#කතෘ අවසරයකින් තොරව උපුටා ගැනීම සපුරා තහනම්

අටවෙනි දිනය
____________________________________________________________________________________________

දෙයියනේ අවුරුදු අසූවකට කලින් අපේ ස්කූල් එකේ ළමයි හය දෙනෙක් අතුරුදහන් වෙලා.. දවසින් දවස…

කොහොමද දෙයියනේ එහෙම වෙන්නේ..?? දැනටමත් අපේ තුන් දෙනෙක් අතුරුදහන් වෙලා..

එහෙනම්… මේකමද එදත් වුණේ..??

“මේ අහන්න ෆැනී.. ඔයා ඔහොමම බලන්න අත්භූත විදියට මැරුණු මිනිස්සු හයදෙනෙක් ගැනත් නිවුස් එකක් තියෙද කියලා..”

“හරි රුකී..”

හැබැයි එහෙම වුණොත් අභිරහසෙන් බාගයක් විසඳෙනවා.. එතකොට තියෙන්නේ එක ප්‍රශ්නයයි.. හේශ් මේකට සම්බන්ධ වෙන විදිය විතරයි..

“මේ බලන්න රුකී. ”

ෆැනී හොයාගෙන.. ඒ කාලෙත්, ඒ කියන්නේ හරියටම අවුරුදු අසූවකට කලින් නාඳුනන වයසක මිනිස්සු හයදෙනෙක්ගේ බොඩීස් හම්බෙලා තියෙනවා..

“ඒකම තමයි එහෙනම් දැනුත් වෙන්නේ..”

“මටත් ඒකම හිතෙනවා ෆැනී. ”

“රුකී.. මං අපේ ස්කූල් එක ගැන හොයද්දි තමයි මේකත් හම්බුනේ.. හැබැයි මෙහේ නෙවෙයි.. වයිස් හෙඩ් හයි ස්කූල් එකේ.. එහෙත් ලමයි හය දෙනෙක් අතුරුදහන් වෙලා..”

මොනවා…!!

” ෆැනී.. බලන්න එතකොට හේශ්..”

“මේ…”

ඕඕඕඕ ගෝඩ්…!!!! ඒ අතුරුදහන් වෙච්ච ලමයින්ගේ ගෲප් ෆොටෝ එකක හේශ් ඉන්නවා..

“රුකී… අපි මේ පැටලිලා ඉන්නේ මොන කෙහෙල්මලකටද…??”

“ඒක දැන ගන්න තියෙන්නේ එකම එක ක්‍රමයයි..”

“මොකක්ද රුකී..?”

මං ෆැනී දිහා බැලුවේ මේ වැඩේ කොයි තරම් භයානකද කියලා මට හිතුන නිසා.. මං කොහොමද ෆැනීව මේකට ඇදලා ගන්නේ..

“කියන්න රුකී..”

“මේ හැම විකාරයක්ම පටන් ගන්න කලින් දවසේ රෑ.. මං එතනට ගියා. යෙනීලා, නැටලිලා ඔක්කොමලා එතනට ගියාට පස්සේ.. මං හිතුවේ මට ඒ තැන වැරදිලා කියලා.. ඒත් දැං තේරෙනවා ඒක එහෙම නෑ කියලා.. ෆැනී එතන තමයි තැන..”

ෆැනී මගේ අත අල්ල ගත්තා..

“අපි එතනට යමු.. ”

“ඒක භයානකයි ෆැනී.. හදිසියේ මටත් මොනවා හරි වුණොත් හරියටම වෙච්ච දේ දන්න කෙනෙක් ජීවතුන් අතරේ ඉන්න ඕනි.. ”

“ඒ කෙනා මං නෙවෙයි රුකී.. මං මේකට සම්බන්ධ වෙලා ඉවරයි.. අපි යමු. ”

අන්තිමේ මට ෆැනී එක්ක එකඟ වෙන්න වුණා.. අපි එහෙට යනවා.. අපි එනවා හේශ්..

මං කාමරේට ගියේ ලොකු ටෝච් එක ගන්න.. ඒත් මං කාමරේට යද්දි මුළු කාමරේම වනසලා.. පොත්, බෙඩ්ශීට් හැමදේම බිමට ඇදලා දාලා..

මගේ පස්සෙන් ආපු ෆැනී මගේ උරහිසට උඩින් කාමරේට එබුණා..

“කවුද මෙහෙම කරේ…??”

මං අඩි දෙක තුනක් තියලා කාමරේ ඇතුළට ගියා. කවුරු හරි ඉකි ගහනවා.. ඒ යෙනී වගේ..

මං යෙනීගේ ඇද ගාවට ගිහින් ඇඳ යට බලන්න පහත් වුණා.. එකපාරටම යෙනී මාව පහුරු ගාන්න මගේ ඇගට කඩන් පැන්නා..

“රුකී..”

මගේ පස්සෙන් ආපු ෆැනී මාව පස්සට ඇද්දා.. ඒත් යෙනී තාමත් ඉකි ගහනවා..

“යෙනී.. මොකක්ද ඔයාට මේ වෙලා තියෙන්නේ..”

එයාට මාව ඇහෙන්නේ නෑ වගේ එයා ඉකි ගගහා දඟලනවා.. අසිහියෙන් වගේ..

මමයි, ෆැනියි එකතු වෙලා යෙනීව ඇඳ උඩින් වාඩි කරා.. ඒත් තාමත් ෆැනි ඉකි ගගහා දඟලනවා.. එයා මේ වගේ තත්වෙක ඉන්නවා දකිද්දී මට වාවගන්න බැරි තරම්.. මගෙත් ඇස් වල කඳුලු..

මං යෙනීව තුරුල් කර ගත්තා.. යෙනී.. මට හිටපු හොඳම යාලුවා.. අවුරුදු ගාණක් අපි හිටියේ එකට.. ලොකූ බැඳීමකින්.. කවදාවත් ඒ බැඳීම අමතක වෙන්නේ නෑ..

” එයා එනවා.. මාව ගෙනියන්න එනවා.. අපිව මරයි .. රුකී මාව බේර ගන්න.. මට මැරෙන්න බෑ..”

යෙනී මගේ කනට රහසින් වගේ කිව්වා.. ඒකත් බයෙන් වගේ.. දැනටමත් එයාගේ ඇඟ හොඳටම සීතල වෙලා.. වෙව්ලනවා..

“අපි යෙනීව සික් රූම් එකට එක්කන් යමු. මැඩම්ට කියලා..”

ඔව්.. ඒක තමයි හොඳම දේ.. එතන ගොඩක් ආරක්ශිතයි.. මං ටක් ගාලා යෙනීගේ ස්විටර් එක ඇන්දුවා.. මගේ අත අහම්බෙන් වගේ අර නිල් ගලේ වැදුණා..

“ආව්ව්ව්ව්..”

මට දැනුනේ මගේ ඇඟිල්ල පිච්චුණා වගේ..

“ඇයි රුකී..??”

මං ඇඟිල්ල කටේ දාගෙන මුකුත් නෑ කියන්න ඔළුව වැනුවා.. ඊටත් ටික වෙලාවකට පස්සේ අපි හිටියේ මැඩම්ගේ රූම් එක.. මැඩම් යෙනීව බලලා යෙනීව ඇඳෙන් හාන්සි කරලා උණ බලලා ලොකු බ්ලැන්කට් එකකින් පෙරෙව්වා..

“ඔය ළමයි දැං රූම් එකට යන්න. මෙතන ඉදන් මං බලා ගන්නම්..”

මැඩම් අපිව ආයේ එව්වා.. යෙනිව දාලා එන්න බෑ කියලා හිතුණත් අපි ගාවට වඩා හොඳින් මැඩම් යෙනීව බලා ගනී.. මැඩම් හුඟක් සැර වුණාට අපිට හරි ආදරෙයි..

ෆැනීත් එදා නිදා ගත්තේ මාත් එක්ක.. අපි හුඟක් රෑ වෙනකම්ම කතා කරේ මේ පටලැවිල්ල ගැන.. එක්කෝ මේක මායවක්.. නැත්නම් මැජික් එකක්.. එහෙමත් නැත්නම් මොකක් හරි සයන්ස් දෙයක්.. ඒත් කොහොමද එහෙම වෙන්නේ..??

පහු වෙනිදා අපි හොස්ටල් එකෙන් එන්න කලින් යෙනීව බලන්න ගියා.. එයා තාමත් හොඳටම නිදි.. මං නළලට අත තියලා බැලුවා. දැං නම් එයාගේ ඇඟ සාමාන්‍ය තරම් රස්නෙයි.. ඒත් ඇස් වටේ කළු වෙලා.. යෙනීට හුඟක් මහන්සි පාටයි..

බය වෙන්න එපා යෙනී.. ඔයාට මුකුත් වෙන්න දෙන්නේ නෑ.. මං පොරොන්දු වෙනවා යෙනී..

මං යෙනීගේ අත අල්ලන් යෙනීට පොරොන්දු වුණා.. මට හිතෙන්නේ එයාලා මැරෙන්න කලින් ලොකු දුකක් විඳිනවා ඇති..

අපි ස්කූල් එකට ඇතුල් වෙන්නත් කලින් ඊළඟ අසුභ ආරංචිය අපිට අහන්න වුණා.. සයන්ස් ලැබ් එකේ තවත් මිනියක් හම්බුනාලු..

මෙරට්.. අනිවාර්යයෙන්ම මෙරට් වෙන්න ඇති.. එතකොට ඊළඟට නැටලිද.. නැත්නම් යෙනීද.. ?

මගේ හිතේ තියෙන ආවේගෙට හේශ්ව මරන්න පුළුවන්.. යෙනීටයි, නැටලිටයි ජීවිතේ ලැබෙනවා නම්..

ලන්ච් ඉන්ටවල් එක දුන්න ගමන් මමයි , ෆැනියි ස්කූල් එකෙන් පැන්නා.. අර එදා හේශ් මගේ ෆෝන් එකට එවපු ලොකේශන් එකට යන්න අපි ටැක්සියකට නැග්ගා..

ඕඕඕඕඕඕඕ දෙයියනේ..!! ටැක්සියක නැවැත්තුවේ පාලු පැත්තක… ගරා වැටිච්ච ගෙයක් ගාව..

“රුකී.. ඔයාට හොඳටම ශුවර්ද..??”

ටැක්සියෙන් බැහැලා මං බැලුවේ ෆෝන් එක.. ලොකේශන් එක හරියටම හරි.. හැබැයි එදා රෑ දොළහ කිට්ටු කරලා තනියම ආවේ මෙතනටද..??

එවලේ දන්නවා නම් මෙච්චර ගරා වැටිච්ච ගෙයක් බව මං එදා බය වෙලාම මැරෙන්න තිබ්බා..

අපි දෙන්නම ගෙදර දොර ගාවට ගියා.. පපුව ටිකක් වේගයෙන් ගැහෙනවා.. පිටින් හොල්මන් වලව්වක් වගේ පෙනුනට ඇතුලේ මොන යක්ශයෝ ඉන්නවද දන්නේ නෑනේ..

මං දොරට එකපාරක් තට්ටු කරද්දීම එක පාරටම…

______________________________________________

තව කොටස් දෙකයි..

ආදරෙයි පැලෙන්න ?❤❤️❤? හැමෝටම.. හැමදාම මාත් එක්කම ඉන්නකෝ

ඊළඟ දිනයෙන් හමුවෙමු
බුදු සරණයි.