#කතෘ අවසරයකින් තොරව උපුටා ගැනීම සපුරා තහනම්

දෙවන දිනය..
____________________________________________________________________________________________

මුළු විසිත්ත කාමරයම හිස්…!!

එතකොට දෙයියනේ මං ඇවිත් ඉන්නේ වෙන කාගේහරි ගෙදරකටද.. මං ආයේම මගේ ෆෝන් එක දිහා බැලුවා..

එවපු ලොකේශන් එකට අනුව මං ඉන්නේ හරිම තැන.. ඒත් දෙයියනේ කෝ කට්ටිය..

ඇතුලේ කාමරයකින් කවුරුහරි මොනවද මන්දා මුමුණනවා ඇහුණා.. මන්ත්‍රයක් වගේ.. මේක සාස්තර කියන ගෙයක්ද..

අනේ මන්දා මට බයක් නම් දැනුනේ නෑ..

මං ඒ සද්දේ ඇහුන පැත්තට ගියා.. අදුරන්නේ නැති ගෙදරකට ඇවිත් කාමර වලට එබෙන එක ලොකු වරදක් වෙන්න ඇති.. ඒත් මට තිබ්බේ ලොකු කුතුහලයක්..

මං හෙමීට ඒ කාමරේ දොර ඇරියා.. යන්තම් ඇරුන දොරින් පිටට ආවේ නිල් පාට දිලිසෙන එළියක්.. මං තව ටිකක් දොර ඇරලා ඇතුළ බැලුවා..

ඕඕඕඕඕඕඕ ගෝඩ්…!!

මගේ ඇස් දෙක නිලංකාර වෙලා ගියා වගේ.. පුදුම තරම් නිල් පාට දීප්තිමත් එළියක්.. තප්පර කිහිපයක් යනකම් ඇස් හුරු කර ගන්න බැරි වෙන්න ඇති..

මං දැක්කේ කිහිප දෙනෙක් වටේට වාඩි වෙලා එතනින් මේ නිල් එළිය විහිදෙන හැටි..

ඒත් එක්කමයි ඒ දීප්තිමත් එළිය මගේ ඇස් වලට දරා ගන්න බැරුව ඇස් වලින් කදුලු ගලන්න ගත්තේ…

තව මොහොතක් වත් මෙතන ඉන්න එක නම් රුකී උඹට ගැලපෙන්නේ නෑ.. එහෙම හිතාගෙන මං පුලුවන් තරම් ඉක්මනින් ඒ ගෙදරින් එළියට ආවා..

මිදුලටත් ආවට පස්සෙයි මං හුස්මක් ගත්තේ හරියට..

ඇත්තමයි.. මේක නම් පුදුම ලෝකයක්.. මං දැකපු දේ මටම විශ්වාස කර ගන්නත් බෑ වගේ.. ඒ තරම් දීප්තිමත් නිල් එළියක්..

මං පාරට ආවා.. ඇවිත් ෆෝන් එකක් ටැක්සියක් බුක් කරා.. විනාඩි කිහිපයකින් ටැක්සිය ඒවී…

මං නිකමට වගේ හැරිලා අර ගේ දිහා බැලුවා..

මට හිතුනේ ඒ ගෙදර ඉදන් කවුරු හරි මං දිහා බලන් ඉන්නවා වගේ.. උඩ තට්ටුවෙත් කාමර කිහිපයක් තියෙනවා.. හැබැයි මෙහේ කවුරු හරි ඉන්නත් එපැයි.. නැත්නම් කොහොමද දොර ඇරුණේ..

මගේ ඇස් ඉස්සරහම එකපාරටම ඒ ගෙදරට අහසින් අකුණක් ගැහුවා.. දෙයියනේ ඒකත් නිල් පාටයි..

මං පපුවට අතකුත් තියන් අඩියක් පස්සට ගියා..

ඒත් ඒ ගෙදරට මුකුත් වුණේ නෑ.. කිසිම අනතුරක්වත්..

කවුරුවත් කිව්වට විශ්වාස කරන එකක් නෑ.. ඇත්තමයි.. ඒ තරම් පුදුමයක්.. කොහොමද ඒක වුණේ..

එතනින් එහාට මුකුත් හිතන්න වුණේ නෑ ටැක්සිය ආවා.. ගැහෙන සිතුවිලි එක්ක මං ටැක්සියට නැග්ගා..

ඒත් අන්තිම පාරට මං අර භූත මන්දිරය දිහා ආයේමත් බැලුවා..

කිසිම දෙයක් නොවුණ විදියට ඒ භූත මන්දිරය මං දිහා බලන් ඉන්නවා වගේ.. තාමත් ඒ හැගීමමයි..

හේශ්.. මොන කෙහෙල්මලක ලොකේශන් එකක්ද මට එව්වේ.. ඕඕඕඕඕඕඕ ශිට්ට්ට්ට්ට්ට්ට්..

හොස්ටල් එකට ආවත් දැකපු කිසිම දෙයක් මටම අදහා ගන්න බෑ වගේ..

මාත් ගොනා වගේ ගියා පාටියට.. අන්තිමට නිල් පාට විතරක් තිබ්බ භූත මන්දිරයක නවතින්න වුණේ.. පුදුම ප්‍රෙහේලිකාවක් මේක..

කොයි තරම් නිදිමත වුණත් මං ඇහැරන් බලන් හිටියේ යෙනී එනකම්.. හේශ්ගේ පාටියේ විස්තර දැන ගන්න වගේ පාටියේ මොකද වුණේ කියලත් මට දැන ගන්න ලොකූ වුවමනාවක් තිබ්බා..

තවත් පැය දෙක තුනකට පස්සේ යෙනී රූම් එකට ආවා.. යෙනීව දැක්ක ගමන් මට දැනුනේ ලොකූ සතුටක්.. හරියට රට ගියපු හොදම යාලුවෙක් ආපහු ආව වගේ..

ඒත් යෙනී හිටියේ ඉස්සර වගේ කෑ ගහලා මට විස්තර කියන මූඩ් එකක නෙවෙයි.. ඒ ඇස් රතු වෙලා..

“යෙනී.. ඔයාගේ ඇසුත් හොදටම රතු වෙලා.. මහන්සිද..?”

යෙනී මාව නොදැක්ක ගාණට ඇදුම් මාරු කරන් ඇදට පැන්නා..

“යෙනී…”

“ඕඕඕ රුකී. මට මහන්සියි.. නිදිමතයි.. සෝ නිදාගන්නවකෝ..”

කිසිම තෙත්මනයක් නැති වචන ටිකක් යෙනීගේ කටින් පිට වුණේ කොහොමද කියලවත් හිතා ගන්න බැරුව මං මොහොතක් බලන් හිටියා..

හැමදේම වෙනස් වෙන ඉක්මන..

එලිවෙන්න තව පැය කිහිපයයි.. හෙට ස්කූල් යන්න ඕනි.. මාත් එහෙමම ඇදටම වැටුණා..

ඒත් මං දැක්ක අමුතු හීනයක් නිසා මට ඇහැරුණා.. භූත මන්දිරයකට ගිහින් මගේ මොළෙත් විකාර වෙලාද මන්දා..

නිල් පාට ලෝකෙක මං තනි වෙලා.. හැම පැත්තෙම නිල් පාට.. දීප්තිමත් නිල් එළිය මාව වටකරන්.. මට දැනුනේ ඒ එළිය දුමාරයක් වෙලා මගේ නහයෙන් ඇග ඇතුළට ඇතුල් වෙනවා වගේ..

හීනත් මටම විහිලු කරනවා වගේ..

මං ෆෝන් එක අරන් වෙලාව බැලුවා..

පාන්දර පහයි.. වතුර බෝතලයෙන් වතුර උගුරු කිහිපයකුත් බීලා මං කල්පනා කරේ යෙනී ගැන..

ඇත්තමයි මං සිද්ට මුකුත් කිව්වේ නෑ.. මං එහෙම කාගෙවත් කේලම් කාටවත් කියන කෙනෙක් නෙවෙයි . ඊටත් වඩා යෙනි මගේ හොදම යාළුවා.. එහෙම ජරා වැඩක් මට කොහොමත් කරන්න පුළුවන් දෙයක් නෙවෙයි..

නිකමට වගේ මං යෙනීගේ ඇද දිහා බැලුවා.. මොකක්ද ඒ.. මං දැක්කේ යෙනීගේ පපුව උඩ තිබුණු…

__________________________________________________________________________________________

මොකක්ද තිබුනේ…??

ම්ම්ම්ම්ම් අමුතු කතාවක්.. හැබැයි හොදම ප්‍රතිචාර තිබුණා

ආදරෙයි පැලෙන්න ?❤❤️

ඊළග දිනයෙන් හමුවෙමු
බුදු සරණයි