#කතෘ අවසරයකින් තොරව උපුටා ගැනීම සපුරා තහනම්

දහ අටවෙනි වර්ශාව..
________________________________________________________________________________________________________________

රනූ කේන්තියෙන් වගේ කෑ ගහද්දි මං කිසිම ගාණක් නෑ වගේ තෙත කොන්ඩෙ පිහි දැම්මා..

කොහොමත් මට ෆුල් සීරියස් අවස්ථා වල මෙලෝ ගාණක් නෑ වගේ ඉන්න තරම් කුරිරු හැකියාවක් තියෙනවා..

“ඇයි ඔයා මෙහෙම.. කවදාවත් ඔයා මීට කලින් මෙහෙම කරලා නෑ සනූ.. අනිත් එක මෙච්චර රෑ වෙනකම්..”

හ්ම්ම්ම්ම් මෙයා මෙහෙම ගියොත් තව ටිකකින් හොටු පෙරන් අඩනවා..

“රනූ.. මෙච්චර කල් වෙච්ච දේවල් නෙවෙයිනේ දැං වෙන්නේ.. ඒ නිසා ගණන් ගන්න එපා..”

“සනු.. ඔයා අපිව රිද්දන්නද හදන්නේ..?”

” මොනවද රනූ ඔයා කියන්නේ.. මට පුලුවන්ද ඔයාලව රිද්දන්න.. කෝ අයින් වෙන්න. මට මේ මගුල පිහිද ගන්න ඕන..”

මං රනුවත් තල්ලු කරගෙන ඇවිත් ඇදෙන් වාඩි වුණා.. මට දැනුණා රනූ මං දිහා තාමත් බලන් ඉන්නේ කියලා..

“තව මොනවද රනූ කියන්න තියෙන්නේ..”

ඔව්. එයාට තව කියන්න මොනවා හරි තියෙනවා . මට හිතුනෙම එහෙම..

“දේශ් ආවා.. ඔයාව හොයන්න. අර මිනිහගෙන් සමාව අරන් මේ කේස් එක ක්ලෝස් කරන්න..”

“මොකක්ද රනූ ඒ වචනේ.. කේස් එක ක්ලෝස් කරන්න. ”

රනූගේ ශබ්ද කෝශේ කවදාවත් ඒ වගේ වචන තිබිලා නෑ..

“සනූ..”

“ඔයා දැං ඉක්මනටම අලුත් වචන ඉගෙන ගන්නවා නේද රනූ..”

මං කණ්ණාඩියෙන් පේන රනූගෙන් ඇහුවා..

දේශ් කියන්නේ ඇත්තේ එහෙම.. ඕක මට තේරුම් ගන්න අමාරු නෑ..

තවත් විනාඩියක් ගෙවිලා ගියේ අපි අත ලොකු දුරස්බවක් හදලා.. ඒ තප්පර කීපය පුරාවටම මං බලන් හිටියේ රනූ දිහා..

ඔව් මං අහන්නේ නෑ.. මගෙන් හංගන කිසිම දෙයක් මං අහන්නේ නෑ රනූ.. ඔයා හංගලාම තියා ගන්න. හැබැයි ඔයාට කියන්නම වෙනවා..

“සනූ.. මොකක් හරි ප්‍රශ්නයක් ද .?”

“ඔක්කොම ප්‍රශ්න ”

මං ටවල් එක රැක් එකට විසි කරලා ඇදල පැන්නා..

“ඔයා මොනවා හරි හංගනවද ”

එයාම හරි ටොපික් එකට ඇවිත් තියෙන්නේ..

මං බෙඩ් ශීට් එකත් අරන් ඔලුවේ ඉදන් පෙරව ගත්තා… රනූට ටිකක් රිදුනම එයාම හැමදේම කියනවා.. ඔයා ගැන මං තරම් දන්නේ වෙන කවුද රනූ..

“සනූ..”

“මේ පැත්ත හැරෙනවා.. මං කතා කරන්නේ ඔයාට..”

“මට ඇහෙනවා ”

මං එක බිංදුවක්වත් හෙලවුණේ නෑ..

” මේ ඔක්කොම අර මැරයා දේශ් හින්දද..?”

ඔන්න ඔයා යන්නේ රෝන්ග් සයිඩ්..

“ඉන්නවා මං ඌට දෙකක් කියන්න..”

” ඇයි ඔයා එයාට දෙකක් කියන්නේ… ?”

“ඔයාට ඔයාවම පේන්නේ නැද්ද රනූ..”

මං ඇහුවේ බොහොම සංසුන්ව.. යන්තම් තෙමිලා තියෙන ඒ ඇස් දිහාම බලා ගෙන..

රනූ ලොකූ හුස්මක් ගත්තා.. එයා දන්නවා මං මොකක් ගැනද මේ කියන්නේ කියලා.. රනූ මගේ අනිත් කොටස.. එයා හිතද්දි මට දැනෙනවා..

“ආ.. ෆෝන් එක.. දේශට කතා කරන්න.. දෙකක් බැරි නම් පහක් හයක් වුණත් කියන්න..”

මං මගේ ෆෝන් එක රනූ දිහාවට දික් කරා..

එයා මුකුත්ම නොකියා පිලිමයක් වගේ මං දිහාම බලන් ඉන්නවා.. එයා තාමත් හිතනවා මට කියනවද නැද්ද කියලා..

ඔයා මට කියන්න ඕන රනූ.. මං යක්ශණියක් වගේ කෑ ගහලා අහනවට වඩා භයානකයි මෙහෙම සංසුන්ව අහද්දි.. ඔයා ඒක හොදටම දන්නවා..

එයා කම්බුල් උඩට සීරුවට වැටෙන කදුලු පිහිදගෙන මගේ ලගින් වාඩි වුණා..

“සනූ.. මට සමාවෙන්න.. ඒත් මට මේක කියාගන්න තේ..”

ශිට්ට්ට්ට්ට්ට්ට්.. රනූ තවත් මුකුත් කියන්න කලින් රනූගේ ෆෝන් එක වැදුණා..

රනූ එයාගේ ෆෝන් එකත් අරන් මං දිහාත් බලලා ඇදෙන් නැගිට්ටා..

හරිනේ.. ඔය කතා කරන මලයකා ගැන කියන්න හද්දදිම ඒ යකත් කතා කරනවා..

රනූ ෆෝන් එක ආන්ස්වර් නොකරම එලියට යන්නයි හැදුවේ..

ඉතින් ෆෙන්ස් මං තවත් සිල් රකින්නද..

මං අඩියට දෙකට රනූ ගාවට ගිහින් එයාගේ ෆෝන් එක උදුරන් පොලවේ ගැහුවා කෑලී කෑලි වලට කැඩෙන්න..

රනූ මං දිහා බැලුවේ හරියට මං එයාගේ ඉස්සරහ මිනියක් මැරුවා වගේ.

“සනූ.. මොකක්ද ඔයා මේ කරේ.. මොකක්ද ඔයාට මේ වෙලා තියෙන්නේ..???”

රනූ ඉන්නේ හොදටම බය වෙලා.. එයා කොහොමත් මේ වගේ චණ්ඩි වැඩ වලට බයයි..

“ඇයි දැක්කේ නැද්ද.. දැං කෝල් කරපු එකා හතර පස් පාරක් තමුසෙට ගනී.. හෙට උදේටත් ගනී. බැරිම වුණොත් හෙට හවසට තමුසෙව හොයා ගෙන එයි..”

තප්පරේට වැනිලා අයිස් ක්‍රීම් එක දිය වුණා..

“අනේ සනු..”

රනූ ඊළග තප්පරේ මාව බදා ගත්තා.. ඊට පස්සේ නොනවත්වා අඩන්න පටන් ගත්තා..

එතකොට නම් මගේ චොකලට් හිතත් උණු වෙන්න වගේ..

“කියනවා.. තවත් මේ මගුල දුර දිග ගෙනියන්නේ නැතුව.. ”

මං රනූව එක්කන් ගිහින් ඇදෙන් වාඩි කරා..

සුරංගනාවියක් වෙන එක හීනයක් වෙන්නේ මේ වැනිලා කෑල්ල මෙහෙම අඩනවා දකිද්දී.. මෙයා දිය වෙද්දී මගේ යක්ශණිට ඔවර් ටයිම්..

” රනූ.. මේ බලන්න.. කියලා ඉවරයක් කරන්න..”

මං රනූගේ මූණ මං දිහාවට හරවා ගත්තා..

“අරූ කෝල් කරා.. ඔයාට කියන්න එපා කිව්වා..”

“කවුද අරූ..?”

“සංතූශ්..”

යකෝ ඒ පගර නැට්ටා මොකටද ආයේ නැලවෙන්න හදන්නේ..

“ඒ මොකටද..”

“සනූ.. ඔයා දන්නවනේ අපි ගොඩක් ආදරෙන් හිටියේ.. මට එයාව නැතුව බෑ කියලා හිතුවේ. ඒ තරම් එයාට ආදරේ කරා.. ඒත් මේ හැමදේටම පස්සේ මං හිත හදා ගත්තා.. ”

“ඒත් ඌ මට ආයේ කතා කරා..”

“මං ඇහුවේ මොකටද කියලා..”

හැමදේම කරලා අන්තිමේ දාල ගිහින් ආයේ කෝල් කරන්නේ හොදකට නෙවෙයි..

“එයා ගාව මගේ ෆොටෝ තියෙනවා.. අනේ සනූ.. මං එයා කියන විදියට වැඩ නොකරොත් එයා ඒවා එෆ්බී දායි.. ඉන්ටර්නෙට් දායි.. මාව නැති වෙයි සනු. ”

රනූ තව ගොඩක් දේවල් කිව්වා.. කිය කිය ඇඩුවා.. ඒත් මං කරේ කල්පනා කරපු එක.. ඌට අච්චර සිංහලෙන් කියලත් ඌ අපේ පාරෙන් අයින් වුණේ නෑ.. ලැට් බාල්දියත් අරන් අපේ පස්සෙන්ම එනවා ඇදගෙන නාගන්න..

රනූගේ හිත දෙවෙනි පාරටත් හදලා නිදි කෙරෙව්වේ හරිම අමාරුවෙන්.. මේ තරම් දෙයක් මගෙන් හංහන් ඉන්න රනූ හිත හදා ගත්තු විදිය නම් මට මාර ප්‍රශ්නයක්..

කමක් නෑ.. දැං මං ස්ටෝරිය මුල ඉදන් දන්නවනේ..

උබ එහෙනම් ආයේම රනූව ඇඩෙව්වා..

මේවට අර පප්පත් වග කියන්න ඕන.. ඔයත් මේවා දැන ගන්න ඕන දේශ්..

ගෙවුන රෑ පුරාම මං හිතුවේ මොකක්ද කරන්නේ කියලා.. අරූට මෙහෙම කියලා හරි යන්නේ නෑ..

හරියට නින්දක් නැති නිසා මං නැගිට්ටේ සොම්බියෙක් වගේ.. දෙපැත්තට වැනි වැනී.. රනූ මටත් කලින් නැගිටලා ඇදේ වාඩි වෙලා ඉන්නවා..

“ඒ තරහද හලෝ..”

“ඔව් ඔව් වදේ.. අද වැඩ ගොඩයි අප්පා. එනවා යන්න..”

අපි වතුරත් ඇදලා උදේම නාගෙන ලෑස්ති වෙද්දිම දේශ් ඇවිත් ගේ ඉස්සරහ හෝන් කරනවා..

එයා රාජ කුමාරයනේ.. අපි වැදගෙන යන්න..

වැඩියෙනුත් විනාඩි පහලොවක් විතර අරන් අපි පාරට ගියා.. දේශ් ඉන්නවා පුපුර පුපුර .

ඉතින් මට රෝස් පාන්ද..

මං සද්ද් නැතුව….

___________________________________________________

ඊයේ මළ ගෙදරක ගියා.. එද්දී අද පාන්දර වුණා.. ඒකයි කතාව නැති වුණේ.

ඉතින් ආදරෙයි පැලෙන්න ?❤❤️❤? හැමෝටම

හැමදාම මාත් එක්කම ඉන්නකෝ ?

ඊලඟ වර්ශාවෙන් හමුවෙමු
බුදු සරණයි.