“මැණික මේ අහන්න..බය වෙන්න එපා..බස් එකේ ගියොත් පරක්කු වෙනවනේ..අපි..අපි..බයික් එකේ යං..”

අහස් කියන දේකට එකග වෙනවා ඇරෙන්න ඒ වෙලාවේ කරන්න කිසිම දෙයක් මගේ හිතට ආවේ නැහැ..අහස් කාටදෝ කෝල් කරන ගමන් මාවත් අතින් ඇදගෙන පාර පැත්තට ගියා..ඒ එක්කම වගේ ආපු අහස්ගේ යාලුවා බයික් එක අහස්ට දුන්නා..

“තෑන්ක්ස් මචං..”

“හරි බං අංකල් එන එක පරක්කු කරන්න ට්‍රයි කරන්නං..උඹල පලයන් ඉක්මනට..”

බයික් එකේ අපි දෙන්නම ටික දුරක් කිසිම කතාවක් නැතුව ආවා..

“අනේ මට බයයි..අයියේ..තාත්තා මරයි මාව..”

අහස්ට තුරුලු වෙන ගමන් එහෙම කිව්වේ තාත්තා අක්කට ගහපු හැටි මතක් වෙලා..

“බය නැතුව ඉන්නකෝ මැණික..මං කොහොමත් ගෙදර යන්නේ නෑ ඔයාව දාලා..ඔයාලගේ හේ හරියෙන් ඉන්නම්..තාත්තා එනකල්..ප්‍රශ්නයක් වගේ නං මං එනවා ගෙදරට..”

“අනේ එපා දෙයියනේ..තාත්තට තවත් තරහ යයි..”

කතාවෙන් කතාවෙන් අපි ගේ ලග..

“පරිස්සමෙන් සුදු නෝනා..”

තාමත් මං අහස්ගේ අතක් අල්ලන් හිටියේ ගෙදරට යාගන්න තරම්වත් කකුල් පණ නැති නිසා..

“අහන්න සුද්දි..මං කිව්වනේ මං යන්නේ නෑ..මං ඉන්නවා..බය නැතුව යන්න..තාත්තා අපිව මෙහෙම දැක්කොත් තවත් අවුල්නේ..”

අහස් බලාගෙන ඉද්දිම මං ගෙදරට දුවගෙන ආවා…කාර් එකක් ගේ ඉස්සරහ නතර කරලා..කවුද කියල හිතන ගමන්ම ගෙට ගියා..

“පොඩි නංගී..”

“අ..ක්..කා..”

චූටි බංඩියකුත් උස්සන් මගේ ඉස්සරහට ආවේ අක්කා..අක්කා ලස්සන වෙලා..මූණ පින් පාටයි..

“ඔන්න..මං මගේ කෙල්ලව පුංචි කෙනෙක් කලා..”

“මට හරි සතුටුයි අක්කා..ඇත්තමයි..ඔයා ගිය දවසේ ඉදන් මේ ගෙදර පාලුවට ගිහිල්ලා තිබ්බේ..”

“ඔන්න..ඔන්න..ඉතින් අක්කලා නංගිලා පටන් ගත්තා ටැප් එක අරින්න..”

ඔව් ඒ මගේ මස්සිනා..හසිත්..මොන දේ උනත් එයා අක්කව හොදින් බලා ගන්නව කියලා මට අක්කව දැක්කම හිතුනා..අක්කා සතුටින් ඉන්නවා දැන් එයා විදවපු කාලේ ඉවරයි..

“තාත්තා ඔයාලට එන්න කිව්වද අක්කා..”

“නෑ..හැබැයි මේ බංඩි බෝලෙට පුලුවන් වුණා සීයගේ හිත වෙනස් කරන්න..”

“ඒ කියන්නේ අක්කල එහෙනං ටික දවසක් මෙහේ ඉන්නවනේ..”

“ම්ම්ම්..ඔව්..දැන්ම යන්නේ නෑ..”

“අපි හැමෝම කාලෙකට පස්සේ එකට නේද අක්කා..”

“පොඩි දූ ඇගපත් හෝදන් ඇවිල්ලා කතා කරන්නකෝ දරුවෝ..අක්කා කොහෙවත් යන්නේ නෑ..”

මං තාම යුනිෆෝම් කියල මතක් වුණේ එතකොට..ඉක්මනට ගිහිල්ලා ඇග හෝදන් ඇදුමක් දාන් ආවේ බඩගින්නකුත් දැනුන නිසා..තාත්තා තාම ආවෙත් නෑ මොනව වෙලාද මන්දා..

“බත් කන්න පුතේ..මං බෙදල ඇත්තේ..”

අහස් තාම පාරේ ඇත්තේ..පව් වහින්නත් වගේ..වැස්සොත් තෙමෙයිනේ..දවල්ට කාලත් නැතුව ඇති..ඔහොම හිත හිත කුස්සියට යනකොට තමයි බයික් එකක් ගේ ඉස්සරහ නතර කරනව ඇහුනේ..තාත්තා වෙන්න ඇති..

“පොඩි දූ..මෙහේ එනවා..”

ගේ දෙදරලා යන්න තරම් හයියෙන් තාත්තා කතා කලේ..මාත් පුලුවන් වේගෙන් දුවල ගියේ නිකං බැනුම් අහන්න ඕනේ නැති නිසා..

“කීයටද ගෙදර ආවේ..”

“පොඩ්ඩි ඇවිල්ලා දැන් ටිකක් වෙලා..”

මට කලින් අම්මා උත්තර දුන්නා..

“මං තමුසෙගෙන් නෙවෙයිනේ ඇහුවේ..ඇයි මේකිට කතා කරන්න බැරි ද..”

ඒ සද්දෙට අක්කයි හසිත් අයියයිත් කාමරෙන් එලියට ආවා..නංගි තද කරලා මගේ අතින් අල්ල ගත්තේ ආරක්ෂාවට වගේ..

“කොහොමද ආවේ ගෙදර ආහ්හ්හ්..කාත් එක්කද..”

“බස් එකේ තාත්තේ..තනියම ආවේ..”

“බ..ස්..එ..කේ..”

ඒත් එක්කම වැදුණු කම්මුල් පාරට මාව විසිවෙලා ගිහිල්ලා බිමට වැටුණා..කටට අමුතු ලේ රහක් දැනෙනව..නංගි ඉක්මනට මාව උස්සලා ගත්තා..

“අයින් වෙයන් චූටි උඹ..උඹටත් මැරුම් කන්න ඕනේ වෙලාද..”

“යකෝ..මං ඉස්කෝලේ හැමතැනම උඹව හෙව්වා..තෝ කොහෙද යන බල්ලෙක් එක්ක පාලු පාරක තුරුල් වෙලා ඉන්නව..ආහ්හ්..”

හැමෝම මං දිහා බැලුවේ අදහ ගන්න බෑ වගේ..

කොණ්ඩෙන් ඇදලා මාව ලගට ගත්තු තාත්තා කට දෙපැත්ත හයියෙන් මිරිකලා අල්ල ගත්තා..

“කියපන්..කියපන්..මට කවුද ඌ..කොහේ එකෙක්ද..”

“තා..ත්…..තේ..එපා…අ..න්…න්නේ…”

කවදාවත් එක පාරක්වත් මං ගුටි කාලා නෑ..ඒක නිසාමද මන්දා ඇග පුරාම අමුතු වේදනාවක් ගලන් යනව..

“ලොකු මාමේ..ඌ අතන කඩේ ලග ඉන්නව..”

එලියේ ඉදන් ආපු රශාන් අයියා එහෙම කිව්වම මට හිතා ගන්න බැරි වුණා..අක්කගේ ප්‍රශ්නෙදි උනත් එයා කිව්වේ කොල්ලෝ කෙල්ලෝ අතර සම්බන්ධයක් ඇති වෙන එක සාමාන්‍යයි කියල..එයාම අද තාත්තට අහස් ගැන කියනව..

“මං අද උඹව තියන්නේ නෑ..බැල්ලි..හිටපන්..ඌ ගැන ඉස්සෙල්ලා බලලා එන්නං..”

කොණ්ඩෙන් අල්ලන් හිටිය මාව පැත්තකට විසි කරලා තාත්තා අයියා එක්කම පාරට ගියා..

“අනේ පුතේ..”

අම්මා මාව බදාගෙන අඩනවා..මං තාමත් බිම වාඩිවෙලා හිටිය විදියටම ඉන්නව..

“අනේ…අයියේ…තාත්තා අහස්ට ගහයි අයියේ..”

අමාරුවෙන් උනත් මං එහෙම කිව්වේ හසිත් අයියගේ උදව්වක් බලාපොරොත්තුවෙන්..

“මං බලලා එන්නං නංගි..ඔයා බය නැතුව ඉන්නකෝ..”

මගේ ඔලුවත් අතගාගෙනම හසිත් අයියත් පාරට දිව්වා..නංගිගෙයි අම්මගෙයි උදව්වෙන් මං කාමරේට ආවා..

“ඇයි පොඩි නංගි මේ..මං කියන්නේ නෑ ආදරේ කරන්න එපා කියල..ඒත් මට වෙච්ච දේ ඔයාලා දෙන්නටම මතකයිනේ..”

“අහස් එහෙම නෑ අක්කේ..අනේ මං නිසයි එයා එතන හිටියේ..”

අඩ අඩ වුණත් වෙච්ච හැමදේම අක්කටයි නංගිටයි මං කිව්වා..මගේ දිහා බලන් හූල්ලනවා ඇරෙන්න එයාලා කියලත් මොනව කරන්නද..

“මාත් පාරට ගිහින් බලල එන්නං..”

අක්කා එහෙම කියලා කාමරෙන් එලියට ගියා..

“මං එදාම කිව්වනේ පොඩී තාත්තාට අහුවුණොත් වෙන දේ..අනික ඔයා ඒ දේවල් දැනගෙනනේ එෆෙයාර් එකක් පටන් ගත්තේ..වෙන දේකට මූණ දෙමු..”

නංගි මගේ අත තද කරලා අල්ල ගන්න ගමන් එහෙම කිව්වම මාත් හිත් හදාගත්තේ වෙන දේකට මූණ දෙනවා කියලා..

“අනේ පුතේ තාත්තා අර දරුවට හොදටම ගහලා..ඒ දරුවත් ඇදගෙනම ගෙදරට එනව..”

දුවගෙන වගේ කාමරේට ආපු අම්මා එහෙම කිව්වම මං ඉබේම ඇදෙන් නැගිටලා එලියට දිව්වා..

“අනේ…අහස්…”

මුලු මූණෙම තැලුම් පාරවල්..හිටගෙන ඉන්නවත් පණ නැති අහස් දිහා බලාගෙන මං හයියෙන් කෑ ගැහුවා..කවිදු අයියත් ඇවිල්ලා..කෑ ගහන මගේ ලගට ඇවිල්ලා කවිදු අයියා මගේ අතින් අල්ල ගත්තා..

“මගේ කෙල්ලව රවට්ටගෙන උඹ මොනවද කරන්න හැදුවේ..ආහ්හ්..මරනව මං උඹව අද..මරනව..”

තාත්තා තවත් අහස්ට ගහනව..හසිත් අයියා එක්ක අම්මත් තාත්තාව නවත්තන්න උත්සහ කරනව..

“අනේ ගහන්න එපා තාත්තේ…එයාට යන්න දෙන්නකෝ…අහස්ට ගහන්න එපා තාත්තේ..”

මටත් කෑ ගගහ අඩනවා ඇරෙන්න වෙන කරන්න දෙයක් නෑ..

ඒ එක්කම මං ලගට ආපු තාත්තා මාව අදලා ගත්තා..කවිදු අයියත් මාත් එක්කම ඇදිලා ගියේ එයා මගේ අතේ අල්ලන් හිටිය නිසා..

“උඹ..මේ..දැන්..දැන්..පොරොන්දු වෙන්න ඕනේ මගේ ඔලුවේ අත තියලා…දිව්රපන්..මූව අමතක කරනවා කියලා..මූ ඉස්සරහ දිව්රපන්..”

අහස් මගේ දිහා බලාගෙනම ඉන්නව…මං කොහොමද දෙයියනේ ඒ ඇස් දිහා බලන් එහෙම දෙයක් කරන්නේ..මගේ පළවෙනි ආදරේ..මේ ඒ ආදරේ අවසාන දවසද..මං කොහොමද අහස් ඔයාව අමතක කරලා ඉන්නේ..

“උඹ මං කිව්ව දේ කරනවද..නැත්තං මූව මෙතනම ඉවරයක් කරන්නද..”

“එපා තාත්තේ..මං දිව්රන්නම් මං මේ සම්බන්දේ නතර කරනව..අනේ එයාට යන්න දෙන්නකෝ..”

අහස්ව තදින් අල්ලන් හිටපු රශාන් අයියා අහස්ව අතෑරියා..නංගි මං දිහා පුදුම වෙලා වගේ බලන් ඉන්නව..තාත්තා තාමත් මගේ කොණ්ඩෙන් අල්ලන්..

අයියගෙන් මිදුන අහස් හෙමිහිට මගේ ලගට ආවා.

“ඇත්තමද සුදු නෝනා..මාව එච්චර ලේසියෙන් අමතක කරල දානවද..ම්ම්..”

“මං ඔයාට පොරොන්දු වුණා අයියේ..මං වෙන කිසිම කොල්ලෙක්ට ලං වෙන්නේ නෑ කියලා ඒ පොරොන්දුව මං මගේ ජීවිත කාලෙම ආරක්ෂා කරනවා..”

එහෙම කියල මං ගෙට දුවලා ගියේ තවත් ඒ ඇස් දිහා බලන් ඉන්න බැරි නිසා..තුවාල වෙලා හිටපු අහස්ව කවිදු අයියා එක්කං ගියා කියල මං දැන ගත්තේ නංගිගෙන්..

ඒ සිද්දියෙන් පස්සේ ගෙදර නිහැඩියාව බින්දේ තාත්තා විතරයි..එක්සෑම් ඉවර වෙලා තිබුන නිසා මට ගෙදරින් එලියට යන්න තහනමක් පැනෙව්වෙත් ඒ වෙලාවෙම තමයි..යන්තමට හරි ඒ මූණ බලා ගන්න තිබුනු අන්තිම අවස්ථාවත් මට නැති වෙලා ඉවරයි..

හෙට ඉදන් මගේ ජීවිතේ මොන වගේ වෙයිද කියලා දන්නේ උඩ ඉන්න දෙවියොම විතරයි කියල හිතන ගමන් මං ඇදේ පැත්තක ගුලි වුණා..