04 දිගහැරුම

“උඹ කෝල් ගත්තෙ කාටද? මං කිව්වේ මස් ගෙනත් උයන්න කියලා නේද ?”

“අහ්  ග්..අහ්..ආඅ..ආ…ම ම ම.” හුස්ම ගැනීමට අපහසු වූ  මැණිකා ඇගේ උගුරු දණ්ඩ හිර කරමින් තිබූ දුන්‍යාගෙ අත් දෙක ඉන් ඉවත් කිරීමට උත්සහ කරා ය..

…………………….

“කියපන් ගෑනියේ..!”

“ඌ..හ්..ආ..හ්..අ අතා..රින්න.. ලො..කූ.. මාගෙ… බෙල්..ල ..අ..හ්.. ම මමන්..කියන්න..ම්..” දුන්‍යාගේ ග්‍රහනය මදක් බුරුල් ඌ සැණින් ඇය වචන ගැලපුවා ය.

“..කියපන් .. තෝ කාටද කතා කරේ..?” යි කියමින් දුන්‍යා ඇයව තල්ලු කරාය..

“ම…මං කතා ක කලේ තාත්තා ට පු තේ.. දැන් එනවා නෙ..ම මස් ගේන්න කීව්වා….”

“හ්ම්..පලයන් කුසියට.. උබ මට බොරු කරලා අහු වෙන්න එපා”

මැණිකා බයේ ගැහෙමින් නැගිට කුසියට ඇදුනේ දුන්‍යාගෙ පෙනුම ඉතා රව්ද්‍ර හෙයින් ඇයට අවනත වීම නුවණට හුරු හෙයිනි.දුන්‍යා කාමරයට යනවා ඇයට පෙනුණි. ඇය කුසියට වෙලා සිතිවිල්ලේ කහ පීරිසිය සූදානම් කලේ කට්ටඩි මහතා කියූ කලමනා දුන්‍යාට නොදැනෙන්න ඒ මත තබමිනි.

දුන්‍යා ඇගේ කාමරයට ගිය වහාම යම් සුවඳකට ඉව අල්ලමින් මෙන් හැරී ගියේ නැගණියගේ කාමරයටය. ඇය එහි දොරෙන් බැලූ විට දුටුවේ රසවත් ආහාරයකි. කෑදර ලෙස තොලකට ලෙව කමින් ඒ දෙස මොහොතක් බලා සිට එක්වරම ඇය පිම්මක් පැන්නේ ජනේලය අසල කිටීව හුරතල් කරමින් සිටි නිත්‍යා වෙතය.දුන්‍යාගෙ නියපොතු පාරට දැඩි වේදනාවක් දැනුණ නිත්‍යා යටිගිරියෙන් කෑ ගැසුවේත් ඇගේ අතේ උන් සුරතල් කිටී කෑ ගැසුවේත් එකට ම ය.ඒ හඬ ඇසුන මැනිකාට දෙලොව රත් විය.තම ලොකු දියණිය ගැන කල්පනාවෙ සිටි ඇයට මොහොතකට පොඩි දුවව අමතකව තිබිණි. ඇය හඬ ආ දෙසට ගියා නොව ඉගිල්ලුනාය.එක්වරම තමා දැක දොර වෙත එන පොඩි දුවව දුටු මැණිකා සිහිසුන් වෙන්නට ආසන්න විය.

නිත්‍යාගෙ සිරුර පුරාම විසිරුන රුධිරය විය.ඇය
අත වූයේ තමා බෙහෙවින් ආදරය කල සුරතලාගේ ඇඟ පමණි.උගේ ඔලුව තිබුනේ දුන්‍යාගෙ කටේය.කට දෙපසින් වැක්කෙරෙන
රුධිරය දිවෙන් රස කරමින් ඇය බීවේ ඉතා පෙරේත ලෙසය. ඇයගේ පෙනුම විරූපී වී තිබුණේ බැලීමටවත් නොහැකි තරම් භයානක ලෙස ය.

බයේ දුවන්නට වත් නොහැකිව සුරතලාගෙ ඇග අත්වලටම හිර වී බලා සිටි නැගණියගේ අතින් කිටී ගේ ඉතුරු කොටසත් දුන්‍යා උදුරා ගත්‍තා ය.
එහි කකුලක් කඩා කටේ ඔබාගත් දුන්‍යා පුංචි කෙල්ලගෙ අතේ සීරුමෙන් මතු උන ලේ බිංදු ඇඟිල්ලෙන් ඇරගෙන රස බැලුවාය ..මිනිස් මස හා රුදිරය සියලුම මාංශ වල රුදිර වල රසයට වඩා ඉතාමත් මිහිරි ය.රස ය. ඒ රසයට වහවැටුණු ඇය පූසාව විසිකර විසි කර නිත්‍යා ලඟට වඩාත් කිට්ටු වූයේ කුමටද යන්න වැටහුණු මැනිකා වහාම නිත්‍යා ගේ අතින් අල්ලා ගෙන එළියට දිව්වා ය.

කිසි දෙයක් නොවැටහුණු නිත්‍යා හඬමින් මේස පුටුවල පුටු වල හැපෙමින් ද ඇයට හැකි උපරිම වේගයෙන් දිව්වා ය.තම රසවත් ගොදුර තමාගේ ඈතට යනු දැක දුන්‍යා වඩාත් රව්ද්‍ර ලෙස වෙනස් වුනා ය.ඇගේ සිරුර තරමක් විශාල විය. ඇස් ගෙඩි දෙක රතුවන්ව ඉලිප්පිනි.’දීපන් මගේ මස් කුට්ටිය! ඕකිගෙ ලේ හරි රසයි. දීපන් දීපන් මට දීපන්..’ යැ යි කියමින් දුන්‍යා කෑ ගසන හඬ වඩාත් ගොරෝසු ලෙස අසල්වැසියන් ට ඇසිණි..

තමාගේම නැගණිය සහ මව පිළිබඳ වෛරයකින් ඔවුන් පසුපස හඹා ආ දුන්‍යාව ගේ තුළ සිරවන සේ සාලයේ දොර වැසූ පොඩි මැනිකා හැකි තරම් හයියෙන් කෑ ගසමින් උදව් ඉල්ලමින් පාර දෙසට දිව්වා ය …එහෙත් මෙවන් අද්භූතජනක අවස්ථාවක දී තමාගේ ජීවිතය ආරක්ෂා කර ගන්නවා විනා අනෙකකු දෙස බලන්නට සිතා නැති බව බාගෙට ඇරුණ ජනෙල් දොරවල් වලින් එබී බලන අසල්වැසියන්ගෙන් පැහැදිලි විණි. . නමුත් මොවුන්ගේ පිනකට එවෙලෙහි කපු මහතා තම අතවැසියා සමඟ එහි පැමිණිම මහත් අස්වැසිල්ලක් විය.වටේට කැරකෙන කොළරොඩු හා දුහුවිලි අතරින් අපහසුවෙන් නිවසට ලං වූ ගුරුන්නාන්සේ දුම්මල මතුරා දුන්‍යාගේ ඇඟට ගසා තව මන්තර කීපයක් ද මතුරා ඇයව නැවැත්වී ය.

සියල්ල සන්සුන් විය.දුන්‍යා සාලය මැද සිහිසුන්ව සිටියා ය. අසල්වැසියන් ද ටික ටික ඔවුන්ගේ නිවසට කිට්ටු විය. නිත්‍යාත් මැණිකාත් දරාගන්නට අපහසු හැඟීම් සමුදායකින් හෙම්බත්ව ඔහේ බලාගෙන සිටියා ය.මේ වන විට රාජා නිවසට ආවේ අසල්වැසියන්ගෙන් ඇමතුමකින් සිද්ධිය දැනගෙන ය. ගුරුන්නාන්සේ නිවැසියන්ගේ ඉනේ ආරක්ෂාවල් බැඳ ආතුරයාට ඇප නූලක් දමා ඉඩමේ කොන් සතර ආරක්ෂාවල් දැමී ය.

“මේ දැරිවිට දරුණු අමනුෂ්‍ය ආත්මයක් ඇතුළු වෙලා.අයින් කරන එක ලේසි පාසු කාරණාවක් නොවෙන හැඩයි පෙනෙන්නේ. මේ දාපු ඇප නූල වරු තුනක් වලංගුයි. ලබන සතියේ කෙම්මුර බදාදාවේ තොවිලයක් සූදානම් කරා නම් හොදයි”

උගුරේ රැල් බුරුල් හැර ගුන්නාන්සේ කීවෙව් ය.

“එහෙමයි. මං සූදානම් කරන්නම් ගුරුන්නාන්සේ” රාජා එය පිලිගත්තේ ය.

“හ්ම්..හොඳා.මේ ඇප නූල කඩින් කඩ අලුත් කරන්න වෙයි.මේ කාරණාව බරපතළ බවක් පේන නිසා මට වඩා දක්ෂ මගේ ඇඳුරුතුමාව ගෙන්නලා කටයුතු කරන එක හොඳයි කියලා මට හිතෙනවා. එතකං ඇප නූල දැරිවිගේ ඇඟෙන් අයින් වෙන්න ඉඩ තියන්න එපා.ආයෙමත් සැරයක් නිවැසියන්ට කරදරයක් වෙන්න ඉඩ තියෙනවා අයින් කරොත්.”

එසේ කියූ ඔහු තොවිලයට ඕන කරන බඩු ලැයිස්තුවක් ලියා දී නිවසින් පිටවිය.එදින පුරාම දුන්‍යා කාමරයට වැදී නිදා ගත් අතර නිවැසියන්ට කරදරයක් නොවීය.තම දියණියට වූ කරදරය ගැන මහත් සේ දුක් වූ නිවැසියන් සමඟ ගමේ උදවිය ඇවිත් කතා බහ කළේ ය. සමහරු නම් පැමිණියේ වූ කරදරය විමසනු කෙසේ වෙතත් දුන්‍යා පිළිබඳව ඔත්තු බැලීමට බව රාජාට තේරුණ නමුත් හේ කිසිත් නොකී ය. මැණිකා ගම්මු අසන දේට කඳුළු වගුරුවමින් ඇයට කියාගතහැකි අයුරකින් පිළිතුරු දුන්නා ය. නිත්‍යා මවගේ අසලම දැවටී සිටියේ ඇති වූ බිය නිසාම ය.වැසිකිළියට පවා ඇතුල්වී දොර වසා ගැනීමට ඇය බිය වූවා සේම මව හා පියා සමඟ මිස අන් අයකු හා කතා නොකළා ය.

ඉතා නිහඬ හෝරා කීපයකට පසු නිත්‍යා ට බලෙන්ම බත් කටවල් කිහිපයක් කැවූ මව්පියන් නිදි යහනට ගියේ කුසගින්නේ ය. තමාගේ වැඩිමල් දියණිය කරදරයක වැටී වැතිර නිදද්දී කුස පුරවා ගන්නට දාරක ස්නේහය ඇති මව්ව්පියන්ට නොහැකිබව අමුතුවෙන් කිවයුතු නැත.ඔවුන් තිදෙනාට පමනක් සෙමෙන් ඇසෙන සේ රේඩියෝවෙන් දැමූ පිරිත් සජ්ජායනය මද්‍යයේ දුන්‍යා පිළිබඳව වූ වේදනාවෙන් කඳුළු අතරින් සිහින් හඬින් කතා කර කර සිටි රාජාත් මැනිකාත් මැදියම ආසන්නයේ නින්දට වැටුනේ ඔවුන්ටම නොදැනුවත්ව ය.

දුන්‍යාගෙ නිවස මෙසේ ගිනිගෙන තිබෙන විට නෙතුන්ගේ නිවසේ තත්වය නම් සාමාන්‍ය ලෙස පෙනුණි.ඒ පිළිබඳව ගමේ ඈයන්ගේ රහස් මුණු මුණුව තුල සත්‍ය මෙන්ම අස්ත්‍යද ඔච්චම් කරන්නට විය. කිසිවෙක් කිසිවක් කීවද නෙතුන් තුල දුන්‍යා පිළිබඳව වූ මතකයට වූ දෙය දන්නේ නිලමේ පමණි. දුන්‍යා පිළිබද ව වන සිදුවීම් වලට කුමාරි දුක් වූව ද ඇයට කලහැකිවක් නොවී ය.කිසිවිටෙකත් තම සැමියාට ඉහලින් යාමට හෝ ඔහුව ප්‍රශ්න කිරීමට කුමාරි උත්සහ නොකලේ ඔහුගේ තරම දන්න බැවිනි. නිලමේ සිටියේ සඟවාගත් සිතුවිලි පිරි මුහුන ගම්මුන්ගෙන් සඟවන්නට තැත් කරමිනි.
………………………………..

රාත්‍රී දොලහේ කණිසමට ඇහැරුන දුන්‍යාට තමාගේ කන් දෙක රත් කරමින් ඒ දැවීමක් ඇතුලු වනු දැනුනි. හී ගසක් මෙන් ඇදමත් ඉදගත් ඇය ඉතා අපහසුවෙන් ඇඹරෙන්නට විය. කෙටි හුස්ම කීපයක් එක ළඟ ගත් ඇය විදිල්ලක් මෙන් නැගිට සාලය වෙත ගොස් රේඩියෝවේ විදුලි සම්බන්ධතාව බිඳ හෙලී ය. තද නින්දේ හුන් නිවැසියන් ට එය නම් නෑසුණි.

රාජාගේ අත වැදී හිස ආසන්නයේ තිබූ රේඩියෝවේ හඬ තරමක් වැඩි වී තිබිණි. පිරිත් ශ්‍රවණය වීම නිසා වඩාත් දරුණු වූ අදෘශ්‍යමාන හස්තය දුන්‍යාගේ මනස මෙහෙයවන්නට විය. කෙසේ හෝ ඔහුගේ වෑයමට සාර්තක වන බව පෙනුණි.කාමරය සිසාරා බඩු ඇද දැමූ දුන්‍යා ලාච්චුවක තිබී පරණ කතුරක් සොයාගත්තා ය.එයින් ඇප නූල කපාගත් ඇය වියරු සිනහවකින් මුව සරසා ගෙන “අම්මේ අම්මේ”යි කියමින් මැණිකා ඇමතුවේ බොහෝ අපහසුවෙන් මෙනි. සද්දයට අවදි වූ මැණිකාට පිරිත් හඬ ගැන වගතුවක් නැති ය. දුන්‍යා සිටි කාමරයට ගොස් දොර හැරි ඇය දියණිය වෙන ගියාය.මැණිකා එන බව ඇසුන විගස දුන්‍යා සැනෙකින් ඇදට වැටී වඩ වඩාත් කෙඳිරි ගෑවේ ඇගේ දුර්වලකමින් ප්‍රයෝජනයක් ගැනීමට බවද මැනිකා නොදත්තා ය.