයි..කොල්ලට සද්දේ දාලා තමුසෙව මං නැති කරනවා මාව බලෙන් බැන්ද එකට මං පලි ගන්නව වගේ දේවල් කියලා..ඕකට කොල්ලට ටිකක් තද වෙලා කෙල්ලගේ මූණට කොට්ටයක් තියලා තද කරලා..”

ආධ්‍යා ඇස් ලොකු කරන් කතාව අහන් ඉන්න විදියට අරුෂ්ට හිනා යන්න ආවත් ඒක පාලනය කරගෙනම කතාව කියන්න ගත්තා..

“ටිකක් වෙලා යනකොට කෙල්ල හෙල්ලෙන්නෙවත් නෑලු..බලනකොට කෙල්ල මැරිලා..පස්සේ කොල්ලට ඕකට දුක හිතිලා ඌත් බෙල්ලේ වැල දාගෙන..”

“ඇයි හලෝ තමුසෙට මේ හොටෙල් එකටම එන්න ඕනේ වුණේ..ශික්..”

“අහනවකෝ මේකේ හොදම ටික..හනිමුන් වලට එන කපල් වලට ඌ හොල්මනක් වෙලා ඇවිල්ලා වද දෙනවලු..විශේෂයෙන් කෙල්ලන්ට..”️️

“අනේ මගුලේ හොල්මන්..කාලා ඉවර නං ඇවිල්ලා නිදා ගන්නවකෝ..නැත්තං උගේ ගෑනි ඇවිල්ලා තමුසෙව අරන් යයි..”

ටිකක් විතර හිත ගැස්සුනත් ආධ්‍යා බය වුණා කියලා කොල්ලා ඉස්සරහ පෙන්නන්න ගියේ නෑ..

“හා..හා..මං සැටියෙන් නිදා ගන්නං..තමුසෙගේ මූණ බලන් ඕකේ නිදා ගන්න බෑනේ..”

“මේ අරුෂ්..ඇදේ ඉන්නව..ඕකේ නිදා ගන්න බෑනේ..ටිකක් එහාට වෙලා ඉන්නව හැබැයි..”

“ඇයි..මොකෝ අරූ එයි කියලා බයේද..”

අරුෂ් හිනාවෙන ගමන් එහෙම ඇහුවේ කෙල්ලව තවත් අවුස්සන්න හිතාගෙන..ගස්සලා එහා පැත්ත හැරුන ආධ්‍යා කල්පනා කලේ ඇත්තටම එහෙම දෙයක් මේ හොටෙල් එකේ වුණාද කියලා..