“තාත්තා ඔයාට වැරැද්දක් කරන්න නෙවෙයි හැදුවේ පොඩි දූ..දැන්වත් තේරෙනවද ඇයි මේ කොල්ලව අතාරින්න කිව්වේ කියල..”

“ඒත්..අම්මා..”

“ඒත් මේත් නෙවෙයි…ඕක හිතින් අමතක කරලා දානවා..මං උනත් මෙච්චර හොදින් කතා කරන්නේ තමුන්ට මේක තේරුම් කරන්න ඕනේ නිසා..”

“නෑ..අම්මා මං මේ කියන්නේ..”

“මේ පොඩි දූ..තමුන් උගෙන් බේරුනා කියල හිතේ තියා ගන්නව..අපි මෙහෙම දෙයක් කලේ නැත්තං අක්කා වගේම උඹත් දුක් විදිනව..”

ගෙදර අය එක්ක නං කතා කරලා තේරුමක් නෑ..අහස් කවදාවත් මට වැරැද්දක් වෙන විදියේ කිසිම දෙයක් කරලා නෑ කියලා අම්මලට තේරුම් කරන්න උත්සහ ගත්තත් වැඩක් නැහැ..එයාලා දකින්නේ අක්කට වුණ දේ විතරයි..

වෙලාවකට හිතෙනව අක්කා නිසා මගේ නිදහස සීමා වුණාදෝ කියල..නැත්තං අම්මලා කවදාවත් අහස්ට අකමැති වෙන්න හේතුවක් නැහැනේ..කාටවත් දොස් කියල තේරුමක් නැහැ..ඒත් එක පාරක් හරි අහස්ව මුණගැහිලා අහන්න ඕනේ එයා මට කලේ බොරුවක්ද කියල..

—————————————————————————-

දවස් කීපයක් ගෙවිලා ගියාට පස්සේ ආච්චි අසනීප වුණ නිසා අම්මට ආච්චි එක්ක හොස්පිටල් එකේ නතර වෙන්න වුණා..තාත්තටත් ඔෆිස් එකේ ප්‍රශ්න වගයක් නිසා කොළඹ යන්න වුණා..මාව තනියම ගෙදර තියන්න බැරි නිසාම ලොකු නැන්දට අපේ ගෙදර නතර වෙන්න වුණත් නැන්දා වැඩට යන නිසා දවල් දවස තනියම මං විතරයි ගෙදර ඉන්නේ..

දවසක් දෙකක් කල්පනා කර කර හිටියේ අහස්ව මුණගැහෙන්න හොදම වෙලාව මේක නිසා..ඒත් ගෙදරින් පිටට යන්නත් බෑ..තාත්තා නිතරම වගේ ලෑන්ඩ්ලයින් එකට කෝල් කරනවා..ඕනේ දෙයක් වෙච්ච දෙන් කියල මං අහස්ට කෝල් කලා..

“සුදු නෝනා..මං බලාගෙන හිටියා කෝල් එකක්වත් එනකං..”

“මට ඉක්මනින් ඔයාව හම්බවෙන්න ඕනේ..”

“ඇයි..මැණික මේ තරහෙන් වගේ..”

“එහෙම දෙයක් නෑ..ඔයාට එන්න පුලුවන්ද..බැරිද..”

“එන්න බෑ කිව්වේ නෑනේ සුද්දි..ඒත් කොහොමද අපි හම්බෙන්නේ..”

“අපේ ගෙදර එන්න..”

“මොකක්?? පිස්සුද ඔයාට..ආහ්හ්..”

“පිස්සු නෑ..හවස හය වෙන්න කලින් එන්න..කවුරුවත් නෑ ගෙදර..ප්ලීස්..”

“කවිදු එක්ක හරි එන්න තිබ්බා..ඌ මාව බ්ලොක් කරලා මැණික..”

“කවුරුවත් ඕනේ නෑ..ප්ලීස්..ඔයා විතරක් එන්න..”

“හරි..මං දැන් එන්නං..”

වෙලාව උදේ දහයයි..කමක් නෑ..ලොකු නැන්දා එද්දී හය වෙනවා..වෙලාව තියනව මට ඕනේ තරම්..අහස්ට මෙහෙට එන්න නං උපරිම පැය බාගයක් යයි..හැමදේම අද මං විසද ගන්නවා..එහෙම හිතලා පුටුවක් තියන් එලියෙන් වාඩිවෙලා හිටියේ අහස් එනකං..පාරෙන් පොඩ්ඩක් උඩට වෙන්න අපේ ගේ හදලා තියෙන නිසා කාටවත් වැඩිය ගේ පේන්නේ නෑ..ඒ නිසා මං එලියේ හිටියත් කිසිම කෙනෙක්ට පේන්නේ නෑ..

—————————————————————————

“මෙහෙම ආවට මට බයයි සුද්දි..ආයෙත් ප්‍රශ්නයක් වුණොත්..ඔයාටත් ගෙදර ඉන්න නෑ..”

“එහෙම වෙන්නේ නෑ..කවුරුවත් එන එකක් නෑ අයියා..”

“හරි..ඒවා වැඩක් නෑ..ඇයි දැන් මේ මාත් එක්ක තරහ වෙලා වගේ ඉන්නේ..ම්ම්ම්..”

“ඇයි අයියා ඔයා මට බොරු කිව්වේ..”

ඇස් වල කදුලු පිරෙන්න වැඩි වෙලාවක් ගියේ නෑ..ඒත් මට ඒක ගානක් වුණේ නෑ..මොකද ඇත්ත දැන ගන්නයි මට ඕනේ වුනේ..

“මොකද්ද මැණික මං කරපු බොරුව..”.

අහස් ඇස් ලොකු කරන් මං දිහා බලන් ඉන්නවා..

හිතුවෙවත් නැති වෙලාවක කඩන් පහත් වුණ වැස්ස නිසා තවදුරටත් එලියට වෙලා ඉන්න අපි දෙන්නට බැරි වුණා..ගෙට ඇවිල්ලා දොරත් වැහුවේ වැහි පොද ගෙට එන නිසා..

“සුදු නෝනා මං ප්‍රශ්නයක් ඇහුවා ඔයාගෙන්..මොකද්ද මං ඔයාට කරපු බොරුව..”

“ඔයාට ඕනේ උනේ මාවත් අක්කා වගේම අසරණ කරන්නද අයියේ..”

කතා කරගන්න බැරි තරමට ඉකිගැහෙනවා..ඒත් කතා කරන්න ඕනේ මට..

“මොනවද දෙයියෝ මේ කියන්නේ..ප්ලීස්..මැණික ඔහොම අඩන්න එපා..අහන්නකෝ කියන දේ..”

අහස් මාව තුරුලු කර ගත්තේ ඒ උණුහුමට මං තවත් ලෝබ වෙද්දී..

“කොහොමද අයියේ මං හිතන්නේ ඔයා මට බොරු කලා කියලා..අනේ මට එහෙම කරන්න එපා..මාව මැරෙයි අයියේ..එච්චර දෙයක් දරා ගන්න තරම් මගේ හිත හයිය නෑ..”

පිස්සුවෙන් වගේ කියවන මාව තුරුලු කරන් අහස් කල්පනා කරනවා..

“අනේ..එයලා කිව්වේ බොරු නේද…ඔයා මාව දාලා යන්නේ නෑ නේද..කියන්නකො අයියේ..ඔයා..ඔයා..දන්නවද..මගේ පලවෙනි ආදරේ ඔයා..මට පිස්සු හැදෙයි දෙයියනේ..”

“අඩන එක නවත්තන්නකෝ සුද්දි..මං ඔයාව දාලා කොහෙවත් යන්නේ නෑ..මේ බලන්න මගේ දිහා..”

එ දෑතට මගේ මූණ මැදි කරන් අහස් තවත් මට ලං වුණා..

“ඔයා හිතනව වගේ කිසි දෙයක් මෙතන නෑ..මට තේරෙනව ඔයා හැමදේම දැනගෙන..මේ දේට මූණ දෙන්න වෙනව කියල මං දැනන් හිටිය මැණික..මං කියන්නං..හැමදේම කියන්නං..”

අහස් ලොකු කතාවක් කියන්න සූදානම් වුණා..තවමත් වැස්ස පොඩ්ඩවත් අඩු වෙලා නැහැ..දාරානිපාත වැස්ස අස්සේ අහස් එක්ක මගේම ගේ ඇතුලේ තනිවෙන්න මට පොඩිම බයක්වත් තිබුනේ නැහැ..

“ඔයාලගේ අක්කට වුණ දේ නිසා ගෙදරින් වුණත් අයියට ප්‍රශ්න තිබුනා…තාත්තා කැමති වුණේ නෑ අයියව ගෙදර තියා ගන්න..ඒත් අම්මා අයියව ආරක්ෂා කලා..ඔයාව දකින මුල්ම දවසේ මං දැනන් හිටියේ නෑ ඒ ඔයාගේ අක්කා කියලා..මතකද සුදු නෝනා මට හොරෙන් ෆිල්ම් එකක් බලන්න ගියා..එදා මං ඔයාගේ පස්සෙන් ආවා..මට හිතුනේ ඔයා වෙන කෙනෙක් එක්ක යාලු වෙලා මට බොරුවක් කරනව ඇති කියලා..ඔයාලට ටිකක් පිටි පස්සට වෙන්න මං වාඩිවෙලා හිටියේ..ඒත් මං ඔයා ලගට එන්න හදද්දිම අයියා ඇවිල්ලා ඔයා ලග වාඩි වුණා..එයා කියපු දේවල් මට ඇහුණා..ඔයා බයෙන් වගේ ඉන්නවත් දැක්කා..”

“එයා ඔයාව දැක්කේ නැද්ද..”

“නෑ..අයියා අපු ඉක්මනටම ගියානේ..පස්සේ මං ඔයා ගැන හොයල බැලුවා..එතකොට තමයි හැමදේම දැන ගත්තේ…ඒකයි ඔයා ෆිල්ම එක බලන්න ගිය එක ලොකු ප්‍රශ්නයක් නොවුනත් ඒක ලොකුවට හිතුව වගේ රගපාලා ඔයාව දාලා ගියේ..”.

“එදා ඒ බැන්නේ බොරුවටද..”

“මං කොහොමද මගේ කෙල්ලට එහෙම බනින්නේ..ඒත් ඔයාගෙන් ඈත් වෙන්න හිතුවේ අයියා කරපු දේ නිසා කවදාවත් ඔයා මට සමාවක් දෙන එකක් නෑ කියල හිතුන නිසා..ඒත් මං දුරින් ඉදන් හැමදාම මගේ කෙල්ල දිහා බලන් හිටියා..”

අහස්ගේ ඇස් වල කදුලු..මට තවත් සාක්ෂි ඕනේ උනේ නෑ අහස් මට කොච්චර ආදරේ කරනවද කියන්න..

“ඒත් ටික දවසක් යද්දී අයියා ඔයාව ෆලෝ කරනව කියලා තේරුනා..ඒ නිසයි ආයෙම ඔයාව හම්බෙන්න ඕනේ කියල හිතුවේ..කවිදුට විතරයි ඒ වෙලාවේ මට උදව් කරන්න පුලුවන් වුණේ..එදා මං හරියටම දැන ගත්තා මගේ කෙල්ල මට කොච්චර ආදරේද කියල..මට එච්චරටම ආදරේ කරන කෙල්ලගේ ජීවිතේ විනාශ වෙනවා බලන්න මට ඕනේ වුණේ නෑ..මං හැමවෙලාවකම අයියගෙන් ඔයාව ආරක්ෂා කලා..පස්සේ අයියට ආරංචි වුණා අපි දෙන්නා ගැන..එදා මාත් එක්ක ගොඩක් රණ්ඩු කලා..ඒත් මං ඔයා වෙනුවෙන් හිටියා..එක අතකට ඔයාව ගෙදරම හිර කරපු එකට මං සතුටි වුණා මැණික..අයියගෙන් ඔයාට කරදරයක් වෙන්නේ නෑ එහෙම වුණාම..”

“අනේ අයියේ..එච්චර දෙයක්..”.

“ඔයා මගේ සුදුනෝනා..වෙන කාටවත්ම බෑ ඔයාට ලං වෙන්න..ඒක ඉස්සරහටත් එහෙමම වෙයි..”

“ඒත් අයියා ගෙදරින් කවදාවත් අපිට කැමති වෙන්නේ නෑ..”.

මූනත් බිමට බර කරන් මං එහෙම කිව්වේ මතක් කරන්න අකමැති වුණත් ඇත්ත ඒක නිසා..

“මට බයක් නෑ මැණික..මගේ කෙල්ල අයිති හැමදාම මට විතරයි.. ඒ දේ වෙනුවෙන් මං ඕනෙම තරම් කාලයක් බලන් ඉන්නවා..”

හවස හතරට විතර අහස් යන්න ගියේ මගේ හිතේ තිබුනු ලොකු බරක් නිදහස් කරලා..මොන ප්‍රශ්නේ ආවත් අහස් මං වෙනුවෙන් හිටියා වගේම මමත් ඉන්නව කියල මගේ හිතටම මං පොරොන්දු වුණා..

අහස් ගියාට පස්සේ ගෙට එනවා එක්කම නංගිගෙන් කෝල් එකක් ආවා..

“කොහොමද පොඩී ඔයාට..”

“වෙනසක් නෑ චූටී..මොකද මේ හදිස්සියෙම..”

“නිකං පොඩී..මං හෙට ගෙදර එනව..”

“ඇයි හදිස්සියේම..”

“හ්ම්ම්ම්..ඇවිල්ලම කියන්නං..මං තියනව..බුදු සරණයි..”

මං බුදු සරණයි කියන්නත් කලින්ම නංගි ෆෝන් එක කට් කරලා..වෙනදා වගේ නං නෙවෙයි චූටි වෙනස් වෙලා..ස්කූල් දවස් වල ගෙදර එන්න තරම් හේතුව මොකද්ද..දහසක් දේවල් කල්පනා කර කර ඇදට වෙලා ඉද්දී වැස්ස නිසා මට නින්ද ගියා..