#කතෘ අවසරයකින් තොරව උපුටා ගැනීම සපුරා තහනම්

තුන්වෙනි දිනය..
____________________________________________________________________________________________

මං දැක්කේ යෙනීගේ පපුව උඩ තිබුනු දිලිසෙන නිල් පාට මොකක් හරි දෙයක්.. ඒකේ එළිය එන්න එන්නම වැඩි වෙලා කාමරේ පුරාවටම විහිදෙනවා..

හරියට හීනයකින් දකිනවා වගේ..

මං හෙමීට ඇදෙන් බැහැලා යෙනී ගාවට ඇවිදන් ගියා.. හිතට දැනුනේ බයක්, කුතුහලයක් , නැත්නම් අමුතු හැගීමක්.

යෙනීගේ ඇද පාමුලටම ගිහින් මං ඒක අල්ලන්න අත දික් කරා.. එකපාරටම යෙනී මගේ අත අල්ල ගත්තා..

ඊටත් පස්සේ යෙනී ඇස් ඇරියා..

මොකක්..??? යෙනීගේ ඇස් වලින් විහිදුනේ නිල් පාට එලියක්..

බය වුණ පාර මං අඩි දෙකක් තුනක් පස්සට විසි වුණා.. මගේ උගුරම වේලිලා ගිහින්.

“යෙ.. යෙ. යෙනී..”

මගේ මුවින් පිට වුණේ එච්චරමයි.. යෙනි ඇස් පියා ගත්තා.. විනාඩියක් දෙකක් හයියෙන් හුස්ම අරන් මං ආයේම යෙනී දිහා බැලුවා.. එයා මුකුත් නොවුණ ගාණට නිදි..

හිතා ගන්න බෑ මොකක්ද මේ වුණේ කියලා..

නිකම් හීනයක් වගේ.. ඔව් හීනයක් තමයි..

තවත් මුකුත් නොහිත මං ඇදට ගියා.. ශීට් එක පෙරවන් කොට්ටෙට ගුලි වෙලා බලෙන් ඇස් පියා ගත්තා..

නිල් පාට දැකලා මට ලෝකෙම නිල් වෙලා පේනවද කොහෙද..?? මට නම් පිස්සු.. හොදටම පිස්සු..

පහුවදා ඇහැරෙද්දි හොදටම දවල් වෙලා.. ඊයේ රෑ නටපු පිස්සුවට මෙහෙම හරි ඇහැරුණා මැදෑ.. මං ඇදෙන් බහිද්දිත් යෙනී ගිහින්.. මට කතා නොකරම..

කමක් නෑ.. පරක්කු වෙලානේ.. එයත් දුවන්න ඇති..

මං යද්දිත් ස්කූල් පටන් අරන්.. මගේ වාසනාවට ක්ලාස් එකට තාම ටීචර් ඇවිත් නෑ.. මගේ ශීට් එකේ අද හේශ් වාඩි වෙලා.. මං ගිහින් ඒල් ගාවින් වාඩි වුණා..

“ගුඩ් මෝර්නිං බන්. ”

මං හේශ්ට කිව්වා.. ඒත් හේශ්ගේ මූණේ තිබ්බ හරි මළානික හිනාවක්..

“උඹ ලෙඩ වෙලාද බන්. ”

“නෑ රුකී.. හරි මහන්සියි.. ඒ අස්සේ නිදිමතයි..”

ඒල් කියන්නේ හරි විනෝදෙන් හිටපු ෆන්ම කොල්ලා.. වෙනදට කාත් එක්කත් විහිලු කර කර සතුටින් හිනා වෙලා ඉන්න ඒල් අද නිකම් බැටරි බැහැලා වගේ..

එහෙම හිටපු කෙනා අද මෙහෙම කියද්දි මට හරි පුදුමයි.. මං ආයෙත් හැරිලා ඒල් දිහා බැලුවා..

ඇස් යට හොදටම කළු වෙලා තමයි.. මහන්සි ඇති.. ඒත් එක්කම ටීචර් ක්ලාස් එකට ආපු නිසා ඒක එහෙම අමතක වුණා..

ටිකකින් ඒල් ඔලුව රිදෙනවා කියලා ඩෙස්ක් එකෙන් ඔලුව තියා ගත්තා..

දිග නෝට් එකක් මිස් දුන්නේ.. මතක් වෙන්නෙත් නෑ අප්පා.. කොහෙද හරියකට පාඩම් කරන්නෙත් නෑනේ..

මං පෑනත් කටේ ගහන් හිත හිත ලියන්න පටන් ගත්තා.. ඒත් එකපාරටම අහම්බෙන් වගේ මගේ අතක් ඒල්ගේ අතක වැදුණා..

දෙයියනේ..!! මට දැනුනේ සීතලක්..

“ඒල්.. ඔයාව සීතල වෙලා..”

මගේ කට හඩට ඒල් ඔළුව උස්සලා මං දිහා බැලුවා.. මං හැදුවේ ඒල්ගේ නළලට අත තියලා සීතල බලන්න..

ඒත් ඒල් පස්සට ගිහින් මොහොතක් මං දිහා බලන් ඉදලා නැගිට්ටා.. එයා මිස්ටත් මොනවද කියලා ක්ලාස් එකෙන් එළියට ගියා..

මොනවද අනේ ඒ වුණේ.. ?? කිසිම දෙයක් මට හිතා ගන්න බෑනේ… ලොකු සුසුමක් හෙළලා මං ආයේ පාඩමට අවධානය දුන්නා..

එදා ස්කූල් ඉවර වෙනකම්ම මං ඒල්ව දැක්කේ නෑ.. ඉන්ටවල් එකේදි වුණත් කට්ටියම නැගිටලා කැන්ටින් එකට ගියා. යෙනීවත් නැටලිවත් මට කතා කරේ නෑ..

හේශ් ඉන්න හින්දා වෙන්න ඇති. සමහර විට මං බර්ත් ඩේ පාර්ටි එකට ආපු නැති හින්දා හේශ් පවා මාත් එක්ක තරහා වෙලා ඇති..

අනේ මන්දා.. මොන්ටිසෝරි පන්තිය හොදයි මීට වඩා..

උන්ට මාව එපා නම් මට මොකටද.. මගේ හිතේ සියුම් කේන්තියක් දළු දාගෙන ඇවිල්ලා..

මං තනියම හොස්ටල් ගිහින් මං තනියම හිටියා. කමක් නෑ මෙහෙමත් හොදයි..

ඊට පහුවදා නම් මං යෙනීට කලින් ස්කූල් ගියා.. ඊයේ ගෙවිච්ච දවස පුරාම රූම් මේට් වෙච්ච යෙනී වත් මාත් එක්ක කතා කරේ නෑනේ.. හරියට මං මුන්ට වරදක් කරා වගේ..

මං ක්ලාස් එකේ වාඩි වුණෙත් එහා කොණක. ක්ලාස් එකේ කෙල්ලෝ දෙන්නෙක් ඇහුවා මං අර කට්ටියත් එක්ක තරහා වෙලාද කියලා..

ඉතින් මං තරහ නෑනේ. එයාලනේ තරහා. මං කරේ හිනා වෙච්ච එක..

ලන්ච් එකෙන් පස්සෙව් තිබ්බේ ස්විමිං.. මං ආසම සබ් එකක් තමයි.. කොහොමත් මං ස්විමිං වලට දක්ශයි..

ඉතින් හැමෝම ස්විමිං කිට් එක දාගෙන පූල් එක ගාවට ගියා.. කෝච් සර් කට්ටියම ලයින් අප් කරලා දෙන්න ඕනි ඔක්කොම උපදෙස් ටික දීලා කවුන්ට් කරා..

මං තමයි මුලින්ම පූල් එකට පැන්නේ.. ටිකක් දුර පිහිනද්දි මට පෙනුනේ නිල් පාට.. දිලිසෙන නිල් පාට.

මොන මගුලක්ද මන්දා.. මට වතුර උගුරක් පෙවුනා. අනිත් අය මාව පාස් කරන් ගිහින්.. මොකක්දෝ හේතුවකට මං වතුර යටින් පූල් එකේ පතුල බැලුවා..

දෙයියනේ.. !!!

මං දැක්කේ පූල් එකේ පතුලේ කවුරු හරි ඉන්නවා.. බිම හාන්සි වෙලා..

මං ගිරිය යටින් කෑ ගහලා…

______________________________________________

චුට්ටක් පරක්කු වුණා.. ගණන් ගන්න එපා ඉතින්
දැං ඉක්මනටම ලියනවා..

ආදරෙයි පැලෙන්න ?❤❤️❤?

ඊළඟ දිනයෙන් හමුවෙමු
බුදු සරණයි..!!